Video
Telephone
65121628
Opening Hours
Mon - Sun
06:45 - 17:00
Above information is for reference only. Please check details with the restaurant.
星期三去完西貢灣仔露營出返嚟再搵嘢食，睇咗各大海鮮店四百幾蚊一位起跳，雖然都想食海鮮但係都係覺得貴，一行十一人行到呢間嘢門口見到已經爆曬諗住走，跟住姐姐話有位有位 嗰陣時先至下午三點幾，佢寫六點先有小菜我哋本身都諗住走，因爲想食小菜但係阿姐話連小菜都有，所以就入去試下。坐低叫嘢飲叫啤酒大羊腩煲，羊腩足料炆得好林，有支竹，蔥蒜，筍，冬菇，配料充足跟埋啲生菜薯仔黑椒雞翼，味道非常好，雞翼都好脆，我隱隱約約食到媽咪麵包粉嘅味道唔係好記得，因為非常肚餓，一黎到全部人狂風掃落葉，呢碟應該係黑椒排骨椒鹽鮮魷，好食啫啫雞煲，呢個普通，可以唔叫茄子排骨煲，好食，但都係普通蠔餅，非常多蠔，正嘅星洲炒米，呢度啲星洲炒米非常之辣，不過好食炒飯好食黑椒豬扒意粉，好食仲有個菠蘿油餐冇影出嚟，兩支啤酒，加好多汽水，埋單先1167，每人106蚊總括而言 抵食，好食，好耐未食過一啲咁有鑊氣嘅茶餐廳雖然真係有心入西貢應該就唔會食茶記但係如果去完露營，真係見餓又唔想嘥幾百蚊食海鮮呢間的而且確係不錯的選擇順帶一提，呢度服務非常非常非常非常非常好！！！
continue reading
放假嘅日子，係要食下下午茶，今日仲山長水遠入到西貢，就去左朋友成日都幫襯嘅私竇🙈一望到個menu 有鴛鴦紅豆冰，我就即係😍😍眼啦！再望望，見到流心西多士🤭，簡直係愈邪惡愈快樂，諗都冇諗就order 🤣雖然，對個紅豆冰有dd失望，味道係ok ge,但精髓嘅紅豆唔夠「林」，令成杯野失色左。好在個流心西多拉返唔少分數，一切開就知道足料，咸咸甜甜嘅獨特香味，真係刺激到人嘅味蕾ga!西多面層仲保留到dd脆口，真心食過返尋味🙈
continue reading
星期日假期，約埋好朋友一齊入去西貢，行下假日市集，順便搵下有咩好食，入到西貢都差唔多中午，所以就先去醫肚，然後再行市集。經過賣海鮮檔，就見到呢間茶記，入去坐低然後就叫左個泰式肉片炒烏冬，而朋友就要個香草雞翼咖哩飯。一來到我碟烏冬望落幾唔錯，算大碟，食落有微辣，肉片都夠淋，泰式醬炒，有點泰式風味。朋友碟雞翼咖哩，份量都幾多，見佢雞翼好似有炸過，所以食都脆口，再加上咖哩用左唔少香草，又唔太辣，餸白飯就一流。
continue reading
西貢海傍的主要街道「萬年街」，是遊客流連的熱點，亦是大部分酒家食肆的落腳地點之一。西貢海傍最多人幫襯的餐廳，非「龍X餐廳」莫屬。「龍X餐廳」䇄立西貢墟長達三十年有多，或許是因為根基太過穩固，結果很多開在他們旁邊的餐廳食店，生意額或多或少會受「龍X餐廳」的影響。結果，最近四年內曾經有至少三間食店，選擇在「龍X餐廳」旁邊開門營業，結果都逃不過結業關門的命運，命運之運絕不遜色於，在「滿X甜品」旁邊營業的甜品店。那三間曾經在「龍X餐廳」旁邊營業的餐廳，包括「華威餐廳」、「駿景餐廳」，還有今次我的食評要講的餐廳「西貢茶記」。我不清楚了解，「華威餐廳」和「駿景餐廳」的結業原因，亦免得作無謂揣測。反而，現在的「西貢茶記」只是我第一次幫襯的餐廳。進入「西貢茶記」的時候，我發現「西貢茶記」裡面也坐着不少顧客，我發現收銀櫃檯的旁邊，還有一個單人用的檯櫈多出，我立刻坐下，看看「西貢茶記」有什麼飯。晚市的「西貢茶記」跟旁邊的「龍X餐廳」一樣，對象大多是來西貢食海鮮的食客，主要做來料加工的海鮮小菜。雖然「西貢茶記」也有中式飯類提供，但價錢對比「龍X餐廳」，就立刻相形見絀。「西貢茶記」的中式飯類，價錢大多是港幣四十八元左右，都是一般茶餐廳會有尋常碟頭飯。但是「西貢茶記」的咖喱飯套餐，價錢則比一般飯餐貴了七元，每客飯都要收港幣五十五元。