越好

Open Now

Now Closed

不是越南口味，竟然是潮仙口味。。。重點服務態度差，落單時清楚表明走青，不要洋蔥，竟然全部都加曬，反映完之後，就係比個碗叫我地自己剝出嚟。另外，糖心蛋不是糖心，就係一隻普通雞蛋7成熟，差！

當日我去到銅鑼灣希慎11樓嘅 越好越南街頭小食，點咗一份$89嘅套餐，包含一款主食、三款小食，加一杯飲品，性價比算高。主食我揀咗 越南豬扒湯河，湯底清甜，河粉唔會過腍，豬扒夠香口。三款小食包括 炸蝦餅、炸豬肉串同 越式炸春卷，全部即炸上枱，外皮酥脆，餡料有咬口，當中蝦餅特別出色。飲品我選咗 凍檸茶，微甜不澀，解膩一流。雖然採用自助取餐方式，但 Food Court 當日人流非常多，要搵位坐真係唔易，揾位時間反而多過等餐。不過食物質素有驚喜，調味唔太重，炸物處理得乾身，唔覺油膩。如果唔介意等位，想輕鬆感受一下越式小食風味，呢度都值得一試。

見食評讚這間越南生牛肉粉幾好，所以特登來試下。下午茶時間，叫了下午茶套餐，生牛肉粉配盒裝烏龍茶。好快出到餐，先嚐一口湯，濃濃的肉味但欠那份牛骨湯的香味，牛肉份量可以，可借半肥瘦，不吃肥肉的我放棄哂那一半的肥肉。河粉質量爽滑，但份量少，吃不飽呀！$53下午茶性價比低。 不會再來了。

希慎廣場變天，特別是 basement 多了不少高格調新餐廳，可以試下。不過今日只有半個鐘午餐時間，唯有到11/F的 Foodcourt。 希慎廣場的 Food court，用餐環境舒適。食店都有更新，今日就試下這間新越南食店【越好Pho Vietz】。門面用上黃色，十分突出。原來越南食店是過江龍，不過是馬來西亞來的。在1988年開業，當地現擁有7間分店。菜單有湯河、檬粉、飯。另外，加$12有越式小食及飲品。第一次食當然叫越南必食之選招牌生牛肉湯河($65)，另外加了小食春卷及飲品。湯頭呈深啡色，入口牛肉味濃厚，不過小編嫌略帶咸味。牛胸腹肉有多薄片，入口嫩滑。以米纸包裹的越南炸春卷經油炸後口感酥脆，餡料不太豐富，只見木耳、芋頭餡料。莫非是素春卷？

今日去咗我平時都會去開嘅飯堂，發現之前越南餐廳個位開左另一間越南餐廳喎，所以諗住去試一試。今日叫咗個生牛肉牛腩湯河，成碗野都好足料，啲牛肉食落都好爽口，唔會話好腍或者好嚡。九層塔嘅味道都好fresh，河粉亦都好彈牙。旁邊仲有生牛肉係到添，上碟係半生半熟咁，交足功課，一次過食到兩款牛肉，非常正。整體黎講係好食嘅，同埋都算大份好飽肚。

見到新開就去試吓係誠品上一層food court個層門面望落去乾淨餐牌價錢合理+$10可轉成套餐（lunch)今次淨係叫左個生牛肉湯河, 走芽菜好味而且份量夠如果個青檸可以大粒啲會更加好因為有人食越南嘢會鍾意多啲青檸味（唔知如果去問職員攞多粒得唔得呢）驚喜係我覺得牛肉量多好多時係其他餐廳食三四片就無曬但今次感覺食左好多片都仲有而且係好味既今次探店好滿意👍🏻下次經過如果想食越南嘢都會再黎都推介俾大家

見新餐廳進駐hysan food court. Menu 都清晰利落。尼個越南🇻🇳豬扒飯係餐廳 👍推介。賣相都可以食落就淨係食到蒜香味，豬扒望落去好似輕微煎一戰可以再香脆少少。蛋同飯囉冇乜特別囉醃製嘅蘿蔔就幾好食嘅果汁都OK。最唔掂就係嘢飲收我$8嘅烏龍茶原來係地道250ml. 如果係用紙包奶，其實應該好似粉麵檔咁樣標明出嚟囉。如果冇冰櫃嘅咁講到明咁又冇乜所謂，但係你冇咁樣講我就以為你手沖㗎啦嘛。有啲搵笨嘅感覺。--------咁隔離相機嗰個掣加好冇得add 相