Video
Above information is for reference only. Please check details with the restaurant.
當日十五，晚餐就挑在這裡吃。從沒來過，好在備有錦囊：由崇潔街入，所以也不難找。門外有桌子放滿了食物樣板，近門口處有玻璃櫃一個，放了不少鹹點甜食。店不大，快餐格局，沒有裝潢，但幾清潔，約有十來個座位，己有一家三口印度人在用餐。來招呼的是個印度女士，都不會很熱情(對鄉里亦如是)，但廣東話英話都曉。餐牌有中文，不然用手去指都行。點了兩個素角(samosa)，兩個套餐（一為咖哩素雞連酥餅及沙律，如圖；二為咖哩菜、咖哩豆、薄餅、白飯及沙律），及另加一件酥餅。先來前菜脆薄餅，用來蘸的兩種醬料用膠樽另上，要用擠的而非用小匙在小碟中搯的，感覺特異。味道呢，三者都不過不失。但小店都免費送前菜，都算有點堅持。素角仍是咖哩薯仔餡，即叫即翻炸，所以送來之時是熱辣辣的，也不油膩。味道比較單純，香料味沒有複雜的層次，但都好吃，而且只售十元兩隻，抵。每個套餐都是用有間隔的金屬碟盛載，也是熱辣辣，份量都足夠。追加了一份洋蔥圈，但原來是不脆的，粉都幾厚，但有一股香料的味道（忘了是啥）。也是熱辣辣的不油膩。套餐包一杯飲品，可選汽水茶啡。但我們想喝Lassi，女士說套餐不包，於是我提議補回差價，她歪著頭想了一想，也答應了。芒果Lassi，味道濃郁，好喝，單點也不過十三元，份量都慷慨，這晚的驚喜。味道是可以更好，例如酥餅可以更鬆一點，咖哩味道嫌層次不夠豐富，可是我用來比較的都是比這裡貴的店子──吃了這些，才一百三十元不到。坐了一個鐘，很多鄉里買外賣。臨走時跟女士談了兩句，說很喜歡Lassi和酥餅。一直很cool的她笑了。會再來吃甜點的。
continue reading
半夢半醒之狀態下,"夢遊"到崇潔街一帶.專業咖喱王在崇志街的舊址,一早變成印度素食店.店子少少,某個下午,人客全部也是阿Singh,除了我.小食櫃各式印式小食紛陳,連印式炸薯條也有.恕我無知,點上咖喱粉"?"去炸薯條,就為之印式?全部一早整定,沒有多大興趣,還是實實在在叫個午餐.圖中的Dal + Rotis set lunch,即是是日兩種豆類加乳酪,再加兩塊印度烤餅跟白飯,奉送印度即拉奶茶一杯,盛惠$35.味道如何?青色的一邊比較辣,紅色的一邊就並不辣,乳酪不大酸,質感較稀薄.小弟並不熟印度菜,尤其為印度素菜,評價就是如此地膚淺.不過,杯Masala拉得很香滑,飲落帶點點辛辣的味道,對我飲慣港式掛杯奶茶的"港仔",又學多一樣東西.
continue reading
估唔到紅磡都有咁有特色既印度平野食, 我以為依間只有糕點賣, 原來有印度薄餅食! 我食左個餐有飯, 有薄餅既餐, 仲有黃咖喱汁, 白色既乳酪汁, 同綠色既菠菜泥, 幾好食! 跟餐個杯masala印度奶茶好香好滑, 正!間鋪頭好似係家庭式經營, 環境幾乾淨, 座位不多, 不過好熱, 可能無開泠氣.下次要試埋其它未見過既小食, 好似炸西多士, 炸椰菜花, 炸青椒, 金黃色既炸薯條......, 同埋印度糕點!可惜既係, 雖然係素食, 但係好熱氣, 食完要飲杯涼茶!
continue reading
話須「馬頭圍」，但實情此店瑟縮在馬頭圍道同崇潔食街之間的巷仔內。此店由一印巴藉家庭主理，服務的也是住在附近的印巴藉人士。雖然是素食店，但款式已多到眼花繚亂：櫃面的pakora（炸物）已有五六款，還未計samosa、不亞十種的印度甜點、和即叫即整的大製作、即叫即拉的masala tea 等；再加上唔係pure vegetarian（有奶有芝士），所以絕對唔覺得寡。先來一客Green Chili Pakora w/ Cheese：個炸物原本係一大條，翻炸後切成四大件；吃畢，證明了：（一）炸物係新鮮的；（二）油不是萬年油；（三）條又大又尖頭既青椒，係俾人切o左個頭，o係無去籽既情況下俾人狂塞D印度芝士後再炸，所以脹卜卜，也熱「辣辣」，火爆十足。個大波叫poori，即製，構造同製作原理同沙翁無分別，不過係鹹既，且唔係度度都有得食。口痕，再試兩味甜食：Gajar Halva 係胡蘿蔔布甸，係胡蘿蔔絲加椰絲壓焗而成，翻叮熱食比想像中容易入口，唔係「索索聲」o個隻，又唔係稔pat pat o個隻；Pistachio Burfi 係開心果加甜奶弄成的布丁，由於開心果隻味本身都比較弱，所以碰埋甜奶，幾乎逃之夭夭（但慢慢嗒係有既）。食得咁雜咁飽，都盛惠少過佢最平$28 既set lunch。
continue reading
今日lunch 到這裡買外賣，我要了一個雜錦乳酪、一個薯仔酥餅，加一杯mango lassi，雜錦乳酪係好多不同的蔬菜加yourgut, 點酥餅就好好味, mango lassi真係好好味，又夠凍又有芒果味，酸酸地, so far我試過o既lassi呢到係最好味o既﹗
continue reading