越發地道河內料理

Open Now

Now Closed

屋企人帶我黎，話呢間好食，同埋假日排隊就唔洗指意，話等到天荒地老但係，今日平日，已經係星期二，都有條小人龍哦，最後等左20-30分鐘左右入得鋪面疑似係老闆1 man band serve客人，踢曬腳得黎唔混亂，無漏單/delayed order👍🏽叫左都幾多嘢，幾欣賞個粉，入口係滑既河粉，最愛呢種口感，生牛肉夠薄，入口「淋身」，炸蒜蓉牛油蜜糖雞翼更加唔洗講，正！！杯熱情果肉梳打係加左鮮熱情果肉👍🏽，味道係真實左啲😆，即係唔算好甜，有熱情果本身帶酸既味道，唔係話唔好飲，只不過係啱食原味道既人多啲😆😆😆

only a delicious bowl of pho, no biggie🤩just simple as; short, snappy and nomlicious - also represents how long it took me to slurp all of this up🥢. The irony is, it probs took me more time to queue, it’s defo one of those places where the queue actually makes a lot of sense, and I’d happily do it again 👀really found this place super authentic and true to northern styled viet, kinda teleported to Hanoi for a quickie 🇻🇳 just everything about how simple yet flavoursome the broth is, to the freshne

去過幾次, 唔係太多人排就係賣哂截龍, 今次專程食晚市頭輪, 但都係食唔到蕃茄蟹檬 😥招牌牛柳牛丸粉 - 湯頭的確很清甜但濃郁牛骨味, 加埋青檸同辣椒絲味道更有層次變化, 不過牛柳同河粉份量都偏少, 牛丸都係一開二, 女生食量都未必滿足越發牛油雞翼 - 雞翼蘸滿蜜糖再炸焗, 然後加上炸蒜粒, 香口juicy而且出面食唔到呢個味招牌越南脆春卷 - 跟埋生菜同薄荷葉可以包住食, 香脆外皮包住粉絲肉鬆, 加埋甜酸汁好醒神正宗越南滴漏咖啡 / 越發招牌冰咖啡 - 2款都冇苦澀味, 反而有回甘又唔會過過甜

又貴又唔係好食 仲要等幾耐服務態度又唔係好 排咗好耐隊 我同隔籬 枱嗌咗同一樣嘅餐 明明我入去先 又係我嗌先 但係佢比隔離先唔建議去食 閂晒啲時間等位 個人認為唔值得 都係上網睇完去試食 試完就後悔

想食越發好耐，但每次唔係勁多人排隊就係已經賣晒，今次終於畀我食到喇～ 招牌牛柳牛丸粉： 呢個可能係佢地最受歡迎嘅粉喇，同一時間入座嘅十居其九都係叫呢個，如果以 $100 碗粉嚟計，佢個賣相同份量其實唔算好好，不過，佢個湯頭就真係做得唔錯，比起其他越南粉嘅鋪頭，鍾意佢唔會太過油，亦唔會太濃味，牛柳同牛丸都好好食，佢跟埋個粉仲有啲油炸鬼、青檸同椒絲，先飲一啖原味湯再加青檸同椒絲可以好飲到中間嘅變化，如果肉嘅份量可以多少少其實都近乎完美。招牌越南脆春卷： 佢地嘅小食都係好出色，春卷上枱熱辣辣，外皮非常之脆，用菜包住嚟食加埋入面唔同口感嘅菜料，食得好爽～ 越發牛油雞翼： 呢個亦係出色，佢同坊間食開嘅越式炸牛油雞翼好唔同，佢係雞翼面有蜜糖再喺上面有好多炸蒜粒，又香甜又辛口，好食！越南滴漏咖啡： 本身諗住都係正路野叫杯野食下，點知都有啲驚喜喎～！ 平時飲越南滴漏咖啡 經常都會陣苦澀味，但係佢呢個又無乜，仲有陣甘味，撈埋煉奶再甜的，好飲～！ 唯一嘅問題，就係一坐低就已經話 蕃茄蟹檬 已經賣晒，唯有下次再睇下有冇機會食到喇～。

