Ocio (積存街) (Closed)

小妹喜歡來大圍踏單車， 踏完之後當然要relax 一下啦！有間cafe 環境浪漫，燈光比較柔和舒服，好適合情侶朋友品嚐美食的。而食物方面，我覺得質素都不錯啊，尤其特別推介這款刁草汁煎挪威三文魚朳意粉 ，用心煮又新鮮，三文魚皮脆而肉便滑滑的，而且三文魚朳是足成個手掌般大小，我覺得都好full ，加上還有最愛卡邦尼意粉、餐湯都做到水準， 下次想試吓佢哋的甜品呀！ocio_kitchen 大圍積存街74-76號地下A舖

比啲評語呃左我同我朋友12:20入到呢間餐廳等左足足半個鐘先出左碗湯先唔講碗湯好似水咁淡貿貿最離譜係我地個意粉13:10先上枱坐左成50分鐘先有野食真係超誇張！

我同朋友經過大圍，行行下有d熱同有d口乾，想睇下附近有d咩地方可以食甜品既，於上就黎左呢間食甜品，涼一涼個嘴我們叫左雜莓窩夫同埋抹茶刨冰，刨冰一入口，食落有d唔順口，照理自己食過咁多間刨冰，冰應該係入口即溶，有涼快之感，但係d冰硬到我要有口齒咬一咬先可以吞落肚，跟著刨冰只有加左抹茶汁同埋紅豆，在材料方面覺得有些單調，呢個抹茶刨冰是不太滿意。至於雜莓窩夫還可以，做到普通的水準。總體都ok啦，呢間唔係專門做甜品既，我都唔會太苛刻既

大圍區-抵食lunch@ocio_kitchen Li問唔係好近大圍黨鐵站嘅cafe, lunch原來咁抵食又好食, 我嗌左個燒汁牛柳粒燴意大利🇮🇹飯, 估唔到啲牛柳粒咁鬼大粒同勁tender呢!! 意大利飯份量+口感perfect, 又夠哂多汁真心好好味! •餐湯係blend得好徹底嘅粟米🌽忌廉湯, 當然唔係交行貨嗰種, 又rich味道夠哂濃.•檸檬🍋薑茶最遲上超熱👍🏻不過飲得比較趕, 最後因為喺OP book枱仲有全單9折添, 好抵食呀!

想試呢一間Ocio好耐㗎啦，放假就約埋朋友一齊過嚟食，餐廳外面嘅藍色裝修令人感覺好舒服。首先叫咗個肉眼扒配薯條，肉眼扒份量都幾大，由於我唔鍾意食太熟所以就叫咗三成，血水肉質都處理得唔錯，味道幾好但係薯條就普普通通，唔太脆身之餘仲有小小過油。食飯又點可以冇甜品呢？最後叫咗兩個甜品，一個焦糖香蕉窩夫同蜂巢雪山熱香餅。味道都比出邊傳統甜品舖頭出色，賣相亦都非常漂亮，用嚟打卡一流。焦糖香蕉窩夫用熱鍋上，面頭雲呢拿雪糕會慢慢溶化，做到冰火相融。而蜂巢雪山熱香餅相當軟綿綿，兩個熱香餅中間仲有一層甜漿，口感層次都相當豐富！（如果有得可以揀雪糕的口味就更好啦）

喺沙田放工，貪佢近近地，就去大圍食個飯。呢間店之前都有去過佢其他分店，見佢咁岩又有位唔駛等，所以我哋就揀咗呢間。嚟呢度食晚餐都係第一次，佢晚餐又幾多嘢食。我哋叫咗呢個蜜糖蒜香炸雞翼小食。 雞翼炸得好脆，蜜糖好足夠，蒜香味十足。得喜歡，但食嘅時候要小心啲，隻手唔好掂到個碟。如果唔係就會癡粒粒😂😂粟米白湯，有好多粟米蓉喺入邊，啖啖都有口感.我哋加錢叫咗個三文魚沙律。菜都係新鮮爽口的芝士和牛漢堡。$108就可以食到黃牛漢堡，都算抵食。仲有薯菜沙律伴碟。薯條上枱都係熱辣辣，脆脆的。個和牛漢堡扒都算大嚿。厚身的。一咬都會食到肉汁。個包係烘過嘅，所以我一切開都會feel到脆身。入邊有埋芝士蕃茄菜，中和返和牛嘅罪惡感.安格斯牛柳配鵝肝148蚊就可以嘆到牛柳同鵝肝，鵝肝牛柳仲要係唔細舊，真係非常之可以接受。鵝肝是暖身的。肥而不油膩。 我哋鍾意鵝肝煎到好熱好熱流晒啲油出嚟，呢隻就唔係嗰種。但食落口你都會聞到好香嘅鵝肝味，正。牛柳肉質唔錯，咬落去唔會話難咬開。火候啱啱好，有牛肉味。係唔錯嘅。返工咁辛苦間中都要食下呢啲慰勞吓自己❤️

