星藝廚坊 (Closed)

星期六同閨蜜去長沙灣睇批發嘢，行得攰攰哋，嘆個下午茶。叫咗一個楊州炒飯，一個雞髀撈丁share食。好耐無咁食過咁正嘅揚州炒飯。色香味俱全。靚仔兼足料。兩杯凍檸茶都好飲，傾傾吓兩個人竟然食晒。

🐑茶走-茶夠厚身但味唔夠濃，另外，奶落得太多🐑梅菜扣肉都幾夠化，梅菜汁夠濃夠味，多多飯都唔夠撈🐑蒸鯇魚竟然有魚腩又有魚咀仲有豆卜，啱晒荷車。豉油調校得好好味，帶強烈嘅鮮醬露味，鮮醬露控表示好Like🤣🤣🤣

星期日，想食牛河。環境感覺入左個結界。下午茶時間56蚊送例湯想點？成件事，真是吾好食。杯、筷子， 黐笠笠。乾炒牛河，楊州炒飯，油立立。下午茶時間，仲有叫預制勁爆鬆肉粉味：椒鹽豬扒。無影相。食物：大鑊。下午茶時間，人均：56蚊我為工廠區的人可惜

本身想幫襯以前成日食嘅茶餐廳，但原來已經倒閉咗，於是就試吓未食過嘅茶餐廳雖然係星期六日，茶餐廳有位處於工業區，但食客人流仍然好多。 呢次叫咗一碗三餸車仔麵，同梅菜扣肉飯～ 車仔麵揀咗米線配上牛腩湯底，餸菜就揀咗蘿蔔、腩肉，同滷水蛋。 可能係廚師好想快啲上菜嘅關係，當中唔少米線仲係硬，未煮熟晒；蘿蔔唔係好清甜；腩肉比較硬；滷水蛋唔似有滷水過，但味道OK；湯底幾有牛腩味梅菜扣肉飯好大碗，扣肉肥美，脂肪幾滑；飯好大碗，但同普遍茶餐廳一樣，飯冇乜飯香

午間放飯，小人與同事四圍找吃的，到處俱人山人海，唯獨此茶記不用排隊，成為了我們唯一的選擇，怎料到又做就了本試伏專員的一次體驗。四寶河的四寶是墨丸、魚片頭、頁丸及炸魚蛋，一箸紫菜以及一片生菜。墨丸無墨魚味、魚片頭不爽脆、頁丸實的的、炸魚蛋更是勁多的粉！最利害的是河粉還未煮開，還是一排排的，劣食境界奇高！同事的雲吞牛腩麵亦不遑多讓，雲吞的肉餡欠缺肉味，雲吞皮勁厚；牛腩不夠腍，更有點靭。然而最打大佬的麵居然今時今日都有超大陣的梘水味，多少蔥也沒有幫助，本來美味的東西都退到幕後，難食到天花板！服務方面，可跟澳牛並駕齊驅，問有無淨食，回應：「無！」問想要點心，回應：「要等二十分鐘，等唔等吖！」惡形惡相，好像霸了他的枱似的，澳牛之友！又是一次無言的結局。

中伏⋯⋯今晚係全港戲院日，諗住貪快去附近食咗個下午茶。去咗呢間叫星藝廚x 位於荔枝角青山道夾大南西街。地下好骯髒，員工喺度刮啲黑色嘅污垢。食咗個鮮茄肉片炒蛋飯。嚟到嘅時候都有色有水，牛肉片勁多。食咗第一塊牛肉，點解啲牛肉有一浸異味，以為係啲茄蛋整到佢酸酸地。但係食多幾塊直頭想作嘔🤢。牛肉係腐壞咗。同佢哋講返佢哋話換過碟。我就話蕃茄蛋都可以繼續食嘅，俾碟雞翼我啦。呢間嘢營業時間都好古怪，次次想佢開門佢就唔開門。絕對冇下次。可避免就避免。

今朝大約10點45分見到肥仔伙記吾夠衛生，吾帶手套去沾食物，當佢處理外賣飯盒時，啲飯滿過個飯盒時，佢用冇帶手套嘅手指直將啲飯壓下去，都幾吾衛生，見到咁嘅情況，下次我就吾會再去食野囉🙏（只是分享見到嘅野，總之大家去吾去自己決定）另外近來去過間餐廳兩次，食物水準係一般：上次下午四餸車仔麵盛惠55元；而今朝早餐盛惠40元；講價錢同附近嘅餐廳吾算係平；講食物質素對比價格亦都係好一般；服務員嘅工作態度，大致上好一般之下，懶個蛇。

因為要到附近上課，機緣巧合下吃了豬膶米粉和凍奶茶作早餐。首先，讓我談談這家茶餐廳的凍奶茶。這家茶餐廳的凍奶茶份量相當大，一定足夠解渴。口感上，奶茶濃郁順滑，然而，我個人覺得甜度稍高（已點小甜）。接著，讓我談談他們的豬膶米粉。可惜豬膶的質感較乾和有點腥。米粉本身煮得恰到好處，有著適度的彈性和口感。湯底濃郁，為整碗米粉增添了一些清爽的口感。總體而言，這碗豬膶米粉的味道可以說是普通水平，並沒有太特別的驚喜。可以再改進。

