西佑定食屋 (Closed)

星期二, 晚上8:00PM, 岩岩滿哂, 不過等左一陣就入座.好多款式既定食, 而且又小食, 飲品. 諗左陣終於揀到. 落完ORDER, 食物都好快到.南蠻炸雞 :岩岩炸起好夠熱, 軟淋多汁好嫩滑, 分量都算多, 有6-7件.配埋個醬汁食(有點青瓜粒), 惹味得黎少少辣帶微酸, 令到炸雞食落唔會膩.豬扒定食 :炸豬排好薄好細份甘, 而且炸粉皮厚, 豬扒肉質幸好都易咬鬆化, 也唔太乾.定食有湯同沙律, 分量同味道都簡單好味易入口.辣牛肉泡菜石窩定食 : 一送到熱辣辣, 要小心熱到手.立即拌勻再埔貼石窩, 令到有飯焦效果. 等左陣就開始食.比較辣, 所以個辣醬可以拌少D, 全部食到尾都熱辣辣, 做得幾好.材料雖然簡單, 但都幾豐富, 但牛肉碎, 而且過熟.巨峰梳打(左), 白桃梳打 (右) :加$8 (揀$15飲品), 揀左呢2款梳打.唔會好甜, 梳打清爽, 飲完悶氣全消.

呢間裝修都幾別緻嘅日本餐廳，經常經過都冇幫襯過，今日就試下它的下午茶，士多啤梨窩夫伴雪糕$39！下午茶時份，都吾多人，店內環境都吾錯，吾洗好耐就有得食啦！賣相好吸引，份量都幾多，但士多啤梨就吾多，但都甜嘅，一食窩夫，好失望，因為好硬，吾脆，又吾熱，好似煮好放左一陣咁，又厚又硬，好失望，至於個雪糕，係vanilla，一般！但窩夫真心吾好食，好硬，失望！我試我吾會再食呢間甜品，而日本野未試過，但興趣都大減了。

同朋友經過見到下午茶嘅時時候叫咗個石頭鍋飯，但有少少失望嘅係佢冇平時食開石頭鍋飯有啲"jaja"聲，冇個陣香味，就咁食就好似係食緊撈飯咁，但味道都還可以嘅，但建議食嘅時候啲醬唔好一次過撈哂，可以逐少撈。

凡假日既荃灣, 基本上好多食肆都要排隊, 諗住門口得幾個人, 但都排左半粒鐘.石煱牛肉飯定食 ~ 配韓食辣醬好野味, 飯無痴底, 又無變飯蕉, 幾好!雞肉蛋包飯 ~ D蛋幾滑, 雞正常, 但唔知點解個汁有牛肉碎粒響入面, 唔食牛既要小心D點.豬骨义燒拉面 ~ 呢個賣相好唔吸引, 义燒又少, D湯唔夠濃, 面唔硬正常.

9點嚟到，成間店冇咩人又冇人排隊，不過喺門口等咗15min個店員先俾入座。Total叫咗4樣野，3個飯1個沙律，一齊落order但竟然係2個石窩飯到先，(仲寫明要等15min嘅石窩飯)。 海鮮石窩味ok(忘記拍照)，應該係燒汁，甜甜地。但個蒜汁帶子石窩飯就太濃蒜味，蓋晒d海鮮味。 上面好大pat蒜泥，撈完都見到一大粒一大粒蒜頭。隔咗10min先到我個薑燒豬肉飯，仲要完全冇薑味😢。 4片豬肉，好多洋蔥，炒得太油，係極油。 d豬肉有8成肥肉連皮，食咗一半已經好漏。 個飯拎嚟又冇俾餐具，我朋友好禮貌同個經理講:唔該俾份餐具，跟著個經理叫咗waitress拎，得筷子，冇匙羹飲湯，朋友又同佢:唔該要隻羹。 個waitress話:你一次過講啦唔好係咁叫人。 態度好差。 沙律朋友食，唔評論。 d湯得個咸字😰。問 waitress 拎杯水，但佢地得熱滾水，食晒野杯水都未凍。 朋友出去買咗支水入嚟溝凍d，個waitress又話唔得(咁你就俾杯凍水我啦好冇)。

在報紙剪下第二個餐半價優惠券，去試下，沒抱甚麼期望，原來大有驚喜。點了泡菜部隊鍋定食，$69連麪豉湯、沙律、白飯，超值，鍋內有半個辛辣麪。一向都不大喜歡泡菜味道，這個湯竟然好好味，不是辛辣麪味精湯。點定食更可以免費加白飯，超讚。海鮮石頭飯，也是$69連麪豉湯、沙律。最怕石頭飯多油和飯焦硬，這個是我所吃石頭飯做得最好的，飯粒軟硬適中，三文魚和蝦由生變熟，十分有趣，質感很好。

