Read full review
2025-07-25
42 views
穿過元朗裕景坊嘅舊街市 呢間「📍勝利牛丸」阿公阿嬤嘅聚腳點1982年開到而家 裝修仲係舊式圓櫈鐵檯 午市依然坐滿白髮熟客👵今次就同大家拆解 呢碗承載住元朗人集體回憶嘅「🐮牛三寶」係寶定係草?【牛筋牛腩牛丸三拼🍜】牛筋×牛腩×牛丸 堆到瀉晒嘅肉量 打工仔睇見即刻眼濕濕✨ ▪ 牛筋 炆到似啫喱咁duang duang聲!膠質黏唇得嚟唔黐牙▪ 牛腩坑腩部位算靚 筋膜分明🐄 可惜炆嘅火候唔夠穩定 走水未夠徹底 有輕微嘅羶味 建議淋一匙秘製辣椒油🌶▪ 牛丸口感的確係爽彈過乒乓波🏓咬落仲噴肉汁但同潮汕牛丸比就輸蝕 牛味偏淡 似純肉筋感欠香濃油脂感▪ 湯底牛骨熬足鐘數嘅湯底 偏鹹 淡口人士建議叫「少湯走冬菜」🚨【紅豆冰🧊】杯底嘅紅豆煲到綿密起沙 似紅豆蓉裹住碎冰 甜度克制唔膩喉奶香醇厚到似食緊固體紅豆雪糕🍦 食完三拼啱啱好解鹹👍👍
1982年開到而家 裝修仲係舊式圓櫈鐵檯 午市依然坐滿白髮熟客👵
今次就同大家拆解 呢碗承載住元朗人集體回憶嘅「🐮牛三寶」係寶定係草?
【牛筋牛腩牛丸三拼🍜】
牛筋×牛腩×牛丸 堆到瀉晒嘅肉量 打工仔睇見即刻眼濕濕✨
▪ 牛筋
炆到似啫喱咁duang duang聲!膠質黏唇得嚟唔黐牙
▪ 牛腩
坑腩部位算靚 筋膜分明🐄
可惜炆嘅火候唔夠穩定 走水未夠徹底 有輕微嘅羶味
建議淋一匙秘製辣椒油🌶
▪ 牛丸
口感的確係爽彈過乒乓波🏓咬落仲噴肉汁
但同潮汕牛丸比就輸蝕 牛味偏淡 似純肉筋感欠香濃油脂感
▪ 湯底
牛骨熬足鐘數嘅湯底 偏鹹 淡口人士建議叫「少湯走冬菜」🚨
【紅豆冰🧊】
杯底嘅紅豆煲到綿密起沙 似紅豆蓉裹住碎冰 甜度克制唔膩喉
奶香醇厚到似食緊固體紅豆雪糕🍦
食完三拼啱啱好解鹹👍👍
Post