叫咩冇咩，乜都話賣晒，問返佢有啲咩，佢答我其他冇講嗰啲就係有😂之後再落，又係冇。之後奇其叫左燒味飯，又少又難食，我啊爸叫海南雞，黎到係白切雞就咁比d汁你，完全冇味。永世blacklist

第一次食到咁貴咁，分量咁少，擺得咁差嘅兩餸飯！喺荔枝角附近肚，見到求其一間工廠大廈嘅餐廳，就入咗去買外賣食。點知求其真係會出事！見佢餐牌寫兩個小菜跟飯$58 ，外賣仲有九折，以為好抵！點知返到去打開個外賣盒，發現佢將所有餸放埋同一個飯盒，分量仲少過街邊舖兩餸飯，仲要衰到唔分多個飯盒裝餸🤧🤧🤧一個咁嘅飯要成$58真係好搵笨😅😅冇下次以後唔會幫襯！

招牌星藝早餐A2鮮茄濃湯仿鮑片餐肉通粉配牛油多士(半件) $36。🍅鮮茄湯堅好飲 。 同埋 d 野既份量唔細 。 酸甜度岩岩好 。個餐有牛油多士既🍞 。 但 forget 左影😅😅 。+3蚊凍飲 。 左凍檸茶右凍檸水 。 d檸檬好足 。 一共有五片 。 個檸檬茶茶底唔淡 。 有好濃既紅茶味 。招牌星藝早餐 A5 五香肉丁通粉配牛油多士(半件) $36 。 都係上面果碗好食 d 。 可能五香肉丁有少少辣 。但唔辣好似好食啲 。佢個雙餸飯都偏貴 。 其他小店賣三十蚊左右佢賣到60 。 呢個係佢嘅其他餐牌

好大個飯堂 旁邊有個位專買2餸飯兩菜飯菠蘿生炒骨整體味道酸酸甜甜　特開胃生炒骨包裹的粉能沾滿醬汁店家給的肉比菜多　咖喱豬扒醬汁偏濃厚質感咖喱沒有辛辣味道　港式咖喱都是配米飯吃有馬鈴薯　青椒配在一起整體味道偏濃

劣食之選沙嗲牛肉竟然係冇沙嗲醬，通粉係超唔水，牛肉非常之硬身完全係冇味道，垃圾之選，其實沙嗲牛肉通都唔係好難嘅點解會煮到咁樣我真係好明白，浪費左多士同蛋都可以中伏，蛋同多次完全冇味火腿仲要煎過火你叫我點樣食，呢個價錢同質素完全係唔得，真心好失望而且仲要唔平，如果唔係想係附近食一定唔會幫襯，垃圾之最，唔值餐廳環境欠佳，絕對唔明點解會有人仲會幫襯如此冇食物質素嘅餐廳我覺得不如改試吓食物質素先在做生意啦

👧🏻今次草根妹妹想講一間位置青山道大街，但存在感低嘅茶餐廳🍴，至少草妹就唔係好留意得到，🚪門口有啲隱蔽，要行幾步先入到去餐廳。地理位置雖然方便，👀不過人哋睇唔到門口就減少咗入去嘅意慾，存在感真係比較低。.嚟咗荔枝角2年🙈，有日特登走過去買外賣🥡。🗣提提大家，而家做緊外賣8折優惠，都幾抵食㗎🤩，味道又OK嫁喎🙌🏻。 .📍秘製梅菜扣肉飯（外賣8折$40+$2凍檸茶）‍最近食外賣真係食到都唔知食咩好🤷🏻，所以一於食個最重口味嘅梅菜扣肉飯🙈🙊🤦🏻‍♀️，間中都要放縱下自己嘅🤤。🐷扣肉大約有6-7件，每件都肥瘦均勻，一層膏一層肉咁好吸引😏，肉質入口即化，油花甘香🤩。再加上秘製醬汁，賣相好睇之餘，👅味道帶甜，調味又足，加分呀👏🏻！食完好滿足🥰！

除了長沙灣廣場內的食肆，這條青山道前後都都有不同餐廳，這間算是坐得最舒服最設備齊全。.首先，星藝廚坊的地方比一般茶餐廳大，枱與枱之間的空位也較大，不用”迫迫貢”，而且每張枱都大小小，不是那些日式二人枱的size。另外每枱都有質素好的紙巾提供，亦有自助熱水，甚至如果有食客想斟滿自攜水壺都方便。.餐牌應有盡有，碟頭飯、蒸飯、粉麵、小炒、燒味、多士、焗飯、扒類都有。.🏆🥇咖喱牛筋腩飯 $50全餐之冠，咖喱汁好好味，撈飯一流，牛筋腩量亦夠多。.肉絲炒麵 $52炒麵應有的水準，麵炒得剛剛好，夠脆又不會太硬。.野菌旺菜雲吞雞餐 $58欣賞這個價錢抵, $58, 所以不是一窩，是一大碗，一個人都可以叫，有好多菜，不過個湯好鹹下，不能連湯都飲，不太推介這味。.以上價錢都包一杯飲品或湯。