紅豆冰室

Open Now

Now Closed

本來打算食著名的早餐 點知搞到12點半 太肚餓就直接唔食個all day breakfast 都係叫飯餐 日本醬油炒滑蛋叉燒飯 $58sauce 的確同滑蛋好match 叉燒量都多👍🏻 但敗筆起白飯到 正中午市 但d飯似係煲左好耐 放到硬哂！ 再靚的滑蛋都拯救唔到🤦🏻‍♀️午市套餐-椒鹽豬扒飯 $58包餐湯及飲品個樣係幾靚㗎 第一啖入口個下覺得好惹味 但第2口就已經過咸帶苦 白飯又唔得🤦🏻‍♀️ 連帶杯熱啡都水準低 難入口🤔如果好食會回頭下次食佢的all day breakfast, 而家唔了🙈 都係去返西洋菜街揾食😂

早前喺All Day Breakfast 群組見到呢間好多人推介，今日出開旺角，所以決定一試！當日係平日午餐時間，座位都差不多坐滿！幸好還有少量座位，唔駛等位！坐低後，我同朋友兩人都叫咗英式全日特餐，試一試網友嘅推介！食物一上枱，未起動先興奮，因為每樣食物都大大件好吸引，加上有我最愛嘅薯餅同牛角包食物整體上唔錯，值得一讚嘅係薯餅同魚柳，好脆！雖然唔係熱辣辣，但都有微熱，唔係凍/淋嘅！炒蛋同牛角包亦都唔錯，炒蛋夠滑！但個蛋沙律我就覺得一般，味道偏甜及有啲怪，我個人不太喜愛！火腿正常、腸仔味道一般，有兩條我略嫌太多！沙律菜都尚算新鮮，只嫌芝麻醬太多！若果以All day breakfast 來講，呢個性價比好高，$65可以食到咁大份餐連熱飲，不能有太多要求，我個人覺得可以接受！

近期新寵的冰室首位，旺角「紅豆冰室」最先被它的出爐麵包吸引，麵包食過兩次，雖然遇唔到佢出爐時間買，但麵包質素也符合預期，是我喜歡的味道。滂沱大雨嘅星期四因為要陪女朋友去旺角複診，所以再去食下午茶。它雖然只係一間普通冰室, 但環境簡潔、夠光猛、卡位闊落，坐得舒服。點了一份下午茶餐碎蛋牛角包、凍奶茶 牛角包輕度焗脆，碎蛋超多，一啖咬落去碎蛋bid晒出嚟, 碎蛋不會切到濕濕碎碎，令食落特別有口感，超正！呢啲就係簡單嘅滋味。凍奶茶冰都放得幾多下，好彩茶味奶味都夠，所以唔會沖淡奶茶嘅香味。麵包沒有套餐所以散點雪山叉燒包、熱奶茶 「雪山叉燒包」奉上時是已經喺室溫，建議麵包櫃內應該加上暖爐，唔好令出爐麵包迅間變咗凍包。雪山叉燒包外皮開始變稔，直接影響到口感，叉燒就做得唔錯，個汁甜甜地又冇乜肥豬肉，如果可以焗熱肯定超好味！熱奶茶好夠茶味，花奶分量剛剛好，熱度又夠，絕對係我杯茶。店員夠多，做嘢快手，抵讚。

叫咗個扒餐,要咗薯菜,啲薯條凍冰冰,又淋又韌,好明顯係擺咗好耐,叫佢畀過啲薯條,點知好明顯又係將頭先嗰啲擺咗好耐已經凍曬嘅薯仔再返炸再俾你,啲薯條根本就唔值錢,唔該你就新鮮即炸畀人啦,真係完全當啲客係冇要求,

見人推介抵食炸魚All Day Breakfast，去試下啦！週六收工去旺角，成街都人頭湧湧，Lucky地去既時間唔駛點等位，入去座低，後面已經開始多人等位🙈一心去試All Day，點都要叫黎食下英式全日特餐 $65相比其他餐廳，呢個All Day都算食物價錢平均，有炒滑蛋、火腿、沙律菜、炸魚柳、腸仔、蛋沙律牛角包。食物質素平均，係牛角包既沙律蛋唔太鐘意食，係甜嘅有啲怪怪的🤨另外order 常餐D:茄牛餐肉粒烏冬+牛角穌炒蛋火腿，都只係$58相比下，常餐會飽啲。P.S:可以選擇食常餐A應該會更加抵食，見到隔離&前面枱都食A，佢有隻瑞士汁全肶加撈公仔麵，望落幾吸引⋯⋯餐轉凍飲冬飲各加$3凍好立克、凍咖啡*本人覺得食常餐會抵食過All Day Breakfast 😆迷你牛角包 🥐 好似食空氣甘，食完呢餐唔會有滿足感！

