小南國狀元樓 (Closed)

今日去食晏，打開個菜牌發覺唔同，以前有相片，依家剩得字,仲少一菜式，好似菜煨麵同雞煨麵咁，問個侍應，佢話夜晚就冇o架啦！依家晏晝可以特別幫我做，嘩！咁隆重，都係唔要囉！仲有就係大部份菜式都加價，粗略估計起碼加兩成，真犀利。叫了個蝦仁蛋炒飯，灌湯生煎包同蟹粉小籠包，首先講個飯，以前炒得好乾身同好好味，今次真係差好遠，飯唔夠乾身，蝦好細隻，最差係冇味道，要搵坐低便有餐前小食辣蘿蔔，仲要成78蚊，茶餐廳都好過佢多多聲，真冇癮；蟹粉小籠包一般喇，有5隻，但其中一隻好似冇乜蟹粉喎！仲有皮比較厚；生煎包好似都差，冇以前咁好味！整體真係好失望，埋單要207蚊，足足比以前貴百分之二十有多，最慘係唔好食嘛，我老婆就話以後都唔去喎，唉....又少一間選擇啦！

這是我和好友的二人晚餐。曾到訪過尖沙咀那一間，覺得OK，所以路過CWB 這間也就進去了。夜晚不算多人，不用等也有位。餐牌上不是所有item 都有。餸菜比較細碟，但最致命的，是食物裏有味精！我和朋友都有味精敏感的問題，一嚐那道雲吞雞便知出事了。

My friends came from overseas for a holiday and I thought it would be nice to bring them to Xiao Nan Guo for dinner. I reserved a table two days in advance and was stunned upon arrival. The reception area at the entrance was flooded with people, not walk-ins, but with reservations. It was an absolute chaos. Not a single person was queuing up. I squeezed my way through to the reception counter, feeling like I was in Mainland China. Anyway, it turned out that my booking was recorded under the wron

小籠包- 皮薄多汁，唔錯叉子燒- 叉子燒餅唔夠熱，亦唔夠脆，肉末味道就不錯冬菇麵筋煲- 味道不錯，但太油膩中環果間環境舒服d，又大d，所以都係鍾意中環果間多d！

5 August 2007 (Sun) - 晚飯同朋友黎呢度一試，我未黎過成日嚷著要黎，終於黎咗又覺得好一般，冇驚喜．．．一坐低就問人飲乜，然後問要咩茶，我話轉頭先，跟住我個friend見佢迫人要叫嘢飲咁，咪叫咗杯豆漿，點知個waitress又再問要咩茶，早知係咁就唔叫杯豆漿啦，真係~~個waitress又冇笑容．．．　頂～～～兩個人叫咗個普通五隻既小籠包，一碟醉雞，一碗擔擔麵，同一個水煮牛肉！醉雞一黎，我同朋友都呆咗，咁細個碗裝住咁小既雞，好唔大方呀．．．仲要我通常食醉雞都係凍盤，點都會凍凍地，今次呢個，係熱盤咁，其實係室溫，好古怪，酒味一啲都冇．．都算係一個差既醉雞！跟住個擔擔麵，睇落好似幾辣咁，紅紅地，但係食落其實冇乜味，麻醬味又冇，辣味又冇乜，總之就淡啦！跟住個小籠包，都算唔錯既，雖然個皮較厚，但係勝在夠多汁！最後個水煮牛肉係一流！啲牛肉夠淋夠鮮，入面有好多油麥菜，有啲筍，有啲翠肉瓜，個汁夠辣味，唔錯！唯一係水煮牛真係好油！我成日以為呢間嘢好正，但試完都真係好一般，有緣咪再黎囉，無緣都由得佢啦！

上星期老友約左我去食上海菜,在他極力推介下去左"小南國"我地是街上找了好耐好不容易才找到,上左2樓才見丁小小的小南國門口,真是鋪如其名.原來找好野食是要抬起頭黎找ga!我地一行4人叫左小黃魚雲吞雞湯毛蚧年糕,生煎包同你個waiter 極力推介下我地食左時令ga 什麼"交白"的東東,味道唔錯!是wo!值得一提ga 是涼拌面,口感一流，而且是大熱天時涼涼ga 不錯r!而個夏日特飲柚子蜜都好好飲!而d 服務好細心,可能是鋪細的原因招待得好好而且體貼.不錯!不錯!服務有水準但價錢都是大眾化,埋單都是6百左右,今時今日有咁ga 服務態度真是難找,值得再去!!但美中不足ga是冷氣不夠!希望下次去他們有改善!

上星期五同女友去銅鑼灣小南國恒和店食晚飯.訂左七點枱.上星期五同女友去銅鑼灣小南國恒和店食晚飯.訂左七點枱.七點到,職員問可唔可以八點半前走.我地無問題. 坐低…叫左蟹粉小籠飽(5隻),擔擔麵, 酸辣湯(平均每人兩碗)味道唔錯!! 但係一路食,一路覺得職員好煩,o係你面前執依樣執個樣最差就係, 我地一食完,即刻所有野都收晒,連未用過o既毛巾都收埋!!跟著更加離譜,有個職員拎住個menu走o黎問要唔要甜品,我地話唔要.一分鐘後, 另一職員走黎問係咪埋單??…(我地無叫過埋單, 當時只是八點十分)趕客走依種服務態度完全不知所謂!!!!唔會再去!!