從前，老闆好有原則，做事一絲不苟有禮。幾年後嘅今日餐廳名氣大，加上老闆加價都唔係加好多，請多咗人幫手，係一個都幾後生嘅女員工，感覺有禮貌，但有禮貌及用餐安排沒有直接關係。今次用餐體驗我睇到及感受老闆從前的原則，今天已不一樣。先唔講你要花好長時間排隊入座之後再花好長時間等食物，再全身由頭到腳充斥油煙，因為餐廳面積有限，open kitchen，不能避免。唔會洗咗頭先過嚟，亦都唔會着一啲吸味嘅衣物。但是，相信每一個客人入嚟之前都已經有心理準備，為了食物，為了老闆的一絲不苟，好樂意等。好嘅食物好嘅老闆好的用餐體驗係值得等待，但今日親眼見到同一款食物，遲入座的客人食先，新請後生嘅妹妹一碗又一碗拎比較後入座，較遲下單嘅客人。一眾客人等待，換來如此用餐體驗，未知的顧客可以選擇前來感受，舊顧客會怎樣選擇？令人失望同時亦感激老闆過去幾年嘅努力及招待，未有機會親口同你講多謝，知道你會睇評論，開業食到而家，過去日子多謝你！望住你門口植物高過道門了，有機會再見！

自從越發被YouTuber發掘到之後，就越嚟越食到。以前12:00去到，排幾個人，第一輪都可以入到去食。依家想食要11:40-11:45 去到排隊先入到去，如果唔係就要等下一輪有人走先入到去😭越發樓面細細，樓面主要由老板一人打理，廚房兩至三個員工負責整野食，由於全部野都係即叫即煮，所以趕時間唔等得耐就唔好黎呢度食喇！如果你第一次食，叫招牌牛柳牛丸粉就一定唔會出錯！河粉黎到，必須飲啖湯先，鮮甜不油膩又有牛味👍🏻為咗避免過熟，所以牛柳佢唔會整熟哂，見到生生地係正常嘅，因為啲湯夠熱，浸一浸個湯再食，口感非常好非常嫩口！牛丸夠牛味又彈牙！如果你哋兩個人來，建議其中一個可試炭燒豬肉半越南檬粉（奧巴馬粉），係另一道我非常喜歡嘅粉，不過今次無叫就唔寫喇！

唔敢話佢係最好吃的越南粉，因為每個人口味不同，但可以肯定係最用心製作食物的料理！見食評一面倒咁讚，帶著懷疑心去試試，之前未有好大期待，皆因好多食評同我去進食後好有出入。大約11:40分左右去到店前，見已經有10人排隊。好開心第一輪可以入座，一早plan好要食碳燒豬肉越南檬粉及春卷，原來menu 轉了，待應姐姐推介了河內蕃茄蟹檬，我再加了一客春卷及一杯熱情果soda。在等待食物期間，見店內掛上了幾幅油畫，其中這幅好有色彩，樹葉是用乾了油漆貼上，觀賞價值頗高👏店內有熱茶供應，但我都叫了一杯熱情果soda少少酸甜，開胃飲品。見其他客人食物已經上了，我等了大約20多分鐘蟹檬才上枱，當看見碗蟹檬時喜悅就打從心裏跳出來，始明白到製作真係需時。這碗蟹檬，不能盡用筆墨形容，最好親自試試…食材有少量新鮮蟹肉、蝦丸、幾款不同扎肉，豆卜等，還有兩小隻煲軟嘅蕃茄，跟埋一小碗薄荷葉及紫蘇葉讓你伴入湯內，湯底相當清甜，陣陣蟹香，而蕃茄仔應該係採用入口Roma Tomato,形狀相似。取價$100元，絕對超值👍👍正投入享受蟹檬之際，春卷送到，急不及待享用，我可以擔保，係食過最好食嘅越南春卷，皮薄、材料豐富，調味洽到

