摩豆

Open Now

Now Closed

➲ 旺角 摩豆➳ 班蘭麻糬雞蛋仔 ⁽⁴/¹⁰⁾外皮微脆，但蛋漿超級少，咬開中間好空心，如果唔係加咗麻糬，有啲咬口，應該淨係得雞蛋仔殼食。班蘭味都唔係好出，食完好空虛。⤵ 摩豆旺角彌敦道688號旺角中心一期2樓SA27A

週末喺旺角上完瑜伽堂，有啲口痕～想食好鍾意嘅雞蛋仔🥚同朋友行咗去旺中食雞蛋仔🧇· - - · - - · - - ·🔸 斑蘭雞蛋仔 $24· - - · - - · - - ·竟然今日人流唔多，同朋友爭紮好耐食咩味！個個味都好特色，最後猜包剪揼✌🏻決定食個斑蘭雞蛋仔🌿個店員姐姐有建議我哋加麻糬，不過由於我哋仲想繼續掃街，留返啲quota 繼續食😛～人唔多嘅關係，佢整得幾好食外脆內軟斑蘭味都幾香，熱辣辣好好食💚瞬間清左～值得好評一個👅· - - · - - · - - ·

返嚟食呢間店嘅雞蛋仔又一輪，今次試呢個土鳳梨口味，真係新鮮！🍍 超級鍾意佢啲雞蛋仔啱啱熟嘅時候，邊食邊噴煙，啖啖香脆，等佢再涼啲就會失去嗰陣勁！內裡夾咗土鳳梨酥，每啖都嚐到帶點酸酸哋嘅鳳梨味，酸中帶甜，爽口得嚟又惹味，啱晒鐘意嘗新嘅食客。而家講吓個沙冰同埋特選芝士雞蛋仔，個益利多沙冰真係解渴得嚟又解暑，酸味啱啱好，唔會過喉。而啲芝士雞蛋仔，外皮金黃香脆，熟到啱啱好，面頭嗰層芝士香味撲鼻，軟滑得滯！雞蛋仔嘅蛋香同芝士嘅絲滑完美融合，食落去正到彈！總括來講，呢度啲雞蛋仔真係有特色，每款新口味都值得試吓，一啲都唔單調。下次還要嚟試埋其他款！🥚🎉👍🏻

呢間我成日見到要排隊，門口成日聞到好香，今日終於得閒試下～我叫左斑蘭加麻薯雞蛋仔當我咬下第一啖時，我能明顯感受到麻薯的蓬鬆口感，而且口感相對較軟。雞蛋仔的外皮金黃酥脆，內部則帶有一絲絲的斑蘭香氣，新鮮整起，拎上手都好熱～味道唔錯，加左麻薯，估唔到都幾夾～我第一次食斑蘭味～斑蘭麻薯雞蛋仔都幾特別，起碼出面好少見有呢款味道～創新小吃，但是在味道和價格上還有一些改進的空間。如果你對異國風味的小吃有興趣，可以一試。不過，如果你對傳統的雞蛋仔更為偏愛，可能會覺得這款稍微有些不同以往的口感。

一底好食嘅雞蛋仔要有好嘅蛋漿，麵粉、雞蛋比例要均稱，烘出嚟先外脆內軟，仲要有陣陣蛋香🥚🥰而今除咗原味，仲有五花八門嘅特色口味～ 而且加錢嘅話，仲可以加麻糬、加朱古力、加肉鬆等等～ 鹹又得，甜又得，真係想要咩口味都有咩口味～呢日食咗土鳳梨酥味，即係喺每粒雞蛋仔心都加入咗一小粒糖漬菠蘿乾，每粒都甜到入心呀，值得一試❣️同朋友share就最啱～而且即叫即整，新鮮熱辣超香脆～不過雞蛋仔略厭太細粒～ 如果大粒啲會好好多～

嗌咗個金莎朱古力味同原味格仔餅。唯二好處係塊餅平且新鮮，但係兩塊餅都冇蛋味（仲要睇落白白地，明顯冇乜落蛋），而且好薄金莎朱古力格仔餅$29朱古力味明明叫金莎但完全冇脆脆，而且醬雖然多但好淡原味格仔餅$20原味係啲花生醬救咗佢，不過味道都係一樣單薄。整體嗌嘢食經歷不錯，店主態度幾好，而且人多但整得好快，當時有6張飛但淨係等咗10分鐘。唯獨嘢食質素真係好失望。。。 ̷̛̘̣̣̲̻͍́̀̅̀̓̇̈́̑̓̔̊͌̄̽͗̇̈́́̐̃̅́̐̾̿̒͘̚͝

中學個陣最中意去旺中掃街，大個都唔例外~~~~去到二樓見到呢間雞蛋仔有好多款唔同口味,D味都幾吸引~~我就叫左一底奶黃雞蛋仔~仲加左雙球雪糕!!!!!!!!!因為雞蛋仔係即刻整，所以我地都等左一段時間~~不過價錢黎講都真係幾唔抵.....一底雞蛋仔加左雙球雪糕要$47.....雞蛋仔$32都還接受到...但佢的雙球雪糕要15$，建議想加雪糕可以行多兩步佢隔離PANCAKE店買見佢價錢都唔平,諗住質素可成正比,雞蛋仔味道都OK,唔會太甜,但雪糕只係普通10$有幾球個D質素...可以唔加

