紅茶冰室

Open Now

Now Closed

野食一般 店員影響食慾 包括買包個位 無八達通已好唔方便 找錢時啲錢dum比客人 請再培訓下 冇要求笑騎騎 都知邊個逢工會開心 但服務業 用啲咁既面口對㒓黎幫襯既客人 好趕客 我買包 我唔會再幫襯 謝謝

今日第一次叫尖沙咀紅茶。永遠打唔通電話。一係冇人聽。前前後後打左20個電話。最後變咗自己行過去買。之後員工嘅態度同語氣又唔好。你忙嘅話你叫多一個員工嚟幫手。唔使將自己嘅脾氣發洩喺我身上。我都係純粹叫外賣

好肚餓，路過經過呢一間餐廳就入去食個常餐。叫咗個沙嗲牛肉米粉配火腿奄列，個丹麥酥麵包好好食，好鬆化，配蛋食一流。不過個奄列偏鹹少少。沙嗲牛肉米粉就冇乜特別，同平時普通嘅差唔多。

呢間都食過幾間第一次嚟呢間食早餐食物keep 住以住第一次叫牛扒早餐價錢上真係貴d 好彩件扒都有反咁大件呢間員工值得贊好合拍 👍🏻一個帶位一個執完枱個男員工即刻抺枱另一個女員工即刻過去落單個多士係好味如果可以任轉餐包更加好

初初開嗰陣時，經常都會喺呢度食早餐！依家啲夥計成日將啲迫埋一張枱坐！我差不多每次去到，就算周圍都係空枱！佢都要你同其他人坐埋同一張枱！今朝星期一公眾假期，又係咁樣！周圍都係空枱！個阿姐係都要帶我去同人地分枱坐！同咗佢講聲唔好意思，我唔喺度食啦，我想坐一張唔使對住人食嘅枱，但係佢冇理我，冇坐低最後離開，去咗樂天冰室！人哋一樣係咁嘅狀況！唔知紅茶係咪覺得自己出名得濟！佢去揀客，唯有我都揀餐廳😢😢😢

尖沙咀見到呢間門口都多人，於是入去試下，望個餐牌，見到都價錢都比較貴，但睇裝修同環境都唔錯，叫左2個餐試下，特餐招牌沙爹牛肉米粉配奄列同丹麥酥，午餐鹹魚雞粒炒飯。個特餐沙爹牛肉米粉，啲牛肉都好大塊唔硬好淋，個米粉好有口感，奄列應該用日本或靚蛋，有蛋汁好難得，最出色係個丹麥酥，好香好翠，真係要試呢個，而個鹹魚雞粒炒飯都好好味，唔油，唔濕，有鹹魚香，又唔太重鹹魚味，炒飯底真係粒粒分明，餐飲凍檸茶同茶走，呢間嘢個茶底好靚，由其杯茶走，茶香味夠，唔會好苦澀。整體間環境唔錯，價錢有啲，有啲似翠華，有自己特色食物唔錯。

收工外賣左兩份晚餐返屋企食，打開袋發現餐廳比少左2個餐包，我地都算，一兩個包都好小事。但咬左啖臭既焗薯，即刻吐左出黎，用漱口水漱口。我地忍唔住都要打電話去餐廳講同佢地講返件事，點知餐廳聽電話果位竟然話唔關佢事，佢只係付責收錢。真心嬲左，佢地間餐廳食物有問題，分分鐘食左會肚痾唔舒服。竟然回答唔關佢事，一句道歉都無。然後我地要求同經理講，聽電話果位話經理唔得閑，亦無mark低我地既資料，問聽電話果位女生叫咩名，佢又拒絕透露。 我地真係好嬲，本身我地返完工都攰了唔想落樓投訴，結果我地都被逼樓落去餐廳投訴。去到餐廳果位聽電話既女仔見到我地都繼續傾緊私人電話，完全無唸住解決件事。而經理坐左係最入面，都要我地行入去搵佢先出黎。雖然有道歉，但都感受到佢想快啲打發我地走，退返餐錢比我地了事。相信經歷過今次，以後都唔會再幫襯。開餐廳既，連最基本既食物質素都保證唔到，實在不值得光顧。

下雨天，一大清中，天氣較寒，適合嘆個經典港式早餐。早餐款式好多，有各式麵食，又有扒餐&全日早餐感覺會最傳統既餐最安全，揀左沙嗲牛肉麵配炒蛋&TOP ONE 丹麥酥 $39沙嗲牛份量多，沙嗲味濃，配公仔麵真係色配，yummy炒蛋同樣大大份，成座山甘，炒得好滑，可惜偏咸丹麥酥賣相似多士但咬落鬆鬆，原來係一層層酥皮，不過唔夠鬆軟有d靱，同埋有d油個人口味飲齋朱古力，朱古力夠濃郁，可沖成兩杯餐廳上餐超快，落單後幾分鐘就上餐。卡位闊落，若搭枱加左塊厚隔板，抗疫….埋單只收現金好唔方便，搵錢包，拎完硬幣又要消毒

