餃掂手工餃子雲吞專門店

Open Now

Now Closed

放工經過灣仔，又唔想日日都食飯咁悶，見到呢間餃子店主打手工餃子，於是又試下。同朋友一共叫左3碟餃子：元貝豬肉湯餃，龍鳳松茸煎餃，壽喜燒牛肉煎餃 等上菜期間，我朋友留意到佢D調味料有2款辣醬係菜單上仲有得賣，姐係店舖嘅特製醬料，用嚟點餃子應該好惹味🤩元貝豬肉湯餃：值得一提湯餃嘅湯底係佢哋主打嘅狀元九鼎湯，好香鮮魚味，餃子皮浸係湯到吸埋D鮮味，令湯餃子都冇咁清淡，餃子入面肉餡好飽滿。龍鳳松茸煎餃：👍🏻👍🏻呢個必食呀！一碟有齊黑白松茸2款味道，加上煎脆的外層，同肉汁嘅鮮味，我同朋友都食到點曬頭😂壽喜燒牛肉煎餃：呢個都好正，牛肉味好濃，仲有壽喜燒汁嘅甜味同餃子皮嘅香脆👍🏻基本上全部餃子都已經有香濃肉汁，所以都只係點左好少，甚至唔需要點醬。但試過點佢個辣菜脯醬，的確又辣又惹味👍🏻值得一試

岩岩踢完波 餓到爆 梗要食番餐勁慰勞下自己 同個波友去左餃掂 試下係咪真係咁掂先 試左三款餃子 松茸素餃超級香 又足料 本身好怕啲菇味好搶 又唔係喎 越食越香 食到停唔到 再叫多個芫茜豬肉餃 煎既 金黃色 脆得黎就唔油 呢個正 唔夠喉 叫埋個椰菜雲耳豬肉湯餃 皮厚少少 仲有咬口 有啲似北方餃子 一啖放入口 超滿足齋食餃子又好寡 叫左個酸辣雲耳 落左啲辣油又幾惹味 啲汁要黎點餃子 唔好哂 仲好食 食埋個麻辣溏心皮蛋 睇住個溏心張住對筷子 好鬼治癒 第一次黎呢度 叫到成枱都係餸先二百幾 係灣仔算好抵 又近球場 下次試埋其他餃子先 真心好食有驚喜

今日返工既時候突然之間好想食餃子🥟 就決定放工之後去同事介紹嘅餃子店 餃掂🤙🏻我第一次去這間餐廳🍴我但係估唔到佢哋有咁多新奇嘅餃子味道 例如 龍鳳松茸雙灼餃 咬落去真係啖啖松茸味 最欣賞嘅係佢係有黑松茸同白松茸兩款比你簡 鍾意食邊種食邊種💗💗 而我最愛嘅最係香煎軟心芝士餃 咬落去又係滿滿既芝士 超級滿足✌🏻 而芫荽豬肉餃都好香 湯餃既湯底係佢地特有既湯，可以養顏保健提升免疫力，小細節都100分！ 👏🏼👏🏻佢哋嘅四川涼麵都要特別讚下，因為真係唔係間間餐廳都有得食，整得好食就更少。佢嘅麵軟硬更更好，亦唔會太辣 哈哈😋人均$130 左右 就可以試哂咁多種特色既餃子，大滿足👅

🥟餃掂手工餃子雲吞專門店手工餃就食得多，聽講呢間手工餃都幾出名！平時又好多人排隊入去食！即刻同屋企人來試下！一坐低就見到樽酸蘿蔔在檯面！因為我哋都好中意食😂😂😂所以夾左好多😝😝😝就來夾晒佢樽野！4個人叫左4杯野飲！2杯山楂雪梨水同2杯蜂蜜檸檬薏米水！之後仲叫左幾款吾同的餃🎉有龍鳳松茸雙煎餃、壽喜燒煎餃同元貝湯餃🥟果然係出名食餃子！啲餃煎到脆皮肉熱！咬完見到啲黑、白松露！真係無得輸！啲湯都好鮮味！但壽喜燒入面有西勤😅本人麻麻！下次再試下其他餃🥟🥟🥟湯餃啲湯都好出色！我哋再叫左個龍鳳蛋同粉皮😋有驚喜！因為溏心蛋上面有黑松露同白松露，但白松露啲味吾太出！可能俾黑松露Cover左！而個粉皮已經叫左小辣但都好辣😂太惹味～試小小就算😝總括來講，價錢吾叫好平但見佢間舖有個「天下第一餃」個牌啲手工餃又做到出位🥟本人覺得煎餃比湯餃更出色🥟啲餃又真係吾錯woooo😂值得試試！

