餃掂手工餃子雲吞專門店

Open Now

Now Closed

這星期剛轉了新工作，每天也很晚才下班。有見今天工作輕鬆一點，約了好友吃晚飯，順便把之前台灣的手信交給他。餃掂手工餃子雲吞專門店位於灣仔莊士敦道，港鐵灣仔站大約5分鐘便到。龍鳳松茸雙煎餃(⭐⭐⭐⭐⭐)松茸煎餃是這裡的招牌，既然來了當然要試試。入口黑松露香氣濃郁，帶有豐腴的油脂感，外皮煎得香脆可口，令人一口接一口停不下來。雙拼湯餃(⭐⭐⭐⭐⭐)這裡所有餃子都能雙拼，我們選了韭菜餃和雲耳椰菜餃。餡料飽滿紮實，啖啖肉感十足。特別要讚一下湯底，完全不加味精，卻鮮味滿滿。雲吞麵(⭐⭐⭐⭐⭐)一碗雲吞麵約有六至七粒雲吞，配上幼細的麵底，兩個人分享剛好。四川涼麵(⭐⭐⭐⭐⭐)涼拌麵口感爽利，搭配青瓜絲、芝麻醬等豐富配料，夏天吃清爽開胃，消暑一流。蜂蜜檸檬薏米水(⭐⭐⭐⭐⭐)這薏米水甜度恰到好處，帶著檸檬的清新微酸，非常適合當下注重健康的都市人。總括而言，這間餐廳質素評高，而且食物調味不太重，十分適合香港人的口味。~~~~~~~~~~~~~~~~~~~~~~~~餃掂手工餃子雲吞專門店 灣仔莊士敦道44號地舖推介菜式：龍鳳松茸雙煎餃👍🏻經濟實惠

呢間餐廳污糟邋遢，枱面污漬一大堆，執枱淨係攞走碗同紙巾，唔抹乾淨。員工態度差到爆，一坐低就催你落單，人未齊就想趕你走！加單時，侍應嫌你叫得少，喋喋不休話有最低消費，仲懷疑你呃佢，走去check你之前點咗啲咩。落單催催催，佢哋聽錯仲嗌你慢！野食味精超多，食完口渴到死，真係名過於實，完全唔值個價。食完仲即刻催你走，環境同服務爛到無朋友，完全唔想再嚟呢間餐廳污糟邋遢，枱面污漬處處，執枱淨係攞走碗同紙巾，抹都唔抹乾淨。員工態度差到爆，一坐低就催你落單，人未齊就想趕你走！加單時，侍應嫌你叫得少，喋喋不休提最低消費，仲懷疑你呃佢，跑去check你點咗啲咩。落單催催催，佢哋自己聽錯仲嫌你叫野慢！野食味精超多，食完口渴到死，名過於實。食完仲催你走，環境同服務真係爛到無朋友！

假期喜歡去看書，精神飽滿了，肚子卻空虛了，滿腦子尋思著找甚麼吃呢？突然眼前一亮，看見電車路旁的餃子店叫【餃掂】，這名字取得真棒👍，‘‘掂’’在廣東話裡就是很行，今晚吃餃子很掂。🤣🤣這家餃子店我吃過，名符其實真掂。好吃的餃子有：至尊松茸豬肉餃連一碗狀元九鼎湯，餃子超大隻，皮香餡鮮，肉嫩菇甜，配搭鮮香粉葛魚湯，真是超正。煎芹菜豬肉餃，餃子煎到脆卜卜，芹菜香味特別吸引，豬肉餡鮮香，沒有肥肉和硬筋，每啖都鮮美多汁，每次吃都保持水平。👍😋兩個大胃王吃貨又點了上湯松茸菜心和十二粒雲吞麵，吃得心滿意足。😘😘最好喝的飲品是：檸檬意米茶，一大瓶自家製檸檬意米茶，酸甜可口，開胃舒暢，一瓶可以倒出三大杯。😋

