海皇粥店 (莊士敦道) (Closed)

朝早返工時間客人多，居然得一個慢動作女侍應，叫佢落單，佢答:轉頭先，轉轉吓無晒影，等多吓，火都嚟，趕返工，無咁多時間同哩D樹懶員工玩，立即去另一餐廳食，灣仔食店多，客人都多，如果咁做生意，真係趕客，員工打工心態，話之你，有糧出就算，管理層太少看早上返工人流同心態，香港人，人人都趕時間，畀D咁態度招呼人，玩嘢咩

庄士敦道这家店开业不算久，以前的庄士敦道店应该是一层和地下两层，上面喝粥下面吃粥火锅的。重新装修之后好像门店的位置稍微往东边了一点，环境比之前好很多，装修讨喜，层高也高了很多，不会觉得压抑。他家的粥种类还是很多的，配上豆浆，油条，肠粉之类的价格也算实惠。各种艇仔粥和皮蛋瘦肉粥这些常吃的应该都是大锅里面炖出来的，上菜速度很快。口味比起很多专门的粥店小店稍微差了一些。服务态度还行吧，不过不失，不过分服务员，有的服务员态度堪忧。

平時覺得病先會食粥，但今日想食得清少少，於是就走左入去呢間平時行過都唔會幫襯嘅海皇粥啦😛原來而家已經係坐低落單而唔係出去買飛🙈同朋友每人叫左個餐，有碗粥再加碟小食，額外仲同朋友加左條牛脷酥黎share😋我個餐係艇仔粥加蒸蘿蔔糕，估唔到味道又唔錯喎，特別係碗粥，都幾多料，食到飽一飽加埋每人都係五十蚊左右，睇黎我要對粥改下觀，得閒食下先得😝😂

來個清清的早餐，清下腸胃之餘，要食得健康。平時去海皇粥店，最喜歡海皇的生滾粥餐雙拼系列。 配料選擇十分之多，有豬潤、鮮豬肉丸、皮蛋、滑牛、蝦米鯪魚丸和魚片。即叫即滾，新鮮熱騰。今次點下豬潤和滑牛；加$6 要一杯熱豆漿。呢個set 配有半條油條，十分豐富。總共$49。豆漿不加糖情況下，零甜度，要下半包糖帶出味。而半客油條則切件成8段，綿綿脆口，可接受的小油膩。伴在粥身或就這樣吃，兩者皆滋味。豬潤大片有六塊，厚滑爽口，滾熟得剛好；而滑牛色澤紅潤，鮮甜十足。粥底沒有焦燶味，份量也充足。

平日食開大滿足早餐，識叫既話其實份量好大好飽肚。 今日見出左新款早餐，以為有多d選擇，點知細看後發現仲慘過以前。情到濃時早餐由$26至$34不等，價錢同粥款維持不變，但可配既小食就冇得揀蘿蔔糕，轉為魚蛋、燒賣、包點等選項。我平日食開蘿蔔糕，感覺有少少愕然，惟有轉點皮蛋瘦肉粥配蝦米腸 ($34) 外賣 (+$1)。皮蛋瘦肉粥依然熱辣辣同足料，但蝦米腸就明顯比蘿蔔糕細份同冇咁飽肚，食完之後未到lunchtime就開始肚餓喇。 還我飽足套餐好嗎？

今日下午想食清淡點，故到了工作地點附近的海皇粥店。我與友人選了特餐($44)，有碗粥加一個餸。下了單一會兒，已上齊食物，上餐速度快。友人點了皮蛋瘦肉粥加䶢肉棕($47)(配棕加$3)及凍豆漿(跟餐$6)。粥夠熱，但棕就失色，糯米過於腍身，而且入面少餡。我點了豬紅艇仔粥及西生菜($44)。粥上枱時，還是熱騰騰的，而且粥料份量多，大大碗。西生菜都有一大碟。食碗粥配大碟菜，都夠飽。於灣仔區而言，都是扺食之選。

昨天因要到灣仔辦事，但時間尚早，看見「海皇粥店」，因已有一段時間沒來，於是決定入內醫肚。店員話可自己找位坐，可能時間已近下午二時，店內不是完全滿座。打開餐牌，林林總總的粥及腸粉非常吸睛，最後叫了艇皇粥及炸腸品嚐。艇皇粥十分足料，有魚片、豬皮、魷魚、炸魚皮、牛肉碎、炸油條、花生、蔥花等，還有一只蝦仁呢！只可惜炸魚皮咬落不是鬆脆的。至於炸腸，鬆軟可口，唔係每間做得好吃，這間水準算是不錯了。埋單合共$57，簡簡單單的午餐，已吃得非常滿足了。

早餐想食粥其實唔易，一黎粥麵店唔多，二黎好多時都稀到粥水咁，或者杰到同食飯差唔多，對於偏好濃稠廣東粥既我黎講，海皇粥店算係可以接受既選擇。 大滿粥早餐價錢由$25至$35不等，可選各款粥品配炒麵、炒米、蒸蘿蔔糕、齋腸或蝦米腸。 唔想食白粥，正常份量既粥品配粉麵又太飽，我揀左迷你粥套餐。迷你瘦肉粥配蒸蘿蔔糕 ($30) 外賣 (+$1)瘦肉粥灑上蔥粒、炸花生同油炸鬼，粥底稠度適中，成碗都滿佈肉絲好足料，雖然唔係生滾個種瘦肉，但都食到肉既鮮味同咸香，附上既胡椒粉包亦幾香。蒸蘿蔔糕大大件香氣四溢，軟糯幼滑仲食到大量蘿蔔絲同臘腸，淋上甜豉油好夾好惹味。迷你粥細細碗意想不到咁飽肚，其實我平時食個粥就夠飽，可以雪返個蘿蔔糕第日翻叮做早餐。 外賣配套幾齊全，有紙托、胡椒粉、豉油、辣醬同餐貝。 我好欣賞所有野拎到返公司仲係熱辣辣，外賣盒保溫性能好強，如果裝蒸蘿蔔糕唔用發泡膠盒，轉用薄身透明可重用既塑膠盒就更好喇。值得一讚外賣2分鐘內就到手，員工都好好禮貌。

