彌敦粥麵家 (Closed)

其實第三站係添記,但係上次食完已經寫過!嚟呢度,係因為22比0個笑臉,我跟左蝗蟲前輩既選擇,食左個皮蛋豬腰豬肝粥,我既感覺同佢都差不多,都係覺得幾好食,特別係d豬腰爽口得好緊要,好正!另外粥底都真係有豬肉味,少少咸,味道唔會單調!幾好食!

呢間舖頭好有味道, 夠古老! 店內都是一些老顧客,feel到一陣人情味。價錢比普通粥鋪貴, 但值得！白粥好容易入口,也不會太淡,好味過人。炸両好正, 粉皮不會太硬, 油炸鬼都好脆! 正!

6:00 pm 人在佐敦, dinner 想食得清淡d, 諗起5 年無0黎0既呢度, 0拿0拿臨跳落巴士=P叫了個皮蛋豬腰豬肝粥($30), 好足料, 未食已經聞到好香豬肉湯(??) 0既味道... 粥底好綿, 食落味道令人諗起家庭式"老火湯", 亦食得出無人造味精, 食完之後完全唔口渴的; 皮蛋唔特別, 不過都幾香; 豬腰食落sok sok 聲, 但好"灌水" 0既感覺, 味道亦較淡口; 豬肝就好爽, 味道鮮甜, 完全唔苦, 好得!環境懷舊亦幾殘舊; 阿叔招呼就ok.$30 一碗, 好多人覺得唔抵, 但個人覺得呢度0既出品真係好多地方比唔上的. 天氣愈0黎愈凍, 食粥真係0岩晒... 會再幫襯!

好坦白，香港現時好多都落味精，但該店真材實料，好味之餘不會像吃味精粥般口渴．個人會覺得份量小了一丁點，油菜普普通通可以不試．較喜歡他們的鯪魚球粥及艇仔粥除粥外還有皮蛋海蜇都不錯

6月1日，20:15數年來陸續試了佐敦不同的粥店，終於試了這店，為"佐敦粥戰"，劃上句號。要了魚腩粥。粥底：綿，但米香不夠。魚腩：未經油爆的刀切魚腩，平平無奇，鮮味不突出。個人始於鍾愛那完件火焰魚腩，夠甜美。地方不大，裝飾懷舊；店員亦合襯。但特別在牆壁貼上，泰文餐單，店員更可用泰文招呼人客^m^

（十）　　流連於kubrick個多小時後，下一站便是玉器市場，各攤位的玉器陳列於前，顏色艷麗，玉石應有盡有，是否贋品則需要專業人士辨別，但這無損他的意興，把玩手中的玉器，他說：「這些玉石的形狀非常精緻，每件的形狀不一，有深淺厚薄，非常有趣。」我說：「有些上好的玉石價值很高，老人家很喜歡收藏，相反年輕人少佩戴玉石飾物。」　　玉器市場遊覽過後，便到了廟街一帶。晚上的廟街燈火通明，琳瑯滿目的海鮮陳列於小炒店外，據聞衛生情況參差，暫沒有膽量去試，那便去吃其他東西。內裡的格局懷舊非常，捨棄麵類，點了兩碗魚腩粥，一碟生魚皮。上桌的粥熱騰騰，嫩滑的魚腩份量不少，粥底很滑，惟添加劑多了一點。他說：「這些粥還是第一次吃，味道鮮甜，魚肉嫩滑，不錯。」其後他說的話少了，相信他真的喜歡，不知生魚皮能否取悅他，他說：「雖然那魚鱗形狀有點嚇怕，但入口味道爽脆，薑蔥能夠撇掉那腥味，拌勻醬汁後更易入口，美味。」不消一會，食物吃光了，自此之後他對粥品的興趣增大，還詢問烹調粥的步驟、技巧等等。

裹蒸粽：旦黃咸香，肥豬肉羔美，糯米香腍，甜鼓油佐之，好食。餛飩麵：舊式餛飩，麵鹼味不重。及第粥：粥綿，嫌無潮式辣油提供，以點豬肝粉腸。總評：粥麵店應有一般水準，惜如今食店太不濟。

之前看食評咁多笑臉, 今日一試大點失望.原本想食碎牛粥, 一問之下話無粉仔那種, 只好轉吃艇仔粥$22.粥底夠棉, 但味道普通, 材料夠多, 但和粥底好像各有各食, 唔夠融合. 當中魚肉有些少碎骨.合格, 但絕稱不上'好', 這種貨色周街都係.