呢間人氣越北菜的餐廳長期都大排長龍今次臨夜市開門前就預返時間過嚟排隊順利係第一轉就入坐～店內以簡約裝潢配以木系餐桌環境雖小，但仍坐得舒適老闆友善的閒聊地介紹熱門的菜式也會談及煮法和材料產地等等經推薦之下點了幾個有興趣的-奧巴馬粉名字由來係當年奧巴馬來越南時所招呼他的菜式湯頭清爽可口略為香甜，肉丸細膩柔軟而口感飽滿越南粉爽口又掛汁，連埋湯食非常滋味越南法式三文治法包烤得香脆，連配料食落好有層次，調味剛好越發牛油雞翼外層有不少的炸蒜勁香雞翼滑嫩而牛油味十足，好好味整體食物好好味，價錢中等，值得再來～

今次黎到被稱為油尖旺區最好食嘅ᴘʜᴏ 店舖細細 ʟᴜɴᴄʜ排左一個鐘左右先入得 非常有人氣 寒冷嘅天氣食碗暖笠笠又好食嘅ᴘʜᴏ 令人回味無窮💗.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆ .招牌牛柳牛丸粉嘅湯底用牛骨熬製而成 鮮味濃郁牛柳肉質鮮嫩 牛丸爽口彈牙🤤味道最驚喜嘅則是配上一齊食嘅炸兩 味道好香💯✨推薦食法：將炸兩浸一浸湯吸收晒湯底嘅香氣先食香茅紮肉雞絲撈檬味道酸酸地 好開胃 味道唔算特別滴漏咖啡都好飲 不過太細杯 試過一次就算🙌🏻.▪️招牌牛柳牛丸粉 $𝟿𝟿 ✩ ▫️香茅紮肉雞絲撈檬 $𝟾𝟶 ▪️越南滴漏咖啡 $𝟹𝟼✩: ᴋᴊᴀɪ ʀᴇᴄᴏᴍᴍᴇɴᴅ.❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎❞

Thank you my dear sister ，全賴有妳去排隊我先可以食到咁美味越南河粉。😘真係唔講都知呢間位於旺角嘅 「越發地道河內料理」一向都大排長龍，想食真係要比啲誠意，今日我有幸一嘗的確名副其實值得排隊等候。🥢招牌牛柳牛丸粉先試個湯頭，清香撲鼻牛肉味香濃撲鼻，牛柳入口軟嫩鮮香，加上一大堆切幼香菜清爽可口，河粉盡吸湯汁滑不溜口，水準一流神級之作！👍🥢配菜油炸鬼用來點一點牛肉湯即食，一個字形容 「正」🥢招牌越南脆春卷一定要試，香脆可口就必然，餡料豐富條條漲爆，粉絲同肉鬆超好食😋，夾住生菜薄荷葉同食層次升華妙極不可言。☕️正宗越南滴漏咖啡🥰這頓午餐可謂幸福滿溢！

早前同事跟我大力推薦位於旺角的越發，大讚它的牛柳牛丸粉十分好吃( ✧Д✧)!! 碰巧某個星期三要去好景拎包，就順便試下喇🤭大約晚上七點幾去到，幸好人龍不長，大約等半個鐘就有位喇~ෆ/🍜招牌牛柳牛丸粉 $99先試一口湯，果然名不虛傳‼️湯底以牛骨熬製，牛味濃郁香甜，還有一陣獨特的香草芳香，大大提昇其層次( • ̀ω•́ )✧牛柳鮮甜、肉質軟嫩又低脂；牛丸肉汁滿滿，好似食緊和牛牛丸咁濃郁😋配爽滑的薄身幼河粉，吸哂啲湯汁，開胃又美味⁽⁽٩(๑˃̶͈̀ ᗨ ˂̶͈́)۶⁾⁾ 隨麵附送油炸鬼、青檸和辣椒，可自行再調味，但我已經覺得好好食喇🥹好味到讓我忍不住喝了好多湯，幸好也未算太口渴！聽聞假日限定的蟹膏湯檬也非常出色，一定會再訪試試看🫶🏻誠意推介♡⸝⸝

