奇蹟拉麵 ミラクル

Open Now

Now Closed

自從原本位於屯門的奇蹟拉麵在旺角重開後人潮不斷，今日終於在平日的中午直入一試。餐廳面積不大，只有大約十多個位，冷氣不足，如客滿都應該食得不太舒服。第一次來想試一試她們的原味濃拉麵($86)。拉麵上菜時已經聞到很香的豬骨味，湯的質地帶點稠度，味道如聞上去的濃郁，卻出奇地不鹹，幼身帶有質感的拉麵剛好掛上湯汁，讓客人每一啖都能夠飲到她們招牌的湯底，頗有驚喜。叉燒的表現也令人驚訝，脂肪與瘦肉的比例均勻，肉質軟嫰，吃得到慢煮的感覺另加$15可升級午市套餐，包含一罐汽水和一客小食，可選三件自家製餃子或者兩件炸雞。餃子味道正常，是一般吃到的日式餃子，反而炸雞很有驚喜：炸漿又脆又薄，裡面的雞肉熱辣辣夠軟熟，加入檸檬汁還能增添一點清新的感覺，推薦一試！奇蹟拉麵的食物味道頗有驚喜，唯獨環境比較狹窄坐得不太舒服，食客要有心理準備食完就離座，但是值得一試的拉麵店

首先, 拉麵跟餃子都很好味但餃子的記憶點比較突出, 所以會先評拉麵《清湯醬油拉麵》我認為整碗拉麵，湯是最出色的，湯是順口的，味道不會刺激，但絕對不會令人覺得太淡，看似是太很油的湯，但喝下去完全沒有油膩感不過亦有值得加強的地方，不知道是否之前有食評提過麵質太淋身，今次我的麵就口感太硬，會影響掛湯程度和口感，叉燒太薄，雖然都美味，但本人偏向有燒過的叉燒，這款不是我的最愛，但這不是店家問題。當天我的半熟蛋太熟，應該有85%熟，希望下次可以食到半熟蛋。 《 自家製餃子》沒有期望的餃子反而令我喜出望外，首先即叫即造，放在你枱前的時候，就熱辣辣咬一口之後，他不只是有肉味，每一啖除了肉味還有香香的（韭）菜味，不肯定菜種外皮薄但夾起亦不會破，內裡有少少肉汁這個值得推介

今日咁啱經過旺角見到呢一間奇蹟拉麵，因為肚餓而又唔使排隊，所以就入咗去食坐低無奈大概係6-7點傍晚時分就已經開始出面有幾多人排隊。因為佢是日限定有一款鴨胸拉麵，所以就買咗碗你試吓，湯底非常之好比較清，鴨胸肉出色完全唔韌，便底亦都非常之好食， overall冇記錯嘅話都係大概$100一碗，店員服務態度非常之好和有禮貌。小息方面還叫了一款餃子，質素就比較普通，如果不是特別喜歡的話就可以不叫了，總括而言，這間可以encore

今日去左曾經係「拉麵關注組」捧上神枱既「奇蹟拉麵」，旺角店開左都差唔多一年了，宜家唔洗點排隊就入得原味濃拉麵湯底用上大量既豬骨、雞骨、海鮮等材料熬製而成，濃味得黎唔會話過咸同膩，配以兩塊薄叉燒、味付半熟蛋 & 荀，麵條粗幼適中，味道不錯拉麵店有4款唔同湯底提供，另外仲有期間限定拉麵，款式都算唔少，因為本身都無期望下黎食，所以我都覺得味道唔錯，但又未去到話一試難忘，價錢合理，唔洗排隊路過我都會再光顧☺️！

旺角呢間｢奇蹟拉麵 ﾐﾗｸﾙ｣雖然唔係新開,但係每次經過都見到有人排隊,今次終於忍唔住同朋友夜晚嚟挑戰佢哋嘅｢濃厚辣味拉麵｣同｢日式炸雞｣!🍜 濃厚辣味拉麵雖然唔係佢哋嘅招牌菜式,但係呢個｢濃厚辣味拉麵｣真係好惹味!湯底香濃惹味,辣度都幾高,食完真係會爆汗嗰隻🥵,但係又唔會太過鹹,好適合鍾意食辣嘅朋友!麵條方面,掛湯能力高,每一啖都充滿辣油香味🌶️!叉燒都算唔錯,不過就冇拉麵咁出色｡🍗 日式炸雞｢日式炸雞｣就真係冇令我失望,炸得外脆內嫩,雞肉好juicy,而且冇乜雪味,加埋檸檬汁一齊食,更加清新解膩!🌟 總結整體嚟講,｢奇蹟拉麵 ﾐﾗｸﾙ｣嘅食物都算唔錯,不過環境就比較迫夾,而且服務都只係不過不失｡但係勝在夠美味,下次係旺角想食拉麵嘅時候都可以考慮吓!