星期五晚去食，沒有訂枱，真的等了很耐．　食物味道一般，不突出．但環境真是十分擠迫，很吵．真是失望！！

一心打算慶祝同事生日，我們一team10人訂定位食大餐﹗叫左好多，有小籠包，生煎包，冷盆前菜，小排骨，仲有其他，多都唔記得。不過，印象最深刻都係酸辣湯，又唔酸，又唔辣既酸辣湯﹗一陣勁強烈的胡椒味，行個碗都打噴嚏，我地10人都覺得唔ok，同個waitress講，佢一d反應都無﹗如果我地想飲胡椒水，駛乜比咁多s??去超市買支加水都得啦﹗容人出到聲都無反應，咁既係乜服務態度?btw,一坐低發覺冷氣唔多夠，叫個waitress教大d，食完餐飯仍然咁熱﹗去大排檔就話預左熱，家陣叫做寺間餐廳，竟然好似仲衰過大排檔﹗我地埋單成八百幾蚊架﹗值得一笑，係有個waitress勁似十幾廿年前的DJ林公子，一字濃眉，包包面﹗算是一餐咁難食LUNCH一點安慰﹗起碼有啖笑﹗

前幾天相約一班朋友食飯，有人提議想食上海嘢便再去，叫了生煎包、雞煨麵、糖醋排骨、砂鍋雲吞雞，糯米燒賣同小籠包，生煎包仍然係有水準嘅煎得個底剛剛好，不過今次就厚咗DD囉，雞煨麵、糯米燒賣都OK，小籠包一般啦！糖醋排骨就差咗少少，至於砂鍋雲吞雞可能加咗金華火腿好香同好有雞味，D雞都算滑，而雲吞就好似多咗少少肉喇但都真係好好味！不過地方就迫咗D，坐起來唔係咁舒服囉，想坐得好D就要去尖沙咀喇！

二人同行好夜先食飯,呢到坐得舒服加上叫每樣餸都可以細細碟,叫多d都唔會太飽,但今次無試小籠包,反而試左真好好味的蟹粉小籠包呀! 餡料多過鴻星,味道,外貌和體積兩者都不相伯仲,而湯汁方面鴻星略勝一籌!但呢件蟹粉小籠包經已搶晒鏡啦! 另外,有打算叫雞絲粉皮但小南國的粉皮是叫作捧捧雞,所以無叫到,其他有上湯雲吞雞窩和葱拌醬麵.整體好好,今晚無試甜品,因為大家今晚都飲飽食醉!

2007的母親節的前夕，本人致電貴餐館查詢有關母親節當晚的菜單。當時，該服務員說當晚有套餐及散叫的安排。可是，本人一家到達貴餐館時才被正式通知當晚只有套餐供應，以六人套餐作參考，每位消費大約為港幣250。為何要說謊?

5.12 (sat) lunch預早慶祝母親節。家姐ｂｏｏｋ檯，最初俾二樓門口第一張檯俾我地，但家姐唔收貨，所以就有三樓一張掂好多o既檯。4個大人1個小朋友叫左個四人餐($699)：最鍾意1、2、71)冷盤- 樣樣都唔錯，尤其係魚、烤麩2)生煎包- 幾好，煎得唔錯3)蟹粉豆腐- 幾滑，唔敢食太多，因為skin allergy Y_Y4)蝦xx - 好爽o既蝦，只係敢食兩粒，又費時皮膚超痕5)紅燒xx - 其實係豬腩肉。雖然好肥，但肉o既部份都好入味6)菜- 冇乜特別啦7)甜品酒釀丸子- 桂花好香，清清地甜甜地，好正用東亞卡送個花生酥，味道ok o既，幾精巧。service…原本都ok，係就係好密咁同我地換碟，但阿哥哥仔收碟唔小心彈到幾"達"汁落我個袋度，我又好明顯咁抹袋，佢一句唔好意思都冇-,-計埋茶錢都幾貴囉($810)

噚日中午再去食晏，叫了灌湯生煎包、雞煨麵、糖醋小排骨同小籠包，生煎包仍然係好有水準，雞煨麵都好好味，糖醋小排骨一般啦！至於小籠包就好唔掂，唔係涵問題，而係個皮出問題，就係太厚啦！小籠包皮應該薄而不穿就最好，佢就做到好似鍋貼咁厚，所以下次都係唔好叫啦！仲有呢度冷氣真係唔多夠，越食越熱，搞到成身汗，要改善啦！

呢日大年初三，我地三條友來到小南國食飯，因為一定有豬食嘛。我地叫左灌湯生煎包、千張煲、薺菜百頁卷同雞煨麵。灌湯生煎包幾有新意，將小籠包同生煎包既最好味之處合二為一。個生煎包好多汁，爆汁呀！遲ｄ食ｄ汁都漏出來，所以一定要即刻食。千張煲原來係豬肉呀、火腿同冬瓜煲，我地本來以為係ｄ勁肥既豬肉煲，點知咁清，幾好味。個薺菜百頁卷就係冷盤，不過就鹹左ｄ。最好味就係雞煨麵，好香雞味。其實初初都以為唔夠食架，食食下都幾飽，而且都唔算太貴。