Morokok (家樂坊) (Closed)

今日想食下泰菜，約左朋友chill 下，就去返呢度食。🤍烤豬頸肉配埋泰式辣醬，酸酸辣辣好開胃，作為前菜一流。🤍沙嗲串燒我哋揀咗雞肉串，肉質都好Juicy，沙嗲醬都好香濃。🤍泰式大蝦炒金邊粉大蝦肉質好爽蛋，炒金邊粉旁邊會配有啲花生粉，酸酸甜甜辣辣，金邊粉又口感好煙靭，好match ！🤍泰式和牛肉碎炒飯和牛牛肉碎本身油脂比較豐富配合埋炒飯味道香濃，適合鍾意澱粉質加食肉嘅人士。🤍椰奶雞湯大酸味的椰奶雞湯，我超鍾意飲！🤍香蕉榛子醬煎餅香脆嘅煎餅配咗香蕉，熱辣辣再有啲榛子醬同煉奶點綴，好好食！食評總結：食物味道唔錯，最鐘意椰奶雞湯，午餐好豐富，餐廳環境唔錯。

旺角🚇呢間樓上泰式酒吧餐廳 Morokok 一入到去有好多🌸花花裝飾，充滿少女清新風，☺️入邊地方又大又闊落，仲有個露臺戶外🍽️用餐區添。招牌泰式🇹🇭火山排骨用原條豬脊骨🍖疊成火山咁高🌋，上枱嘅時候職員仲會加入🍶玫瑰露酒點火，🔥所以食落幾有酒香，肉質🐖都幾腍滑入味。🍝香炒醉貓海鮮水晶炒河粉👍幾有鑊氣，香氣撲鼻👃🏻， 闊河粉煙韌到跳舞💃，鹹香中帶微甜，充滿泰式🇹🇭地道風味。 泰式街頭薄餅配香蕉🍌、煉奶及榛子朱古力醬，呢個組合真係勁邪惡，即叫即烤嘅🫓薄餅外皮有少少香脆，入面嘅香蕉片😊暖笠笠，淋上香甜嘅煉奶🥛同埋榛子朱古力醬🍫，真係好香甜！

中伏首先，坐低，環境凍到不得了，要求換枱嘅時候即刻黑面QR code落單Menu係冇相嘅有好多嘢，6:30啱啱開門已經賣晒叫冬陰功湯隻蝦依然係生嘅叫咖喱雞飯啲薯仔係硬嘅只有兩片薄薄嘅雞肉要自己行出門口位先搵到員工咩都唔敢叫，最終replace 個有义燒小菠蘿啲菠羅炒飯想飲杯水，個樽係污糟嘅

Morokok今日去左間泰國餐館食野，環境裝修主要以簡約文青風設計，色調主打以綠和棕色裝修，有得揀坐bar枱位，半圓梳化卡位或者田園餐桌既選擇，周邊佈滿了綠色植物；整體上空間感十足，俾到一種放鬆和優雅既氛圍，另設有室內打卡位。如果想同朋友有私人空間想chill下可考慮佢地既戶外茶座區。 💫泰式一人火鍋［椰奶雞湯］$128先講湯底用車厘茄、新鮮雞&香料等料料熬制，使原有既濃郁冬陰公湯再加上一份鮮甜。另外仲有兩款湯底選擇分別為泰式船湯＆泰式冬蔭公。肉類配料方面有牛板鍵、芝士丸＆墨魚丸；而蔬菜配料則有娃娃菜、南瓜、鮮菇、粟米＆豬紅。中意提鮮既朋友可沾上酸辣汁。牛肉脂肪比例平均，肉質軟腍嫩滑。其他配料整體上新鮮。金邊粉幼細煙韌，掛哂個湯啲精華，飲完因無味精而唔會覺得有口乾感覺。 💫涷泰式青檸茶（跟餐）與平常坊間既涷檸茶分別係稍為較酸一點；俾到一種清新解膩既感覺～ 💫泰式燒豬頸肉      $88表面滲上白芝麻，燒物周邊脆卜卜，口感外脆內軟同彈牙！襯埋酸酸辣辣既秘制泰式萬用汁，非常惹味～ 💫脆炸泰式手打蝦餅      $68蝦肉飽滿且彈牙有泰式辣醬，千島醬等任你配搭～ 💫芒果糯米飯沙冰    

