蠔站 (Knutsford Terrace)

Open Now

Now Closed

冇事想食啲新鮮嘅豪又唔想嘥咁多錢嘅話就一定會嚟呢度食，呢度啲oyster $10隻即叫即開好新鮮，而且仲有其他嘅小食，特別推介肉丸啦炸雞翼同埋薯條～喺OpenRice book仲抵有時有7折

幾年前同fd食過，對10蚊蠔同豬手都印象深刻，今次就約咗舊同事去食，我哋三個人，嗌咗5打生蠔🦪( ^ω^)每隻生蠔size 差唔多，食落口完全唔腥，（無點醬/無點檸檬汁）好新鮮，好濃蠔味三個人叫咗咁多肉類，係好豐富，結果食唔曬要打包身為女仔擔當，每樣食咗少少就投降，扒類配菜個薯蓉成為咗咁多樣野之中嘅焦點，非常之出色，好食、滿分居然一樣唔起眼嘅食物吸引到我哋三個，食到好飽！好滿意👍🏻

鍾意食生蠔既人有福了😋呢間蠔站主打生蠔，最平$10就有得食一隻生蠔！想食得豪啲既話仲有好多唔同產地既生蠔可以揀！店員會根據你既喜好推薦唔同產地既生蠔比客人～睇下你鍾意食濃味啲、清淡啲、海水味重啲定係清甜啲既。另外如果晏就黎既話仲有lunch menu，包餐湯、餐包同埋飲品。1️⃣法國生蠔（$10/隻） 嗌左兩隻當日特價既法國生蠔食，雖然係細隻啲但係都係鮮甜好食既。  2⃣️愛爾蘭生蠔（$120） 另外嗌左貴少少既愛爾蘭生蠔食，店員話愛爾蘭既生蠔會濃味啲。的確，食落口比起法國生蠔佢係重味啲，而且佢真係大粒好多～好鮮甜🤤  3⃣️澳洲西冷扒配薯菜（$168） 西冷扒煎得好靚，不過就有啲乾食落比較鞋口😬有粗鹽、紅酒汁同埋芥末醬可以點黎食。另外薯蓉細滑唔錯既。午餐跟既羅宋湯都幾足料，辣辣地。  4⃣️慢煮牛肉意大利飯（$88） 意大利飯濕潤，有啲牛肉粒同埋有啲芝士碎係面，味道唔算好濃。  5⃣️黃金軟殼蟹天使麵（$158） 一大隻軟殼蟹係面，食落口好多膏☺個sauce唔算係好creamy，有少少鹹蛋黃味道不過唔算好出，食落唔會好膩。  6⃣️照燒雞扒定食（$88） 呢個都幾豐富，有沙律菜、中華沙律仲有醃蘿蔔。照燒雞扒

很久沒有去諾士佛台午餐，忽發奇想，想着中午嘗美食，早上book了位，去到像包埸，除侍應我只得我一人。 叫了一客冬䕃公海鲜天使麵($158，但訂座有7折，埋單$126)。冬蔭公香味渗透天使麵，味道不俗，配上3隻蝦，3隻青口，蜆肉及墨魚圈，口感丰富。份量尚可，倘配上一客湯及蒜蓉包更滿足，但会消費逾$200，走前才多了1枱客(2人)。全个午餐時段只得3人。希望餐廳多做點推廣及提供性價比高的午餐吸客，不想它咁快被淘呔。

已經是第n+1次黎呢度開蠔大餐😁以$10一隻既特價蠔作招來，水準絕對來得比自助餐好，夠晒新鮮，每日都係唔同品種，當然要睇下當日既運氣，睇下係邊個品種🤭主食方面，今次我地嗌左軟殼蟹意粉，軟殼蟹都炸得鬆脆，意粉質感都剛好☺️ 另一個主食就嗌左risotto, 用呢個價錢真係無乜挑剔，如果唔係作又點成為到我既半個飯堂呢？整體氣氛唔錯，平日聚會可以黎，但如果紀念日就唔太建議，除非坐高枱，如果唔係同隔離枱既距離唔係好足夠🤗

