新強記越南美食 (Closed)

由中學時代開始已經幫襯強記, 不知不覺間已過了20年. 回想每次去強記, 除了同樓下網友Jesse Chan一樣我會點牛油雞翼外, 我也會叫煎扎肉河粉(強記的煎扎肉河粉是最好味的)同青檸梳打, 而同朋友黎食, 就會叫埋炸蝦餅同越南春卷. 現在強記結業, 再也吃不到這様美味的越南菜了!希望強記老闆身體好番時, 會考慮重開, 或者把美味食譜傳給子女, 讓美味食物留傳下來. 如果舗頭凰他日重開, 記住在此通知大家呀!

每一次想起強記結業，我的心都很酸、很捨不得! 感覺像是有一個好友不辭而別。想起以後都吃唔到100分的牛油雞翼，感到十分可惜! 希望老闆身體健康，全家人平安快樂! 若果一日載譽重開記得要在這裡通知我啊!!!Charlie, 多謝你家的餐廳給了我一個滋味無窮的童年，永遠不會忘記你們的「咖哩牛肉河粉」和「法式牛油雞翼」! 請把牛油雞翼的做法永久保存，一代一代的傳下去，希望有機會可以再次嚐到這人間美食!

對我黎講都係太震驚喇.....仲記得細個果陣, 仲有鴨仔蛋食ga加埋d華鹽, 真係冇得頂大過想食番都冇得食喇而家強記仲話冇埋...真係sad爆

我其實係住係個條街個到﹗由細食佢生牛河食到大﹗上兩星期返家中，都好呆左﹗唔見左﹗不過唔怕，因為一個姨姨係我同學媽媽，我可以問下﹗我真係好想食返﹗

i had been going to this restaurant for over 20 years...its curry chicken wing noodle is THE BEST!!!!!!!!!!!!!!!!!!!all the best to the owners, I sincerely hope they can resume the operation of this restaurant soon.

我係強記老闆個女..由於鋪頭請唔夠人..我爸爸身體又唔好..所以我mami要結束強記..光榮退休..多謝各位咁多年黎既支持^^

對本人來講,實在震驚喇,黠解我食在幾十年o既強記無左呀?有無人知佢係裝修定結業呀?又有無人識老闆佢地呀?我想問下係裝修定搬遷呀!今次我要俾晒5分,因為我有好大回憶呀!

自從搬左office之後,好耐都無去強記食野,今日去開銅鑼灣,當然要食啦,反正party仲要等多幾個鐘先開始!食左咁耐,我都未試過唔使等位,今日當然唔例外,不過今晚真係好多人呀,唯有做二手煙民,坐露天位啦!我最愛生牛河~水準不變,湯好好味,好濃,牛肉好滑,配合青檸,紅椒,間直一絕.蒸粉卷~晶瑩通透,見到入面饀料,已知是超水準自問食過好多越南野,呢間最好味,好過好多自命專家!但今次見唔到大肚收銀姐姐,變左一個態度極差o既男人收錢.唔知係唔係收銀姐姐個老公呢,本來我好想知佢生左囝囝定囡囡,但見佢成個殺人狂咁,我都費事同佢講野,真唔明點解收銀姐姐咁好人,而佢老公就........

已經有幾個月無去強記喇,因為office搬左,今日去開causeway bay ,好掛住佢地d生牛河同咖喱,唔知今日係唔係星期日呢,好full呀,但都要等,無理由去開都唔食,今日一行3人,叫左生牛河,咖喱牛腩飯,蒸粉卷,xo通菜,牛油雞亦,春卷,蒜蓉包.星期日飲番枝啤酒都唔係好過份.生牛河同咖喱我成日都食,味道當然係無得彈,估唔到平時我未食過既其他都咁正,蒸粉卷晶瑩剔透,餡料多,xo通菜ok,不過幾咸,牛油雞亦好香,春卷估唔到原來可以咁fresh,但食完呢餐之後,feel到個口好強既香料味,特別係蒜蓉.其實之前causeway bay返工,都食過好多間viet. food但點都係強記最好味,總好過好多扮專家都不外如是.最令我失望就係見唔到個大肚收銀姐姐,今日變左個男仔收,唔知係唔係佢老公呢?如果係,真係唔明點解大肚姐姐咁好人,佢老公就.......好似想食人咁,我好想問下佢係唔係已經生左BB,但見個男仔咁惡,都係算啦!希望下次見番大肚姐姐就好喇!