好彩阿女平時都肯跟工人姐姐，我先可以有咁多機會同老公出去食飯撐枱腳！今日我地就去左ocio食晚飯！環境舒適，食物性價比高，而且食物有多款選擇🔅甘筍湯大大碗，好濃郁幼滑🔅香草鮮露芛花蚌炒扁意粉$88有好多花蚌，爽口彈牙！意粉炒得好香好好食，味道啱啱好！配埋先露芛同埋翠玉瓜好豐富🔅黑松露燴意大利飯配煙肉帶子串$108勁好食，份量好多，黑松露味好香，飯唔會好硬身啱返香港人口味！煙肉帶子一共有6大粒，性價比好高！煙肉煎到好香，帶子鮮甜，卷埋一齊食好夾🔅凍奶茶糖水同埋奶都係另上可以根據自己口味自己落！奶茶比較淡，無咩茶味，有d失望因為佢食物嘅份量都好多，所以食完個餐都已經好飽！如果唔係真係好想試埋佢嘅甜品。

聽左呢間店好耐，今次係第一次去呢家餐廳到食飯。店舖有點小，不過質素唔錯同都抵食。我朋友叫左一個三文魚扒飯食，我就叫左一個原隻魷魚龍蝦汁意大利飯，仲有餐湯同飲品。我朋友個個就好快到，我的就都等左好耐先有得食。不過等待的時間都值得的！個魷魚入面包左意大利飯，雖然食物賣相睇落有點嚇人，不過食落卻很高質素。可惜因為太飽，所以無叫到甜品食。下次會再光顧呢間店。好期待佢的甜品。

《ocio》🍳All day breakfast非常豐富，有炒滑蛋、煙三文魚、雞扒、腸仔、薯條🍟、茄汁豆同窩夫🧇炒滑蛋有水準，夠滑有蛋香🤤雞扒好用心煎，係脆皮㗎！好食！其他配料都有正常發揮，整體唔錯！.🍗香烤羊架Woo，呢個羊架好驚喜😆估唔到有3大件咁多🤤而且質素都唔錯！我哋叫7成熟，羊肉切落去非常軟腍，肉質鮮嫩又唔會流晒血水咁👍🏼羊肉嘅蘇味唔算好重，就算唔太食羊嘅朋友都會鍾意！.🔸🔹🔸🔹🔸🔹🔸🔹🔸🔹🔸ocio 大圍大圍積存街74-76號地下A舖🔹🔸🔹🔸🔹🔸🔹🔸🔹🔸🔹

平日夜晚去食，人唔算太多，早咗到不過都即刻有位。樓面得一個staff，見佢有啲忙，但服務態度唔錯預先係OpenRice到預約有8拆優惠，2碟主菜連埋飲品，人均都係每人$150以下，值得一去。龍蝦面個汁好好味，個人覺得比起龍蝦，面更好食，好彈牙完隻龍蝦🦞啲肉都好足。另一碟就叫咗黑松露燴意大利飯配煙肉帶子串。帶子串好出色，煙肉嘅咸味再包住個帶子一啖放落口真係好食如果平時鍾意食黑松露嘅話，我諗個飯絕對唔會令你失望。另外叫咗一杯芒果沙冰同埋蜜桃沙冰，跟餐叫加$15。無影到相但都唔錯，可以一試。

同朋友喺大圍踩完單車🚴🏼‍♀️已經七點幾，肚餓就周圍搵食。朋友係地膽，推介我食一間叫「Ocio」嘅餐廳。餐廳位置較隱蔽，但就係鍾意佢夠隱蔽，唔使同人迫。點左個晚餐。跟餐有湯同飲品。南瓜汁鮮雜菌海蝦意大利飯上枱時熱辣辣，重有煙不斷冒出黎。好香南瓜味。食食下咬到成嚿蒜！原來重落左蒜，唔怪得咁香口啦！南瓜汁將d飯黏埋一齊。個飯就咁睇外表好似平平無奇，但原來入面混入了切粒嘅翠玉瓜同青瓜粒，入口爽脆。重有青椒紅椒、露筍、洋蔥，每一啖都充滿驚喜。海蝦大大粒，實地挺實，唔鯹，冇雪藏味。加$15轉左杯草莓梳打特飲。草莓梳打有切碎左嘅士多啤梨粒🍓，士多啤梨酸，梳打甜甜地，二者互相平衡，味道剛剛好！👍🏻抹茶紅豆熱香餅有三塊熱香餅咁多！熱香餅用鐵板上，夠熱，口感煙韌有抹茶香。雪糕同熱香餅中間用左塊餅隔住。咁樣做係想避免熱香餅嘅熱力整熔個雪糕，好細心呀！值得一讚！👍🏻 雪糕球好大，紅豆份量都夠多，足夠三塊熱香餅用。

