紅豆冰室

Open Now

Now Closed

原本唔諗住食呢間,不過諗住食個快飯,就走入去食,坐低睇完個menu見到有個鰻魚玉子定玉子鰻魚飯,就記住啦,跟住畀第二個睇個menu,跟住個哥仔走埋嚟問我哋食乜,因為menu唔係我手上,我憑記憶就講咗鰻魚玉子飯,點知哥仔態度非常差:玉子鰻魚呀! 咁其實鰻魚玉子同玉子鰻魚有乜分別,你唔駛態度咁差去adjust我,咁算啦,都係諗住食個快飯就走,點知真係中招,我個飯定係我老公嗰飯都係咸到叫救命,就算啲鹽唔使錢都唔使咁樣落咁多鹽,真係唔會再幫襯!

平時成日經過都見到呢間紅豆冰室但一直都冇食過今日同事介紹話啲牛扒食到佢流哂口水就嚟食吓啦佢叫咗個肉眼扒跟（唔記得影相）我就食最鐘意嘅煙三文魚天使面我覺得好好食性價比高總結朋友話肉眼比西冷更好食天使面更加有下次

聽聞係沙爹牛肉麵關注組第一名，放假嚟排隊朝聖。佢個正門要兜入餐廳另一邊門，不在大街。雖然排隊係室內，但有點焗😥，幸好排咗15—20分鐘就可以入座。座位有點迫，大家都係快食快走。♡沙爹牛肉麵♡沙爹牛嘅顏色好吸引👍，味道偏濃，喜歡重口味就啱，個人覺得太咸。牛肉質地都係用鬆肉粉醃過，算正常，唔會太淋太硬。麵質適中。滑蛋望落都好靚，食落算滑😋。腸仔正常有煎過。♡紅豆冰♡紅豆冰唔算特別出色，紅豆淋身，正常發揮。如果不用排隊可以一試，喜歡重口味都可以嚟朝聖。不過真係坐得唔耐，食完就要走。

今日下午同家人去旺角購物，到達旺角後先揾附近茶記食午餐。OpenRice揾到紅豆冰室，就即管試下，等咗唔夠5分鐘就有位。家人要咗個沙嗲公肉米常餐，跟熱朱古力。沙嗲牛肉味道夠濃，牛肉份量亦算OK。跟餐有炒滑蛋，火腿及迷你牛角包。熱朱古力夠晒香濃！我要咗下午茶餐鮮茄豬扒火腿飯，有骨豬扒烹調得入味，而且亦容易切，雖然係下午茶餐，不過都算幾有驚喜。跟餐叫咗杯凍咖啡走甜，咖啡係幾香濃。整體紅豆的水準係較一般茶記為高，大家喺旺角揾地方食嘢，就腳的都可以考慮試下。至於服務方面，就一般啦。

朋友試過說很特別，今次咁啱經過，不防試一試，一試難忙，難忙的不是味道，是價錢，普通的波蘿包加了午餐肉和雞蛋就可以漲價，是‘卓頭，還是味道？ 餐蛋包味道不會太差，買唔買你自己選擇

位於旺角鬧市新派冰室 款式選擇多 包括很少冰室有玉子鰻魚飯 All day breakfast 🥐🥗都有 適合有選擇困難症既我😆😆👍🏻今次我就揀咗食火炙鐵板 🥩美國西冷牛扒配薯菜 🥦🥔以冰室尼講佢塊牛扒一啲都唔差 相比出面專食扒嘅餐廳一百幾蚊嘅質素來講佢絕對會勝出 肉質非常嫩滑 仲有好Juice嘅肉汁 🤤不過我自己較為鍾意佢嘅薯條多過鍾意佢塊扒 薯片炸到熱辣辣脆卜卜 而且份量好多 所以對於鍾意食香口嘢嘅我嚟講 呢個薯條真係好過食麥噹噹🍟😍