晚餐時段我食過無數間日本定食店 這是最不可接受的 (價錢係平 但不至於如此差)今次我點了兩個定食1.泡莱牛肉飯2.滑蛋豬扒飯泡菜飯還好 夠熱 有味 但好濕滑蛋豬飯是一道菜 但真的唔明白為什麼可煮得這難 飯和汁已分開 超奇怪 最可怕的是汁&蛋&豬扒都好似垃圾一樣 蛋像水 汁多到似魚塘 豬扒起雪味超硬 真的好恐怖 當然Waiter的服務是差劣的 我話食物太生 佢拎去叮一叮就算 對唔住一句當然無 仲要“喵”我這是我生平肯花時間寫的第一篇食評

西佑定食屋...曾經食過一次...一致認為好評...可以再食...可惜...一直未有機會 ENCORE ...八月二日同親友去開附近...終於有機會再食...飲品上場...巨峰梳打...白桃梳打...我點的乳酸梳打...味道岩我...蝦子餅點的和牛定食...賣相好好好吸引...和牛半生熟...食落好嫩滑...我點的漢堡扒定食...肉質夠淋...入口溶化...中間好 JUICY ...三色三文魚定食...親友讚賞...拉麵...親友話湯底好正...麵岩岩好...唔硬唔軟...日式煎餃子...味道一般...讚賞過的牛油帶子同燒魷魚...點會錯過呢...耳猶未盡...點了兩個甜品...石碢炒雪糕...粟米片... OREO ...原來好夾...朱古力香蕉芭菲...價錢實惠...物有所值...只可惜...過左六點半...等位等到傻...純粹個人意見...請大家多多指教呢..

有日lunch time 與同事相約外出用餐，於是急急趕去西佑，為左叫到1：30前先有既午市套餐午市套餐選擇其實唔多，但為左雪糕，都係揀set 啦自己叫左石鍋泡菜飯，同行同事就叫左吉豬定食，三色魚生飯由於見$5就有得加咖啡就試了喜歡飲咖啡既人值得一飲！幾唔錯~(朋友加了柚子蜜，偷飲過，無咩特別，就係現成柚子蜜加熱水）泡菜飯，泡菜奇少@@，但味道，ok la! 都滿足到嗰一刻既心情既，但主要係醬+芽菜+飯，哈哈....最後就係雪糕！揀左比較特別既生羌味。意外的香滑同有奶味，食落似羌汁撞奶既雪糕版。朋友叫的柚子雪糕都好唔錯~夠滑有柚子香得黎又死甜總括黎講都好滿足！如果去食既人真係要試下雪糕喇

下午茶時間仲未食飯，行過這裏 叫了兩客定食， 石煱泡菜牛肉飯定食，點餐後10分鐘便送了過來 石鍋飯內有牛肉碎，芽菜，甘荀絲，菜，菇絲，泡菜，韓式辣醬，生蛋，下面大量珍珠飯 拌混後底部有點飯焦，牛肉太碎太少冇乜牛肉味，加上其他配菜都很淡味，整體味道很清淡滑蛋豬扒煱定食 滑蛋還有點生主角炸豬扒，炸皮跟豬扒散開，滑蛋的甜豉油味重，滲入了豬扒使略為濃味，豬扒肉質淋及新鮮，但炸皮有點油膩正如餐牌面所說，價廉物美的日本定食新提案，點了兩份定食，成為$133 ，味道還算可以

整體表現不俗！先來甜蝦帶子魚生飯，整體水準高，可媲美高水準的日本餐廳，帶子又大又滑，甜蝦大隻得來鮮甜美味:-*更重要，價錢合理！接下來的是，咖哩豬柳飯，表現不過不失， 醬汁有點黏稠，較適合 喜歡吃濃味食物的朋友！順帶一讚 ， 店內很照顧坐中間枱的顧客， 提供藤藍在椅下供客人放東西，很細心！

不知從何時開始，每逄星期六夜晚，我都就會約剛下班的媽媽外出共享晚膳。 我覺得能夠輕鬆浪漫地與媽媽二人「撐枱腳」，確實是一件幸福和珍貴的事。上個星期六晚(6月7日)，我們如常到荃灣覓食。近日天氣那麼悶熱，總是想吃些壽司刺身之類的食物，於是我提議到「西佑定食屋」這間位於AEON超級市場內的日式餐廳吃晚飯。老實說，我倆不時逛AEON 超級市場但都不發覺原來那裏有幾間餐廳，而且還也有不少人光顧。當晚我們約6:30 p.m. 在門外排隊處等候。店內有三四個侍應工作，一個男的不停招呼食客，幾個女的就不斷從廚房傳送食物，可是門外居然連一個侍應也沒有。而明明店內空位不乏卻無人指示客人入席，到底是要'攞飛'等位還是如何?沒有人知道，所以我們唯有上前詢問男侍應。最後約10分鐘左右我們才能進入。安頓好後我們就拿起樹立在枱上的菜單來看。店舖菜式挺多元化的，有各式定食、石鍋飯、碗飯和小食等，精美的圖片引起了帶著疲憊身軀的媽媽的食慾，她很快便選了款牛肉石鍋飯;至於本來想吃刺身的我，當然選擇了那個「三色刺身飯」。點菜期間，女侍應為我們奉上熱茶，茶是夠熱的，但味道偏淡。過了約十分鐘餸菜開始送到。先是我的「三色刺身飯」