「西貢茶記」中式飯餐有個不得不提的問題，是他們飯餐配不同凍飲，偏向很昂貴的價錢，要收八元，反而配罐裝汽水只需要五元而已。我一到晚上就不能喝咖啡因和凍檸茶，凍檸水價錢又偏貴，結果我選配一罐無咖啡因的「雪碧」汽水。講了飲品，我反而一時大意忘記了跟各位，講我點了什麼飯，今次我點了一客「咖喱雞扒飯」，連汽水一罐已經要收六十元，價錢不見得比「龍X餐廳」便宜啊。我媽本來以我的皮膚質素着想，不容許我現在進食「咖喱飯」，以免影響皮膚質素。但是此時此刻，我在「西貢茶記」已經沒有什麼飯可以食，「咖喱飯」就「咖喱飯」吧，將來皮膚痕不痕癢遲點再說。大約十幾分鐘之後，「西貢茶記」的「咖喱雞扒飯」是已經完成上檯，但是「咖喱雞扒飯」的份量就有點點令我感到失望。雞扒被「西貢茶記」切件切粒放進咖喱汁裡面煮，然後分開倒進餐兜裡面。「西貢茶記」的「咖喱雞扒飯」晚餐，價錢跟旁邊的「龍X餐廳」相若，但是「西貢茶記」晚餐咖喱雞扒飯的份量，就很明顯比「龍X餐廳」少了一大截。人家「龍X餐廳」的晚餐還有餐湯，和牛油多士作為餐前小食的。而且，人家「龍X餐廳」的「咖喱雞扒飯」，飯是蛋炒飯，雞扒有完整的兩大塊，而且有配菜香煎蕃茄和西蘭花伴碟。「西貢茶記」的「咖喱雞扒飯」就什麼都沒有，白飯只是白飯，雞扒被斬得快要支離破碎。「西貢茶記」的「咖喱雞扒飯」，雞扒實際可能一塊都未必有，因為雞扒已經被廚房斬至快面目全非，和青椒、紅椒、洋蔥一起塞進餐兜內，我亦難以短時間內，確認「西貢茶記」用上多少塊的雞扒。「咖喱雞扒飯」的雞扒，不單止被斬得快支離破碎，就連雞扒份量是否充足，整餐「咖喱雞扒飯」晚餐值不值港幣五十五元，也很成問題。雞扒肉質口感只屬於一般水平，不算很有口感，雞扒的肉味也被大量紅椒、青椒、黑椒、洋蔥甚至是黃薑所掩蓋，感受不到雞肉原味之餘，反而吃到一陣陣，來自黃薑本身的辣味。由於「西貢茶記」的雞扒份量偏少，所以配襯下白飯份量也因此忽然增加了很多，我單用兜內的咖喱汁來撈飯，也忽然感受到無形的壓力。奈何「西貢茶記」的白飯質地偏硬，吸收咖喱汁的能力也很一般，所以我要用咖喱汁配飯時，也要量力而為，不能隨便亂淋咖喱汁。說回「西貢茶記」的咖喱汁，咖喱汁本身質地偏向較稀，水份比例較重，味道亦偏向較辣，還有來自黃薑的辣味，和黃薑驅風禦寒的熱氣。可惜我光顧「西貢茶記」時，尚在西曆九月九日，天氣還未完全變冷，否則黃薑味重的咖喱應該可發展作用。我一路食「西貢茶記」的咖喱雞扒飯，一路看着「西貢茶記」那兜載滿各種辣椒跟洋蔥薯仔煮成的「茶記」咖喱，辣椒薯仔配料佔了兜內幾乎一半有多位置，如果不是咖喱汁充滿各款辣椒的香味，這碟「咖喱雞扒飯」可能會不合格，因為咖喱飯雞肉份量不足。只靠各種辣椒、黑椒辣味煎熬出來的香辣味道，咖喱飯未必足夠至撐得起「西貢茶記」。「西貢茶記」單靠外來食完的來料加工小菜菜式，恐怕不足以維持支撐「西貢茶記」的營業額。「西貢茶記」的咖喱雞扒飯，味道還未於很差，只是咖喱的味道偏辣，不是我喜歡那杯茶。可惜以咖喱雞扒飯的份量和價錢，對比「龍X餐廳」之下，「西貢茶記」就已經輸洩了一大截。除非「西貢茶記」有自己本事，將來能夠在「龍X餐廳」旁邊仍能支持得住，能夠繼續營業下去，否則以「西貢茶記」晚飯的價錢，我怕將來很難再有機會，再光顧「西貢茶記」了。
continue reading
去茶餐廳食嘢，其實對食物、服務水平都冇乜要求架喇！但求快快醫肚趕住開工！真係好趕架！但呢間茶記，食物簡直食唔落口，味精多到嗱口既！食咗兩啖已經唔敢食！最簡單嘅一杯奶茶，冇茶味冇奶味，似淡奶水多d!個唔知老闆定員工喇，佢落錯單，同佢講唔啱嘅時候，竟然發脾氣怒目啤著我，話佢一定唔會錯！一定係我講得唔清唔楚！仲望著我張工作証，話會記住我！接受唔到意見，就唔好打開門做生意啦！我都費事同佢癲！反正唔會再幫襯！我依家終於明白，點解隔離左右爆曬棚，呢間嘢仍然大把位！
continue reading