MGB by Manhattan Grill & Bar (Closed)

最近急需儲里數，見到新出優惠星期一消費滿$300可以$1/里，所以專登揀呢間餐廳食，book枱果陣都揀左呢個優惠。我地叫左2個set dinner，一個小食，total 6百幾（其實唔太抵），一心諗住有得儲里數。最後埋單先講原來要主餐牌食夠$300先可以$1/里🤷🏻‍♀️係openrice上面完全無寫，只係話消費滿$300就可以，當然餐廳話事，龍門係你擺，你話唔得我都無聲出，但想用里數吸引人黎食又要多多限制，完全有被騙的感覺。食物質素一般，性價比不高，如果想儲里數的可以不用來呢間。

我哋喺2020.05.22夜晚一個機緣巧合下入咗嚟哩間餐廳食嘢（本身係食打邊爐，但因為排隊排太耐，所以過咗嚟。），哩個機會就畀我哋認識咗全觀塘最難食嘅西餐。先講等位，其實哩Part都冇乜大問題，正正常常等領位，只不過唔明點解裡面有四、五檯吉位都要我哋等成十五分鐘。跟住食就精彩喇，薯條啲鹽好似唔使錢咁，影相都見到佢閃閃發光；田螺冇田螺，你冇睇錯，我冇寫錯，佢個田螺裡面真係冇田螺嘅；秘制雞翼，真係秘制，將啲香料包住隻雞翼，我相信冇人會咁整，食到成口粉；其他唔一一數出嚟喇，要寫真係寫一晚，但食物質素絕對係離譜。飲品仲精彩，叫杯啤酒等半個鐘，朱古力香蕉奶昔淡過水，雞尾酒Mimosa用血橙、vodka加Soda出，同正常嘅配方差十萬八千里，創意爆棚，九唔搭八；仲有叫杯水個杯都好似冇洗過咁，你敢唔敢食？難食、難飲、污糟三個詞語形容晒哩間餐廳

母親節特地訂枱同媽媽慶祝。去到不用等就成功入座。興高采烈下單後，看著餐廳裡的開放式廚房，欣賞一碟碟準備奉客的食物，香氣四溢，非常吸引。可是，再望望廚房裡頭的員工，竟然沒有一個帶上口罩，還不斷近距離對著食物有講有笑。雖然最近疫情稍為緩和，但基本衛生意識都應該要有吧? 總不能如此鬆懈。如實向餐廳經理反映，經理竟然說給我換一張望不到廚房的枱。這不是解決辦法吧? 理論一番後他勸喻員工帶回口罩工作。但始終心裡不太舒服，還是取消柯打離開，另找其他餐廳進餐。真掃興!希望餐廳會有改善吧。

無意中在Storellet 見到這間餐廳， 很喜歡吃牛扒， 所以就約朋友去試試～ 環境很不錯， 有點音樂背景， 燈光也不錯， 很適合幾個朋友坐在一齊聊天！叫了一個西冷牛扒套餐， 套餐不是太貴， 前菜和小食都很不錯， 南瓜湯咸了一點，最喜歡吃的那個薯條，很脆很香～ 值得一試

今次係朋友嘅生日飯，由佢男友發板，食落覺得都幾好呀，食物唔錯，性價比就正常，都對得起價錢好耐冇食生蠔了，都乾淨清甜我哋每人一份set dinner，哩個係餐沙律，雞翼都幾好食。蘑菇湯，幾杰身， 幾creamy 澳洲草飼西蘭牛扒七成熟，肉質都幾好，牛味都濃，對得起價錢嘅真空慢煮豬鞍扒兩個朋友點咗，佢哋話覺得有d韌甜品

話說今日諗住食餐好,女朋友之前食過呢間，質素還OK ，而我係第一次食，估唔到可以難食，大家千祈唔好俾佢裝修呃咗。我地分別叫左威靈頓牛柳，同另一個dinner set-烤澳洲草飼西冷。個塊澳洲西冷苦到一個點，第一次要求佢換，佢哋唔肯換，原因話係烤網問題，燒出黎一定苦！大佬我自己煮都冇咁苦啦！應該係個燒烤網出事。成個表皮都苦。要第二次我搵個經理，佢哋先肯換第二個餐俾我哋。真係真心難食！我揀左同價錢既龍蝦意大利飯做替換，點知又出事！隻龍蝦勁鹹同un，咬唔開，意大利飯未熟！唔知係唔係特登由於我咁啱坐係半開放式廚房隔離，望到啲廚師，等緊換菜時我聽到廚師們討論緊我投訴塊牛扒苦，感覺責怪緊我哋，串串貢咁。喂大佬，如果係茶記我都gur啲，但呢間係一間一個意粉收過百元，一個牛扒要三百幾蚊嘅西餐廳，無論食物定員工都唔係應該咁嘅質素掛？威靈頓牛扒跟黑松露薯條，佢哋用幼身薯條，第一：薯條唔脆；第二：所謂嘅黑松露味，只係將有少少松露碎嘅黑松露油，直接淋係啲薯條上面。令某部份嘅薯條油淋淋，另外一大部份就咩味都冇（應該冇落鹽）最後，個甜品係牛乳奶凍，但係佢一d都唔凍！只係室溫⋯⋯係一個暖嘅甜品，最底部仲要有一條小頭