食左咁多年，今次係最差既，諗住中秋節反傳統帶阿爸阿媽去食生蠔，首先係一坐低果度既同事建議先嚟啲特價生蠔，咁我就叫左兩打，點知今次啲蠔係咁耐以嚟最差既一次，又細又咸又無味，想話叫個刺身食又無，炸魷魚圈又無，唯有叫個pizza加多個意粉啦，之後諗住試下佢地個$398既特選生蠔，初頭諗住佢係特定左邊幾款生蠔，點知個侍應比張紙我叫我自己揀，我以為全部都一樣價錢，其中4隻我加大左所以知道要加錢，點知原來全部都要加錢，到埋單果碟蠔收左我八百蚊，真係食到一肚氣，真係可一不可再

今晚去完食 之後同行兩個朋友一齊肚屙！仲屙左五六次 去到仲要話得一個半鐘時間食野 6點半入座 7點8已經拎張單過黎要我哋埋單 問佢仲可唔可以叫甜品 話心太軟已經唔夠時間 所以淨係叫咗個燉蛋 想叫海膽點知話今日所有海鮮都冇 餐廳既食物都係麻麻哋 個哈密瓜切到好大舊 我哋要另外自己再切 價錢仲要人均800！非常唔底😡😡食到成肚氣👎🏻👎🏻👎🏻👎🏻野食非常唔新鮮！大家真係唔好去食！係咁屙完全冇停過比咁既價錢個半鐘就要走

好耐以前就聽講過蠔站食蠔好抵撞正OR訂位有折就book去試下$199有8國生蠔又有一杯餐白酒,呢個組合好吸引 一入座就ORDER同枱一人一份 另一個賣點係$10長期每日特價精蠔 都嗌了半打試試~~ 上菜(蠔)的速度 一食就知道原因 可能因為訂單太多, 所以生蠔不是即叫即開 食落口覺得是一早開定然後雪起的生蠔 16隻入面有2隻有少少臭, 尚可接受 不幸的係有一隻竟然同$10的生蠔大小差不多 講返$10的蠔真的超細隻, 哈哈~~ 係好平啊, 但係好似我咁叫左$199SET就應該唔洗試$10 食完生蠔當然唔夠飽 再叫了個豬手做完結~ 呢個豬手最有驚喜了 皮脆肉嫩, 連帶配菜薯條都一樣很脆總結呢個餐廳價錢恰當 食生蠔的話適合新手 如果食開即開生蠔的不推薦 食其他野食反而幾抵坐 話哂位於尖沙咀酒吧區 同朋友吹水酒飲不錯

入座嘅時候講咗話8:30交枱 接近8:00開始過嚟收晒我哋枱面嘅嘢 然後8:00同我哋講話埋單 啲蠔都仲未食晒… 坐低嘅時候有staff 跌晒我哋啲餐具落地下 竟然冇換過新直接俾返嗰啲餐具我哋用 仲有食緊前菜嘅時候有個staff 走埋嚟話我個friend唔識食個前菜 之後又有staff 話我地用錯碟食 其實我心諗我哋食飯姐 點食關你咩事？唔建議大家嚟尖沙咀依間分店食

200蚊蠔set有8隻加一杯餐酒 真係抵到爛 仲大大隻添不過有d偏鹹 我個人最喜歡食蘇格蘭蠔 有驚喜 好creamy 食完8隻唔夠喉 仲叫左10蚊蠔食 都唔差再叫左豬手、海鮮pizza, 豬手好正 好脆但pizza就比較失色 $178得6-7吋咁細…D海鮮似急凍海鮮 唔好味呢間食蠔性價比都高,每人360$到不過不失啦

朋友介紹生蠔同牛扒所以黎食首先黎到無招牌上嘅$10生蠔都照食啦叫咗一個蜆肉意粉同埋西冷扒意粉嚟到，蜆肉靭到似橡膠食唔落口西冷扒，賣相已經特別差，嗰堆芥末醬完全倒胃口未見過用呢個方法上菜西冷扒切都切唔開，完全唔係五成熟，質地非常難入口，冇一嚿係吞到落肚，結果食剩一大半埋單時同侍應反映，對方反應係：西冷係咁樣，下次可以食肉眼。我同友人聽到呢句眼都突埋，我哋唔係冇食過西冷，只係冇食過咁難食嘅西冷一定唔會再有下一次

