Potato Corner

Open Now

Now Closed

放咗學口痕想搵嘢食行下🤓買最大嗰個size同男朋友開心share😚店員姐姐即叫即整，仲有幾隻味可以揀我哋揀咗sour cream味好食到食唔停，話咁快就清晒！✨✨✨其實會再encore ！

是我最爱的小薯条芝士跟酸忌廉薯條 🍟很厚重的调料粉带着浓郁的芝士香气包裹了每根薯条，入口就是浓郁的咸香，再加上现炸薯条的外酥里糯⚡️，口感滋味大爆发📌但薯条是现炸的要等一会儿，而且店员一般都是菲律宾人，所以最好讲英语，或者很清楚的指明需要什么东西哦

每次經過呢間嘢都覺得好香，見今日難得冇乜人就即刻去買😛Chili bbq & cheese shoe string jumbo🍟 $41有得揀雙拼實在太好了，啲粉多到唔使錢咁🤣薯條即叫即整，超香脆！仲要係我鍾意食嘅幼薯條，chili bbq味雖然真係好辣，但係佢有種魔力令你會繼續想食落去😋不知不覺間就清晒Cheese tater tots mega🥔 $48外脆內軟，食落去好滿足🥰芝士粉令到成件事嘅邪惡程度升級咗，薯波控必須要嗌嚟試下🤓

Potato corner 已經係每週必去地方，即使我去泰國旅行都會買potato corner薯條。另外Potato corner既食物全部係即叫即炸，比起其他快餐店炸物無咩油膩感，每次經過都忍唔住買🤣每次食薯條，酸忌廉洋蔥粉必定係我首選，今次Mega可以揀兩款味道，我地試埋燒烤味😋。potato corner厲害之處在於口感特別香脆，每條薯條都好均勻咁掛上調味粉，惹味到要lam埋手指既調味粉。最重要Potato corner轉返幼薯條，幼薯條先係皇道！平時去potato corner淨係食薯條，其他小食原來都好好味，我今次試左笑臉薯餅，外型好得意，外皮香脆，食得出用新鮮薯仔整👍🏻。近期季節限定既調味粉有sour cheese同truffle。我揀左後者，松露香氣四溢，味道無想像中咁濃。

如果你係薯條控，銅鑼灣渣甸街嘅Potato Corner真係唔可以錯過！佢嘅地理位置超方便，喺地鐵F出口行兩分鐘就到，每次經過見到啲人食得咁滋味，終於忍唔住要試吓啦！呢度主打炸薯條同薯餅，全部即叫即炸，熱辣辣又香脆，真係吸引。 今次我試咗兩款，第一係Mega size嘅炸番薯條，可以揀兩個口味，我揀咗sour cheese同BBQ味。BBQ味一如以往咁惹味，鹹香中帶少少甜，食極都唔膩。而sour cheese係新口味，酸酸地又帶住奶香，配埋番薯條嘅天然甜味，真係一絕！炸番薯條外脆內軟，一啖咬落去，甜味慢慢滲出嚟，好滿足。 另外，我仲試咗Jumbo size嘅笑臉薯餅，呢個真係必試！外層炸到金黃香脆，內裏係鬆軟嘅熱辣辣薯蓉，食住真係好開心。我揀咗Wasabi mayo呢個新口味，薯餅變成微微綠色好搞笑，微辣加上濃濃芥末香，好特別。

菲律賓嘅過江龍「炸薯條專門店」，平時一想掃街就會買黎食😆除左薯條，仲有好多薯類選擇，薯圈/薯粒/哈哈笑薯餅/蕃薯條🤩仲可以自由選擇唔同味道😛-🍟 Mega size (2款味道)分別揀左酸忌廉洋蔥味同燒烤味配配薯條，店員即時製作，放入筒內Shake Shake，味粉融入每顆炸薯之中😝味道均勻👍-🍟 Jumbo size (1款味道)想比薯條，小編反而更鐘意哈哈笑薯餅🥰即叫即炸，薯餅炸到外面好香脆，入面d薯蓉好軟綿綿☺️口感好正會忍唔住keep住係咁食😝揀左芝士味

👧🏻😋👅🍽✨薯仔愛好者必訪😳-🥔 即叫即炸唔會油, 加味粉再慢慢砌入個盒, 裝到滿一滿先出貨好有心💕 🥔 有四個size分別可以揀1-4種口味,base有得揀薯條/薯粒/薯餅/薯圈/蕃薯條, 都算好滿足到薯仔愛好者🤩🥔 有student同domestic helper優惠, 減幅都算多, 詳情見圖-◾️MEGA 炸薯圈 $53💯 MEGA可選2款味, 芝士唔係常見白色果隻粉, 而係PLANTERS芝士波橙色果隻味, 係勁有回憶🤣 另叫左酸忌廉洋蔥 正常發揮-▪️JUMBO 薯條 $41✨辣燒烤味香辣可口食上癮; 直身薯條算做表面面積最大而形狀有助均勻地痴上味粉

Potato Corner銅鑼灣渣甸街36號地下2號舖經開銅鑼灣，老友推介高質小食店，今次試下炸番薯條同笑臉薯餅先。😁炸番薯條 揀咗芝士味，大廚即叫即炸，炸油新鮮，外層香脆，內層鬆軟，番薯的甜味慢慢滲出，芝士粉夠均勻，鹹度適中，好快畀我清曬，推薦！😍笑臉薯餅 揀咗辣椒烤味，又香又脆，薯味濃郁，辣度適中，大滿足！😽Potato Corner 食材新鮮，即叫即製，廚房整潔，店員服務態度好，還會再來！😎🤘🏻