醬燒柚子豬仔骨伴蟹肉芝士大啡菇薯菜$138燒豬仔骨係偏瘦我鍾意佢唔會太肥 佢都燒得好香再加埋上面有一啲酸酸甜甜嘅汁好開胃 而且份量都好多 有成兩大舊 薯條方面 薯仔味都好突出而且每一條都好大條外脆內軟 炸得幾好食旁邊仲有少少沙律菜 覺得食得漏 就可以食下啲菜中和下大啡菇上面雖然有好多芝士但唔會覺得好鹹入面仲有蟹肉嘅餡料 雖然睇落去好多材料但食落去唔覺好重口味 反而味道都幾清新啲 波士頓龍蝦意粉$138意粉份量非常多 係偏粗同扁嘅意粉 軟硬度適中 龍蝦又好大條 意粉會有配埋啲龍蝦汁 食完真係好飽 一個人都未必食得晒由於係set dinner 仲包埋餐湯同嘢飲 餐湯係蘑菇忌廉湯 嘢飲嗌左會蘋果汁同凍檸茶 真係非常抵食😋

平時好少聽到大圍有好野食，聽朋友介紹，就去左依間試下。佢嘅舖頭唔係好大，燈光都唔會好光猛，好適合同朋友一路傾計，一路食下野嘅地方。而食物方面，野食嘅質素都幾高，價錢都唔太貴，仲好適合打卡。點左原隻魷魚龍蝦汁意大利飯，原隻魷魚好大隻，有兩隻手板咁大，見到佢嘅時候，我仲以為只得魷魚，原來意大利飯係魷魚嘅肚，搞到佢嘅肚脹卜卜。魷魚頭同鬚同燒過黎，非常好食。意大利飯食落幾好味，特別係同魷魚一齊食，裡面仲幾種蔬菜，食落唔會好膩。當上菜嘅時候，聽到佢係菠菜忌廉湯，覺得係奇怪嘅組合。平時對菠菜麻麻，覺得佢唔好食，但估唔到佢同忌廉湯好夾，結果對依個湯冇任何抗拒，搞到想再黎一碗。蜜桃紅茶係秋天好適合飲，食落感覺好滋潤，好鍾意充滿甜甜蜜桃香的紅茶。雖然依家天氣已經變涼左，但都無阻人點刨冰食，佢上面仲有雲呢拿雪糕，每啖刨冰都有濃濃嘅士多啤梨味，仲可以同士多啤梨果粒一齊食，係涼嘅天氣係凍野係一種享受同折磨。

揸車去大圍睇吓有乜好食😋見到呢間Cafe，我哋係俾佢門口吸引入去試下🤣，好似有少少設計風格，墨綠色幾特別。好似有點英倫風😽🤠以前係旺角行過見到有呢間Cafe，但就無機會食到。店內環境都唔錯我哋叫咗兩個晚餐🥣，包埋湯同熱飲。呢個蘑菇湯有意外驚喜囉😻😻對比起上一次我嗰篇食評講過，係super sandwiches 🥪 飲咗一個好難飲嘅湯😬 呢度嘅蘑菇湯好有住家嘅感覺似係花咗唔少心機慢慢的說啲蘑菇磨成嘅😚👍🏼👍🏼呢塊扒都係有讚冇彈嘅，叫咗五成熟覺得啱啱好肉質鮮嫩🤗性價比高。唯獨可以挑剔嘅就係啲薯條🍟麻地，唔夠熱唔夠脆😅呢個意粉要讚啦🙌🏼好好食呀😍😋🤤同埋有意外驚喜嘅😬首先啦，佢唔係用嗰啲冰鮮雪藏海鮮粒🤣已經好好☺️象拔蚌炒意粉🍝個意粉呢，就好香蒜蓉味，炒得好夠鑊氣😽😽😽不錯👍🏼

💛黃店🔱今次要介紹嘅食物就係位於大圍 ！📜”Ocio (積存街) (大圍)📌 地址:大圍積存街74-76號地下A舖🕐營業時間: 1130-2230 🍽分店地區: 大圍 旺角 📝評價💬📢 1️⃣香煎美國安格斯肉眼扒配薯條 $892️⃣黑松露蟹肉燴意大利飯$59小店💛人多起上黎都真係要等一段時間😉我好好彩吾洗等😳🙈😍 食物等待時間都幾快 🤣食物仲熱辣辣🥳 飯既份糧吾太多 但係有點太濕🤭感覺不太好🤭🤭 肉眼扒熟度剛好💛好快就食完了😋😋 薯條份量可以再多一點😋KS評分 5分最高🏵環境指數:⭐️⭐️⭐️⭐️⭐️🏵味道指數:👅👅👅🏵抵食指數：💰💰💰💰🏵回購指數:❤️❤️❤️❤️