星期日同家人到旺角逛街，行到下午4時，見到新開的红豆冰室，走左入去食下午茶。地方光猛乾淨，座位舒適。下午茶餐有16款，有很多選擇，我們叫了瑞士汁雞脾加薯條，凍檸茶、特式豬扒包配熱檸水和餐肉煎蛋菠蘿包配凍檸茶，由36元到42元，凍飲再加3元。餐肉煎蛋菠蘿包好味，菠蘿包皮脆，餐肉煎得香。特式豬扒包的豬扒好香口，加上蛋碎，很美味。瑞士汁雞脾麻麻地，沒味，薯條不夠脆，有些失望。凍檸茶叫了少甜少冰，但仍很甜，不符合要求。

收工夜左，好攰唔想煮，但已經9點，就走去C類食肆列表搵下仲有咩可以食。搵到呢間新開係旺角Aeon附近，位置方便就去試下。咁夜都唔想食飯，target常餐。叫左D餐轉米線凍檸茶走甜，再加個蛋撻。凍檸茶茶底好淡，計分數一定係唔合格。再黎蛋撻，好明顯呢隻係依家市面上好普遍嘅酥皮蛋撻味道。觀察左一排，發覺好多麵包舖都係咁嘅款嘅蛋撻，圓形模唔係波浪形模，個酥皮度度同出一轍，唔厚，無層次，偏淋。好懷疑可能係來貨或工場做。我只係好想食先叫。個蕃茄湯係杰身嘅，食落唔口渴應該無味精，蕃茄味可以，但個aftertaste係淡嘅，要加胡椒粉先吊得起個味。有幾粒蕃茄粒，茶餐廳蕃茄湯黎講正常唔特別好食又唔算差。不過見佢咁杰身又見到餐牌有飯可以揀鮮茄蓉汁，應該都係一汁兩用。但個牛肉超紅，應該都係用梳打粉嗱到過晒火，食落口係一啲牛肉味都無，而餐肉得4粒仔。炒蛋係全餐最好味嘅，夠蛋味無過熟。但牛角包就好腍，無焗返脆身，味道好急凍貨feel無油偏乾，都應該係來貨。整體味道係一般，俾okay係因為係疫情下10點後搵食艱難而佢地點就腳同坐位唔算逼。

旺角再有新開的冰室，見到外賣app有得叫，所以一於試吓叫了兩個早餐：1. 牛扒配茄汁豆：$542. 鮮茄牛肉餐肉粒通心粉：$ 48兩個早餐都不包飲品食物送來，賣相正常。牛扒味道正常，不過不失。不過鮮茄米粉湯底實在少得可憐，看看相片，把湯倒進米粉中，頓時變了撈米粉⋯⋯難道我叫的是撈米粉，只是我不知道？！食物質素只與一般茶餐廳無異，早餐又不包飲品，以價錢來說，屬於偏貴。在旺角以這個價錢，已經可以有很多不錯選擇，所以根本不值一試。

旺角新開紅豆冰室採用白色設計，感覺好開揚同乾淨，幾日前經過見到餐牌有朱古力漏奶西多士已經想試吓，咁啱剪完頭髮早左見有d時間就一於去偷歡！二話不說叫左朱古力漏奶西多士同熱奶茶做肥仔午餐！等左陣朱古力漏奶西多士終於到，多士面鋪滿左朱古力粉，中間有成1-2cm厚嘅奶，未切已經震騰騰，一切開奶同朱古力粉就爆漿流出來，超治癒！可惜 upload唔到boomerang，震騰騰同爆漿兩個視覺效果超澎湃，超震撼！沾滿蛋漿去炸嘅西多士炸得好脆，而且食到蛋香味，係流奶浸泡過後多左一份幼滑嘅奶香味，好邪惡，但滿足感比食普通西多士Double！冰室嘅奶茶採用黑白淡奶，口感幼滑，茶底香濃有回甘，唔錯唔錯！大滿足！Menu-

新店裝修簡潔，坐位寛鬆舒適。不過食物水準及服務態度差強人意。午市套餐，俄羅斯牛柳飯份量夠，但牛肉與芡汁顔色一樣慘白。奶茶温熱兼無茶香。羅宋湯酸度只覺平價白醋味。另叫散餐咖哩吉列魚柳飯(加$10有茶啡)。咖哩稀如湯水無味，咸味搭夠，全碟得兩小粒薯仔，吉列魚柳炸熟放在碟中的㗎哩湯，超重疏打味，吃不下，咬過一口，剩在枱上。唯白飯尚可。😕個別侍應生語氣粗老無禮😒兩人午餐$120。性價比低。決不回頭☹️

