米線陣 (Closed)

曾經在這間吃過一次午餐，$4x多不連飲品，覺得相對有點小貴(隔離就是food court，比較便宜)…偶然經過…發現下午茶$29~$33連飲品，同伴不餓，要吃飽的只有我，就去試份量很小，本來有些抱怨但想想連鎖快餐店一隻雞翼半份多士多少錢這個與價錢相比也差不多了……重點是味道也不錯，罐裝飲品不用加錢，凍飲才加$1真的是輕食之選~要飽肚可以叫$3x的餐

午市黎TKO食米線陣都見到有新品，就係黑椒肥牛炒烏冬($58)，貌似Pepper Lunch d friend，gas爐上，自己炒。仲有牛油粟米、芝士、五香肉丁做配菜俾你自己加入去炒。炒成，略有成就！非常惹味！牛肉份量多過吉野家D牛肉飯，加其他配料食，真是一頓很豐富的午餐。餐飲有好多特飲選擇，青瓜豆漿真係好有創意，看似古怪，味道又幾夾，好清新，值得一試。

呢間米線店一到食飯時間就有好多人，每次都要等十分鐘先入到去。今日就等左十分鐘。佢個麻辣湯底好好食，真係辣到咀痺。配料都多選擇，竟然有雲吞！！！米線都唔會過腍，仲好大碗。加兩蚊可以要蕃茄麻辣湯，真係有新鮮蕃茄架！天然酸味好正！肥牛配料都唔錯仲有蟹棒都好食，不過今次冇叫野飲有芒果鐵觀音，有d茶中和返d甜味，都幾正

本人好鍾意食米線，但因為暫時唔食得辣，所以揀咗呢間非主流嘅米線陣～我哋叫左兩個消夜套餐，跟餐包一杯野飲，Basic都係＄50一個人首先係鮮菌碎牛腩米線+番茄湯底：米線上好多鮮茄肉，就咁望落去都幾吸引～鮮菌份量好多，牛腩都炇得幾淋不過米線就一般，唔算好彈牙～另外叫左魚腐蟹棒蘿蔔米線+清湯底，額外加生菜同豚肉：清湯真係好清，冇乜味～魚腐，蟹棒都麻麻哋，真係有啲失望總括而言，食物質素一般，如果係消夜時段做算抵食嘅～

其實米線陣個定位有d尷尬，論分店多，又唔夠譚X黎；論味道價錢，又唔夠小店fight。所以米線陣就算係屋企附近開左幾年，我去既次數十隻手指數得哂。而今次，係打邊爐吸引左我！帽子火鍋有麻辣，蕃茄同香菜揀。我就揀左麻辣，配特飲(我揀左青瓜豆漿) -$68呢個setting幾慳位。餸有多款，男仔食哂其實都幾飽。 配料有菜肉餃子、扎肉、牛丸、魚蛋、豆卜、油條、白蘿蔔、番茄同鮮冬菇，加埋一碟肥牛(或豚肉)同米線。肥牛分量幾足，肥瘦適中。配料都好新鮮。值得一提係個湯底，真係加左辣椒花椒大葱，非常麻辣惹味。要注意既係個湯底會愈煲愈辣，唔食得辣既要小心！青瓜豆漿既青瓜係新鮮打碎再溝埋豆漿，味道幾清新。不過d青瓜稍為打得唔夠碎，飲到最後會有渣。

好耐無食過，經過門口見到有火鍋，打算一試，點知係一個錯誤決定火鍋份量少得可憐，完全不能飽肚，不要說一個男人，連一個女人都唔會飽，湯底無味，又沒有豉油提供米線湯底仍可以，但份量又係少，同譚x比較，起碼差一半

麻辣番茄湯底不錯......火鍋也很好....如米線有更多配料選擇則更好但些分店常常出現“落錯單“情況 所以謹記要check清楚 因為有部分女員工是會把責任推到顧客身上的

今晚同男朋友想食米線，將軍澳站無乜米線店可以選擇，所以就去將軍澳中心嘅米線陣喇。星期日晚7點幾中嚟到，竟然無人等位可以直接入去。原先想叫兩個皇牌套餐，但份量好似太多，所以最後叫咗一個皇牌套餐，再單叫多一碗米線就啱啱好。今次叫咗:皇牌套餐:大汗豬扒擔擔米線、蒜泥白肉、特大凍奶茶 ($72,特大飲料要另加$4)單叫:鮮茄雞肉蟹棒烏冬（我轉咗米線）($44)今次嘅食物好快就送上檯喇。先講我碗鮮茄雞肉蟹棒米線，今次有少少失望，碗米線唔太熱，只係處於溫暖嘅狀態，如果可以再熱啲就更好。可以讚嘅地方係啲雞肉好滑，而且唔會碎濕濕。至於湯底，都夠茄味嘅，都見到有啲茄碎響度。至於男朋友嘅皇牌套餐，先講大汗豬扒擔擔米線，塊豬扒係分碟上，咁就唔會浸濕哂，無咗脆卜卜嘅口感，而且食嘅時候係好熱，唔會凍哂。至於個擔擔湯底，有好香嘅花生味，而且唔算辣，感覺上比我碗米線好食。(果然隔離飯比較香)。唯一要改善嘅都係唔夠熱。跟餐嘅蒜泥白肉係一人份量，有花生墊底，不過蒜泥唔算多，可以再多啲就好。特大凍奶茶要加4蚊，果然好大杯，兩個人飲就剛剛好。(到俾錢時先知，原來米線陣係屬於大家樂集團嘅)

