煌極 (百利軒) (Closed)

呢間係個人最最最愛嘅雞煲店😍！由大約七年前食過後，每次想食雞煲都一定要嚟呢度食，皆因佢真係好好味👍🏻！環境同好多雞煲店嘅格局都係差唔多，地方唔算好大，所以成日都有人排隊。鋪頭個個都人情味十足，會同你有傾有講，每次都會幫你攪拌同炒好哂啲雞件，熟咗先叫你食🥢。食物選擇方面，有兩頁紙嘅配料同鍋類烤魚等，其實佢有好多鍋選擇，不過我每次都係食返雞煲同埋火鍋，因為太美味，女人又貪靚，雞煲呢啲熱氣野唔可以成日食，所以唔捨得錯過任何一次嘅機會😋！其實食物質素嚟講，好多都做得幾出色，特別係佢即叫即煎炸配料，下面幾款係我每次都會必叫嘅：🔸麻辣雞煲($𝟏𝟗𝟖一隻，晚上𝟗點後特價$𝟏𝟒𝟖一隻)：令人回味無窮嘅雞煲店重點當然係要有好好味嘅雞煲啦🐔！呢度嘅雞煲醬汁係濃郁嘅辣味中帶少少甜味，我每次都會叫BB辣，佢嘅BB辣對我嚟講啱啱好，愈食吸哂啲汁會愈辣，好惹味😍！呢度嘅雞煲最正嘅除咗係佢極度濃郁嘅醬汁之外，仲係佢好嫩滑嘅雞件，基本上佢煮好耐，啲雞都仲係好juicy，一啲都唔嚡口，而上面嘅紫洋蔥都因為已經索哂啲汁，所以更加香口。🔸厚切午餐肉($𝟑𝟖)：呢度嘅午餐肉係即煎即炸嘅，做得相當唔錯，唔會好油，浸一浸食一流。

昨晚同兩個朋友，食咗一個超好味嘅雞煲，喺黃大仙一個簡單小區地方，竟然有咁惹味嘅雞煲，我只係叫咗小辣，因為太勁辣怕食唔到雞味，我哋叫咗一隻雞雞煲$198蚊，唔算貴啦⋯⋯原來九點後食仲平，$148蚊，我哋仲有叫咗魚皮餃、肥牛、脆玉脘魚骨，又啤酒，又汽水，只係五百幾蚊。呢間舖頭一定要再去，因為下次想食魚鍋，聽聞呢間店的魚鍋，都係唔錯的。唯一比較不滿意的，就是只收現金，今時今日點解會有餐廳只收現金，其他付款模式，完全冇，請呢位老闆真係要改善。

每次晚上路過這食店都見坐滿客，有時還有人等位，昨日（11/6/2021）與朋友路過，可能下雨，居然還有位，便一試。點了半隻雞煲先，看見貼在牆上有孖寶，再問侍應，可加回大牛頸脊。雞煲真係好夠味，好好食，配菜既洋蔥都唔錯，雞煲食到差唔多，加湯淥牛頸脊，牛頸脊好滑，二個餸都已經飽，朋友居然想食脆骨腩，又來一份，都唔錯。見鄰座飲品好大杯，又一試咸檸七及檸樂，因坐近廚房，見服務員均在每杯倒2罐汽水，一揸在手，覺得好大杯，點知飲吓飲吓，居然飲晒。這餐唔錯，必定有回頭。

呢度既口水雞個醬汁好惹味辣得黎又甜甜地 仲好多蒜蓉， 同埋獨特的香料。 真係要一食再食😋另外叫左烤魚， 魚好大 ， 份量足食完仲可以叫火鍋配料 當打邊爐今次試左黑松露牛肉餃一碟有8粒 食完都已經夠飽肚呢度既大大杯飲品 真係大得好誇張黃大仙店員服務態度亦好好， 會記得客人喜好，值得讚總括黎講 會再黎食！

