俺流カツ

Open Now

Now Closed

俺流カツ (創紀之城五期(apm)) 俺流品牌真係百足咁多爪，喺apm美食廣場又搵到佢嘅身影啦，而今次呢間係主打多元化香脆惹味之吉列美食，價錢唔貴喎可以一試！🍤 海老天丼（$92）除左兩大隻海老，仲有兩塊蕃薯一塊茄子一塊冬菇一塊魚柳，配一杯熱辣辣味噌湯炸皮鬆脆，蝦肉大隻得黎彈牙！食起來啖啖鮮美，好滿足！炸魚柳個肉質就似平日早餐最常見果種，不錯👍🏻食天丼天婦羅固然好緊要，但係個丼飯都係唔可以忽略！日本米粒粒分明，飯香四溢，同天婦羅好夾！🍚 海鰻天丼（$88）兩大舊海鰻天婦羅，另外有兩塊蕃薯一塊茄子一塊冬菇🍠🍆🍄‍🟫，配一杯熱辣辣味噌湯除左主打款式，其實佢D蔬果天婦羅都幾有質素！我睇MENU都可以單點，個人最鐘意冬菇！鮮美厚肉！🍄‍🟫至於海鰻天婦羅外衣都係酥脆，海鰻肉質綿香，最重要都係啖啖肉無骨！吃起來唔使擔心食到骨！真係好開心！

未食過咁難食的豚肉, 明白一定係雪藏豚肉。有勁大陣雪藏味不特止, 但而家係煮完都一大舊仲要係拆唔甩真係好難食，我最後只食哂D烏冬.....而且拎匙羹時, D匙羹上面係痴住D飯...無下次!

係APM 行街行到累，見food court 有位，都多唔同餐廳可以揀，就決定係food court 食。行左一圈，最後揀咗俺流カツ ，見放出黎D食物display 好吸引咁 😋📌蒲燒原條鰻魚定食 ($92)🍱所有定食都配一碗麵鼓湯🥣落單之後等左10分鐘左右有得拎。米飯係採用日本珍珠米🍚就咁睇以為好大碗，其實個碗好淺身😆米飯配上鰻魚汁絕對係停唔到口。原條鰻魚好厚身，食落好彈牙爽口。鰻魚定食黎講，呢個價錢唔算貴👍🏻

今晚約左朋友去APM行街，見到呢度冇乜人排隊，結果就揀左這間。今次各人各自揀咗一款碗。。俺流男盛拉麵 ($89)當諗緊唔知點咩食嘅時間，不如就揀一個大雜燴，樣樣都有。。香濃豬骨湯底，麵入面加有大量配菜: 蔥，菠菜，筍，還有小小柚子皮碎，柚子味好清香好突出。兩塊叉燒，二件厚身大炸雞，仲有一隻流心蛋， 流心蛋口感唔錯，只係隻蛋有少少凍，拉麵份量比出面食的多，面有少少鹼水味，但係都係好有口感彈牙。整體份量夠多，一定夠飽。可惜，湯如舖頭名一樣” 鹽” 有啲鹹，多飲兩啖湯後需要飲多少少水。豚肉盛合濃湯拉麵 ($89)呢碗就係豬肉大合體 ( 有豚肉，豬頸肉，豬腩肉)香濃豬骨湯底，麵入面加有大量蒜片，蔥，筍，柚子皮碎，叉燒同豬頸肉一般，豬腩肉，三份一大肥膏，太油膩好易食滯咗，我食咗一半就飽咗。湯底濃郁，有啲鹹，可能對呢間舖頭期望值有啲高，有少少失望。

有一段時間沒有去觀塘APM的美食廣場，原來今年初又翻新了！連同今次，記憶中最少裝修過三次。上一次，整個美食廣場交給了 CitySuper 旗下的 Cooked Deli 營運；今次裝修後，轉了營運商，名字也改為 Food Fiesta。共有10多間餐廳及小食店、甚至有間專門販售從日本各地搜羅回來的日式杯麵，包括部份地區限定版。餐廳以日式口味為主，其他風味只有泰國菜及川菜，似乎未夠多元化。但日式料理是很多香港人的偏好，在生意角度上來說也是正確決定。巡了一個圈，見到兩間以「俺流」為名字的食店，聯想起同樣位於APM 內的「俺流塩らーめん」，到底是否有關係？揀了「俺流カツ」試試。記得好多年前 food court 概念引入香港初期，全部由商場自行營運，缺乏品牌概念及形象管理。近年大型商場內的 food court 則整體租予餐飲集團，再統籌分租給其他餐廳。優點是強化形象推廣、高效餐廳組合管理、集中櫃枱買餐；缺點就是價位被拉高，始終多了 food court 營運單位要賺錢。「俺流カツ」主打日式吉列定食，同時提供少量款式大阪串炸、其他風味日式定食及日式碗飯(丼)。送餐區上面擺放了三碟吉列美食。有