買外賣，前枱有2個人，左邊個個人已經問緊我食咩，我都已經答完佢。右邊個個人又問我野，之後問我飲咩，係超大聲囉，仲要問幾次，我企係你前面使唔使咁大聲呀！我唔係聾架！我點知係右手落完單又要係你度落呀小姐？真係相由心生好冇禮貌囉。之後仲要超冇禮貌，仲要嗔嗔聲，個樣又串⋯冇下次囉⋯唔明點解比錢買飯都咁難受😤員工質素好差其他員工都好好呀，但唔知點解呢位員工咁囉⋯唔該呢間老闆教下呢位員工做野，係呀，金色頭髮，平陰，帶color con個位。

之前食過幾次其他分店，好食，只係坐得好迫。 今次試吓尖沙咀分店外賣，一打開個盒，有浸臭味，宿宿地。 試吓，原來係冬菇宿左，攪到成盒有宿味。 炸魚好咸，河粉係油浸河粉。 食左二啖成盒扔咗。 浪費金錢同時間

自從我去過尖沙咀呢間新式港式茶餐廳- 紅茶後，一諗起尖沙咀要搵下午茶食，都諗起佢。因為之前食過佢地個好邪惡嘅爆漿芝士西多士後，一試就愛上！ 今次我就試左佢地最平的下午茶餐： 兩個新鮮出爐嘅酥皮蛋撻再加一杯熱奶茶，都係$28。抵到爛！ 酥皮蛋撻熱熱辣辣 但 可惜酥皮太厚，如果薄一點就prefect, 蛋香未夠需提升。 但賣相吸引。 杯熱奶茶值得encore， 超重茶味，非常濃郁，口腔內滿載茶香。尤其喺尖沙咀shopping完後，要搵到一個下午茶餐$30內，而又可以坐得舒適的茶餐廳，非常困難。 落去佢哋地庫嗰層好寬闊，感覺完全唔侷促。枱同枱之間亦都有寬闊嘅距離! 值得推介。

平時中午經常要排隊，試過食物都可以又黎得好快。咁今次就試吓夜晚，見佢唔使排隊，點知門口姐姐態度好差，雖然嘢食正常，但都唔想再幫襯好耐冇遇過服務態度咁差嘅餐廳😭😭

▫️冰火脆皮菠蘿油 (HKD30) - 今次遇著新鮮出爐嘅菠蘿包，菠蘿皮特別酥脆。跟菠蘿包塊牛油唔夠厚，否則邪惡感倍增😂😂你哋可能覺得冇乜特別，不過我覺得要做到菠蘿皮脆口而又鬆開唔係一件容易嘅時。套餐配嘅紅豆冰轉咗做凍咖啡😆另外叫咗份招牌沙爹牛肉麵(早餐 - HKD39，跟炒蛋及多士) - 呢份沙爹牛肉麵湯底夠晒濃厚，最緊要嘅係我一啲都唔覺得鹹😬有食評話呢間茶餐廳嘅侍應態度差，我又唔多覺喎，幫襯過兩次呢度啲阿姐都幾nice，應該係我好彩啦😂😂⭐️寫post時先發覺原來喺港島區係冇分店嘅😂

好耐未試過去一間餐廳可以啲員工咁冇禮貌， 之前我見人等位又嗌交， 我之前打電話去叫嘢啲態度已經很差， 今時我去到攞外賣嘅時候 ，已經說明唔好意思我忘記號碼， 員工同我講你下次記得，我話知道再一次道歉！ 但他還不停喺度講十幾廿份個個都唔記得number唔得㗎嘛！ 我都已經道咗歉喇！ 還要瞓話我！ 一路以嚟聽到啲人問這間餐廳服務態度很差我都唔信！ 今天終於領教到啦！ 現在做生意仲有啲咁嘅服務態度真係難得難得

食物味道: 晚餐食物味道中規中矩，可惜晚餐可能屬於預製食物，已攤凍晒，上枱變成冷飯菜汁，大打折扣，凍冰冰嘅情況之下試吓味道，雞扒和雞髀菇尚算OK，不過杯奶茶嘅茶味苦澀，相信已煲過籠。食物份量: 份量充足價錢: 一般冰室價錢環境: 地方好大，由於開張冇耐，裝修新淨，坐得舒服。服務: 侍應態度散漫，十問九唔應回頭指數(10分滿分): 如果嚟食晚餐我就唔幫襯，所以只俾0分，除非再俾個機會佢，試下其他食物啦，否則都唔會再嚟。