Video
Read full review
2010-09-17
18 views
呢度招牌都未有，已經開門做生意。我係靠門口嘅手寫黑板及發票知道個店名！ 地方骨子，柔和裝修色調，聽住動聽英文歌，感覺舒服！ 以有機食品為食材，早餐、午餐及下午茶價錢唔平，$25~$100 不等，豐儉由人！午餐係有豆揸漢堡要成 $40 個，都咪話唔平。我對漢堡包無咩興趣！ 反而我搵日放工去試吓下午茶！ 意大利番茄湯配有機螺絲粉 ( 要求少螺絲粉 ) + 有機紅茶配澳洲蜜糖首先，上枱係一杯加了澳洲蜜糖嘅有機紅茶，我比較少飲茶，唔知普通及有機紅茶有咩分別。呢杯紅茶確實幾濃，又浸出淡淡清香，加咗澳洲蜜糖，只是味道上一個點綴，帶了一點點甜味；老闆娘話如果唔夠蜜糖可以要求再加，就算唔夠甜，我都唔打算再加。其實真係唔夠甜！不過，蜜糖若果用熱水，會產生酸味，最好用室溫水或暖水，可保留本身味道之餘，又唔會流失原有嘅營養！所以，我唔想浪費呢度嘅貴價蜜糖；同時，可能破壞咗茶應有嘅味道。 一大碗嘅意大利番茄湯配有機螺絲粉，實在令我吃不消！好在，我落單嘅時候話唔想食太飽，8:00 要返屋企食飯，要求少螺絲粉。未食螺絲粉之前，先飲啖番茄湯；嘩！原來用意大利番茄敖出嚟嘅湯係咁濃架！味道好似羅宋湯酸酸地，真材實料，
地方骨子，柔和裝修色調，聽住動聽英文歌，感覺舒服！
以有機食品為食材，早餐、午餐及下午茶價錢唔平，$25~$100 不等，豐儉由人！午餐係有豆揸漢堡要成 $40 個，都咪話唔平。我對漢堡包無咩興趣！
反而我搵日放工去試吓下午茶！
意大利番茄湯配有機螺絲粉 ( 要求少螺絲粉 ) + 有機紅茶配澳洲蜜糖
首先，上枱係一杯加了澳洲蜜糖嘅有機紅茶，我比較少飲茶，唔知普通及有機紅茶有咩分別。呢杯紅茶確實幾濃，又浸出淡淡清香，加咗澳洲蜜糖，只是味道上一個點綴，帶了一點點甜味；老闆娘話如果唔夠蜜糖可以要求再加，就算唔夠甜，我都唔打算再加。其實真係唔夠甜！不過，蜜糖若果用熱水，會產生酸味，最好用室溫水或暖水，可保留本身味道之餘，又唔會流失原有嘅營養！所以，我唔想浪費呢度嘅貴價蜜糖；同時，可能破壞咗茶應有嘅味道。
一大碗嘅意大利番茄湯配有機螺絲粉，實在令我吃不消！好在，我落單嘅時候話唔想食太飽，8:00 要返屋企食飯，要求少螺絲粉。未食螺絲粉之前，先飲啖番茄湯；嘩！原來用意大利番茄敖出嚟嘅湯係咁濃架！味道好似羅宋湯酸酸地，真材實料，無落茄膏。其他配料有薯仔、西芹、紅蘿蔔。各樣都咁腍，薯仔仲好入味！
番茄含豐富維他命 C ，而有機螺絲粉以麥製成，食起嚟比較平時用麵粉做嘅螺絲粉硬身！帶點嚼勁！另外，女廚師見到我唔食番茄皮，佢話好有益架，打後嘅番茄，我都乖乖地連皮食！
食完呢個餐係真係好飽，況且係素食，完全無肉類，少油；素食者都啱食！
老闆娘推介我飲蒲公英健康咖啡，呢種飲品唔係咖啡；但係味道好似，亦不含咖啡因，連孕婦都話啱飲。可有助降低膽固醇！唔同普通咖啡高熱量、高糖分。比較健康！聽到我想試！我上星期五，6:00 收工，打算試吓飲蒲公英咖啡，點知一去到已經休息。之前，幫襯收7:00，當時得我一個客，又係嘅，呢條街放工後水靜河飛！怪不得而家改收6:00啦！睇吓有無機會試！
Post
