霸嗎拉麵 (Closed)

無論去到邊，一見到霸嗎拉麵就忍吾住入去食返碗，今天也不例外，同老公去銅鑼灣祟光shopping完，經過駱克駅就見到霸嗎，立即要老公去排隊入座。炙燒豚肉味玉拉麵，我最喜歡尼款，真係食極都甘好味，濃濃的豚骨濃湯底好鮮甜，拉麵我選了軟麵口感，幼滑彈牙，掛上濃湯十分美味，流心蛋滑溜，豚肉經過炙燒特别香口，肥瘦適中，林滑入味，味筍爽口，好好味！特盛炙燒豚肉拉麵，老公比較喜歡食肉，特盛這款有多塊豚肉好岩佢，厚切的豚肉又香又林滑，大大碗好抵食。羽根燒餃子，餃子底部煎得好香脆，皮薄餡飽滿，餡料多菜少肉，食得好健康。

呢間餐廳的拉麵成日都有人排隊，所以點都要去一次試下。間餐廳喺銅鑼灣C出口，對面就係果間餐廳。今期佢地promte就係極上原隻龍蝦味玉拉麵。餐廳內裝修餐廳用左吊燈，吊燈就細細個：但又幾光猛。餐廳頂部就做到好似日本嘅屋咁。呢張點餐紙都幾好，寫清楚麵有三種軟硬度。軟、適中硬。而且可以走蔥同少蔥俾人選擇。極上原隻龍蝦味玉拉麵個拉麵除咗拉麵之外，仲有原隻雞蛋、龍蝦、西蘭花。湯底就偏深橙色。飲落去好濃蝦味，而且唔漏。龍蝦都幾大隻，而且都好易起肉。龍蝦鉗啲肉好入味。因為佢先整碎個鉗嘅殼！隻龍蝦好正，好多龍蝦籽，而且啲肉好爽口同好彈牙。拉麵口感都幾好，偏向幼身，而且，啲拉麵都幾掛汁，啖啖都有蝦味嘅拉麵感覺一流。調味架調味架有七味粉、醬油、蒜粉。擺放都幾整齊。

今天在銅鑼灣食了個超好食的拉麵, 所以好有興致在這裡寫下評語.偶然經過這間位於銅鑼灣的拉麵鋪, 見到有7,8個人在門口排隊等位, 很是好奇, 食拉麵都要排隊? 一定是好嘢了, 於是我都排埋一份等食拉麵, 等了十來分鐘, 我們便可入到店內, 睇見餐牌, 都有好多款拉麵, 我便選了”辛辣灸燒豚肉玉拉麵”, 想食辣的拉麵很久了, 食過很多種日本拉麵, 但多數辣拉麵都唔太辣. 好快我嗰碗辛辣灸燒豚肉玉拉麵來到我面前, 好紅一配麵呀, 紅色的辣濃湯加綠色的蔥, 成碗麵好吸引呀, 急不可待挑起一箸麵來食, 麵身是我選的硬少少的麵, 好食, 是我喜愛的硬度, 拉麵好入味, 香濃的湯加上我選的中度辣,超級惹味, 而且食到辣味, 不是一味得個辣, 而係香辣,好吸引, 好好味! 超大一塊厚豚肉兩邊煎到金黃色, 浸在湯裡索咗濃湯的味道, 咬一啖又鬆軟又香口, 一啖拉麵一啖豚肉真是超好食, 這就是我想食很久的拉麵的味道, 真是排隊等位都值得, 食到真正又香又辣又好味的拉麵!仲有羽根燒餃子, 五個煎餃子放在碟上, 底部仲有一層薄薄地超脆的脆底, 點一點他們的餃子豉油, 又香又脆, 食得出是用椰菜及雞肉包的餃子,