男友自稱拉麵愛好者，成日都鍾意試唔同垃麵🍜雖然每次被問到邊間好食，佢都答唔出，最多話有次我帶佢食過一間幾好食（座銀個名都up唔到🤡）前排weekend經過曾經喺屯門大排出龍嘅奇蹟拉麵。奇蹟地冇人排隊，入面都冇咩人但食完結果係：平平無奇～🤎menu共有5款拉麵，我地分別揀咗一個濃湯一個清湯。一致認為清湯拉麵比濃湯出色🤣清湯湯頭清澈不油膩，夏天飲多兩啖都冇負擔感🌞濃湯質底非常濃厚稠身，未去到漿口但食到中途會覺少鹹同膩，只適合重口味人士🤣男友譚仔係食清湯路線，所以唔好濃湯拉麵屬幼身，口感偏腍身而且唔太掛湯，並唔係我地杯茶叉燒薄切尚可，冇太大記憶點反而味付半熟蛋唔錯，流心得恰到好處，有蛋香🥚拉麵份量偏少，細食女仔會岩岩好，男士會唔夠，要加底😬另外叫咗餃子，🥟煎到金黃香脆，都唔錯，但未去到驚艷。唔太明咁多foodie吹捧嘅原因，同區的話呢個價錢會有更好選擇🤔唔使排隊都可以一戰但要排隊就不了，因為會失望😣結論係男友繼續答唔到人邊間拉麵好食🤣🤣🤣

屯門名物，曾經卷入湯包扮自家熬製湯底風波，22年11月因為租約及人手不足結業，23年7月旺角重開。喺旺角行到六點都唔太肚餓，但怕夜啲多人食飯，決定帶老婆食拉麵。唔洗排隊真係有啲意外，店員話墨魚湯底賣晒，但就冇推介特製限定，好彩我望到啫！點解我咁講？因為限定係我最愛嘅鴨拉麵，仲要係豉油湯底，1秒已經做好選擇，老婆就叫原味濃拉麵。鴨肉好嫩但偏咸，蛋生熟做得好好但就冇乜味，麵的軟硬度都好啱我，整體都有85分。老婆豬骨湯好好味，唔會話好杰但味道十足，雖然冇問佢評價，但見佢好快成碗食晒，大概都估到碗嘢唔差。是日消費：鴨肉醬油拉麵$108 原味濃湯拉麵$86共 $194

入餐廳坐咗一陣野食就到枱，食埋總共坐咗15分鐘左右，可想而知份量有幾少。最衰嘅係出面有人啱啱黎排隊，我啱啱好食完個麵，連野飲都未飲完，然後指住我張枱同出面嘅人講，「呢張枱就黎走」。搞到出面嘅人一直望入黎，極大壓力，食飽想坐係度休息一陣都唔得。唔比人坐嘅，唔該寫到名，唔好用呢種方式趕人走

我是拉麵愛好者～個人認為「湯底」和「麵底」同樣是關鍵哦😌第一次認識「奇蹟拉麵」是在YouTube上的飲食頻道介紹說是平日還要排隊的呢今日late lunch剛好經過不用排隊，就請朋友和我一起來試試我點了烏賊濃味拉麵，$93/碗麵底：OK 湯底：一開始入口味道是蠻濃的，重口味如我是會喜歡的啊，但多喝兩三口的湯，即越見口渴～哎，要喝水那種程度，偏咸哦。這讓我有點保留，吃拉麵我一定會喝湯的，這湯底可能有下味精。叉燒偏瘦，心目中達標準的叉燒需要帶點脂肪。朋友吃原味的則覺得有點油整體而言是正常水準吧～同區拉麵店有表現更出色的說是奇蹟，有點過譽了是比普通好一點點的拉麵店～排隊是不會再吃

奇蹟拉麵一直都係拉麵關注組熱棒嘅拉麵店，所以一心諗住應該真係好好味，態度又唔錯。但入到店，先坐底一陣就聽到店員以惡劣嘅態度對待客人，完全呼呼學學嘅態度。客人都冇咩要求，亦好好態度，點解要對人？講到麵先最令人失望，話奇蹟拉麵，但其實係叫失望拉麵。當日同朋友分別叫左濃厚辣拉麵及清湯拉麵。清湯拉麵湯底係清新嘅，但麵底會唔會太似香港嘅幼麵？而叉燒更加離譜，食落好柴又薄，根本係豬肉片咁款。而濃厚辛辣拉麵根本個湯係食唔落，大佬，啲油仲多過我去食麻辣火鍋。