今晚行街後去到灣仔搵食,本來諗住平平地食餐粥,所以就選址海皇粥店啦。入到去都差不多坐滿,搵到張6人檯仲有側邊兩個坐位就諗住是但啦。坐下睇吓餐牌食咩好,佢有好多不同既餐牌,當我睇緊佢既火鍋餐牌時,突然有個阿姐同我地講,食火鍋匿張唔夠坐,過嚟啦,坐出面好坐d。我地見佢咁熱情就跟咗佢行,佢就搵咗張4人檯比我地。咁我地又唔好意思話我地只係想食粥咋,所以就叫咗個海鮮鍋。佢有五種鍋,價錢由六拾幾到八拾幾,我地叫咗魚蝦蟹肥牛鍋。仲有油炸鬼,蔬菜籃,野飲就要加錢。蔬菜籃有三粒丸,南瓜片,芝士腸,雲耳,粟米,金菇同生菜,黃牙白,都幾足料。粥底都可以揀白粥,南瓜粟米肉碎,香茜皮蛋或豆槳。隻蟹上台前巳放咗入煲,就咁睇都幾大隻,但食落就知唔係新鮮貨,隻蝦都唔彈牙,只有兩塊魚可以接受。之後仲加咗一個炒麵,蘿白糕同豆槳。其實個餐唔算貴,但既然做得魚蝦蟹鍋,最好比返d新鮮d既料比人食會好d。

My mom visited once and she said this chain was with super nice environment, so she toke tram from Cwb to wan chai for this dinner. Congee was smooth and beef was tasty. Rice roll had rice taste. Hot and smooth.

今晚我們喺灣仔附近做完嘢之後諗著喺周圍附近睇吓有咩食？但由於當時嘅時間已經比較夜，好多食店都已經收咗工，行到去莊士敦道見到呢間「海皇粥店」仲開緊，所以我們就入咗去食晚飯！我們叫咗夜貓套餐：迷你艇仔粥拼蝦米腸嘅粥底煲得都幾綿，唔會太過稠身，材料亦好足料，雖然話係迷你，但份量十足！蝦米腸嘅腸粉皮好煙韌薄身，蝦米嘅份量相當多，但味道就比較腥！肉燥鷄扒煎蛋大碗飯嘅鷄扒肉質都幾軟滑，但就唔算煎得好香口，而肉燥嘅味道就比較鹹！家鄉銀針粉嘅銀針粉質感好煙煙韌韌，但由於冬菜嘅份量比較多，所以湯底嘅味道就相當鹹！清蒸鯇魚腩拼西生菜嘅魚腩蒸嘅時間火候調教得恰到好處，所以肉質非常鮮甜嫩滑，就連豉油嘅味道亦相當鮮味！

Really like their 炸两/肠 which is a thin rice paper wrapped Chinese donut. (Best to eat it there while it’s fresh and crispy) They also have excellent soy bean milk! Come here for afternoon tea and get good deals: ie: mini order of 炸肠&siu mai & soy bean milk for only $27hkd

A chain store that sells pretty ordinary congee. The taste was the bare minimum required to be decent. The fried dough was a disappointment though. It was cold, hard, and not crispy. Given the choices of restaurants in this area, there's no chance that I will be back.

今晚想食得清清地，行行下灣仔莊士敦道見到一間好耐冇入過去嘅海皇粥店， 突然間好想食返碗粥。 見到佢哋嘅新裝修我都嚇一嚇以為入錯舖。入到嚟叫咗一碗南瓜粟米肉碎粥， 有驚喜。 除咗佢哋正常綿粥底之外更有南瓜清甜嘅香味同埋粟米加肉碎嘅口感。 跟住又見到我嘅至愛蒸蘿蔔糕。 令我食返細路仔在新年時媽媽做的蒸蘿蔔糕嘅口味。可惜炸兩有一點失望，皮厚，油炸鬼不脆。幸好飲了杯超濃豆漿， 令到這一餐畫上完美的句號。估唔到依家連鎖店有這樣的品質，一定會再嚟。

平時都會行到呢頭食海皇，貪佢價錢平份量大而且幾好坐！因為今日晏左d先落去，等左10分鐘先有位坐🤦🏻‍♀️🤦🏻‍♀️ 同平時一樣嗌左個粟米南瓜肉碎粥跟油菜($42),另外加左7蚊要牛利酥👻👻 粟米南瓜肉碎粥好大碗，粟米都幾多，可以每啖都食到嘅，反而冇乜南瓜味🤕 而瘦肉碎都係幾下，粥就煲得好淋又夠綿密😝 配埋牛利酥食好好味，就咁食牛利酥會比較干身，點一點個粥就可以balance翻油菜係生茶，都幾大碟，又新鮮！