呢間餃子店成功令我短時間內再二訪，皆因d湯餃同煎餃真心包得足料，又香又抵食！呢度招牌餃子一定要嗌個龍鳳松茸雙灼餃，會跟埋一個叫狀元九鼎湯（寓意好好！）。龍鳳松茸顧名思意係有兩款松露（黑&白），食落其實兩款個味係好似，兩款都好香，肉汁又夠晒多，真心出色。都有興趣下次試埋煎松茸餃！另一款叫左香煎軟心芝士餃，煎左嘅芝士餃子寧願香噴噴架，入面仲有好多粟米tim!好味到勁快就比我地清晒🤓然後仲有嗌左個菜同龍鳳松茸蛋，呢度嘅松茸香，配所有野都好好食！野飲有豆漿同檸檬薏米水。

行街經過呢間餃子店時，俾佢哋個店名吸引住望多兩眼，再睇睇店外玻璃貼上嘅餐牌，就咁入去幫襯咗。 所以話改名嘅嘢真係幾重要。叫咗碗大嘅《元貝豬肉湯餃》， 湯餃嘅湯會用佢哋店嘅招牌＂狀元九鼎湯＂上。 又係一個聽起來好勁嘅湯，但其實即係粉葛煲鯪魚湯。一碗有十大隻水餃，每隻水餃睇見都係脹卜卜。 飲咗啖湯覺得個湯比較淡， 有點兒失望。 至於主角水餃， 餡料調味唔會過濃，食得到元貝，豬肉嘅鮮味， 餃子皮厚薄適中，一碗真材實料，幾好食嘅水餃。最後，買多份生餃《野生松茸素餃》返家自己煮。

香港有好多餃子店，我相信呢間開到連鎖，一定有佢好食嘅地方，所以嚟咗試試！🌽 粟米餃子湯麵（$57）今次嗌咗餃子麵，一碗有6隻，再加埋麵嘅份量都唔少😋 不過，嗌餃子麵同淨湯餃嘅最大分別就係湯底唔同，淨湯餃可以飲埋佢嘅湯，但餃子麵就無咗🥲 餃子方面，每隻都薄到見到入面嘅餡料，唔怕食落好厚皮，而且真係有粟米香！幼麵都好食，配埋餃子好夾，同埋幼身食落無咁滯，而且可能湯底帶啲酸味，所以好快就食晒～ 呢間唔使排太耐隊嘅話都值得encore！

因為返工地址喺附近，所以外賣都叫過幾次覺得好好食。之後同同事傾好咗返工時間終於可以抽時間出嚟堂食覺得堂食嘅煎餃會更加好食我同我朋友叫咗兩份餃子，一共17隻舖頭人流唔算多都有空位，12:21落單，等到12:41都未有於是我就問店員係煮緊定係落漏咗單，我已經等咗20分鐘店員話冇可能20分鐘都未有，之後我叫佢睇吓張單後來佢就望一望張單好大聲咁樣同廚房講:「16號嗰張枱整好未，人哋要食，」廚房唔知講咗啲乜嘢，佢就回覆:「啲肉唔使整咁熟，人哋吹緊。」之後我聽到好唔舒服，點解豬肉餃子唔需要全熟？而家我食嘅係粟米豬肉餃子唔係粟米豬肉沙門市餃子喎隨即我就去收銀枱同佢講我要埋單，未上嘅菜幫我取消佢話廚房嗰邊即將做好，叫我等一等我就企咗喺收銀處要埋單冇人理我最後我放低咗$30，俾咗$28薏米水嘅錢，自行離開嘢食好食都冇用，態度真係好差點解一間舖頭？可以當住客人面前講出俾客人既豬肉唔需要煮太熟

