摩豆 (Closed)

<流心蜂蜜雞蛋仔>-$23幕名而來，點知等左半個鐘，得到既只有失望😟因為新鮮整，所以都唔係其他人講咁唔脆，只係成餅野好似食緊實在既蛋糕咁，完全無雞蛋仔應該既鬆脆同空氣感😔，更加唔好話蛋香。至於流心蜂蜜，無👶🏼想像中咁漏，係清甜既感覺，而且平均分佈到每粒有兩粒珠😵但連雞蛋仔底都做得唔好，加咩又有咩分別。難得地，👶🏼係無食完就唔想再食👎🏼👎🏼👎🏼

是日點餐：流心蜜糖雞蛋仔 + 班蘭伯爵茶流心蜜糖雞蛋仔 份量足，係用蜜糖味爆珠(好似係除非唔係), 聰明的設計, 令甜甜的蜜糖平均分佈。食到最尾就唔係咁脆了... ...(如果KEEP住咁脆就更加好)班蘭伯爵茶 (小甜走冰)第一次飲班蘭, 班蘭嗰味好似碌油葉咁(大家都係植物), 好fresh的感覺 一點都喝不到伯爵茶的味道唔太甜, 剛剛好

在花園街逛到累, 見到轉角這間人龍小店在賣多款口味雞蛋仔。什麼斑蘭﹑特濃芝士等等…但我想試的只有"積及橙朱古力味"雞蛋仔。雞蛋仔做得香脆, 再配上"積及橙朱古力味", 完全無得輸!

果日行花園街，見到呢間門面不大，舖仔細細既雞蛋仔舖，門口好多人排隊等緊好奇心下過去望下，又好多好特別既款喎！見有時間就想買款試下，見佢推介係流心蜂蜜雞蛋仔，岩岩食飽飯想食甜嘢，就叫呢個!等左好彩唔係好耐就有都唔係好流心喎，都幾失望係原來溝左蜂蜜味時，會掩蓋晒雞蛋仔既蛋香味，破壞左一直以唻我對雞蛋仔既形象不過論創意確係可以加分

老公知道我喜歡食雞蛋仔，所以決定帶我去試試這款以流心蜂蜜為賣點的雞蛋仔。其實鋪頭算幾容易找到，响花園街上新世紀的橋口附近最多人圍的小店。一底流心蜂蜜雞蛋仔開售 $23，雖然相比平時食開的雞蛋仔價格高出一倍，但都試一試究竟它的賣點是否值得這個價格。這家店的食品都是即叫即做的，所以大約需要 20分鐘的時間才完成。接過雞蛋仔，其實是幾熱的，所以我們都有要求外加一個膠袋，避免燙傷手。第一下咬一整粒入口，感覺好像蜂蜜在口內爆出來，有少少燙口。於是第二口咬開一粒雞蛋仔，原來是有一粒粒的蜂蜜珠珠藏住，只要一咬爆就會做到爆漿的效果。但是，可能中間夾著些珠珠，反而令到雞蛋仔的咬口不夠脆。總括來說，我都覺得這個特色的雞蛋仔是值得較普通的價格多幾元，如果大約可以在 $18 左右，相信我會多食幾次。

吃完魚蛋河, 真的很口渴, 那送小晴晴上學前, 先喝杯雪糕吧. 每次經過Modos也是相當旺場, 心想這裡應該水準不俗吧. 但付了錢就開始後悔, 因為發現差不多所有客人也是吃雞蛋仔, 旺場只因雞蛋仔, 跟雪糕無關.班蘭軟雪糕 $25: 5分, 那算了吧, 既然已經付款, 就試試看吧. 一客份量不少, 除了軟雪糕之外, 還有粟米片, 有點雪糕新地的感覺. 一吃下去, 弊, 雪糕質感是相當之冰, 溫度超錯, 完全吃不到雪糕的香滑感, 還好帶點班蘭香, 配上粟米片同吃, 挽回點分數吧.或許Modos的雞蛋仔真的很好吃, 但這裡的班蘭軟雪糕, 水準實在欠佳, 質感太冰, 毫不香滑, 令人失望呢.