之前【Morokok】岩岩開既時候真係超級多人，趁宜家熱度有少少減退之後，再黎試一次。餐廳主打泰國菜而且都有部分越南同東南亞菜。泰式一人火鍋：泰式船湯、頭盤、金邊粉、泰式青檸茶。頭盤包括白菜、南瓜、豬肉丸、流心魚蛋、牛肉、粟米、冬菇、鴨血。個泰式船湯湯底非常鮮味濃郁、搭配金邊粉同蔬菜好入味。青咖喱豬頸肉炒飯：味道偏辣，但係好香口，豬頸肉唔會太肥、燒得外面焦脆。而且分量都幾大。雙色芒果糯米飯：雙色糯米飯包括蝶豆花同斑斕、其實味道唔係好食得出，但真係幾靚。加上有少少鹹味既椰汁真係一流，而且芒果好甜

📍 Morokok（旺角） 港女必去打卡既泰國餐廳😍喺門口已經吸引得到相機影相先一路行到入去感覺都好優雅成個感覺好舒服，而且環境好大，入面啲枱唔會好窄，好有闊落感，仲有室外可以揀，鍾意浪漫嘅朋友，坐室外，仲有柔和嘅燈光，啱晒你！室內嘅環境都好光猛 ，而且今日仲撞到好多人喺嗰度慶祝生日，真係一個聚會嘅適合地方😍✨ 泰式炒扁意粉本身冇諗住有大大隻海蝦，因為只係認為係一個普通嘅炒扁意粉，但係一上枱已經好意外，意粉炒得剛好，扁意粉超級掛汁，而且仲酸酸甜甜，都幾惹味，配上泰式炒法，食完之後都好大滿足感🥰✨ 泰式炒椰菜苗鹹香味夠哂，而且醬料都幾多，椰菜苗唔會炒得太腍，仲保持到爽口既口感。而且份量都唔少，仲每棵都大大棵🥬✨ 越式蒜香蜜糖牛油雞翼單骨雞翼，麵衣酥脆肉質軟嫩多汁，大口咬下蜜糖牛油爆曬出嚟，甜度剛好，超真得過癮～～✨ 泰式燒豬頸肉豬頸肉表面微焦，但係唔會太乾身，肉質仍然好嫩口，少少微燻嘅味道，泰式醬汁微辣中少咸。✨ 抹茶鮮奶（熱）茶味香濃.配上熱鮮奶🥛比例控制恰好面層香滑綿密嘅鮮奶泡沬.香濃幼滑🍵

家樂坊樓上呢間餐廳，面積好大，座位坐得舒服，裝修非常打卡，仲有戶外區域，夜晚開晒啲燈，坐出邊，好chill。餐牌好多唔同種類嘅泰式菜，仲有fusion菜式一人火鍋個湯底好正，泰式椰汁湯底，好重椰汁味，好香，其他食材都好新鮮，而且份量好多，啲肥牛肥瘦均勻，加埋個秘製醬汁，好味泰式菠蘿炒飯菠蘿炒飯有好多配料，有唔同種類嘅海鮮，好足料，而且炒飯炒得夠乾身，有鑊氣，唔錯唔錯泰式椰菜苗椰菜苗好有鑊氣，好爽口👍🏼

摩洛哥風餐廳充滿異國風情，入口位已經影咗不少靚相。Morokok 已經六週年。由即日起，全天候由早到晚六折 。(不適用於套餐、期間限定餐牌）泰式一人火鍋湯底有3款，我揀咗泰式冬蔭湯底。起初以酸甜為主，之後個辣味慢慢滲出，廚師自己特別調製過個汁，所以比起坊間嘅冬蔭湯底更獨特好味。配料有美國牛板腱，豬紅，豬肉丸，花枝丸，娃娃菜，粟米，冬菇，南瓜，蔬菜、肉類、丸類乜都有啲。推介揀蛋麵，煙韌彈牙，掛汁力強。香炒醉貓海鮮水晶炒河粉泰國街邊嘅風味美食，香濃的酒香醬汁融合口感煙煙韌韌嘅水晶河粉，配上各款海鮮同蔬菜。雙色芒果糯米飯第一次見到糯米飯有藍、綠色，味道係碟豆花，斑蘭～芒果香甜，糯米微暖柔軟，點埋椰奶一齊食，為今餐畫上句號。

