好鍋日子

Open Now

Now Closed

呢間好多人排隊，可以用app攞定位，但如果過太多，就要重新排過。首先講下環境先，我好鍾意入面格局，大部分都係面壁一橫過，一個人食不尷尬，而且十分舒適，用色都好日系野食方面，d嘢食個樣都好靚，明顯比起快餐店的一人火鍋係靚d呢間有兩個特別之處 第一，我就叫左茸美人鍋，係啫喱狀，煮完會變水狀，另外，加左玉子雜炊飯，我覺得有得自己煮下，幾好玩，味道幾好味最後我加埋海鮮，味道都ok，不過加完都發現幾貴，就黎食到平時嗰啲任食既價整體上，我覺得係正嘅，食完都有新鮮感，開心，冇伏既，下次會再去，但應該唔加海鮮

話說同屋企人過生日，又未食過呢間，就去試吓。去時6點鬆啲，冇乜人，店員都算客氣，咁就叫嘢食，食物好快就到，食物方面係好味的。食到中段，店員開始過嚟不停收嘢，我開頭仲以為咁好服務，點知有個眼鏡男店員對賬單過嚟話你睇吓齊未，齊就可以埋單。屋企人仲未食完，諗住加食物，點知截左單。咁我問入嚟前問過有冇限時，話冇，坐低食到咁上下呢個4眼佬話限時。我仲有個飯未食，熱辣辣咁叫我快啲食，咪阻住下台客，好多人排緊。我望向門口，都冇人排緊😡😡 最後唔想屋企人生日攪到唔開心，只好事旦食咗兩啖就算，買埋時，又遇到呢個4眼佬，係我前面有鬼佬買單，佢就笑到狗頭咁，我等左5分鐘，睇住你哋吹水，我忍，到我比錢放低時，佢即黑面話等等，然後慢慢整理之前啲單，要我企幾分鐘，再收錢。等我忍，買單如果人多忙，可以理解，雕你門口冇人，得鬼佬同我埋單，我係咪食完，仲食緊，被你催買單，又同我黑面。🤬好食都唔會再去，咁嘅員工，！

雖然住東涌，但好少可行outlet, 都係難得同朋友行，佢提議食呢間 ，去到門口拎飛都要等成30張枱，而等緊期間已經聞到一大陣藥膳味，所以就決定食藥膳湯底$198包三款牛，和牛最好食，牛五花就麻麻地喇 ，可能有比較就有傷害啦，個湯底好濃幾好飲，就算加左兩次水都唔稀，服務態度非常之好，個位又乾淨，汁醬位亦都好乾淨，食得好開心，雖然限75分鐘，但我覺得都夠時間，又唔係任食，食個餐其實夠哂。第二日我同男友再去食，今次我叫左茸美人湯底，包兩款牛，個湯底又係好濃好好飲，而男友就叫左藥膳湯底，佢都話正，侍應上牛果陣其中一塊和牛跌左少少落張枱到，其實我地都冇所謂，點知轉個頭，個男侍應補返一塊俾我地，真係非常之貼心，好鐘意呢度嘅服務，我連續食左兩日都非常滿意，會繼續幫襯😌

去完迪迪尼順便落埋東涌食晚餐~這間一人一鍋很好，滿足唔同人需求食得辣嘅朋友叫左個「胃覺醒鍋」鍋湯底：黃金酸菜湯，包牛五花和豚梅肉（驚唔夠飽，加大左份量）初初都真係有啲辣，但又好過癮，真係幾開胃～唔食得辣嘅我叫左最普通嘅「和式昆布湯」鍋包牛五花，加錢叫玉子雜炊飯（後上）本人覺得豚肉好食過牛肉，不過整體都OK輕涮三秒倒即熟，口感柔嫩但又帶點嚼勁打完邊爐用剩湯玩煮飯仔玉子雜炊飯將生雞蛋打入剩餘湯底，與米飯慢煮至綿密濃稠加埋啲黑胡椒、蔥花，又真係幾惹味😋但我地玩野，食幾啖又加埋本身枱面提供嘅調味料溝埋嚟食，好似試緊唔同款嘅口味😌其實本身我食完個鍋都飽左，但整完個飯，都係冇停口咁繼續食😆