- 呢間雞煲都有好多分店，大角咀、土瓜灣、西灣河、馬鞍山，而今次我地試既係黃大仙呢間。咁啱行過，👦🏻突然間話好想食🐥雞煲（👧🏻：其實有咩佢係唔想食🤨），所以就入左去食。個陣大約係六點到，所以冇乜人，都唔洗等位。而呢間唔係任食係單點既，所以如果兩個人食，食到既款色唔會好多，面價錢都同任食既差不多。咁質素方面就緊係好啲啦！除左雞煲，呢間都仲有其他煲食，例如烤魚，👦🏻話下次都可以試下，都好似要200幾蚊條。-有個雞腳俾你做前菜，都唔差幾好食既。我地嗌個碟安格斯牛肉真係好高質，脂肪分佈平均，嗌左細份都夠我地兩個食！另外，個墨魚膠，一開始我地嗌係以為係魚滑啲frd，以為係for打邊爐，仲同個waiter講係咪上錯。但點知出其地好食，好脆，浸下個湯食，簡直係prefect 池。佢個脆皮有啲似油炸鬼，但又唔係油炸鬼。總之就係一定要試下！❤️❤️❤️❤️-成間店最誇張既都係杯野飲！三十幾蚊，大過我個頭！食曬啲野都淨係飲到半杯😂🙉🙉🙉

超差既一次體驗。叫左個胡椒豬肚雞鍋，完全冇咪道，雞係煎過，搞到成鍋都係黃油，樣樣都額外收費，餐單亦冇說明，見冇俾調味料，問員工取才有，唔緊要，每人要碟辣椒豉油，辣椒得2-3片，要求多點再要額外付費，同搶有咩分別，食物質素差，與價錢唔成正比，唔會再黎。

晚上九點後，雞煲烤魚特價，所以變左當係普通食宵都無咩所謂今次叫左江豚，188，比平時平左100蚊，都叫做接受到，但真係比平時食開果d好好多，d肉有彈性，又好味道，連女朋友都中意食，仲有大大杯野飲可以兩個人分。不過，侍應嘅態度就差左啲，美中不足

今晚book左2位！去到即刻有一張門口二人枱，'唔俾我！跟住有一張三人枱，又唔俾我(他們只等了8分鐘)！之後5人枱又唔俾我！其間hold起一張大枱！老闆……你想點呀！！！book左枱仲要等等等！！等左25分鐘都沒有枱……我決定自動消失，以後不再來

本來都食過好幾年，見就腳所以都係佢幾年既fans但估唔到今次食完之後，個肚痛到痴線，一問之下，成班fd都一齊肚痛。食物質素亦差左好多。衛生程度極差，成班fd食完一齊肚痛下次？不了！

朋友係慈雲山開工。。想食雞煲。。最後試左呢間 煌極佢地有d set 唔錯。。就雞煲加野咁。。本身雞煲半隻好似128..個set 加埋牛肩背。。好似係。。就3百幾。。咁都ok 啦。。就叫左個set佢地間野d 大大杯野飲真係好大杯麻辣雞煲小辣。。店員間唔中幫我地睇火。。唔好比d 雞濃同痴底。。味道黎講係幾好既。。甜甜地又夠辣。。雞既份量都ok..食完就加湯打邊爐。。叫左九菜餃。。牛根丸。。娃娃菜同生根。。。最好食係牛肩背。。跟住其他都無咩特別。。好普通。。真心食個娃娃菜夠。。菜吸哂d 味。d 店員都好攪笑。。唔會西口西面。。good 總括黎講 食雞煲 唔錯。。牛肉 好正。。娃娃菜入味。。服務好足。。好快。。會再去。。佢地9點後入座半隻雞煲58 蚊。。勁抵囉。。 但我地八點尾去都唔等。。

好好味，店員的服務又好，食物很新鮮，價錢又相宜，一定再來D飲品大大杯正到不得了，還有蟹雞煲同江豚魚，好想試鬼哂佢。個人覺得雞煲小辣就啱啱好了，加湯前不會太辣但又不失惹味，加湯後依然精彩