不停在facebook上見到不同blogger介紹呢間舖，有一日經過開附近見冇咩人排隊就買左個流心蜂蜜雞蛋仔試下。老實說食之前冇咩期望，因為試過食好多加入左*特別味道*的雞蛋仔都食唔出果隻味。等左十五分鐘，一咬落去雞蛋仔入面果粒蜂蜜泡泡就會爆啲蜂蜜出黎，好正但又唔會好甜，好夾！比想像中特別同好食，唔怪得咁多人買呢隻味道既雞蛋仔啦！😝😝下次會再去食！

近排經常見到有人在網上評論這間小食店，評價好壞參半，來到旺角又見到排隊的人不太多，於是買了一底流心蜂蜜雞蛋仔試試。由於雞蛋仔即叫即整，所以等待了一點時間﹔但當取到新鮮熱辣的雞蛋仔時，嗅到那股濃濃的蜜糖味及蛋香味，就覺得之前等待的時間是值得的。原本都會擔心底雞蛋仔會好甜，試味後感覺雞蛋仔的蛋味中和了部分甜味，食落滋潤但不會死甜。流心的情況較想像中少，要咬爆雞蛋仔內的蜂蜜珠方會有蜜糖流出﹔雞蛋仔蛋味濃，感覺用料實在，但口感較軟，喜歡脆口雞蛋仔的朋友可能會有點失望。

3點3下午茶時間，又黎到太子呢間雞蛋仔既專門店。之前每次經過都見到好多人排隊，有時仲要等半個鐘以上，今行過見到難得少人，就過去試吓。呢間雞蛋仔專門店有很多不同口味可供選擇，例如斑蘭，芝士同埋朱古力橙等等，如果係長者或孕婦仲可以優先購買但只限原味。今次我哋買咗班蘭味，不過就算冇乜人我哋都大概等左十幾分鐘，可能係因為係得兩個員工同埋即叫即做。個雞蛋仔食落係實心既，亦都幾香同有清淡嘅班蘭味，外脆內軟，恰到好處。

我大概是比較懷舊的人, 無論街頭小吃出得多挑鑽, 但能長期俘虜我心的始終只有雞蛋仔, 魚蛋和珍珠奶茶. 講起雞蛋仔, 個人也有些要求, 粉漿太薄太脆非我的茶, 要外脆內軟, 有蛋香才是上品. 這也未必跟名氣有關, 有時誤打誤撞的小食店也能遇上一見傾心的出品. 早月經過花園街, 看見新開的雞蛋仔店人龍長到轉彎位, 即使再想試也實在沒耐性排; 直至前天看演唱會前相約友人在旺角先用膳, 吃得不太飽, 剛巧雞蛋仔店排隊的人也不太多, 看來貪新鮮熱潮已過, 那即管買來一試. 4人共買了3底, 原味, 積及橙味自古力和特選芝士味. 本來很想試的土鳯梨酥和流心蜂蜜味都售罄, 唯有待下次有機會再試. 售價方面一個要20多元, 以雞蛋仔來說是很高價了, 且看是否物有所值. 買了票要等約十多位, 站在路邊傾下計, 大約等了15分鐘就到了, 先起貨是原味, 在塲2位男士大大聲說先試原味, 若原味也做不好, 其他都不抱期望了, 當下有點尷尬, 小聲點不行嗎?...不過想深一層, 說的也是事實. 還未來得及取手機拍照, 就已被人一顆一顆摘來吃....熱辣辣的雞蛋仔果然沒令我們失望, 火喉控制得宜, 沒有不夠燶或