今日午餐時間，去咗呢一間好日子打邊爐做午餐。一坐低見到有午餐lunch set，價錢唔算貴，最平嗰款$100內就有交易，而且套餐包括一份肉類，一盤蔬菜，同一碗飯，女仔嚟講十分之夠飽。不過同時，加$9可以加多一份關東煮。其實呢間餐廳性價比好高，都係朋友帶我去先認識，再一睇，原來都唔係好多地方有分店，全香港暫時得兩間，一間喺九龍城，另一間喺東涌。今次就係東涌分店試咗，午餐時間唔算太多人，應該係未有太多人認識呢間餐廳，同埋午膳時間可能大家都未有咁多時間可以打邊爐。

之前食過一次覺得都幾有性價比，所以先嚟食第二次，結果就有個識變臉嘅店員嚟串你。廢時再享呢間餐廳浪費咁多時間，簡單概括幾句：服務方面：- 等位等半個鐘以上，見人哋過號先番嚟又入得。所以我哋一開始好聲好氣問個店員，點知佢用一種想嘈交嘅語氣對你呼呼喝喝- 入座之後呢位店員就突然態度友善咗- 正因為個店員噉樣變臉法，令我同屋企人覺得好不適，所以我哋決定投訴- 投訴結果就係個店員話唔記得有件噉嘅事，同埋話忙得濟，希望你繼續幫襯之類食物方面：- 味道ok，但未好味到可以包容惡劣服務態度嘅程度- 如果食炊飯，正如其他食評所講，昆布湯底會好啲，如果唔係會太鹹- 今次我食烏冬，但可能麵條本身都帶鹹味，配酸菜湯底好鹹- 對我嚟講醬油太甜，不過日式火鍋通常都係噉所以不過不失其實隔離同一集團旗下嘅一人燒肉都一樣咁忙，但嗰邊嘅店員服務態度好好多，見就嚟叫到你就會同你跟進番就嚟有位呀、已經執緊枱之類，而且入座安排都合理啲（至少唔會過咗號都keep住叫）。如果冇話好想試炊飯建議過隔離食燒肉，唔洗嚟冒要受氣嘅風險。經過今次我估我半年至一年內都唔會再踏足呢間餐廳。

呢間火鍋店走日式一人一鍋路線，用手機掃QR code 落單，好方便。套餐選擇多，而且可以自由轉湯底，我哋就揀咗「胃覺醒鍋」，之後其實唔使加錢就可以轉其他湯底。好似平過就咁自選。🥩 套餐內容：$88/位（胃覺醒鍋）每個套餐包150g牛五花 + 50g豬梅肉，肉質新鮮，牛五花油脂分佈平均，涮完唔會柴，入口滑溜有油香；豬梅肉則比較瘦身，帶少少嚼感。份量唔算誇張多，但以呢個價錢嚟講，一人一鍋剛剛好。🍲 湯底選擇壽喜燒鍋：湯底鹹甜平衡，煮牛五花好正，愈煮愈入味，涮完唔駛點醬都已經夠香。藥膳白鍋：湯底清香帶藥材味，唔會太濃或者太燥，涮肉、煮菜都幾啱，加埋烏冬一齊煮，好入味。🍜 主食選擇我哋一個叫咗烏冬（+$4），一個叫咗公仔麵。烏冬彈牙唔會煮腍晒，吸湯後更有味，值得加。公仔麵就比較親民又夠飽肚，鍾意濃味嘅可以試吓配壽喜燒湯底，幾夾！😋 整體評價「好鍋日子」最大賣點係一人一鍋夠衛生，套餐包肉又可以自選湯底，靈活又抵食。以$88有牛豬雙拼，再加埋主食，基本一餐夠晒飽。適合想快靚正食個鍋，又唔想太heavy嘅時候嚟歎返個輕鬆火鍋。