因為朋友太鐘意食餃子，餃掂喱間餃子店我都食左幾次啦，今次去左灣仔分店。至尊松茸豬肉餃呢款餃子絕對係亮點，松茸嘅香氣配合豬肉，味道非常濃郁。餃子皮薄而彈牙，餡料豐富。大白菜豬肉餃喱款餃子就比較適合喜歡清淡口味嘅朋友，大白菜味道同豬肉就一定夾，好食。雲耳椰菜豬肉餃雲耳嘅脆脆口感為呢道餃子增添咗特別嘅層次，椰菜嘅香甜味道令整體味道更均衡，一啖接一啖咁食唔停。蜂蜜檸檬薏米蜂蜜嘅甜味同檸檬嘅酸味結合消暑又解渴，薏米仲增添咗口感。豆漿豆漿搭配餃子好合適，都推薦大家叫豆漿飲。

呢間舖頭真係好差，啲侍應又冇禮貌，行入去一陣味，又唔會俾碟你哋，得個核突豉油碟喺度。唔係親戚話想去呢間野到食真係唔會留意有啲咁嘅舖啲座位又窄，燈光又暗，餐具又污糟，枱面黐立立。嗰位親戚叫一個阿嬸落單，發現佢態度黑口黑面好似撩交嗌咁。鋪面冇乜嘢顧客但等咗十幾分鐘啲侍應都唔攞杯水過嚟。我出去攞水嘅時候佢就喝令我返埋位，我就好唔客氣話返佢轉頭「坐咗咁耐你唔俾水我地咪以為喺呢度好似其他餐廳咁要顧客自己斟水，我依家問返你點解重唔快啲攞水俾我哋？答我啦」咁佢先至好晦氣話「得啦依家比水你囉」我見到親戚嗰碗水餃賣相真係差，我睇啲湯底覺得唔慌好食得去邊。問佢好唔好食佢就話一般啦，老婆叫嗰啲煎餃非常燶，啲皮又硬，食落去冇乜嘢味道。重差過我喺屋企自己煎嗰啲雪藏餃子。總之我就唔會再去呢間舖頭

灣仔修頓球場斜對面地舖簡潔門面但內有驚喜全店以木制裝修及木桌椅落地大玻璃睇到入邊座滿晒人晚市時間要排隊必定有過人之處坐落唔逼仲夠光猛 唔會感覺太老舊枱面仲有好多特色醬汁味道過人特別係菜脯豆豉醬及四川麻辣醬按自已口味調配特別過癮龍鳳松茸煎餃 大份$147/12隻黑白松茸各味道6隻 一上台勁濃黑松露油香兩邊煎至金黃焦脆 中間飽滿膨脹餡料鮮嫩多汁 咬落去湯汁噴晒出嚟唔想辣親咀咀一定要由邊開始食雖然價格稍高但味道的確高斑值得一試雲耳椰菜豬肉湯餃 配狀元九鼎湯 $46豬肉餡滑嫩不膩 雲耳爽脆椰菜軟滑夠甜肉既份量比起坊間餃子更為飽滿湯底清而微甜 唔會過多調味帶偏餃子味道湯餃相比煎餃唔使沾醬油都好夠味雖然7隻好似不多但尺寸偏大反而夠飽黃金皮蛋 $30比起平時既皮蛋小食更為特別鴨蛋既咸蛋黃加上透明既蛋皮無論香氣或入口都有驚喜半溶既咸蛋黃加上微辣醬汁幾頂癮蜂蜜檸檬薏米水 $20大粒又飽滿既薏米好有咬口蜂蜜檸檬酸酸甜甜開胃又下火

店員服務態度很差， 堂食點餐叫幾次都唔想理，但當時用餐是下午5點，客人唔多，最後 有人甚至要行出去佢度落單先理你。店舖廣告推薦湯水靚， 叫了一個湯和麵試，湯溝水完全無味， 麵太多味精， 食完叫店員比杯水， 點知店員用好差的態度話每人限1杯水， 然後就走左去， 我去過其他分店都絕對無話每人限1杯水，個職員連加水都懶