雖然任何食火鍋同自助餐當道，但一向都唔鍾意食呢類餐廳，因為可以自已選食物嘅食店通常食材質素較高。概然又有人向我多次推薦此店，所以就唻試試。一入座，店員就送上泡椒雞腳，只是微辣，雞腳彈牙，有咬口，雞腳入味，朋友唔食辣都覺得好食。落單後，食物好快就送上。雖然呢度專食烤魚，但我地一心食雞煲同牛肉。啲牛肉一睇就知靚，脂肪紋理分佈平均，牛肉切得厚薄適中，牛味又夠濃，價錢合理($128 +10%). 向來對牛筋丸情有獨中，尤其係手打，呢度都有。因為叫嘅係黑椒牛筋丸，所以俾黑椒搶咗啲味，牛味不太出眾，但牛筋份量多，所以口感一流。朋友唔太食辣，黑椒牛筋丸對佢來說太辣，但我就覺得好好味。響铃係另一個必點火鍋配料，呢度即叫即炸，雖然要等耐少少，都即炸響鈴嘅口感，真係確實不同。講返雞煲($248,一隻雞)先，個湯底好穠陏，辣度剛好,但啲雞因為唔係新鮮雞，所以略久雞味。不過，而且香港真係好難食到新鮮雞了。埋單二百元一位，以呢個質素嘅食材來說，算是很抵食了。

其實食左好幾次。味道可以話係食過之中數一數二。啲雞夠滑。辣味與香味都十分之到位。所以好難明白點解會有食評話唔夠味， 朋友~有時間去check check 條脷吧。而佩料就一般水準，不過不失啦，比較推薦係炸芋片，午餐肉。炸物水準甚高。～我通常都係消夜時段去食。價錢仲平。缺點係酒水相對比較貴(大大杯檸檬茶，檸檬水係看似比較抵。但係絕對係一種捆綁式消費。)。同坐位唔多(鳳凰村)。食完成身雞煲味! 連之後屙尿都有香料味。

搬左黎黄大仙一排，幾次經過呢間鋪頭，門面細細，唔多吸引。但聽有個住黄大仙既朋友講開，佢既雞煲好好食，所以今晚同男朋友一試。果然無失望喎，真係好食平時我都食得辣，男朋友就普通啦。所以叫左個小辣。開頭食辣度ok，食到，但愈食愈辣，下次都係叫bb辣就夠😅佢雞煲啲雞好滑好嫩，無冰鮮味，好食。我地兩個人叫左一隻雞食，再叫左一份響玲，同一份炸芋頭。佢個炸響玲係即炸個種，好香好碎，第一次食即炸響玲。好好味呀。炸芋頭都係即炸，個芋頭唔硬，好粉，有小小入口會溶既感覺，正。不過個人覺得炸響玲正啲食食下覺得辣，叫左杯大檸茶，$32，真係好鬼大杯，兩個人都差啲飲唔晒😂隔離枱見到咁大杯，都好驚訝😂仲有，佢間鋪得兩個樓面，但都好nice，唔會話好耐都唔應你，hea做咁。特別係高高瘦瘦嗰位，十分讚👍🏻今晚勁滿足，價錢又唔貴，又近我屋企，下次再食先

雞煲🐔x大大杯檸茶🍹-有冇人同司令一樣，每次食飯都要點超多野飲先食到飯😂，特別食雞煲咁重口味，好易就越點越多野飲。黃大仙呢間雞煲就夠晒貼心🤓，有得叫大大杯檸茶($32)，滿足晒食雞煲一定要瘋狂嗌野飲既慾望🤘🏻。-去返主角之一既雞煲🐔，一隻雞份量超足喎！開蓋就見到雞件極多，仲要食落入味而嫩滑，個汁拎黎夾響鈴一齊食簡直係一流😍！配料選擇都算相當多，份量正常👍🏻，唔係任食都唔肉赤。九半後入座半隻雞雞煲再平啲，岩晒中意食宵夜既夜鬼！-