紅茶冰室

Open Now

Now Closed

之前已經去過紅茶大圍分店，對佢杯奶茶唔能夠忘懷，今日去開尖沙咀，就入去食個早餐開個好頭先！餐廳有兩層，因為上面都滿哂人，所以就去左下層地庫。今日我就叫左招牌沙嗲牛肉麵 跟「Top One丹麥酥」同嫩滑炒蛋）招牌沙嗲牛肉麵 跟Top One丹麥酥＋嫩滑炒蛋沙嗲牛麵湯底非常濃，沙嗲花生味道重，而且完全包圍住牛肉，非常野味。好多時食沙嗲牛麵都係驚唔夠沙嗲，但佢啲汁多到可以做到「掛麵」，加埋彈牙口感，真係有五粒星呀！至於個炒蛋同丹麥酥，炒蛋味道正常口感真係嫩滑，但份量好細，有少少扣分；而個丹麥酥充滿牛油香味，都係有心之選！最尾飲多杯奶茶，又充滿力量迎接今日啦！餐廳：紅茶冰室 Red Tea地址：尖沙咀加拿芬道18號恆生尖沙咀大廈地下5號舖Address：Shop 5, G/F, Hang Send Tsim Sha Tsui Building, 18 Carnarvon Road, Tsim Sha Tsui #肥誠 #肥誠搵食 #fatshinghk #instagramhk #instagramfood #food #餐廳 #香港美食 #香港餐廳 #灣仔 #尖沙咀 #屯門 #早餐 #午餐

行過尖沙咀有時急起上嚟唔知食咩 我都會揀喺地鐵站附近嘅紅茶冰室 貪佢夠方便又多位琴日去咗紅茶食常餐叫咗個 脆脆魚柳伴德國腸，再加top one 丹麥酥同嫩滑炒蛋 個腸有啲乾嘅感覺，丹麥酥我都幾鍾意食，炒蛋唔係太好食 但服務質素有待改善 脆脆魚柳冇比沙律醬 問咗幾次，都冇人畀我 最後一嚟嚟咗兩個

之前就看人推薦這家菠蘿包了！終於來吃了！一點也不失望～來的時候覺得真的好大一個！皮好酥，但不是那種一咬就會和麵包分離的那種！而且也不會太過脆（有些菠蘿包的酥皮太脆就會偏硬)這家的口感是我個人很喜歡的那種！！下次想吃他家的菠蘿油配紅豆冰（好像是招牌套餐）另外點的星洲炒米也很好吃！泰式香茅豬扒超大一片（如果可以幫我切斷就好了哈哈哈）但河粉略容易斷～整體價格也很實惠！

試過食咁多餐廳，未試過廚房出品咁差既…雞扒雞肶全部都係炸熟，牛扒又多根，食都食吾落？叫個餐出到來已經凍了，雞扒同雞肶已經變了柴皮雞，雞肶炸到黑色，食得多真係會致癌

紅茶開左好多間分店，但就一次都未試過。聽聞佢個沙爹牛麵都唔錯，一於就早餐去試吓。間店都幾大間，有好多座位，裝修都算唔錯，仲有2層添，不過我就冇參觀到下層果了。算係實而不華，娣茶記其實都唔會點講究門面野，最緊要係「快」、「靚」、「正」招牌沙爹牛肉麵 （配:Top One丹麥酥十嫩滑炒蛋） $40 牛肉夠淋，份量都唔算少，醬汁做得唔錯，放左湯之後都仲有濃濃嘅沙爹味，亦能夠做到掛麵。麵質方面，都爽彈，應該係我熟悉嘅大光麵？佢個炒蛋正常，而個丹麥酥都幾好食嘅，但我嫌佢真係太細塊了，寧願佢比兩塊多士…脆皮菠蘿包 $8菠蘿包個皮都脆，食落都唔錯，普普通通都係主流茶記嘅質素。食物：❇️❇️❇️❇️環境：❇️❇️❇️❇️服務：❇️❇️價錢：❇️❇️❇️❇️翻兜指數：❇️❇️❇️