今次黎到灣仔餃掂~ 收工搭叮叮黎都好方便, 一落車行一分鐘就到~ 😙地址係: 灣仔莊士敦道46號, 教堂附近。首先講下店舖環境先, 光猛, 座位舒服, 因為滿座既關係所以都比較逼~ 餐牌好清晰, 有埋圖片.😎龍鳳松茸雙煎餃係黑松露同白松露既配搭, 一次過可以試到兩款口味, 一咬開已經聞到陣陣松露香味嘆向我個鼻到. 我揀左煎餃, 因為比較中意食香口野, 又真係無令我失望, 個皮煎得好香脆, 唔錯!壽喜燒牛肉餃呢款我都係揀煎餃, 所有肉汁鎖哂係餃子入面, 真係好juicy, 仲好熱添~ 大家小心焫口~ 佢d餃子餡料都好多, 所以肉汁都會好多, 大大隻, 食得好滿足.🥳四川涼皮晶瑩剔透既涼皮, 爽滑唔黏身, 加上花生, 辣椒, 香蔥, 蒜頭, 真係好夾好好食! 😝

疫情期間好多時都會買外賣返屋企食，係有好多分店嘅餃子店手工餃子專門店嗌左幾款餃子返屋企，公司同屋企附近都有嘅餃子店，方便就係我想食餃子嘅時候隨時都可以食到👅👅鳳城松茸雙灼餃跟湯-分別係白松露配豬肉同黑松露配豬肉，入口都會食到震震嘅松露清香至尊松茸豬肉餃-松茸餃有菇菌味，豬肉餡多！餃子好飽滿肉汁Juice我叫嘅都係湯餃，湯餃會配上狀元九鼎湯即係粉葛鯪魚湯個湯冇味精，唔會有口乾想飲水嘅感覺黃金原味皮蛋因為黃金皮蛋呢唔係度度都有而且呢一間都做得好味，同埋食落彈牙蜜餞雞翼雞翼外皮煎得剛剛好雞肉肉質嫩滑加上甜甜嘅蜜糖剛剛好。

今日想食一啲比較清淡嘅食物，所以去到一間專食手工餃子嘅餐廳。午市時間，出邊都幾多人排隊，排咗大概15分鐘，就有位。入去我就點左一個壽喜燒牛肉湯餃子。可能唔夠人手，等多15分鐘先有嘢食。呢間餐廳，價錢偏貴，但係食物嘅份量比較少。而且如果唔係嗌煎餃子的話，感覺食物比較清淡。佢哋嘅狀元湯，亦都冇想像中咁好飲。餃子皮偏薄，但係入邊嘅餡料唔夠味，而且沒有太大嘅特色。應該下次都會去嘗試，佢哋嘅煎餃子，但係食物送到黎就會等得更加耐，上班人士就需要留意時間

—夜晚諗唔到食咩就會去食餃子一碗有晒菜 澱粉同肉 仲有個湯🤣野生松茸煎素餃($58/中碗7隻)煎得香脆 菇菌味撲鼻而來塞滿蔬菜餡料 唔洗蘸醬已經夠味元貝豬肉湯餃($49/中碗)加入乾瑤柱令餃子變得鮮甜亦有芹菜增加爽脆口感粟米芫茜雙併湯餃($52/中碗)淨係睇外皮見到包裹住好多粟米粒芫荽餃都不遑多讓龍鳳蛋($18)放上黑松露同白松露醬溏心蛋倍增奢華蜜餞雞翼($24/3隻)甜甜嘅雞翼煮得入晒味蜂蜜檸檬薏米水($20)/豆漿($15)—————————————————餃掂手工餃子雲吞專門店灣仔莊士敦道44號地下

好耐前已經想試E間舖頭既餃子所以咁岩去開灣仔😚入左去食星期日夜晚7點幾 唔駛排隊就即刻入座喇😳座位都舒服 乾淨整齊😚分別點左2個餃子去相～至尊松茸豬肉餃（ 8隻） $80我非常鐘意e個餃 食落入面既松茸香味真係好濃!!! 我好鐘意佢既香味😍😍望入餃入面 松茸份量都正常 食落有淡淡香味😍同平時餃子唔同 餸子都食得出既高級味道~推!不過性價比我覺得一般啦 因為餃子唔算大隻😚但真係好好食雲耳椰菜豬肉餃 $54味道正常 雲耳椰菜個量唔算多中規中矩~狀元九鼎湯我係一個好鐘意飲中式湯既人E個湯反而令我有少少失望🙈比較淡😳🤔不過適合鐘意淡味少少湯既人上湯松茸時蔬 （菜芯）中規中矩啦🤣🤣😚整體我非常推薦 至尊松茸豬肉餃😳真係香味好香 好好食