尖沙咀 - 蠔站 係香港食蠔閒閒地食蠔都要幾十蚊一隻，連鎖蠔店做緊優惠$10就食到一隻，咁抵點可以吾試下呀🤤🦪蠔（🌟93.44/100）💲10/隻兩個人都食咗打半，有茄汁和鮮檸檬作為配料，每一隻都有手掌心咁大🖐🏻，但唔算話好肥美，食落勁鮮，海水味極濃郁，小編認為吾點醬反而更食到生蠔本身嘅鮮味🤤而呢個價錢來講不過不失，終於有師傅幫你開埋👍🏻美國USDA CAB西冷牛扒 10安士（🌟95.66/100）💲298本身對佢都冇好大期望，之前食過呢間嘅牛扒，又韌又鞋🙃一嚟到網格紋嘅牛扒，睇落好吸引，今次叫咗五成熟，配料有原個蒜頭、翠玉瓜、薯蓉、粟米，熟度啱啱好，咬落好嫩有肉汁，有少少筋位，越咬牛味越出，沾少少鹽味道會更昇華👍🏻 薯蓉係忌廉薯蓉，好幼滑，忌廉味好香，估唔到配菜都可以做得咁出色🥰炸啤酒薯條（🌟86.99/100）💲58係幼身薯條，可能用啤酒粉漿，外層有別於其他餐廳，每一條都炸到勁酥脆，條條都係直嘅🤣薯仔味好香，外極脆內軟，而且隔好耐食都係脆卜卜🤤依家係openrice 訂位指定時間仲低至7折優惠🤩🗺 蠔站 (諾士佛臺) (尖沙咀)尖沙咀諾士佛臺1號7樓

今日同朋友嚟到尖沙咀呢間蠔站。之前係大角咀已經食過，今次嚟食，水平依然好高。適逢今日係星期二，有個$199「8隻蠔+酒」嘅套餐。剩係食套餐梗係唔夠喉喇。之後再嗌多兩打$10蠔 好滿足咁離開。

當日入座幾乎全餐廳滿座，於是order左兩杯野飲，蠔，西班牙海鮮飯同炸觸餅。野飲同蠔都係正常速度，味道都係正常。唯等左大約一個鐘後海鮮飯同炸蟹餅都未到，詢問店員之下方知海鮮等左一個鐘都尚未溶雪。於是就取消order準備走人。但埋單果陣佢地又照收已經取消左海鮮飯同炸蟹餅，幸好友人眼利一眼就睇到佢地收多錢。睇黎佢地真係好唔憂做呢，有太多時間須要浪費既朋友，強烈推薦試試。

生蠔不嬲都係香港人嘅最愛，係因為佢新鮮甜美，所以唔少人都會成打成打咁食。之前都試過貪平買啲未開既自己開，結果又要買礦泉水又要開餐懞。$10一隻嘅生蠔真係去邊度搵呀？仲要師傅辛苦咁開埋。所以今次同朋友嚟一個嗌咗三打，睇落好似好多，但其實好少，自己一個人都可以食到36隻。$10/隻既生蠔唔大唔細，係值$10嘅。不過都算肥美而且師傅開得好乾淨，冇蠔殼，略帶鹹水味。就算唔加檸檬同埋茄醬，其實就咁啪都可以接受到。當然就咁食生蠔梗係唔夠飽，要叫啲澱粉質墊下肚，所以叫咗呢個黑松露野菌薄餅。佢個餅底係超薄嘅，但就烘得唔係好夠乾脆，野菌味好出但係黑松露就欠奉。德國脆炸鹹豬手因為其實嗰舊骨好大，但係肉似乎就得半隻左右，份量唔算好多。而且我朋友話哥豬手皮仲有豬毛，呢樣要挑剔嘅。同埋唔知係咪氣炸豬手，其實食落一啲都唔油膩，但係個皮就超硬。主角好好調味亦都好啱。如果黎呢一間酒吧淨係食蠔，我都覺得可以！