話說勁耐冇食過呢間既薯條，呢日心血來潮想回味一下🥲值得一提既係水準同印象中既差吾多，仲係可以keep住即叫即整.👁‍🗨 笑臉薯餅 (7.5/10）💲41 (jumbo).➰jumbo 只可以揀一個味，我揀左bbq味，印象中係個人覺得最好食既，而家依然係我首選😂因為夠惹味又帶點點燒焦味，薯餅造型得意，咬落係啖啖薯既口感，對於薯仔控既我，表示好滿意🤣.👁‍🗨薯條(兩款味)(7.5/10）💲48 (mega).➰mega size 可以揀兩個味，但自然地都係揀左bbq味😂配酸忌廉洋蔥🧅後者既味道冇預期中既濃郁，酸忌廉洋蔥味吾夠突出，薯條就比較幼身，熱辣辣，帶點點脆口，份量超多🤭.🔛 整體評分（7.5/10）

呢間potato corner成日係街都會見到，原來呢間店係香港已經有20多年歷史，來自菲律賓，主打薯仔類炸物，包括薯條、薯寶、蕃薯條等，最受歡迎梗係薯條所有薯條都係即叫即炸，最主要係將啲薯條同埋調味粉撈埋一齊🔥每一條新鮮嘅薯條都會沾上調味粉😆調味粉有洋蔥酸忌廉、BBQ、chili BBQ同芝士、芝士味，每款都各有特色至於份量方面，potato corner提供了Jumbo、Mega、Giga同Tera四個size，可根據大小最多可選擇四款調味粉我就揀左Mega同Jumbo，Mega就要薯條，而味道就要洋蔥酸忌廉同芝士味，食落好香口，我本人比較中意洋蔥酸忌廉，必食之選⭐️Jumbo就要左蕃薯條，味道揀左BBQ，蕃薯條好甜再配埋BBQ好濃郁惹味，值得一試✨

呢次去銅鑼灣嘅Potato Corner真係冇得輸!😋行過都成日聞到勁香,特別係佢哋嘅炸薯條同薯粒,真係令人一試難忘🍟我哋叫咗Mega size嘅炸蕃薯條,呢個size可以揀兩隻味,我哋就揀咗芝士味同BBQ味🧀。芝士味真係好濃郁,食落去好creamy,BBQ味就帶有少少甜甜地嘅煙燻味,兩隻味都好夾蕃薯條,真係食到停唔到口🍠另外,我哋仲叫咗Jumbo size嘅薯粒,呢個size可以揀一隻味,我哋就揀咗sour cream & onion🧅。呢個味道真係好特別,酸酸地又有洋蔥嘅香味,配埋即炸嘅薯粒,外脆內軟,真係一流😋最正係,全部食物都係即叫即炸,熱辣辣咁送到你面前,外賣拎到返屋企都仲熱辣辣!

好鍾意食扭扭薯條，但係連鎖店唔係成日有得食。呢度就冇呢個問題，長期有得供應（開心！）所以，當然要揀我最鍾意嘅燒烤味雙拼芝士味配扭扭薯條啦🧡🧡🧡燒烤味依然惹味，芝士味好似芝士波零食嗰隻味，所以好懷念。今次試埋個番薯條，覺得番薯條應該食佢原汁原味，所以就唔叫佢比調味料啦，只係俾咗少少鹽落去。原汁原味食番薯薯條係最好味。🧡🧡🧡員工好helpful，喜歡呢度啲薯條係即叫即炸，新鮮熱辣辣脆卜卜，炸得好嘅薯條係應該外脆內軟，保持外皮金黃色又唔會炸到乾晒，呢度完全符合晒！

經過渣甸街都聞到好香薯條味，原來係呢間小食店，綠色好吸睛，即刻行去買先，Potato corner 提供薯條，薯粒，笑臉薯餅，炸番薯條，炸薯圈。有不同大小，不同味道，全部都係即叫即炸，口味有芝士味，燒烤味，辣燒烤味，酸忌廉洋蔥味，有時仲會有期間限定味道，今次就有wasabi同松露味。我地今次叫左mega薯條，有芝士味和酸忌廉洋蔥味，薯條新鮮即炸，熱辣辣，芝士味濃郁，酸忌廉洋蔥味好好味，我好中意。另外叫埋燒烤味笑臉薯餅，大大粒，口感外脆內軟，笑臉十分可愛。

喺銅鑼灣街頭見到呢間sharp醒綠色舖面嘅小食店，就忍唔住停低咗腳步睇吓有咩好食😊 為食嘅我當然抵受唔到美食嘅誘惑，就叫咗兩款小食啦😎小食店主打各式各樣嘅薯仔小食，有薯條、薯粒、笑臉薯餅、炸番薯條同炸薯圈 。我就揀咗薯條同薯粒，全部小食都係即叫即製，見到店員炸完再炒到調味粉同薯條均勻，所以每樣食物都好惹味🍟等緊食物嘅時候都好多人幫襯啊特別有驚喜嘅係薯粒，炸到外脆內軟，相信我下次經過又會忍唔住買返兜嚟食吓🥔

菲律賓炸薯條同炸薯圈，別有一番風味。全部薯條同薯圈，都係即炸即制，超新鮮脆口，熱辣辣。芝士味炸薯條，金黃酥脆，芝士味芝士粉超級濃郁，口感滑順。酸忌廉洋蔥味炸薯條，創意令人驚喜。酸忌廉的清新與洋蔥的甜香配合，口感上既有酸味清爽，又有洋蔥的香氣，有一種特別的層次感。炸薯圈的燒烤味，搭配特製的燒烤粉，香氣四溢。但薯條同薯圈都偏濃味同咸，如果配埋啤酒應該會更好更正。Potato Corner銅鑼灣渣甸街36號