今晚一個人ot搞到好夜先收工，放工又唔想食得咁飽，坐車經過銅鑼灣就去食碗拉麵啦！霸嗎拉麵，分店愈開愈多，之前食過幾次，今晚再黎開餐啦！我叫左羽根餃子，香脆餃子皮，中間肉汁非常豐富，外層脆卜卜，而且充滿咬口！熱辣辣即叫即食，加上秘製餃子汁，好正！我叫左雞叉燒辛辣雞白湯拉麵，拉麵掛湯力極高，湯底辛辣度平平，加上香滑雞肉，雞肉非常香嫩，加上炸蒜和香油，肉汁又重！湯底好濃郁，雞湯比豬骨湯清香！食完之後叫左芝麻紅豆雪糕，芝麻香濃幼滑，紅豆綿密香糯，甜度唔高！霸嗎係我放工既飯堂！

霸嗎都算係多分店既拉麵係CWB咁岩經過又從未食過同埋果陣發現登記做會員既話就可以以優惠價加配餃子就決定試試佢果到既位唔算多 通常都係長枱黎而果日我地3個人就被安排左去坐自閉對牆位同平時拉麵鋪差唔多枱面都係有水壺提供番凍水同埋有D醬料同配料加番(E.G.七味粉、蒜)個拉麵到左啦我叫左佢最BASIC果款灸燒豚肉味玉拉麵意想不到佢睇落唔錯但食落都令我地幾失望佢既竹旬咬口同平時既唔同 冇咁好食而塊肉既肥膏太多比例上唔太好麵質係正常既 唔算好彈牙但日本拉麵黎講湯底係好重要明明就咁睇佢呢個色都似係會幾濃味但竟然食落係冇咩味我地要不斷咁落七味粉同蒜自己調味先食得落..真係好失望之後上左餃子餃子係煎得唔錯既皮薄而餡料既調味都恰當但作為一間拉麵鋪 拉麵既水準先係最重要相信我都唔會再去食了

忙碌過後，用餐時間亦順延至下午，飢腸轆轆的我走在銅鑼灣的街頭上，掛著一個個日式小燈籠的餐廳，吸引著我的目光，就是一間店舖面積非常大的日式拉麵店…點菜用的餐紙清晰易明，剔幾下，靜候食物的到來。餐具及飲用水已放在桌子上，自由取用。似懂不懂的日本文字，是店家對食品出品的執著吧。不消一會食物送上，特盛炙燒豚肉拉麵＄118，事不宜遲，馬上喝一口日本拉麵的靈魂（湯底），啡色的濃湯，有一定程度上的濃厚，骨膠原感覺豐富，是我喜歡的濃郁味道，由於麵條選用比較幼身的類型，麵條早已吸收了濃湯的精華，麵質爽滑，鹹香惹味，兩者味道可謂互相輝映，十分滋味。豚肉的份量可以用驚人來形容，四件豚肉不但厚度十足，更覆蓋了湯碗三分之二的面積，吃一口，肉質不鬆不硬，呈現比較樸實的口感，肉味濃郁。味玉＄10，日本拉麵常見的糖心蛋，當然是不可以錯過的，經過醬油腌製煮熟，烹調時間控制得剛剛，淺嚐半口，蛋黃流心，蛋白嫩滑，蛋味充滿了口腔之中，味道佳。羽根燒餃子＄12（跟餐價），這個餃子挺特別的，她有一層薄薄的脆片包裹著，內裡是軟軟的餃子皮，餃子多菜少肉，味道不錯。雀巢檸檬茶＄8（跟餐價），下午茶時段跟餐的飲料，同樣性價比高。醬燜雞叉

霸嗎拉麵銅鑼灣店都開左一段日子，今日單拖落嚟買野，過左繁忙嘅lunch hour，無人排隊，就快食一碗拉麵。鍾意霸嗎拉麵人性化嘅order 紙，可以揀麵嘅軟硬度，少油、走筍，很方便。今日試下辛辣雞叉燒，湯底濃度適中，唔會杰撻撻，我都忍唔住飲兩啖。 雞肉入味又彈牙，呢個辣味我覺得屬小辣，唔會太刺激，過下口癮。 麵底我揀適中，都係同中環店嘅一樣咁好食。我另外加左份紫菜同味玉，味玉好正，真正流心，但蛋白係剛剛全熟嘅，送麵一流。