這間雞旦仔逢星期六日一定大排長龍，有好幾次經過都被那長長人龍吓怕，最少要等上一個小時星期一晚上10點半經過，人龍不見了，趕快買來試試《流心honey雞旦仔》，我大直都很其待大約等上10分鐘左右，熱辣辣雞旦仔出爐其實所謂流心是honey味爆珠，加入雞旦仔中，幾有創意很脆口很香雞旦味，但我對這個蜜糖流心味有失望，咬下時有是有一層薄薄的衣，對我來講蜜糖爆珠+雞旦仔一齊食有點太甜這種甜令到我需要飲大量的水不過這間雞旦仔都有很多種創意口味，下次可以試試

我成日覺得做男仔好輸蝕。女仔做什麼都會容易一點，訂位食飯、待人接物、買野行街都會有優勢，靚女會俾大碗啲俾多粒魚蛋，女仔太夜回家危早少少俾佢地走，唔可以搬粗重野，買野需要男士幫下手，係街經過有女士都會開下門攞下野，訂位滿左佢用嬌嗲的聲線都會有特別的安排(男人接電話)，可能我見到太多，我總覺得女士生活是比男士幸福的。唔好誤會，我唔係歧視或者說女性有特權，但呢啲野通常唔係男性身上發生，而且本身認識大部分男仔有風度，所以覺得香港女仔就是幸福。不過，今日係度我完全覺得自己就像女孩般被寵壞。來到了旺角的女人街，雖然今日跑左10KM跑到好攰，但看到Modos冇人排竟然會冇乜人。呢度前排非常非常hit，記得前排電影節經常經過這裡，每次都是人山人海人來人往，每次都排餐懵排到傻，想試都冇乜機會。我估睇下OpenRice 的你，佢地咁hit唔駛點介紹，呢間雞蛋仔前排係各平台都搶盡風頭。睇到佢地嘅Menu都知，什麼班蘭雞蛋仔，積及橙，鳳梨酥，芝士雞，紅豆，流心蜂蜜雞蛋仔都非常搶鏡。我睇過朋友的Instagram 後記得那個流心蜂蜜雞蛋仔非常吸引，於是就點了這個。等嘅途中，先細心欣賞個餐牌，原來呢度乳略同飲品都

蜂蜜(爆珠)雞蛋仔($23)Egg waffle with honey 本以為蜂蜜已融入雞蛋仔，點知一咬落去，蜂蜜珠珠隨即係口中爆開。爆出清甜蜜味。又唔會搶左個蛋味。甜度適中！👍👍👍👍 下次要試羅宋湯味雞蛋仔。積及橙餅雞蛋仔。斑蘭雞蛋仔先。好期待啊. 食物：👍👍👍👍/5環境：/抵食：👍👍👍/5

平日黎，唔多人不過即叫即做，所以都要等五至十分鐘。不過等都可以係享受，就係望住佢整，幾特別既味道就有幾特別既做法。爆漿蜂蜜雞蛋仔 驚喜一，一攞到手，一搣，就爆哂d蜂蜜出黎。 驚喜二，原來係蜂蜜爆珠，又幾新穎bor。 外脆，内軟，達到大眾對雞蛋仔既要求，咁佢贏既，一定係多種特別口味。蜂蜜雞蛋仔，味道相比其他的清淡，但帶微微的清甜，可以同時食到蛋漿的香味，唔會容易食滯，又唔會食到乾口，因為每粒都有蜂蜜滋潤一下。 下次要試埋其他口味呢~~

地點非常易找，就在往新世紀廣場扶手電梯對面。土鳳梨酥 & 流心蜜糖味最吸引我，這次先試試流心蜜糖!由落單到取餐足足等了40分鐘，比店員說的等20-25分鐘差不多兩倍時間未知是否因為等候人數太多而影響質素，未攤夠就入袋，已經不是外脆內軟。而咬開後發現所謂的流心蜜糖只是糖漿爆珠，不像蜜糖味。唯一餡料算足，不像之前食過的空心雞蛋仔....或者待熱潮過後，人少一點時再試試土鳳梨味吧。