在網上看了很多好的評論 期待地提前預約了 在Apm shopping mall 附近 位置容易找到 到達餐廳7點不用等侯入座 安排坐在角落 有雜物 坐了大約五分鐘 服務員要大聲叫才知道點餐 由於旁邊有雜物 在角落 所以環境不太好 前者點了沙律 正餐點了這店比較出名牛排 牛排🥩不錯 叫了五成熟 廚師做得不錯 用料新鮮不過價格有點偏貴 在觀塘地區消費 價格性價比不高 豬扒味道一般般 dessert 牛奶布丁不錯 包一杯飲品 結帳700大元 在觀塘地區不太值

同朋友去觀塘APM行街，行到肚餓但係APM好多人，所以去咗隔離嘅亞太中心搵嘢食，然後見到呢間餐廳門面唔錯又少人就入咗去。我點左一個lunch set，有餐湯有前菜，主菜揀咗澳洲西冷。餐湯係一個薯仔湯，入面冇乜配料淡淡地，口感幾滑。前菜係一碟沙律，有巴馬火腿、燒牛肉、水牛芝士、沙律菜同蕃茄，普普通通味道還可以。主菜係澳洲草飼西冷，肉質嫩滑，汁都好味，但部分生左少少，薯條一般。反而朋友同我講佢食嗰個意大利飯好好食，但係我唔記得咗係乜嘢黎。

水牛芝士伴蕃茄 Buffalo Mozzarella & Tomatoes with Basil Oil $128 水牛芝士配蕃茄再加埋黑醋，唔會衰嘅組合伏特加汁三文魚螺絲粉Salmon Vodka Fusilli $138無乜味，似白烚螺絲粉，再加上三文魚裝飾大蝦鮮茄意粉Fresh King Prawn Pan Fried with Roma Tomato Spaghetti $178大蝦彈牙，蕃茄味重，唔錯意大利風乾火腿薄餅Parma Ham Pizza $158薄底Pizza，有芝士，加ParmaHam & 火箭菜整體只屬一般，性價比低，試一次就夠…

上星期跟朋友在Manhattan Grill & Bar 吃晚飯，服務、環境和食物，都非常好。我住在這一區多年，竟然沒有試過Manhattan Grill & Bar ... 亡羊補牢，未為晚也。因為好好味，所以今天又帶Honey再吃。牛扒是一流！上一次跟朋友吃Beef Wellington。(在外面吃Beef Wellington非常貴，動輒$400..) 這裏的Beef Wellington，只售$288。而且，Beef Wellington 是很難處理的烹調，這餐廳做得好好。所以，今天我們來吃牛扒。安格斯牛肩扒 $218：一上桌，從正面看牛扒，不算大塊。但，從側邊一看，牛肩肉非常厚！因為有上次的經驗，我不擔心牛扒因為肉厚而肉質會韌……果然！一切開，還是嫩嫩的。我叫Medium Rare ，因為 Medium 就會太熟，吃不到牛的鮮味。我叫Medium Rare，仍然保留了牛肉的鮮美 。Honey說，那個肉汁好好味。但我沾上了少少肉汁，肉汁有點似蘑菇和美極的味道，反而蓋過了牛肉本身的鮮味。牛肩扒已經是鹽烤，而有 Grill 的燒烤香味，什麼都不用沾，就已經非常非常好味了！另外，我又

今日和先生幫小朋友完入學註冊後，走去搵家姐食lunch..去到觀塘，完全唔想去APM食。。之後搵左一陣， 見到這間食店set lunch 買3送1就決定走去幫襯下。我地三份都係澳洲草飼西冷lunchset頭盤火腿夠味，沙律菜好新鮮，但塊魚餅唔太夾餐湯薯仔西湯好香濃薯仔味主菜澳洲草飼西冷西冷好濃牛肉味，燒得好香服務好好， 好欣勤