東薈城名店倉又🈶新店了一人食火锅我真的太爱了🥹日式风格的环境好chill～.🏠:好鍋日子📍:東涌達東路20號東薈城名店倉7樓706號舖🕓:12:00-22:00 .💯套餐推荐:1⃣茸美人锅这个Set锅底原本是搭配养生的姬松茸汤 手机点餐可以换其他锅底📲试试浓鸡白汤怎么样！搭配鲜嫩Prime牛肩脊+肥瘦均匀的牛五花🥩+蔬菜🥬营养均衡💯珍珠饭还🉑升级为猪油渣杂炊饭🍚2⃣日本产黑毛和牛SET 这个Set是期间限定‼️以寿喜烧为汤底 还配🈶生鸡蛋🥚满满日本风味 黑毛和牛西冷和豚梅肉吃得出的高质👍套餐已搭配蔬菜🥬锅物及珍珠饭 在柔和灯光下用餐 真的很舒适～

見到東薈城七樓新開「好鍋日子」，主打一人精緻日式火鍋，乾淨衛生。餐廳走日式風格，設有卡位雅座，可選不同特色湯底如美人鍋、昆布鍋、壽喜燒、鰹魚味、藥膳白鍋等，配合蔬菜拼盤+豐儉由人牛肉+日本米白飯（可升級轉做炊飯）。壽喜燒湯底比較偏甜，老實講唔太適合做炊飯，否則食落去會似啪緊啲糖。蔬菜組合包括紅菜頭片、蘿蔔片、金菇、生菜、娃娃菜、豆芽數條，整體新鮮，唯份量較小。總有兩舊獅子狗卷和蜂巢豆腐可以吸收湯底精華。牛五花肉質鮮嫩，牛味香濃，色澤均勻，淥十秒已呈粉色，好香夠曬精選。自家體驗炊飯，食到得番三分之一湯底，加入白飯，加入黑椒和蔥花，收汁食得。壽喜燒好濃稠，食左朋友叫既昆布湯，味道平衡好多！總結：有得玩有得食 會再回顧

這間好鍋日子是新開的，就在東薈城7️⃣樓，和式簡約木系muji風格，1️⃣人1️⃣🍲鍋，每個套餐均搭配新鮮的蔬菜＋鍋物盛合，色彩繽紛，肉菜🥩🥬營養平衡，最便宜的只要6️⃣8️⃣，就享受肉品➕鍋物 ➕蔬菜🥬🥕🥗➕🇯🇵白米飯🍚套餐，鍋物盛合可以自由選擇自己升🆙級爱吃的肉類，有🇯🇵產黑毛和牛肩胛肉、🇺🇸SRF和牛肩胛肉眼心、美國牛小排、Prime 牛肩脊、🇯🇵產豚梅肉、各類海鮮等滿足各位肉類愛好者的不同口味。食完鍋物結尾來個飲飯自煮，好特別，除了2️⃣人4️⃣人座之外，也有很多1️⃣人座，ℹ️人表示開心

今晚見到東薈城7樓新開咗一間火鍋店、就入去試吓，我是第一卓客人、入去坐低一名侍應放低張QR code就行開了什麼都沒有介紹，對比隔離都係新開嘅牛角就差很遠，年初二都試過牛角起碼入到去會簡單介紹一下菜單、同一集團服務質素差太遠了、當時沒有其他客人只有我一卓、三個企埋一邊、叫了兩個套餐、食品一般、食食吓個侍應拿張單俾我話比我聽你仲有十幾分鐘就夠鐘、吓😩、我真係唔知原來用餐只得75分鐘、圖片二同三都係無食就走左、 我坐低完全冇人同我講過、如果我知用餐只有75分鐘、我一定唔會食、因為係晚餐、兩個人4佰幾蚊、無下次