今日去科學館睇尋龍展，中間下午茶時間，我們出左黎行咗去尖沙咀嘅紅茶冰室食個下午茶，之前食過都好正👍🏻👍🏻佢哋下面仲有一層，位好多，但同時間，都好多人在呢度食，好滿座，呢個都係一個好食嘅保證。😉今日揀左佢哋嘅下午茶餐，芝士炒蛋魚柳包，配沙律，另外就叫咗個蛋撻、菠蘿包、同埋雞尾包，都係同之前一樣咁好食，重點推介菠蘿包。在尖沙咀佢都算係一個性價比好高嘅下午茶，呢餐人均$35 ，食得飽飽的。今日睇左個好好既展覽，同人食左個好滿足既下午茶。不過有啲奇怪嘅就係，餐廳唔收八達通。😂😂

行完街5點幾想食野諗起紅茶，岩岩趕到食紅茶下午茶餐，呢間鋪有2層好闊落，呢個時間比較少人，可以坐得舒服 d。我地叫左唔同既野食，下午茶最吸引脆炸雞脾伴薯皇，常餐豬把通粉炒滑蛋丹麥酥多士，仲有冬蔭公海南雞金邊粉，另加配左泰式蝦餅同酸辣鳳爪，成枱食物好豐富。基本上食物都幾好味，雞脾炸得香口入味，薯皇熱辣辣好脆口，冬蔭公酸辣程度剛好，唔會入口過辣，好開胃。豬把同樣醃得入咪，媽媽都話不錯。

平时偶尔都有來紅茶吃饭，因为在附近上班，今天 是跟朋友中午吃lunch 點的一樣的蝦仁滑蛋饭 我跟我朋友都吃了两三口雞蛋殼。桌子上酱油辣椒油什么都没有，問服務員拿就拿個一兩包，服務員態度也不是很好。希望貴公司可以在出品上嚴格執行 一天的心情都沒有了

今日喺尖沙咀行完街，就諗住喺附近搵間餐廳食，行過見到呢間餐廳好多人排隊，咁我哋都抱住試吓嘅心態去食🥳我哋叫咗一個常餐，沙嗲牛肉麵，丹麥酥，火腿奄列同埋另外嗌咗一個西炒飯🤩沙嗲牛肉麵湯底嘅沙嗲味都好濃郁，同埋啲牛肉都係啲新鮮牛肉，唔會食落有一陣雪藏未同埋好韌👍🏻而麵底煮得偏硬既，係我鍾意嘅質感😋跟餐嗰個丹麥酥超級超級好食，丹麥酥好鬆軟同埋充滿牛油香味，食完一個簡直想叫多一個😍😍西炒飯都好好食，唔會好似出邊嘅茶餐廳咁淡而無味，佢炒得好有鑊氣同埋又有啲蕃茄既甜同酸嘅味道👍🏻👍🏻🤩🤩呢間餐廳值得推介⭐️⭐️⭐️⭐️

係尖沙咀返工，成日都會買哩間冰室外賣返公司食平時食開普通茶餐廳既常餐-沙嗲牛肉麵（好食！）炒粉麵 （干炒牛河有鑊氣！）同焗飯（勁多芝士勁邪惡！）都好好食價錢又平。今日見天氣熱，想食啲酸辣開胃野！所以叫左泰式系列冬蔭功肥牛蝦球金邊粉Delivery app價$52估唔到係普通茶餐廳食泰式粉麵居然有驚喜個湯底酸酸辣辣好開胃，有隻辣椒仔但又唔會過辣！海蝦球有4大隻。隻隻爽口彈牙，好新鮮肥牛都正常 唔太肥又唔un估唔到平平無期既冰室，每樣野都好食，無伏！