🥰 話說 “長介母后” 識飲識食, 繼 “留家廚房” 同埋 “后園” 之後, 強烈推介小店 “越發”, 又話要大排長龍, 隨時要等30-40分鐘! 🤗 今日專程請假嚟見識下! 中午12點開門, 大概 11:40am 開始有人龍. 餐廳設多張2-4人方枱, 少量自修室枱. 地方乾淨整潔, 服務Ok. 🥢 點咗 “招牌牛柳牛丸粉”, 同埋 “招牌越南脆春卷”, 整體表現出色.🐂 招牌牛柳牛丸粉. 先飲湯, 一個字: 冇驚喜, 但又成碗湯飲晒喎. 牛肉有咬口, 不俗. 牛丸兩粒, 開邊扮四粒, 彈牙, 高質. 呢碗牛河非常有內涵. 🥟 配角: 油炸鬼. 啱啱炸起, 又係出色, 浸湯食一流.🫔 招牌越南脆春卷. 熱辣辣, 春卷皮脆似玻璃, 肉菜份量比例啱啱好, 絕配生菜, 神級之作!🤗 攻略: “長介老豆” 話午市比晚市好食. 建議平日中午11:30am 嚟, 排隊半小時, 等12點開門. 舖面細小, 坐唔耐, 又要排長龍, 唔啱朋友飯聚, 反而適合 1-2 人 “吃貨” 為食而嚟, “越發” 絕對交到功課, 值得推介.

 小店十二點開，位置不多，唸住一點去到第一輪客應該食完可以唔洗排咁耐，前面有5個客都等左40分鐘先成功入座。招牌牛柳牛丸粉等左十分鐘就到，羅勒香葉等已經整碎，香氣更出並融入河粉。牛骨湯好清澈，入口唔渴。牛柳非常新鮮，係熱湯裡慢慢燙熟，肉質尤其嫩滑有牛味！牛丸juicy彈牙，河粉比較挺身煙韌，仲跟埋油炸鬼，相當唔錯！再嚟杯越南滴漏咖啡，等咖啡慢慢滴漏到練奶底再攪勻，好有越南嘅感覺~小店強調用餐experience，並冇設下用餐時限，不過店外都張貼溫馨提示，希望顧客食完就唔好掛住玩電話以讓排隊嘅客人都可以享用，不過真係控制唔到，如果想試、唔趕時間又唔介意排隊嘅可以一戰~ Menu-

越發地道河內料理地址: 旺角砵蘭街99號地舖呢間越南菜我足足排咗一個鐘頭先可以入到去食，我哋由6:00開始排，要去到7點第二round先入到去，我食完覺得係相當之值得。如果唔想排隊就要早啲嚟。招牌牛柳牛丸粉 $99湯粉表面放滿越南嘅香草同好多蔥，出到嚟熱辣辣，大家可以先食咗佢油炸鬼先跟住先再食佢嘅湯河，喺度提一提大家如果唔想食生牛肉嘅話要同店員講。牛骨湯底相當重牛肉味，一啲都唔油膩。河粉吸收晒湯底同埋越南香草嘅味道。牛柳食落好嫩味道好濃郁。重點係佢個牛丸，我可以講佢喺香港越南河粉裏面最好食嘅牛丸，完全吸收晒牛骨湯嘅鮮甜味。越發牛油雞翼 $78呢個雞翼一定要試，雞翼上面鋪滿炸蒜，再配合埋本身雞翼沾上嘅糖漿，兩樣加埋可以令到蒜頭食落唔苦而有甜甜香味。喺度都要提提大家雞翼要最尾先食，因為佢新鮮上係非常之熱。越南熱情果冰茶 $29熱情果係越南新鮮直送，味道清甜。但係如果女仔減緊肥，杯茶大家可以叫走甜，因為本身偏甜。越南柑桔梳打 $29呢杯嘢飲飲落口非常之清新，梳打氣泡飽滿。飲呢杯嘢再食牛油雞翼可以將雞翼嘅油膩感完全洗走，仲要可以唔使驚有蒜頭味口氣。 我推薦大家如果唔飲咖啡嘅話可以飲呢杯。