記得依間位於旺角家樂坊的樓上泰式餐廳剛開業不久時和朋友都有來過吃，那時定期有不同的打卡主題十分吸引，真係旺角必到餐廳之一。 原來唔經唔覺已經開咗6年😳事隔咁多年又同朋友嚟試吓🤗 餐廳有分室內同室外， 室內設計好似綠洲咁，望落好舒服，最近更加入左一啲波希米亞風， 可以打下卡。 室外擺設空曠，夜晚同朋友嚟飲番杯就岩哂。 🥘 一人火鍋（$128） ： 最近新產品， 岩哂冬天黎烚吓烚吓😋 湯底有3款， 可以簡泰式椰奶雞湯、冬陰功或者泰式船湯，麵都可以簡金邊粉或者蛋麵， 餸方面就auto 的，有美國牛板腱，豬紅，豬肉丸，花枝丸，娃娃菜，粟米，冬菇，南瓜。 朋友就簡左泰式椰奶雞湯配蛋麵。 飲品有3款簡，簡左泰式奶茶（+$8） 。 湯底冇簡錯！ 椰子雞味好香濃， 一煲滾就勁香椰子味， 飲落去幾creamy有奶味， 味道略咸， 之後加番啲水煲中和番好啲😋 泰式奶茶奶茶味幾濃但唔苦澀，整體不錯😋岩哂一個人食😋🥭 雙色芒果糯米飯（$107） ：下午茶時段套餐，可配一杯飲品，就簡左芒果蝶豆花乳酸梳打。 賣相好靚， 糯米飯分別係斑斕同蝶豆花，好鮮艷！ 芒果好香甜🥭 。芒果蝶豆花乳酸梳打色彩斑斕，味道唔錯。 🍹

結束一天工作後與好友找了一家以泰式料理為主題的餐廳放鬆一下白色門框搭配熱帶風情花卉及花磚地板，清新又時尚座位設計多樣，有適合小團體的圓桌，也有長桌椅子是藤編設計，還有舒適的沙發區，搭配柔軟的靠枕泰式小食拼盤擺盤精緻，包含炸春卷、單骨雞翼、炸蝦餅、燒豬頸肉和泰式鳳爪沙律主菜香炒醉貓海鮮水晶炒河粉晶瑩剔透，搭配蝦仁和墨魚仔，微辣的口感讓人食慾大開泰式炒椰菜苗入口爽脆，吸收了醬汁的鹹香，清爽而不油膩泰國勝獅啤酒泡沫細膩，帶有清新的麥香，與泰式料理的濃郁風味非常搭配

Morokok呢間餐廳其實都開左好多年，當初去到睇個環境以為係食摩洛哥菜，但原來個名已經透露左端倪，就係Morocco的環境，食Bangkok的泰菜，而咁岩佢又係旺角地區，所以Kok 又可以解Mongkok，食兩次字。講番食野，食泰菜通常都要試佢個炸蝦餅、之後就叫左香炒醉貓低溫慢煮雞胸水晶河粉，甜品就叫左呢度Signature的雙色芒果糯米飯同特飲芒果蝶豆花乳酸梳打。呢度的炸蝦餅形狀較其他店舖唔同，加上蝦肉夠晒爽彈，所以佢話手打都真係有信心保證。另外醬汁都有兩款，分別係蜜糖芥末醬同是拉差醬，各有特色。泰式炒河，又叫醉貓炒河，相傳係呢道菜通常是深夜街頭小販的熱門選擇，而唔少人會係飲酒後會點這道菜來解酒。醉貓炒河加入辣椒、羅勒、魚露、青檸汁等泰式調味料，味道酸辣開胃。由於味道濃烈，非常適合喜歡重口味的人。而雞肉大大塊，份量又多，由於佢係慢煮，所以唔會鞋同埋無雪味。而河粉夠薄，晶瑩剔透，所以炒得夠鑊氣。我最推介呢度的芒果糯米飯，可以話係Signature之一。首先雙色檽米飯比較少見，分別用上班蘭同埋蝶豆花。其次檽米飯係熱的，所以夠軟檽。芒果夠鮮甜、椰汁夠濃稠，無論配上檽米飯或芒果都係最佳配搭