近幾年都見到呢間紅茶茶餐廳開多左好多分店但就一次都未試過😸今次去到尖沙咀早少少嘢撞正平日嘅午餐時間終於見識到打工仔得一個鐘嘅lunch hour係幾咁趕急😮‍💨去到基本上都唔使太排隊 5分鐘左右就有位可能因為大家都係想快啲食完比下一位嘅心態 原來樓下仲有一層 😯環境好大每張枱同枱之間都有空位望落去夠光猛乾淨 至少地下唔濕我哋兩個人就有一張四人枱中間有一層膠板隔住但係張枱夠大唔會覺得太逼夾我就叫咗一個豬扒通心粉常餐😬大約5分鐘左右個餐就到左炒蛋有蛋味唔會太油 但係塊丹麥多士就再搽咗一層牛油呢個我就覺得太多 因為本身丹麥多士就好多油先至做到佢咁鬆化咁脆 所以呢個就真係要減分😓但係豬扒夠大份量夠多 呢個常餐性價比都算高附近嘅茶餐廳大部份都係連鎖式 所以呢個價錢都算係公價🤗

這間餐廳是午餐的好選擇，它每天午餐都有3-4個套餐任君選擇，價錢方面是$60-$70，還有紅白中湯選擇。是抵食之選。質素就是一般快餐質素，不能算話美味，但是以午餐而言就是「平！靚！正！」。

假日到尖沙咀行街順便食晚餐，唔算係好餓加又想平平地，即諗起茶記，據聞紅茶的沙嗲牛肉麵都不俗，而且唔少分店，身在尖咀一於試下。餐廳有兩層，面積頗大，上層茶記格局卡位多，下層個裝潢係另一個風格，木系枱椅，竹編吊燈及綠色植物，自然系之感有點泰風FEEL，當然我地都係坐卡位，坐位夠闊絡舒服好多。茶記的好處，食物好多選擇。特餐，$52。友人的紅豆冰。咖啡，普通。丹麥酥配火腿奄列，丹麥酥口感酥脆，有牛油香，幾好味，火腿奄列，份量適中正常水準。招牌沙嗲牛肉麵，牛肉份量多，牛肉幾入味，肉質軟腍，沙嗲湯底味道尚算濃郁，麵爽彈，不俗。食物味道不俗，坐得舒服，服務都幾好，平平地的晚餐。

招牌沙嗲牛肉麵 $40配 Top one 丹麥酥 + 嫩滑炒蛋沙嗲牛肉分量幾多，重點係佢嘅牛肉無落鬆肉粉，係好實實在在一片牛肉嘅質感，同時做到肉賣嫩滑，真係幾正～炒蛋都算高汁，嫩滑有蛋味丹麥酥都幾香，好重牛油味～不過我鐘意以前嘅丹麥多士多d😜西冷牛扒伴德國腸 $47配 Top one 丹麥酥 + 嫩滑炒蛋西冷牛扒一如既往咁大塊，表面煎得香脆，肉質一啲都會靭口， 半碟嘅蒜蓉醬都好好味～德國腸就覺得一般腸仔冇咩特別酥皮叉燒包 $11麵包質地係OK嘅，但係叉燒醬份量就偏少酥皮蛋撻 $7蛋撻都係鍾意食曲奇皮，但係蛋漿嘅蛋味幾濃郁，但酥皮就一般啦，唔算好酥脆熱奶茶～茶底夠濃，奶味香～飲落係香醇帶點甘個人鐘意覺得紅茶熱奶茶比凍奶茶優勝太多啦😂紅茶係我心目中最高質嘅茶記之一，食物質素保持到水準，未試過中伏～早餐係第一次食，覺得幾抵食😜題外話，金寶豬扒湯通粉係超級正，我幾乎每次去紅茶度必點呢樣🤣紅茶冰室 (尖沙咀)尖沙咀加拿芬道18號恆生尖沙咀大廈地下5號舖

因本人公司係呢間冰室附近，所以隔日都會幫襯買麵包同間中堂食。一直以黎都覺得食物質素唔錯，所以有長期幫襯。.但平時職員西口西面都算，當係戴口罩睇唔到你成個面既表情，扮睇唔到就算。.今朝途經時再買左個麵包，態度同樣都勁西，因為買麵包嘅窗口位置係無八達通payment，只收現金，所以好多時都要找贖，但今日直頭係掟錢俾我，咩事呀大姐？？我哋係消費者，無得罪你架喎😡.第一次因為食店態度問題而決定唔再幫襯，仲要嬲到寫食評分享！