摩豆

Open Now

Now Closed

今日行旺角，行行下有少少肚餓，星期六下晝2點幾，唔想食太多，所以喺旺中搵下小食，見到呢間小食店都好多人等，所以試下。佢有好多味道揀，有啲都特別，例如羅宋湯雞蛋仔😂今日想食得簡單啲，叫左原味雞蛋仔。等左10分鐘，唔算太耐，佢新鮮熱辣整出黎，食入口度仲出緊煙，表面係好脆口，好好食，但每一粒入面好似感覺冇乜味，食唔出蛋香，而且入面嘅口感亦都比較一舊舊，好似蛋醬比例調得唔夠好。$20一底，表面脆口，熱辣辣出爐，我覺得都算ok 啦

今晚去買咗一份原味格仔餅，本身都好高期望因為都見有好多人食，我一食第一啖嘅時候就食到苦澀味，以為自己味蕾有事，男朋友食咗啖都覺得有，當下最怕就係佢個花生醬變咗，所以就去同同事講，佢都俾埋佢個桶花生醬我試，原來係本身佢個花生醬有苦澀味………我個人就覺得花生醬苦得好奇怪因為平時食開嗰啲都唔係咁，所以到最後係成個掉咗因為頂唔順隻苦澀味！

活躍於雞蛋仔關注組的大食妹，又再試多間雞蛋仔小店，務求要試出全香港最好食嘅雞蛋仔本身想試一樓嘅另一間雞蛋仔小店，奈何去到嘅時候仲未未開門，上到2樓見到摩豆有好多唔同口味嘅雞蛋仔，即刻叫返底試吓雞蛋仔嘅價錢都算合理，$20-$30一底有好多口味選擇流心蜂蜜雞蛋仔$27叫咗個喺出邊未見過嘅流心蜂蜜雞蛋仔，$27唔算太貴雞蛋仔熱辣辣即叫即整，每一粒雞蛋仔入邊都有一粒蜂蜜味嘅爆珠雖然可以做到脆身，但係雞蛋仔冇咩蛋香味，蜂蜜豬豬同本身雞蛋仔嘅味道都唔係特別夾，呢個口味可以唔試

喺旺角中心掃街見到「摩豆」，見佢哋有啲格仔餅即叫即整，聞到陣陣肉桂香，即刻忍唔住試咗個甜品先！🍎肉桂蘋果格仔餅 $33一上枱就聞到肉桂香氣，唔會太濃，啱啱好提味。格仔餅外層烘到微脆，咬落鬆軟唔乾，質感唔錯。蘋果餡係重點，酸酸甜甜，食落幾清新，唔會太甜膩，帶少少蘋果肉嘅口感，幾有層次。配埋熱辣辣嘅格仔餅一齊食，好有秋冬甜品嘅感覺，鍾意肉桂或者蘋果味嘅朋友應該會幾啱口味。📍摩豆彌敦道688號旺角中心第一座2樓SA27A號舖

呢間一直都大排長龍，難得今日見冇乜人，終於嘗試了。 等咗大約十分鐘，終於攞到雞蛋仔。新鮮出爐雞蛋仔熱辣辣，口味有很多，也很特別，有羅宋湯口味， 因為第一次買，所以選些保守一點的口味。今次選了班蘭口味，再俾4元加麻薯， 雞蛋仔外脆內軟，非常惹味，正。

星期六心血來潮🤪見好耐冇行過旺中，發現好多買衫既鋪頭都執左，而且人流都大大減少，反而穿過去另一邊食野既就好多人。所以見行到餓餓地就整反底雞蛋仔試下😗😋特濃朱古力🍫雞蛋仔欣賞出餐好快👍🏻雞蛋仔到手既時候係熱到辣手手架😂咬落去係做到外脆內軟既😚而佢個隻軟呢，係有軟糯既口感😬第一下都懷疑佢加左麻薯比我😱因為我唔食麻薯的😆但個口感我係鍾意既，仲要粒粒都好夠朱古力味😊又唔會太甜，呢隻朱古力帶有少少苦既，我下次都會試下其他口味既🥳舔舔脷指數👉🏻7😋/10😋滿分 可以一試😋

見到呢間雞蛋仔有個羅宋湯味幾特別就買來試吓，啱啱整好熱辣辣，外皮香脆，但個餡嘅質地不似預期，太濕潤，同唔係好飽滿，食落有羅宋湯味嘅，仲有啲湯料，不過整體麻麻哋，亦冇乜雞蛋香味，試一次就OK啦！

喺旺角等朋友食飯期間有啲肚餓，經過旺角中心就睇吓有冇啲掃街嘢食可以買嚟頂一頂肚先。見到2樓有一間小食店有雞蛋仔同格仔餅，而且雞蛋仔有幾款口味例如伯爵茶斑斕，鳳梨味等等，今次就試吓斑斕味先。落單嘅時候店員問需唔需要加麻糬，只需要加$6就每粒雞蛋仔入邊都有麻糬，加埋麻糬就一共$30，我就好鍾意食煙韌食物所以就加咗麻糬。落咗單之後大約等咗10分鐘就有得食，新鮮食都幾趣，入邊麻糬口感都唔錯，不過我就略嫌斑斕味唔算好重，以今日嘅物價嚟講， $30一底有味道嘅雞蛋仔包埋麻糬都算係咁嘅。