🌟 奇蹟拉麵 🌟地址: 旺角通菜街22號達明大廈地下🏪 坐落旺角市中心:位於熱鬧的旺角街頭,這家拉麵店吸引了源源不斷的客源,可見其在當地享有極高的口碑。🍜 烏賊拉麵 $93:這道獨特的烏賊拉麵,以濃郁醇厚的墨魚湯頭,別具一格。每一口都能感受到海鮮的鮮甜,令人連連稱讚。👍🍖 炸雞 $46:外酥內嫩的炸雞塊,極具誘惑力。搭配拉麵,無疑是絕妙的組合。🤤🍜 特製限定拉麵 $108:以煙燻鴨胸為主角的特製限定拉麵,口感獨特而醇厚。鴨肉軟嫩多汁,別具創意。😋🥟 餃子 $29:餃子皮薄餡多,內餡味美可口。作為拉麵套餐的配菜,無疑是絕佳的選擇。👌

#奇蹟拉麵 #屯門 #旺角 #拉麵 #烏賊拉麵 #鴨肉醬油拉麵 #餃子 #炸雞終於等到奇蹟拉麵在旺角開分店了！之前在屯門吃過他們家的拉麵，一直念念不忘。這次趁著旺角店新開張,今次就食咗佢哋嘅烏賊拉麵同限定鴨肉醬油拉麵，仲有煎餃子同炸雞！**第一道是招牌的烏賊拉麵。**呢碗拉麵真係好有特色！湯底是用墨魚汁熬製而成的，非常有誠意。湯頭濃郁鮮鮮甜, 不會過於鹹膩。拉麵用的是幼麵，口感是我喜歡的，不會過淋。叉燒肉軟嫩入味，溏心蛋軟熟流心，煮得恰到好處。-**第二道是限定的鴨肉醬油拉麵。**湯底比較清澈，夏天食很可以, 鴨胸肉咸香可口。--**除了拉麵之外，這裡的餃子和炸雞也都很不錯。**餃子煎得金黃酥脆，餃子餡料鮮美多汁。炸雞外酥里嫩，讓人一口接一口。*奇蹟拉麵的味道和品質都keep 到~，而且價格也很合理, 即使午餐時份可能要等位, 但ok la~~

之前屯門人氣拉面店轉開到去旺角，今日特登早D食，以免要排好耐隊。原味濃拉面湯底十分濃郁，好重豚骨味，係比較rich既湯底，有少許漿口既感覺，所以D湯汁完全可以掛係面到。面質係幼面，雖然冇得簡軟硬度，不過都好適中! 有2塊叉燒，溏心蛋，蔥同埋荀絲。食完都唔會口乾到要狂飲水。今期既限定拉面款係 - 鴨肉醬油拉面呢款湯底相對之下比較清澈，湯底冇咁稠，但係都好夠味。內餡最大分別就係多左鴨肉，鴨肉每塊都好厚，感覺好足料。另外加左餃子，煎到每邊香脆，餃子餡料多。

今日旺角經過呢間拉麵店，就決定入去試吓，佢哋嘅Menu上面有五款拉麵可以揀，原本諗住試吓佢哋而家限定嘅鴨肉醬油拉，不過已經賣晒😢原味濃拉麵🍜$86呢個係濃厚嘅豬骨湯拉麵，湯底濃郁，拉麵用上幼麵，食落好重膠質，真係幾足料清湯醬油拉麵🍜$79呢個就係比較清嘅醬油拉麵，食落清甜，面底都唔會太腍，醬油湯底比起豬骨湯底食落會冇咁膩另外仲叫咗餃子🥟同埋炸雞，煎餃子皮薄餡靚，入面好多汁，炸雞都炸得好香脆，肉質嫩滑🍖

呢間野係屯門個陣就好多人講 但屯門真係好遠 一路都冇去試 開到嚟旺角就嚟一嘗究竟 餐牌選擇唔多 得幾款我自己比較鐘意清啲嘅湯 叫咗醬油 朋友叫咗烏賊濃味 講返碗麵 質素唔錯 唔洗排隊嘅話會成日食湯底ok 飲得落麵質係冇得揀嘅 但上到嚟都軟硬適中蛋係溏心嘅 整得唔錯荀都正常叉燒都冇奇怪味 唔係滑捋捋個隻分量冇話好多 適中 女仔食啱啱好 男仔可能會覺得少但唯一唔好嘅係 我地坐入面 個廁所好臭….好大陣廁所味 我會話係影響食慾個隻 碗麵上到嚟先好啲…