Video
Additional Information
營業時間：12:00nn-11:00pm
Above information is for reference only. Please check details with the restaurant.
星期六同女友去, 諗住Noho, 見識下坐床ge Cafe, 點知已經變晒Sofa, 三點左右去到, 仲要一個人都無, 燈都未開, 叫左兩個cake 加兩杯coffee, 又唔好坐, 三十分鐘就走左, 找數時$173, 我嚇左一跳, 非常之貴, D 野又唔好食, 兩個cake都好普通, 佢個牌寫明今日既ＨＯＭＥ ＭＡＤＥ ＣＡＫＥ 係咩， 但按佢既牌叫， 又話無個樣野，最搞笑係明明叫左個ＣＨＯＣＯＬＡＴＥ ＣＡＫＥ， 佢黎左個ＷＡＲＭ ＣＨＯＣＯＬＡＴＥ ＰＵＤＤＩＮＧ， 本來＄３８就因為佢自己改左野變成＄６８，又因為個ＣＡＫＥ價錢唔同左，杯ＣＯＦＦＥＥ唔可以當ＣＡＫＥ ＳＥＴ又唔出聲， Ｄ ＷＡＩＴＥＲ既服務好一般，唔係咁識ＳＥＲＶＥ客，一定唔會再去
continue reading
我上年都同媽咪去過, 我覺得張梳化床幾好坐, 在床上食野,好得意& relax! 食物同服務都幾好, 唔係好記得食mug啦, 好內啦!不過, 我記得有一張梳化床係俾兩個人, 好似間房咁, 都幾浪漫的, 不過好似係比出面d梳化床貴dd的!未試過, 都可試0下, 幾特別!
continue reading
年頭，又要同舊拍檔研究下數學問題，相約左此傾一傾。成日經過這裡，但一次都未試過。呢度外表看來裝修得不錯，有幾張大疏化椅，好似幾舒服咁，但如前食評Olivian所言，其實唔係咁好坐，舊拍檔就因為穿裙，坐得幾麻煩。餐有魚有雞有牛又有鴨胸可選，價錢最貴不過78蚊。要了魚及雞的選擇，前菜分別要了湯及沙律。我的沙律菜蔬幾新鮮，油醋汁都算酸甜合度，不錯。她的湯也不錯，至少夠熱，在是日北風吹的日子是合時的；我的主菜名叫雖云是「炭燒雞扒」，但完全沒有燒過的味道及痕跡，一望已知是煎的。可幸雞扒醃得的味道還算過得去，配上伴碟的炸薯塊，都算夠飽；拍檔的龍利魚柳就一般，佢說肚餓也吃不完。餐後的咖啡，幾香濃。我地傾到兩點幾，都算好坐的。埋單一百五十多，一試無妨。
continue reading
原本想去lot 10的, 但遲了, 過了last order.. 所以去了隔鄰的noho cafe.. 沒有人, 很靜.. 叫了兩個set lunch.. 一個是紅酒燴雞, 一個是肉眼.. 雞好淋.. 肉眼都ok, 但咸了一點.. 青豆湯好味... 店的特點是可以躺著食的.. 環境不錯.. 可惜有一隻烏蠅飛來飛去..埋單$140.. 都算抵食
continue reading
同事食過後話唔錯，推介我o地食。地方唔大，幸好訂了位，我o地成班已佔了佢o地張大，剩餘三四張兩人。Set lunch有4、5款選擇，由$4X-7X唔算太貴。頭盤我要了沙律，雖然係一兜雜菜沙律，佢落個D沙律汁好好味，同一般的千島醬有少少分別。有D同事揀了餐湯，評語都唔錯。主菜我揀了砵酒燴雞，而我4個同事都選了牛柳，我o地竟然聽到，侍應問廚房夠唔夠牛柳，真係搞笑。砵酒燴雞唔似西式煮法，買相似中式的炆雞，雞肉幾嫩，沒有一般西式煮法的”鞋”口，當然雞味就欠奉。而配菜亦唔少，當中以脆薯塊最好食，又脆又熟。我亦試了少少牛柳，都幾鬆軟但沒有梳打粉味。佢有一張長長的梳化，又大太高，以我的高度坐係度食野，都覺得好辛苦，可況身高再高的D人去食，就更加坐的唔舒服啦。
continue reading