朋友之前黎過話餐廳做緊三送一好抵， 於是今日成班姊妹黎開觀塘就一齊去食個便飯~唔覺意坐正喺個燈箱下面，所有相都紅紅哋色……Brunch menu 都好豐富……跟餐的-小食拼盤好得意，有parma ham，芝士仲有粒燒八爪魚丸同有啲沙律，幾多元化同開胃前菜四選一a） 時令生蠔兩隻朋友話都幾新鮮，好鮮甜前菜四選一c） 煙三文魚配牛油果他他 前菜四選一b） 法式焗蝸牛配薯蓉法式焗蝸牛仔係我哋食開嘅田螺，啲肉幾容易了出來， 幾爽口前菜四選一d） 藍青口配辣蕃茄汁法多士呢個前菜係簡直驚喜地大碟！完全冇諗過會有咁多青口！ 仲要幾好食！ 番茄汁小辣唔算好辣，多士好脆跟餐： 黑松露蘑菇湯配麵包湯好有黑松露味而且好滑， 食咗有少少嘅蘑菇粒主菜七選一和牛芝士漢堡配有皮薯條漢堡幾高質，個麵包超脆！唔會令人食到飽飽滯滯！和牛煎得夠香！有牛肉味！主菜七選一日本帆立貝乾棗義大利麵配茴香脆脆帆立貝意大利麵都好食，茴香脆脆唔知係乜野黎…但係唔係好脆主菜七選一烤澳洲草飼西冷，西冷煮得剛好！有肉汁唔會乾，仲食到牛香味，又唔會太生！仲連埋普通餐飲！埋單先知原來三送一係三人同行一人價錢！即係感覺又再抵左！我地五個人食，每人都

在openrice訂位時選了$2一里優惠，到場入座時及點餐時職員都沒有說明只適用a la carte部分菜式，結賬後問起才說Asiamiles方面有限制，但openrice訂座頁面上並無特別提及。兩個人各自叫了一個餐，另外除了隨餐加購了生蠔再叫了一打生蠔，當中法國Gillardeau蠔口感爽脆稠滑，其他食落就不太新鮮。牛扒要了五成熟，但肉食落都有啲柴，同中間筋亦比較多。總括嚟講用餐體驗都可以接受，可能因為客人比較少中午都算靜。不過如果無咩特別應該就唔會再嚟

今次因為特別原因，沒有食lunch，而係來試左下午茶，原來like and share FB仲有指定飲品送，係fruit pinch，唔錯！送的飲品，幾好飲！仲有送的蒜蓉包，夠蒜蓉香，可惜有啲燶得黎又唔係太脆，少許失望。佢嘅tea menu有set 亦有a la carte，有頗多甜品類嘅選擇，由於有送飲品，所以選咗一個單叫嘅小食拼盤，另外其他都叫咗甜品set。呢個拼盤唔算太heavy，每樣食物都OK，最啱幾個人share。呢個焦糖燉蛋好香甜，焦糖做得好脆，值得回味！個疏乎厘都係高水準之作，配埋雪糕食，一冷一熱，感覺一流！最後芝士餅，賣相好靚，可惜個餅底做得一般，感覺有啲濕同鬆散，可以唔使encore。整體來講，餐廳嘅環境係舒服嘅，食物水準都唔錯，想過一個休閒嘅下午茶，都係一個好嘅選擇！

黎呢間社交平台有優惠既靚餐廳下午茶🙈🙈下午茶冇咩人，所以同同事坐好耐都冇人趕😂 情侶黎好有情調架！仲可以選擇坐戶外座位！下午茶餐牌～有鹹有甜、有飽肚有輕食，任君選擇！睇睇下餐牌仲發現有優惠！1. Like 社交平台page 會送welcome drink 🍷2. Share 任何 社交平台post 送蒜蓉包🥖 (每枱最多送兩客！）Welcome drink 係 fruit punch 🍷蒜蓉包一客有兩塊架，都好脆，係燶左啲哈哈。咸食拼盤右手邊有四舊「發達」芝士，食完唔會發達，但好濃味架！甜食～焦糖布丁同芝士餅正正常常，但打卡都幾靚架！梳乎厘要等20分鐘，質感好滑溜，但可惜橙酒味偏淡，如果濃啲就好啦！Tea set 送凍熱飲，要額外加一。餐飲可以+$15升級特別咖啡☕️聽講晚餐唔錯，等我下次試下正餐先！