今次係旺角搵食咁岩見到最就腳嘅紅豆冰室。menu選擇都多花款。見到招牌海南雞飯就點嚟試試佢。但上到嚟望落隻色水似豉油雞，連個味都唔海南雞，不過就無骨同埋肉質都夠嫩嘅。佢啲醬都偏咸同埋好濃味。送碗茶記例湯：蓮藕豬骨湯。因為有湯送佢就無再另外配嘢飲，如果要飲就好似加幾蚊左右。仲點咗個巨型菠蘿包。個皮係幾脆，但包體唔夠軟熟，味道普通。好似都$8-$9一個！之前初開張時都同男朋友嚟食過，兩次質素都一般般。可以唔洗再食🫢

It was pretty hot outside and I was hungry. The closest place was Red Bean. A typical cha chan teng. It was busy but we were able to find a table within minutes.When we were there they had the afternoon tea menu available. Menu is in Chinese only. There is no English menu and no 10% service charge. Sets include a drink. However they do have an a la carte menu that has English.I had the Soy Sauce Chicken Thigh with Salad ($42). The chicken thigh was quite juicy and well marinaded. The salad was g

✿ 朱古力漏奶西多士由於好鍾意食西多士，喺西多關注組見到，特登去試下，點知好失望，試過一次就夠了。外表係好吸引嘅，正方體大大嚿，面層鋪咗朱古力粉，切開佢中間仲會漏奶出嚟，係真係液態狀嘅奶。西多士唔香脆，食落去冇味嘅，浸哂落去啲牛奶度撈埋啲朱古力粉，先有淡淡嘅朱古力奶味。一開始見到好多客都點呢個，仲諗住好好味好邪惡，點知淡到冇味咁，同西多士又唔夾，真係可一不可再。另外叫左兩個正餐，味道很普通，放上照片算了，食之前見到個樣咁靚，就用ig filter打下卡，點知...唔好食嘅 (T-T)不過每個人嘅口味都唔同，可能我覺得唔好食，其他人會覺得好食呢(^-^)

食幾十蚊下午茶餐，有乜好寫! 但我覺得佢哋應該有改善空間,所以鼓勵下。是日打風，8號風球但並未見暴雨及狂風，所以下午便出外覓食,旺角區行人都唔少，但食肆多數關門，只有呢間好勤力,仲有下午茶供應，咁就入去食。Order左乾炒牛河餐同埋一個豬扒包餐⋯下午茶選擇多乾炒牛河即叫即炒，中規中矩，份量頗多,但牛肉醃得太淋，冇哂牛肉味，相比隔離街間一日三餐牛河份量雖然少啲，但係味道好得多。這個豬扒包豬扒炸得好脆，幾唔錯⋯⋯但整pad蛋沙律在上面，味道唔多夾，最大敗筆係個麵包放入微波爐叮熱，完全唔脆，係淋bad bad,，破壞哂整個餐😖。希望佢哋改善下，以前D茶餐廳所有包類：熱狗包、漢堡包或者豬扒包都係用焗爐焗熱，或煎pan乾煎熱，好脆好有口感。希望你哋去改善下，比少少心機就可以做返好多回頭客㗎la….

個日去飲鹿角巷，發現隔離有間紅豆冰室，見到佢個all day breakfast 幾吸引幾平，就決定試下。店入面大部分都係香港人鍾意既卡位，不過唔係梳化，但坐得都算舒服既。我同朋友叫左一個英式全日特餐（$65），薯餅好味😋，一啲都唔油！牛角包同炒蛋好夾，但牛角包🥐凍晒，如果佢整返熱先上碟就滿分啦！另外嗌左個是日午餐，咖哩薯仔魚柳飯（$64），跟餐有紅湯同野飲，我加左$10要左杯芒椰蜜桃冰特飲。咖哩唔係個啲日式甜咖哩，係帶少少辣味既👍🏻，同魚柳一齊食好夾，杯特飲好正，芒果味同椰汁味好重，但無乜蜜桃味，得好多蜜桃果肉。紅湯🥫夠濃，加埋胡椒粉一流！整體黎講質素算唔錯，坐得都算舒服，店內環境都乾淨，經過旺角既可以去試下(˶‾᷄ ⁻̫ ‾᷅˵)