之前喺新蒲崗買過呢間都幾好味，所以就一次過買咗金莎朱古力格仔餅，流心蜂蜜雞蛋仔，同埋問我加唔加套餐嘅飲品 嘅西柚綠茶。飲品會減4蚊，佢自動幫你揀左大杯。變相都係16蚊，冇減到。其實係嘥左14蚊，建議唔好買。或者試下其他飲品(可能好飲)但個人覺得所有嘢都唔好食🥲🥲唔會有下次😂平時snack express 嘅格仔餅同雞蛋仔都好味過佢，只係冇咁多口味選擇最後，杯嘢飲同水冇乜分別，我仲寧願飲水添然後我飲左2啖就掉左，雞蛋仔同格仔餅都冇食哂，轉頭仲立即去咗青玉買多杯嘢飲

呢間雞蛋仔有好多創新口味，上次食過羅宋湯味真係幾特別，冇係其他地方見過。今次試土鳳梨味，等左十分鐘左右就有，不過今次有少少失望，因為個雞蛋仔得半邊咁😅同埋有啲硬，不過個餡就同食鳳梨酥個餡一樣，都算幾OK。下次再試吓其他口味先。

雞蛋仔係香港人最愛街頭小食之一而今時今日最傳統嘅味道已經滿足唔到呢間小食店有超多款唔同口味啲雞蛋仔同格仔餅款款都好吸引，揀食咩都已經流晒口水啦最後揀咗羅宋湯雞蛋仔，睇落幾得意就試試佢，落單個陣店員仲會問要唔要加麻糬或者肉鬆，最後店員推薦調加肉鬆配羅宋湯雞蛋仔超好食就聽咗佢建議！因為雞蛋仔係即叫即整，落單後等咗大概10分鐘左右就拎得！一拎上手好香噴噴熱辣辣，所以忍唔住口咬咗2啖先記得要影張相羅宋湯味原來就係有淡淡嘅蕃茄香，而雞蛋仔入面仲會有啲羅宋湯配料例如係薯仔咁，食落都幾過癮同埋加肉鬆真係生息不少！建議去食嘅朋友仔都試吓加～～

哇！旺角中心的雞蛋仔真是讓我驚艷不已！在這裡，我找到了一家讓我舌頭為之倒戈的絕品雞蛋仔店！這家店已經在旺角中心開店多年，而且他們的美味令人難以置信，絲毫沒有衰退的跡象。我點了他們的招牌口味：土鳳梨酥雞蛋仔。等候時間不太長，當我拿起它們時，它們還燙手燙手的，散發出迷人的香氣。每一粒雞蛋仔都充滿了滿滿的土鳳梨果蓉，咬下去時，那濃郁的鳳梨味讓我為之驚艷！而且，外皮酥脆，內裡卻柔軟綿密，這種口感的對比簡直是一種神奇的享受！這家雞蛋仔店的美味程度超乎我的想像，絕對是讓人垂涎欲滴的食物！無論你是當地居民還是遊客，都不能錯過這個絕佳的雞蛋仔體驗。別再猶豫了，快來旺角中心找到這家令人欲罷不能的雞蛋仔店，讓你的味蕾感受到前所未有的美食盛宴！😋

老實說，幫襯過超過六七次，係好味先翻食。但今天非常不愉快，我的號碼是170他們叫號用機顯示號碼，到166號時我見到有一個格仔餅（即是本人想點的食物）已經放了出來，但由於號碼是166所以我沒有前去拿。然後那塊格仔餅，一直放放到170店員把那一塊放到變涼的格仔餅交給我我咬了一口，跟他投訴格仔餅變到很涼，要求他們換過。但店員聲稱他已經叫了170 ，只是我沒有拿取。大佬呀，我就一直站在旁邊，比你那位應該剛去完廁所的店頭員工應該還要清楚吧？Fine, 你們店家為了那少少金錢就跟我諸多解釋？所以我也不跟他們交涉，只是放下那塊變涼的格仔餅在他們枱上。而他們的店員也沒有作出任何行為。只可以講，這道氣吞不下。食物質素是有的，但我也永遠不會再來。而我之前所介紹過前來的朋友，我也會和他們說聲叫去他們不要再來。在此也勸介各位一聲，要有心理準備可能有不愉快待遇。

嘿，吃貨們！今天我要帶你們進入一個美食愛好者和甜蜜情侶的浪漫天堂！這裡有一道絕妙的甜點，是朱古力格仔餅與麻薯的完美結合， 旺角中心係係每個人的童年回憶，是一個每個香港人都必去的地方，每一次行都會有一種想當年甜蜜的回憶，亦係學生時代拍拖的一個地方，今次餐廳位於2/f小食街， 連我為食嘅朋友話未試過，吃貨們，立即帶大家去試下。朱古力格仔餅：朱古力散發出濃郁的巧克力香氣，烤得金黃酥脆，麻薯則是外脆內軟，嚼勁十足。

次次黎旺中都會搵下小食😃今次聞到好香雞蛋仔味就即刻排隊買人龍唔算太長但係因為即刻整所以要等耐小小～～～～～～～～～～～～～～～～～～～～原味雞蛋仔 $20老闆會問你加唔加麻糬（+$6）雞蛋仔即叫即製當我咬下第一啖時，好明顯感受到麻薯的鬆化口感，而且口感相對黏黏較軟geh咬口。雞蛋仔的外皮金黃酥脆雞蛋仔邊緣脆卜卜好香好好味但係相比其他雞蛋仔店geh 雞蛋仔 呢間味道相對沒有那麼偏淡dd😄如果蛋漿味道再濃d 會更好