外賣點了一份湯水餃，店家交代坐櫃檯正前方座位等，一份簡單的水餃等了超過30分鐘，詢問櫃檯店員，店員們才發現已煮好的食物一直閒置在送餐台，店員無人發現食物已好，沒有通知顧客，沒有一句道歉，還質問顧客怎麼沒來取，已經等你很久，這段時間你人在哪？明明是店員建議在座位等候，而且一直在櫃檯正前方最明顯的位置，怎麼就忘了呢？一般如果有客人座位上一直沒有食物，店員難道都不會留意而主動關切詢問嗎？買外賣照理來說應該是店家需隨時留意出菜然後拿給顧客，怎麼會是顧客的責任來問店員食物好了沒？這應該是餐廳最基本需做到的服務。食物閒置過久，不只影響味道也不符合衛生品質。同樣外賣問題不論是在店內等或店外等，之前都發生過類似事件，顯示店家人員在外賣程序上無人監督，才會重覆出現問題也沒有改善。如果無法handle外賣,那建議只作內用，不要提供外賣服務。

今日lunch 又係時候同同事糾結食乜好係尼d 想出去食又想hea 係公司多d 時間用最終決定嗌外賣.尼排食得多油野決定食返餐消消day 既先於是就決定嗌尼間 " 餃掂" 黎trytry.我地就嗌左1. 一人湯餃餐 雲耳椰菜豬肉餃x 7pcs 拍青瓜 lemon 茶2. 上海淨麵（因為驚唔夠飽)3. 同事嗌左 芫荽豬肉餃 加大 total x 10pcs.一路等既時候說時遲 那時快就到著！.急不及待衝入去pantry japjapjap首先d 餃唔係好細細隻果d ok ge ,未至於去到好大隻我覺得正常size而湯餃同湯麵都有幫我地分湯good!味道方面我果份拍青瓜好野味雲耳椰菜豬肉餃有咬口加上調味唔錯唔洗點醬都好ok 啊上海麵就正常份量啦食完三樣野都飽飽ga la.同同事交換左幾隻芫荽豬肉餃黎試下但芫荽味道又唔算太出woo我覺得可以再香d.so far 對得住個價錢唔錯ge有機會唔想食飯再order 佢

🍪 【#灣仔】餃掂手工餃子雲吞專門店 Nom Nom Dumpling💥皮薄餡靚松茸餃 + 爆餡芝士栗米餃💥.🍪幾年前喺太子食過一次，到今年餃掂已經有6間分店！😳✧Visited Prince Edward branch several years ago. Nom Nom Dumpling is now a popular chain with 6 branches! 🍪主打招牌松茸餃、芝士餃，手工製作。✧Serves up handmade dumplings, such as Dumplings with Matsutake Mushroom & Pork and Cheese Dumplings. 🍪6 p.m. 去到已經得返一張枱，超級受歡迎！✧A favourite among locals. Arrived at 6 p.m. and only a table was left. ~~~~~~~~~~~~~~~~~~~~~~~~~~~~~~🍽至尊松茸豬肉餃(跟狀元九湯) $80/8 pieces（5/5）Dumplings with Matsutake Mushroom

叫左餃子湯麵 飲一飲啖湯先 奇奇怪怪 唔似係餃子湯所以我決定加一加菜脯辣醬 點知佢似辣油而且我expect有啲菜脯粒去增加個口感點知無失望🤦🏻只可以話個湯同辣醬唔係咁岩我口味 菲菜豬肉餃中規中矩 食食下發現有粒比錯左 變左芫茜豬肉餃嘩 好香芫茜味而且個味好夾 好好味唔怪得知前排咁期芫茜味既野呢到要加幾蚊先有芫茜餃 係咪廚房特登比錯我等我試下之後下次返黎再食😆價錢略貴 不過佢麵既份量係多既但基於個湯底應該無下次🙈見隔離枱嗌煎餃子多 可能呢到煎既出名啲

I was recommended by a friend to try Nom Nom. The menu doesn’t have that many items, mainly dumplings and a few side dishes. I wasn’t too hungry so ordered pan fried dumplings with chives and pork. I didn’t have to wait long for the dumplings to arrive. They came nicely arranged and looked very appetising. I took one and added some vinegar and took a bite, the dumpling was hot and crispy, the filling was generous with a good balance of chives and pork. There are a lot of dumpling restaurants aro

中秋節食月餅、朋友聚會BBQ食咗好多大餐，個人都食到滯滯哋，返工食lunch都諗唔到食咩好，同事話清清哋去食餃子喎😂😂😂！我好鍾意食餃子當然無問題啦。灣仔區梗係要去餃掂啦！我哋清清哋叫咗兩碗湯餃，一碟煎餃再加個黃金皮蛋😂😂。我最鍾意佢哋個粉葛湯，唔會太濃蓋過餃子味道，但又好清甜，聽講仲有袪濕健脾功效，我每次都會一滴不漏飲晒㗎👍。元貝豬肉餃係我至愛，餡料非常飽滿，每一啖都有元貝，海鮮味令豬肉嘅鮮味更突出層次更豐富，係我每次嚟都必點項目😂。松茸餃另一必點，餡料加上松茸香味非常濃郁，松茸可稱植物性的保品，含豐富蛋白質同胺基酸，多吃有益😂👍，另外還跟一碟松茸醬，跟餃子一起食更添美味，我覺得個醬用來撈麵應該都好perfect👍