第二次黎到呢間冰室，今次叫左個雞脾撈麵同埋朱古力西多。眼見旁邊食客台面既飯麵外觀都有一定既水準，不禁對我點既野食有D期待。果然不負我望，碟雞脾撈真係幾靚，雞脾食落都叫唔會過老，但係唯一奇怪既點係，成碟野食，包括雞脾同埋撈麵都係無味既。食曬成碟麵其實見到碟底都有一定數量既調味，但好可惜既係佢地都係得個樣。好彩牛角酥有牛角酥味，炒蛋都真係有炒蛋味。然後要講下個西多士，我好相信我叫原味西多會比較滿足，因為我食呢片朱古力西多就好似食緊原味西多咁。西多上面既奶同埋朱古力粉加埋都係食唔到任何突出既味道，就只有好丁點兒甜味。可能呢間餐廳只係俾你打卡唔係俾你食飽既，因為佢食物既外觀真係好靚，而相對佢既味道真係一般。

夜晚最抵食攻略！ 常餐雞髀撈麵識食一定係食雞髀撈麵常餐撈麵由細到大就食得多啦 好食難食一試過就知！而紅豆冰室嘅撈麵都可以話係算幾好食果隻！撈麵同醬汁比例都幾平均 唔會太濕 又唔會乾廚師可以醬汁緊緊咁鎖住係啲麵入面 而麵嘅濕度係拎到出嚟俾客食係啱啱好！可以廚師對撈麵呢一行 都有一定嘅專業知識同經驗，我撈麵達人夠膽俾撈麵界呢一行俾8.5 分佢呢同時間 ，雞髀呢個配搭都唔錯！瑞士汁雞髀 甜度都啱啱好 咬落去 啖啖肉 肉筋少 雞皮表層都鎖住曬啲濃濃嘅瑞士汁可見廚師係雞髀嘅來貨源都做過充份嘅資料搜集唔會好似出面咁用啲劣質嘅雞髀貨同時常餐都會一如既往送多個蛋治 蛋治就不過不失啦 但我正常就食完個撈麵餐都夠曬肚啦而同時再送多杯嘢食（又去到評分環節啦 ！ 5分🌕為滿分）味道：🌕🌕🌕🌕🌑環境：🌕🌕🌕🌖🌑服務：🌕🌕🌕🌗🌑價錢：🌕🌕🌕🌕🌑抵食指數可以話係去到4.5分俾佢 🌕🌕🌕🌕🌗

夜晚唱完k要搵野食，但而家啲餐廳都好早收，見到紅豆冰室仲開緊就入左去了，宵夜餐我都係第一次見，有趣🤣 雖然好想試下個流心芝士西多士餐，但夜晚晚都係唔好咁邪惡，要左個常餐瑞士汁雞脾撈公仔麵($59)🍗雞脾幾靚仔，層皮軟稔稔好好食，肉質都唔會好老。麵偏稔，個麵略嫌唔夠瑞士汁，可以多啲汁就更好🍜炒蛋偏實淨，牛角飽好搞笑得一半，但唔錯，食落去都食到有層次的，唔會成舊粉咁🥐紅豆冰室都唔錯，聽朋友講佢啲食物質素都幾高，見到佢雙強飯隻蛋煎得好靚，可以可以再試下🍳

<半讚👍🏽/半伏🤢>午餐‼️見到網上好多人介紹漏奶西多，所以專登去排隊試下‼️.🥣朱古力漏奶西多士🥣：💰$36個面醬搖下搖下咁，好多何華田粉，切開漏奶😱唔洗擔心 ，多士之後會吸返啲汁👍🏽中間已經係吸晒汁軟晒麵包（好似麵包布甸咁），唔會太甜！🥣濃濃鮮茄牛肉餐肉粒稻庭烏冬🥣：💰$58茄湯幾濃少稠，牛肉算多偏好軟但冇咩牛肉味..餐肉好細粒偏少，牛頭酥唔好期望太大…😂一片火腿好易碎（朋友話口感「好霉」？🤨）蛋就正常，烏冬最好食….明明已經好小心咁食…點解我地件衫都彈到番茄湯🤷🏼‍♂️🤦🏼‍♂️.好味程度：⭐⭐⭐抵食指數：⭐⭐⭐環境指數：⭐⭐⭐💸人均消費：$50另收加1️⃣服務費：❌再食 ENCORE：😐