還記得幾年前中四的時候，第一次跟中學同學去街街就係黎銅鑼灣，果晚食飯就係食呢一間，講真咁多年黎都無再食過亦唔知呢間鋪叫咩名，只係知道個架部o係邊，前晚o係大球場聽完宣導後就急急腳的閃去世貿諗住又試下十大之一的日本吉列，但係去到時已經係過左十點鐘Last Call時間...真係奇怪o係銅鑼灣做生意而且係星期六都可以做到10點鐘Last Call嫁咩?真係好唔明白，就這樣我跟女友失望而回，一下子腦海中就閃出了這一間回憶中的食店。來到後即時閃入鋪中，等入面位比等露天大台更容易，唔洗等幾耐就有位，點菜只點了５分鐘已經聽到分別河粉及鮮茄食品已經清倉再來就是春卷，我最愛的生牛湯河已經無望，就先幫女友下單叫了個札肉撈檬＋蝦餅，過了一會店員告知檬粉亦已售罄．．．而我就由河粉轉戰金邊粉幸運地金邊粉還在，今個星期六如此爆場，是難得一見還是每個星期六皆是如此呢？我的生牛金邊粉到了，味道是不錯的真係生牛到來不至熟透哂先上台黎，讚！而蝦餅真的更佳香口十足又吃到有蝦，叫好！而多油這個問題，你是要怕多油，就請不要吃煎炸物...今晚吃不到撈檬及鮮茄類是一個遺憾。當我吃第一口金邊粉時，店員已大聲告知出面等位的食客：”今

之前路過見到好多食客，昨天lunch終於有機會一嚐。生熟牛肉湯河，真的是生牛肉上檯，很地道，湯也好喝，值得一試。另叫了一害咖哩牛腩跟面包一客，但不叫也罷，味道一般而已。椰菁一個23大元，感覺貴了一點吧~

呢間越南菜館開左好耐但一直都冇食過. 星期五同老婆行開咪諗住試下啦. 舖面唔係大, 有d迫. 雖然出面有幾張枱可以露天食野, 但鄰近小巴站, 沙塵滾滾唔多好. 點左一碟香茅牛肉炒河, 一碗香茅雞翼撈檬, 越式春卷同椰汁綠荳冰. 牛肉炒河幾好, 河粉唔會散晒, 不過$38似乎細碟左少少. 分數:中上香茅雞翼撈檬, 落完檬汁一撈...吓?! 呢d好似唔係檬粉喎, 老婆話我冇講錯呀. 正想問下點解時, 鄰枱又有人叫檬粉, 個伙計話:檬粉冇喇, 米線啦...頭先幫我落單果個都冇話我知冇晒檬粉就夾硬俾碗米線我....好啦..算數,照食....嘩, d汁得個酸字. 雞翼大就大隻, 但冇香茅味. 分數: 肥佬啦.越式春卷, 肉太多,冇左越式春卷果種多菜的特色. 至於用來包春卷的菜似乎唔多新鮮, 黑黑地咁. 分數: 算合格啦.椰汁綠荳冰, 用外賣透明膠杯裝, 明顯細杯左四分一. 冇椰汁味, 綠荳蓉都係冇豆味. 分數: 肥佬食完收野, 老婆突然爆左句:唔係呀嗎...我問咩事? 佢話個伙計將我地食剩果d包春卷生菜, 放番去櫃面reuse.唔怪之得d菜會咁黑啦.埋單要成$110, 真係一d都唔抵食.

d野幾好食，但係衛生認真麻麻

經過此處無限次，但係竟然一次都未食過。終於等到8:30pm先有位，間舖好細，坐起黎都幾迫。三個女仔叫左咖哩雞麵飽、鹵水蛋+肉飯、類似扎肉撈檬。d檬粉都幾大碗，三個女仔竟然可以每人食兩碗仔!個咖埋雞既汁太稀，蘸法式麵包食嫌佢唔夠香。個鹵水蛋飯餐牌上話要10-15分鐘製作，但係5分鐘之內就有得食，其實咪又係整定既。銅鑼灣比較少有d咁平既餐廳(除茶餐廳外)，佢仲有露天茶座式既枱，不過係條咁熱又多車既街，坐出面就真係熱死人!

每人一碗濛,女仔來講份量算大,都好抵食.留肚叫咗放響收銀姐姐隔離既香葉糕試吓,竟有意外驚喜!!!好香濃既綠豆茸,好有軟滑既質感,同平時食既千層糕一D都唔同,大家千祈唔好錯過呀!!!