霸嗎拉麵-和風味特濃拉麵專門店門面是典型日式的裝潢，紅白色的燈籠交錯著，配以日式和風趟門，店內非常光猛，三角形屋頂狀的天花，桌子一列列井井有條排開，配上淺木的桌椅，外牆掛滿日式的掛畫、裝飾，再加上掛著日文字的橫額在廚師的烹調區，極濃厚日式味的拉麵店。拉麵紙，可以選擇拉麵的軟硬度，油份的多少，配菜的加入如蔥、荀和木耳。炙燒豚肉味玉拉麵濃郁的豬骨湯底，稠度偏高，拉麵是選用幼身的，每條麵條充分沾上湯汁，豚肉大大片，半肥瘦的豚肉片經炙燒後油分迫出，入口即溶，味玉是溫泉蛋，半熟流心狀態，配拉麵一流！雞叉燒味玉雞白湯拉麵湯底是以雞湯為主的，和豬骨味完全不同，雞叉燒是以雞卷的形式再切片，厚度十足，啖啖嫩滑雞肉，在上加上炸蒜更香和有口感，再加上味玉，效果和剛剛的豚肉拉麵一致，加分加分！

屬於拉麵控既我同朋友收工後周圍搵野食，依間霸嗎拉麵長期好多人係門口排隊，難得見佢無人排之餘，重有位可以即坐，馬上試下，不過入面啲坐位真係好窄，廁所都非常的骰，好有日本feel中意食辣既我就叫左碗 辛辣炙燒豚肉味玉拉麵成碗麵個感覺就係好油，無咩味而朋友就叫左碗炙燒豚肉味玉拉麵個湯底濃，但麵就吸唔到湯，啲麵一啲都唔入味，豚肉就更加係無咩味，只有炙燒既味兩碗麵最欣賞既係個味玉其他都係好一般重口味既人絕對唔可以來試

之前曾經去過呢間鋪既姊妹店"風雲丸"食過，同樣都是來自廣島的拉麵店，店內外都有顏色鮮艷既佈置，濃濃的日式風格，埸內都是四人枱/有間板的並排坐，一個人黎食都不怕尷尬，櫈下面有得放袋，所以密密的枱人流轉得快，就算要排隊都好快入到去特盛炙燒豚肉拉麵 $118一向大食既我食親拉麵都唔係幾夠食，通常都會點替玉先夠，上次食過姊妹店風雲丸都對霸嗎有信心，成日見人排隊，今次终於一試，打開餐牌見到特盛梗係要點，麵一到，肉呀🤤🤤🤤平時拉麵多數都係得一件厚叉燒，今次呢碗有4件，仲要係又厚又大件既慢煮厚切叉燒，加上廣島直送既濃郁豬骨湯底，真係原汁原味from Japan,今次真係唔洗加替玉都夠飽，不過大食開既我見到有小食當然都試番2款😋😋羽根燒餃子 $35一碟5件，正宗九州餃子，餃子連埋原塊脆卜卜既皮底，入面既野菜餡份量夠多，味道清新加埋脆脆口感，不錯的小食。唐揚炸雞 $35一碟5件，即叫即炸的日式炸雞，今次揀左原味，另仲有辣汁燒汁同沙拉揀，炸雞外層夠脆，雞肉香嫩多汁，又夠大件，$35性價比很高

霸嗎拉麵近我返學地方，所以經常去光顧。我大多數七時左右進入，一直不需排隊等候。今晚放學後十時進去，也是長驅直入，無須等候。以前都是吃獨沽一味：辛辣炙燒豚肉味玉拉麵，那碗麵賣點是那成吋厚的肥豬肉，我相反地，最不喜歡那塊厚肉，太厚太多了，啖啖肉，而且烹調不入味，很「鞋」，但湯底十分濃郁。今晚，由於十時了，不想再吃啖啖厚肉，改叫了雞叉燒味玉雞白湯拉麵。麵到了，一口嚐湯，不錯，很有雞味，再試雞叉燒，比起豚肉，感到滑嫰一些；玉子仍是溫泉蛋，半生半熟，夕陽般的紅，十分吸引，感到滿足。不過，吃過之後，連忙喝了五大杯水，仍不足解渴，可想其味精之多！