呢間餐廳主要係食泰國嘢嘅，味道都正宗幾好味，份量相對比較少一啲，方便樣樣都想試但係又食得唔多嘅女仔！另外，佢哋舖頭每一個位置都好適合打卡，絕對係約好姊妹食飯嘅好地方！脆炸泰式手打蝦餅🦐 $68炸蝦餅一碟有三件，分別配有兩款唔同嘅醬汁，即叫即炸熱辣辣，口感都幾彈牙～泰式豬肉碎生菜包🐷🥬 $118生菜包有得揀小辣或者唔辣，我就揀咗小辣，佢哋嘅小辣都唔會太辣，但係就會惹味好多，肉碎同埋生菜比例啱啱好，唔會話其中一樣剩返好多～泰式黃咖哩雞🐔 $148咖喱汁嘅味道香濃，配埋香酥餅一齊食就最好不過啦～幾欣賞佢哋嘅薯仔整得好入味，如果再可以俾多幾舊就好啦🥰🥰蝦醬炒通菜🥬 $88蝦醬令到成個通菜充滿鹹香味，調味又唔會過鹹過油，份量兩個人食嘅話就啱啱好啦～

朋友亦好鐘意食泰野菜，於是上左呢間有得打卡又有得食泰國菜既餐廳。餐廳門面布置好靚，內裏環境寬敞，枱興枱之間寛落，有卡位，有梳發位，坐得好舒服，另外仲有露天梳發位提供，竉物友善餐廳食物方面整體唔錯就點左以下：輕量小食拼盤配玫瑰咖啡（熱）有春卷4條加雞搥4件，仲有泰式甜酸醬，配埋一齊食好開胃。玫瑰咖啡拉花精緻，味道重奶味，淡淡玫瑰香味泰式炒金邊粉泰式炒金邊粉（雞肉）配朱古力咖啡（熱）金邊粉每一條好夠味，數之不盡雞肉片，岩港人口味，杯咖啡濃陏朱古力味泰式冬蔭公湯配雞肉冬陰功湯金邊粉配雞肉配椰青水食泰國野唔少得飲冬陰公，金邊粉入味，湯料好豐富

✨泰式豬頸肉沙律豬頸肉切成薄片 口感柔軟仍然充滿肉汁 搭配新鮮生菜同香料食起嚟好開胃 適合而家呢啲濕笠天氣✨泰式豬肉碎生菜包豬肉碎嘅香味同香料搭配得恰到好處包係生菜裡面 鮮嫩又清脆😍✨泰式黃咖哩雞咖哩雞充滿椰奶嘅香氣香料味道融合得非常好雞肉軟嫩 幾滑身唔小得香酥餅 點咖喱汁就完美😋慶祝節日仲可以喺甜品度寫字餐廳環境唔錯 座位多可以同朋友一齊食個飯都幾開心～餐牌同飲品有唔同折扣 最低40% off～有興趣可以留意下🍴

睇到有Foodie介紹，睇完條片，就book咗呢間餐廳想黎試吓佢既泰式火鍋🍲咁我哋經OpenRice訂位，一入門口，佢就同我哋講如果要用OpenRice訂位優惠，就必須要叫一杯正價嘢飲，套餐優惠又冇得再優惠（bla bla bla)……然後又再講，如果有IG， share佢哋個reels，就可以有六折,不過又係套餐優惠冇得再優惠（bla bla bla)… 中間我同我個朋友講咗好多次，可唔可以俾我哋入去坐低，我哋再睇餐牌，我哋先至決定用邊個優惠… 然後佢就話我幫你哋cancel咗OpenRice嗰個booking喇咁… 😥我哋有啲忟，於是再講多次，我哋一陣再決定！！ 好啦，佢終於帶我哋入去，咁我哋坐低，就再同佢講多次我哋想睇吓個餐牌😑📃然後嗰個人走咗，我哋就坐喺度等。。等。。等。。（嗰陣六點，個場真係冇人）佢就企咗喺飲品吧嗰度撳電話📱。。咁我喺度諗，算啦可能佢print緊個QR code，但然後我哋等咗好耐，佢終於都拎過QR code過嚟，‼️‼️但系，我哋系講咗好多次想要餐牌！！！ 於是我哋再問佢，佢就同我哋講，掃完個QR code入邊有㗎啦🙂‍↕️ 其實我哋嗰陣冇乜嘢，以為可能呢間餐廳冇