成日weekend都會去食常餐 不過好少係旺角食留意到佢係家樂坊出面 勁方便 裝修又樂靚 所以去試下😋同一般冰室唔同 佢既裝修係行modern路線 感覺樂舒服乾淨試左佢既常餐 揀左茄牛餐肉公仔麵首先 個烏冬要大讚！個湯底食到係新鮮蕃茄整既 唔係個啲用茄膏開出黎，好有鮮味同埋酸酸地 好好食啲牛肉都好新鮮 烏冬好彈牙 愈食愈想食！跟著要講講杯奶茶 不得了我好鍾意飲奶茶 差唔多每日一杯呢度既奶茶絕對收貨😋奶同茶既比例岩岩好 唔會太澀或太淡 佢重有支裝冇加冰既凍奶茶 都好好飲最後係炒蛋同牛角包炒蛋好滑 一啲都唔老比起出面通常比多士 佢比牛角包都好有誠意其實我重食埋菠蘿包 ‼️‼️‼️係我食過香港最正既菠蘿包‼️‼️‼️之前我既no.1菠蘿包係灣仔廉記 宜家比佢取代左因為佢好似係用日本麵粉 個包鬆軟啲總體黎講 正 一定會再黎可以做weekend常餐spot

喺旺角行街，見到呢間新開冰室，就入嚟試吓～精緻晚餐A 燒汁香草羊扒煙肉配薯菜 套餐送蓮藕綠豆章魚湯 $73除咗薯菜之外仲可以揀白飯同意粉，湯方面亦都有羅宋湯揀。本身冇諗過冰室真係會做到精緻，點知上到嚟擺盤又靚，份量唔少。羊排有兩件，啲汁幾好食，連我尼個唔太食羊嘅人都覺得好食🤟🏻佢啲薯菜係炸薯角同西蘭花，仲有三粒車厘茄，朔埋啲汁超正🥰比較驚喜嘅係竟然有中式湯，仲要好好飲，有兩大舊蓮藕係入邊，比起羅宋湯真係10分推薦！泡菜鰻魚炒飯 $69上黎真係好大碟😂細食嘅話兩個人分都太多，佢有比幾塊泡菜，個飯有蛋，有菜粒，鰻魚切得大粒啲就再好啲啦～不過炒飯通常所有配料都好細粒，都冇乜所謂😂個飯都幾有鑊氣，係幾好食嘅。芒椰蜜桃冰 跟餐加$10好甜😂但佢有比幾塊蜜桃，上面又有椰奶，冰室來講賣相真係幾靚。因為係新開所以環境都幾靚，夠光猛，員工都nice。我哋唔小心倒瀉咗杯水見到都即刻過嚟抹，枱面上面啲辣椒醬都係獨立包裝，比較衛生。但始終係冰室所以環境會嘈咗少少，不過最重要嘅食物都好滿意！野又好食賣相又好，希望水準可以keep住有啦，旺角呢區晚市做到咁平，又好食又大份嘅已經唔多啦～

經過見到新開張，見到門口有大大個麵包好吸引，試咗個芝士條都唔錯，麵包暖暖地，都好軟熟，再入去食左個常餐, 常餐味道唔錯五十幾蚊，不過唔記得影相，炒蛋好滑，份量唔會好少，亦都好有蛋味😊份量都足夠，這個常餐是配牛角包，牛角包不是外脆內軟的那種，不過都ok的，另外配咗豬扒辛辣麵，豬扒好大塊，是普通豬扒味道，辛辣麵好好味，唔會煮得太腍👍，最後叫咗個柯華田西多士，又幾特別，西多士上面灑滿柯華田粉，真係好邪惡，一切開D柯華田汁流哂出黎😍浸滿成個西多士，一度點汁一度食，好好味，但不是太甜，2個人食得哂，下次會再試其他。

見到茶記就會想入。。。朱古力漏奶西多士 $36可能想入面流心所以麵包唔夠炸，但佢做到軟淋淋嘅感覺，切開麵包都漏出好多奶出嚟，混埋出面嘅朱古力粉其實都幾香幾重味，可惜嗰西多士多 唔算合格，唔喺真喺好正。椰汁紅豆冰 $25椰汁味都重 紅豆都多 算喺唔錯，但唔叫賣點，因佢嘅紅豆比較普通，冇紅豆沙嘅口感，感覺似訂貨紅豆 ，冇咩人手製。。的確可惜。希望佢其他嘅會喺好食，我見佢個D包幾香

今日早到旺角，經過見到一間叫紅豆冰室餐廳裝修唔錯，入去食個早餐之後上班，我叫了一個沙爹牛肉麵，火腿炒蛋凍檸茶。牛肉太硬，凍檸茶冇茶味 ，好難飲，一個普通的早餐可以咁難食，新開張諗住入去試試，太失望。我讚一讚職員太度都幾好。