之前去開旺角都會食呢間既雞蛋仔覺得佢做得好脆有蛋香同好好味平時食開芝士味$28今日去買，個雞蛋仔要等10分鐘左右等都唔緊要拎出黎個樣瘦猛猛咁蛋味唔夠失望失敗！真係唔值得呢個價錢

耐吾耐都會食下雞蛋仔今次竟然中伏旺中絕對係中學時代嘅回憶當時一放假就會過黎行街自從出咗嚟做嘢之後，其實旺中開始慢慢改由以前淨係賣衫轉左多元化，好似第二個葵涌廣場咁樣依間雞蛋仔，以前都有食過話說之前第一次食嘅時候覺得佢個芝士味好香雞蛋仔又香又脆但係今次可能轉左配方芝士味吾夠香中間個心仲要吾熟，有少少張口反而好似有少少麻糬嘅感覺無左鹹香味之餘重要淋曬整體嚟講，呢個雞蛋仔係帶偏甜$28吾值，完全冇咗之前嗰風味！冇下次

今日放假黎到細個時成日去既旺角中心，記得以前冇咁多食店飲品店，而家可以行完街有個地方買小食經過呢間小食店，見到店舖外已有好多人拎住飛等緊，餐牌有好多口味既雞蛋仔同格仔餅，仲有特色飲品，一於試下口味繁多，唔怕冇岩自己既口味由於係外賣店舖，可以係立食區品嚐叫左個肉桂蘋果格仔餅，格仔餅外脆內軟，配合肉桂蘋果原來都可以咁夾，十分之好味，而且餅身堅韌，唔會食到好“呢hea”，推介推介飲品試左佢既冰糖雪梨綠茶，因為出面比較少呢個組合，又感覺相對健康，味道好清涼，唔會好甜，好岩而家咁熱既天氣，而且大大杯，的確唔錯

小編嗰日放工時段經過旺角中心新之城，口痕痕，所以就去咗摩豆度買咗個雞蛋仔。摩豆有好多唔同味道嘅雞蛋仔同格仔餅，好似斑斕味朱古力味同鹹蛋黃味都有。今次小編就試咗積及橙朱古力雞蛋仔，不過由於人都幾多，所以小編都等咗一段時間先攞到手。雞蛋仔攞到上手係熱辣辣嘅，識落好香橙味重一擔擔朱古力，非常推薦呢個口味。

旺中宜家越黎越多野食 雖然經過過好多次 但係我之前都冇特別食過 今次食完lunch行左陣街有啲餓就買左個雞蛋仔試下～-香濃羅宋湯雞蛋仔 $24雞蛋仔就食得多 但係羅宋湯味嘅你又食過未？平時食開嘅雞蛋仔都係甜味為主 今次都係第一次食咸味嘅雞蛋仔 係值得一試嘅！✨一拎到手已經聞到好香 估唔到羅宋湯味唔會好奇怪仲唔錯添 雖然唔會好脆 但係佢係有肉嘅雞蛋仔 唔係得個殼果種👍🏼呢間小食店有好多唔同味道嘅雞蛋仔 有甜味鹹味 甚至有辣味下次有機會再試下其他味道嘅雞蛋仔先～🫶🏼

之前食過伯爵茶雞蛋仔，都覺得唔錯，不過要襯熱食，新鮮食係好夠脆，可以返兜，今次試吓呢款特濃朱古力雞蛋仔，真係好濃… 好黑🥶黑到睇唔到。。。唔知一個人食晒成底會唔會生癌呢？

我已經差不多有２年幾冇食過雞蛋仔🧇大家唔好以為雞蛋仔個樣好無辜，好似好低卡咁🧐其實一底雞蛋仔差不多有４００幾卡路里 ＝ １．５碗飯😩但今次朋友好想食雞蛋仔，我就捨命陪君子🤭🤭- 芝士雞蛋仔🧀 $26唔係講笑，我真係好耐冇聞過雞蛋仔香味，食果刻都有點小興奮🙂🙂唔知大家鐘意口咬定手ＭＥＥＴ雞蛋仔呢😆😆？我個人黎講好鐘意手撕雞蛋仔，覺得一粒粒咁食特別有風味🤣但當我手撕雞蛋仔果時，成隻手都係油，我就決定都係口咬算🙈🙈雞蛋仔外皮脆卜卜，內面粒粒雞蛋仔都係實心飽滿，煙煙韌韌既感覺😎至於味道方面，就係咸香芝士🧀加本身帶有甜味既雞蛋仔本體🧇都係能夠想像得到既味道，食落去都幾香口既🫶間唔中放縱下自己食呢D ＨＥＡＶＹ ＦＯＯＤ都幾好🥰🥰📍 摩豆 Ｍｏｄｏｓ – 旺角旺角彌敦道688號旺角中心一期2樓SA27A#justlingggxd_小食#justlingggxd_旺角

小編口痕心思思想吃雞蛋仔旺中這間小食店多款式且便宜特別口味$20多就有交易今次淺嚐了斑蘭口味雞蛋仔($23)翠綠色的鮮艷又吸引雞蛋仔做到一半軟糯一半脆身口感一流雖然斑蘭味不是特別濃郁但都有足夠淡淡的的香氣新鮮現製大約等待10分鐘就可⏳價錢合理味道也不錯👍🏻下次一定要試試羅宋湯味雞蛋仔呢😳-🧇摩豆🏡地址: 旺角彌敦道688號旺角中心一期2樓SA27A☎️電話: 不詳🕙營業時間: 12:00-23:00 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)