The crispy pork chops are really nice but the quality is inconsistent as sometimes it is crispy and the other time I went it was not spicy.To be honest, the lokfu branch is better and the hygiene here could be improved as well.

中意食辣野既朋友,呢間一定岩哂你! 有好多款辣既菜式選擇, 價錢都係中等, 米線份量都幾飽肚~------------------------------【麻辣蕃茄肥牛魚腐米線】HK$41 呢個湯底酸酸辣辣, 愈食愈開胃, 米線稍為索左少少湯底, 好入味!! 呢個價錢食到呢個質素, 的確唔錯!! 【香菜濃湯餃子皇米線】HK$72 (配飲品+小食) 好巨形既餃子啊! SIZE比正常既大double, 佔左隻湯碗一大半, 而且脤卜卜! 湯底仲好健康清甜...【白裡紅蒜泥白肉】 白肉夾住少少蒜蓉食, 好香口, 白肉比較有趙口~【川辣口水雞】HK$46 口水雞嫩滑, 辣度岩岩好唔會cover哂雞本身既味道~中意食辣d, 可以夾多d上面既醬汁食, 味道會更加濃郁!

星期日做完gym 同屋企人係寶林嘆下午茶！因為岩岩做完運動唔想食得太heavy 嘅關係，一致決定去食米線！下午茶時間，要等一陣位，等左15分鐘倒先有位（）叫左豬扒豆卜黑米線！餐牌講到黑米線好堅咁，出面又未見過，咁緊係要試下啦！你無睇錯，黑米線係紫色的！口感就比米線淋身，個人比較喜歡普通較硬身白米線多啲，但屋企人就幾喜歡佢夠淋身又入味！

Waiting for over an hour and find what I get is not what I ordered. They thought it is your fault.Very UNsatisfactory.

友人們經常提起的米線陣，全港分店不多，我知道的就是樂富、將軍澳及青衣。沒有細究，因為對我而言也不就近，一直都未有一嚐。不過對於這家明明只是米線店，但獲不少友人讚賞的事情有點好奇。而且一搜就發現是大家樂集團旗下的連鎖品牌，就更感驚訝。　　川味四合拼盤　$46內有黑醋豬軟骨、麻辣肥牛、麻辣豬大腸及清甜蘿蔔。但除了蘿蔔外，其他都可以單點，廿幾蚊，點個拼盤就當是先試味。個人最喜歡黑醋豬軟骨，煮得十分腍身，軟骨部分帶微脆嚼勁。醋酸不重，只是開開胃，肉感不硬韌，但長時間烹調下肉質會偏老。肥牛薄身香腍不肥膩，也沒有太多韌口位；豬大腸則細綿帶脂香，就是欠了外層的煙韌嚼感。蘿蔔頗為夠味，但又不覺太綿爛，只是帶稔而味不青。　　香菜濃湯餃子皇　$31，可加$5配米線或薯粉，或加$8配烏冬。說是餃子皇，個頭可是頗大件，再加米線等主食一定夠飽肚。可是餃子外皮雖不厚身不黏，但感覺有點鬆散，很容易破掉。餃子餡味不重，算是清新一派，內有粉絲，有少許意外。這次加配了稻庭烏冬，十分細滑，沒有黏爛感，可是沒有我愛的富咬感一點。在沒有讚岐的參戰下，我還是點米線或者薯粉比較合心意。　　麻辣蕃茄肥牛魚腐米線　$41，不想嚐辣的也

蕃茄湯底豬排米線本來是要試他們的黑米線，結果服務員說已經賣光了，米線普通所以沒什麼特別可說豬排反而很出色，一上桌豬排一陣陣香味撲鼻很美味魚腐雞肉薯粉。豆漿也不錯

The fried pork was crispy and very well seasoned. The noodles had a really fragrant soup base, but not exactly dam-dam style because it didn't really taste like peanuts.The cold noodles were very refreshing, and the shredded chicken and vegetables went really well together. The sauce was sesame mixed with thai chilli sauce. I personally would've preferred the sauce to be more sour.The flavour of the tomatoes and spices really stood out. The bean sprouts, beef slices and fish balls absorbed all