食左個及第粥, 眼見煮起後放左喺度好耐都無人拿來, 所以覺得啲粥唔夠滾熱辣, 食到中間已經變暖; 材料都十分夠, 不過不失, 又不是十分新鮮, 粥底就較稀, 我自己就覺得生記或者羅富記好食好多....油炸鬼就完全唔好食

環境係差d, 價錢都唔算平, d野又細碗, 但係d粥好好味, 食佐碗鮑貝粥,28元, 好甜同鮮味, 食佐碗牛腩米, d米粉好滑, 未食過噤滑既米粉, d牛腩好林, 一d都唔痴牙. 好正!!!

講起呢一區食粥, 除左近排雜誌講既新興棧外, 呢一間都係一間唔應該俾人忘記既粥舖, 雖然舖頭細細唔太起眼, 但真係好食! 我自己推介紹佢既雞粥同埋魚腩粥, 比起其他粥, 味道更好~! 雖然其他粥都好好味道。好多日本人同遊客都識搵呢一度食~因為有旅遊書介紹,坐我隔黎o個o的遊客好豪咁食緊鮑魚雞粥!不過呢度唔好既就係o的油炸鬼切好哂.. 唔脆, 叫爽滑魚皮黎餸粥比較好

彌敦，冇40年都30年咯！細細個係普慶睇完戲例必來這裡宵夜。粥底，多年不變，一樣咁滑咁好味，最緊要係豬肝新鮮，小時候最愛吃的皮蛋瘦肉粥，現在一樣好味。還有雲吞麵，誰說來佐敦一定要去麥文記。呢度一Ｄ都不弱。

男友仔介紹0既,就黎試0下啦! 兩個人叫左:滑雞粥: d雞望落去好似好"鞋",但食落好滑,surprise!而且粥底真係有好香雞味,good! 及第粥: 最好食係豬,好滑,同羅富記有得比呀!粥底好綿,正呀!油炸鬼: 又係好有驚喜之作,見佢一碟碟擺晒出黎好似唔係好脆咁0既樣,雖然已經唔熱,但其實食落仲係好脆ga!!配埋d粥一齊食,一流!

佐敦ｄ野真係食極唔完，呢日又俾我地發現左間咁出名既粥麵，冇理由唔食呀？我地叫左碗皮蛋牛肉粥同及第粥。個皮蛋牛肉粥就冇得特別囉，ｄ牛肉好明顯係用鬆肉粉醃過，但ｄ牛肉同皮蛋都幾多下，希望唔係賣淨蘇丹紅蛋整架啦。個及第粥ｄ豬潤好味呀，兩碗粥的粥底都ｏｋ，幾好味。最重要係ｄwaiter個個識講泰文，又寫晒泰文推介，席間都有唔少泰國人，以為呢區係尼泊爾人多，原來泰國人都有，近呀！

之前講到佐敦一帶,單係粥品已經分開幾個派系.今次輪到,環境比較好的彌敦粥店.對面遙望348,上面的大華酒店,同隔離的中興,兩間以做大陸團為主的酒店,隔離的醉瓊樓,門口大大隻字寫住"歡迎國內同胞".忽然覺得多一份"自由"的氣味.彌敦最巴閉的出品,便是用罐頭鮑魚去煲的鮑魚片粥,一碗索價近過百,值唔值就唔知,但對一個吃粥只會最多比$40的人來講,有點天方夜談,穩陣起見,都係來個腰潤肉丸粥.友人就要個魚腩粥.再來一份魚皮,油菜.此店同其他店不同在,煲粥過程食客看不到,火光紅紅爆魚腩呢個鏡頭,絕對收埋唔比你睇.金城的腰潤做得不錯,那彌敦也不遜色.豬腰很爽,沒有臭味,豬潤片得薄,口感比較削,生熟程度較得很準.唔會有過鞋的感覺,肉丸細細粒,豬肉味很濃,質感結實.粥底很綿,且清甜.唔似加左師傅.白灼魚皮很爽脆,佐敦多間粥店,魚皮以彌敦做得最好.友人的魚腩粥,覺得妹記更好,姑且聽之.當店內播著"王靖雯"的經典"容易受傷的女人",有如置身十多年前的時光.友人搭咀你睇下部冷氣機咁舊都知.)回到十七歲那年的雨季,也不錯,起碼無憂無慮.不過就唔會再留杜拉格斯式One length頭了.