成日行過都見到一大堆人響門口排隊既拉麵店，今次終於緣分到了要去試，因為響門口見到個好吸引既牌寫著「期間限定．原隻加拿大龍蝦+櫻花豬骨龍蝦湯」🤤🤤🤤🤤🦞🦞🍜極上原隻龍蝦味玉拉麵 $128一黎到已經好吸睛，成隻龍蝦放左響到🤩🦞🦞勁濃厚既湯底，即刻飲番啖，不會似西餐廳係勁咸既龍蝦湯，濃得黎有d 甜味，配上一隻熟度岩岩好既溏心蛋，成碗麵就更加昇華不小。說到底重點還是龍蝦吧，最surprise 既係平時見到多數響其他鋪既龍蝦拉麵都係得半隻，今次成隻龍蝦咁食，啖啖肉🥴🥴🥴又有膏，麵既份量都唔小，真係一個麵都飽哂，抵為食的我又點會只係滿足於一碗龍蝦麵，所以又點左新奇又有趣既醬燜雞叉燒$48雞叉燒同豚肉既叉燒好似樣，都係卷著既一舊肉，雞肉會比豚肉嫩滑，一碟四件大大件，幾抵食🙂🙃

拉麵一向都只係會在日本食，因為香港啲拉麵店上落都幾大，但天氣開始轉涼，突然心裡一陣涼風，總好像已經到了冬天日子，又見一間拉麵館就試一試下你啦！雞叉燒拉麵賣相都十分吸引，香味十足令人垂涎欲滴，加上一支推介的水蜜桃果汁氣酒，果然無令人失望！

😝太掛住日本今日剪完頭髮J咗個拉麵🍜 #呢間唔錯可以翻兜😆 #當然同日本嘅仲爭好多因為食材唔同😏 #止下癮不過間shop又幾好心思有得揀走筍☝🏻 仲有隻🥚未開時同唔知佢係經理同佢講隻蛋如果唔流心有冇得換，未講完佢已走咗去廚房攞定一隻同我換，幸好我一打開係流心☺️好耐冇去過食咁有heart嘅食店👍🏻唔講以為自己去咗日本食😋

今天在銅鑼灣做完運動，朋友說想吃拉麵，就立即想起這間霸嗎拉麵，之前經過每一次都會要排隊，幸好都已經九點半，不算太多人，但店內都有很多顧客。拉麵店來說這間店都算很大和多座位，看到掛在牆上的獎牌原來這間店始祖是在日本廣島，還得到不少獎項。餐牌主要有兩款湯底拉麵，一款是濃厚豬骨湯底，另一款是雞白湯底，雖然只有兩款湯底，但專研兩款相信比有多款湯底的拉麵店更專業。落單形式是以點餐紙自己落單，可自由選擇麵的硬度、少油、少蔥、走蔥等....還有多款小食和飲品選擇。店員向我們推介期間限定極上原隻龍蝦味玉拉麵，但因為怕拆殼麻煩，所以沒有考慮。最後我們點了濃湯豬骨豚肉拉麵$83、醬燜雞叉燒拉麵$83、可樂Zero、葡萄梳打酒$18。濃湯豬骨豚肉拉麵 - 湯底濃郁，夠熱，麵的硬度適中，豚肉很大塊，入口溶化，好味到難以形容。👍🏽醬燜雞叉燒拉麵 - 湯底重雞湯味，有一層薄薄的油脂覆蓋湯面，很香濃，雞件份量很大，很滑。總評：不收加一，食物超出預期，值得推介！👍🏽