西佑定食屋以木式裝置為主，簡潔的設計，帶一點日本風格。店舖樓底高感覺舒服。舖面的服務員不多，只有一男兩女。餐牌的設計方便，而且食物相片都很吸引。我們一行二人點了二份石鍋蒜香海老帶子飯。實物和圖永遠都有出入，賣相一般，因有多種配材但顏色一點都不吸引。言而，我欣賞它濃濃的蒜香充滿整個石鍋，而且飯也有一點點飯蕉。主角帶子的鮮味全被蒜香蓋過，但配材豐富有雲耳、蘿蔔絲、菜條、芝麻、芽菜等，口感不錯。沙律方面，菜、蕃茄、粟米上算新鮮。麵豉湯的味道、色澤和賣相與一般麵豉湯無異。餐廳的好與壞是在乎客人對餐廳的感知影響，大至上有四方面：環境、價錢、食物質素和服務。前三者，西佑定食屋都不錯，但服務方面，真的有進步空間。一入餐廳服務員反應已經很快，不過他安排的位子是有其他客人放袋的坐位，服務員主動要求客人拿走他們的袋，讓坐位給我們，我和朋友都感覺十分不好意思，而客人都感覺愕然。因此我立即要求另一張二人枱，但服務員誤以為我指的是四人枱，話他們只有一張四人枱空桌，不太願意給我們。那我就立即告知我要的是二人枱。之後朋友也對我說另一位服務員黑面倒水和收餐牌。還有正當我食用麵豉湯的時候，服務員要求收套餐盤。雖然服務員

尋日(8-3-2014 Sat)同男友落荃灣買餸,行一陣街後食啲o野至買,我o地求祈入呢間,我o地揀o左:1. $69.00o既石鍋蒜香海老帶子飯加$5.00要埋薑味汽水落單時,男友問可唔可以埋薑味汽水?女侍應話有埋沙律同麵豉湯.啊,原來有沙律同麵豉湯,不過我o地都照要.落完單,杯薑味汽水即到,飲吓先,sorry,我飲唔到咩薑味,只覺得係加o左少少味o既雪碧.而石鍋蒜香海老帶子飯都好快o黎到,我當堂熱晒,亦一路聽到吱吱聲響,我o地影好相後,男友就攪勻食得.中間o個pat係蒜蓉,淨食係有啲辣,攪埋後食,蒜味好香濃,令到啲飯好夠味;蝦被灼到o岩o岩熟,食完一碗再舀仍然好熱,同有飯焦,唔錯.而沙律呢,啲菜開始唔新鮮喇,除此之外都冇乜o野啦.深少少色o既麵豉湯就有啲鹹.2. $35.00o既南蠻炸雞落完上面o個樣後再加,亦好快到o黎,呢個都係熱辣辣,講真雖然話有Garlic tartar source,但我覺得只係普通沙律醬味(呢個係我未食石鍋蒜香海老帶子飯前已食一件),雞都係好熱,但內裡竟然仍有肉汁而且質地重係嫩滑,呢點係幾好.3. $19.00o既黑蜜糖雪糕食完上述o既o野後加o既,o黎到

最近荃灣西幾個商場的食肆輪著換，可能是因為鋪租不斷上漲的關係吧！由於紅螞蟻退出荃灣廣場轉到屯門營業，相對便宜的餐廳我和女友便頓時找不到於是就物色開在對面的新AEON內有否價格相宜的可以寄託。在AEON內逛著，看到西佑定食屋Menu，價錢與紅螞蟻相若於是和女友商量一試，進店後侍應們好像沒甚麼反應，但當時餐廳內並沒很多客人最後亦有安置我們，給水和下單，餐亦很快送到；可是總沒人加水，要常揚手侍應才會手動過來加水。^座位間寬闊，燈光柔和而且餐廳挺靜，適合喜歡靜靜享受美食的人^韓式牛肉石鍋飯：辣勁十足！除了牛肉是肉碎而且份量比較少外都不太需要挑剔石鍋夠熱，吃到底便是吃飯焦，這是正宗的韓式吃法而辣度就像去韓國時吃到的正宗版一樣，夠香夠辣！^免治豬肉蛋包飯：同樣肉的份量比較少，可惜蛋包飯不太夠熱跟餐的沙律很好吃，很鮮，但麵豉湯稍嫌淡味，像喝很多水的鹹味湯比較驚喜的是蛋包飯的汁是配了梅子醬進去，意外地和蛋包飯夾，不錯而且味覺新奇。#誇張嗜食 by 張誇 Nickel