Video
Opening Hours
星期日至四：10:30am-10:30pm, 星期五、六及公眾假期前夕：10:30am-11:00pm
Above information is for reference only. Please check details with the restaurant.
Signature Dishes
睇左「扇稿」講道以家庭式煮法,不加味精的泡飯湯底,加埋吸引既圖片,好想黎試。點知又「領野」。揀了手打紫菜豬肉丸湯飯。先滔一匙湯,哼!得咸味,我意思唔係指佢咸度太咸,而係所謂豬骨湯,味道輕輕,調味既咸味仲重。而那紫菜肉丸用了脢頭肉打成,沒肥肉,口感係與別不同,加左馬蹄,都頗似食生竹牛肉,軟軟腍腍。落左紫菜,味道都唔係咁出。成碗湯飯,整體好寡。呢個星洲food court過江龍,價錢真不廉宜。下次都係幫襯番Toast Box肯定好食先啦!
continue reading
天不造美，放假先來橫風橫雨，費事去到咁遠，醒起有報章介紹過奧海城food court開左間新店食湯飯幾好，於是近近地走去幫襯。其實自從呢度大改，變左做大食代後，都好少幫襯，因為覺得門面雖然好似high左，但係食物質素冇乜改善，有d就貴，有d就唔係咁好食，有d就唔吸引，所以通常都係過門而不入。今次都係姑且試下先啦。叫左個自選三餸一菜湯飯，跟報章盛讚嘅豬骨湯底。因為叫左要加錢嘅手打紫菜豬肉丸關係，盛惠$35（不過呢度所有食店慣例都係唔包飲品架，真係一個唔貼心嘅安排）。落單後，等左5到10分鐘左右，終於有嘢食，係白飯一碗同湯+餸（叫左手打紫菜豬肉丸、豬膶、魚片同唐生菜）一大碗。連隨將成碗飯倒落個湯度撈勻佢，呷啖豬骨湯先，發覺味道甚淡（雖然話冇味精啫），唔係咁合自己口味。再試下佢d餸料，豬肉丸鬆就鬆啦，但食唔出有紫菜味，正確點講，應該係冇乜味道，淡得很！其他餸料就一般啦，份量都算ok嘅。順帶一提嘅係，明明自己叫嘅係唐生菜，但結果拿來的卻係西生菜，呢樣嘢就真係大意左d啦！總括來講，呢度應該都唔會再幫襯lu！（呢個世界實在有太多不盡不實的報導了）話時話，其實呢頭咁多選擇，食店要突圍而出有好生意，真係要好食，物有所值先得！
continue reading