今日去咗間叫“餃掂”嘅餐廳，呢間餐廳外觀普普通通，就係一間好街坊嘅食肆，唔會好搶眼，但勝在易搵。入到去，環境算乾淨企理，裝修走嘅係簡約路線，牆上掛住啲青花瓷碟做裝飾，有啲中式風味。我叫咗碗元貝豬肉餃（中碗），要$51蚊，講真，價錢喺一般嘅餃子鋪嚟講，算係偏貴。餃子上嚟時，賣相唔錯，個湯底呈金黃色，好似落咗唔少香料，餃子皮算薄，咬落去，元貝同豬肉嘅味道混合得唔錯，鮮味十足。同平時喺日本餐廳食嘅餃子相比，呢度嘅餃子更有中式嘅濃郁風味，日本餃子好多時會更注重個皮嘅口感同清淡嘅味道。不過呢間餐廳都有小缺點，好似個辣椒油，雖然聞落好香，但食落辣度唔夠，有啲唔過癮。同之前去過嘅一間北方餃子館相比，呢度嘅餃子品種冇咁多，選擇略顯單一。其實，餃子呢樣嘢，對我哋香港人嚟講，真係好有親切感。細個嗰陣，屋企人過年過節都會包餃子，一家人圍埋一齊包，有講有笑。出街食餃子，就好似搵返嗰種家嘅味道，雖然呢間“天下第一餃”唔算十全十美，但都算勾起我好多童年回憶，希望佢哋可以再改進下，做得更好啦。

環境超細枱太迫，服務態度差，所以外賣，等外賣會給服務員罵阻住，又冇地方給人等外賣，門口等的話服務員又不會拿出來！已經等得耐又要漏單，勁差！外賣回去又不好食，灣仔店下次不會再去！

日本龍鳳蛋配黑白松露醬呢個日本龍鳳蛋真係好有創意，蛋黃滑溜，配上黑白松露醬，味道好豐富，松露嘅香氣令整道菜更加高級🩷每一口都令人想再食多一口，真係唔錯！😳龍鳳松茸煎餃呢個龍鳳松茸煎餃外脆內軟，松茸嘅香味好濃，餃子皮薄透，咬落去有種滿足感🙂‍↕️搭配醬油，味道更加升華，係一個好開胃嘅小食！🙌🏻🙌🏻雲耳椰菜豬肉餃雲耳椰菜豬肉餃帶有一點清新的口感，雲耳嘅脆口同豬肉嘅鮮味相輔相成，椰菜更添爽口感👍🏻👍🏻蜂蜜檸檬薏米水呢杯蜂蜜檸檬薏米水真係消暑又健康，酸酸甜甜☺️整體嚟講，呢幾道菜式都好有特色，味道搭配得宜，值得一試！👏🏻👏🏻

餃掂個名改得好，就係因為呢個名吸引我去試吓呢間餃子專門店。平日lunch hour餐廳座無虛席，仲有唔少人等緊外賣添。餐廳主打手工餃子同雲吞，全部嘅餡料都係自家製，每日新鮮包，重點係款式都唔少，每款都有湯餃同煎餃揀。🥟 至尊松茸豬肉餃 （煎餃）餐廳推介嘅味道之一，首先餃子嘅皮真係好薄，餡料超級豐富，每一啖都食到松茸嘅味道，豬肉都醃得好入味。餃子煎到金黃色，個皮好脆，鍾意食松茸嘅朋友一定要試吓！🥟 大白菜豬肉餃 （湯餃）湯餃跟狀元九鼎湯，要讚吓個湯，真係一啲味精都冇，飲得出煲得好入味，而且仲可以提升免疫力，同養顏保健添😍白菜同豬肉都係我鍾意食嘅餡料，mix埋一齊口感好豐富，一啖湯一啖餃子，一份10隻絕對夠飽肚。🍽️ 麻辣松花皮蛋皮蛋配上自家製嘅麻辣汁，冇得頂！🧃 蜂蜜檸檬薏米水酸酸甜甜得嚟非常解渴，又健康。餃掂手工餃子雲吞專門店 📍灣仔莊士敦道44號地舖