麥當勞 (葵盛東商場)

Open Now

Now Closed

有無人同我一樣好中意食燒雞呢😍😍永遠去快餐店我都係揀燒雞食😆估唔到麥當勞麥炸雞會出新口味，仲要係蜜糖BBQ味🍯🍗作為燒雞迷既我第一日就去左試😍蜜糖BBQ味麥炸雞望落好juicy💦💦一d都唔乾，淨睇外形已經好吸引😍食落甜甜食，唔食辣的朋友有福了，一啖咬落去仲有肉汁流出🍗🍗質素超乎預期💥依家去麥當勞嗌10號餐，可以揀食全新蜜糖BBQ味麥炸雞，感覺無食炸雞咁熱氣，可以食多舊都唔驚😛😛麥炸雞一直都係最愛嘅炸雞😙.好味: 🤤🤤🤤🤤/5推介: 👍🏻👍🏻👍🏻👍🏻/5性價比: ⭐️⭐️⭐️⭐️/5人均$45 Dinner

公司附近冇乜好野食 所以有一排冒住爆瘡嘅風險差唔多日日都食m記😳I'm loving it!. 由細細個聽到依家 真係幾深入民心 以前覺得有得食m記係一件好幸福嘅事 但大個咗就覺得m記只係頹食同糧尾之選(個人想法only)麥樂雞餐一直都係我嘅至愛 因為佢係麥當勞入面嘅超值套餐只係25蚊雞 而且味道都唔差 雖然好耐之前好似有講過啲麥樂雞有問題(?)除非有啲新嘢推出 而我又好感興趣 我先會嗌麥樂雞餐以外嘅餐 每一次食麥當勞我都會嗌一杯熱朱古力因為我覺得食完薯條或者麥樂雞呢啲油膩嘢 飲番杯熱朱古力可以幫助降低罪惡感

麥當勞新品試食系列💕▫️食品：18件麥樂雞🐔▫️價錢：$44（餐）—1)Salted Egg York Sauce：咸蛋黃醬🤨評分：🥚🥚雖然佢個咸蛋黃味係好濃而且似食真既咸蛋，但同麥樂雞唔多夾。—2)Honey Mustard Sauce：蜜糖芥末味🤩評分： 🍯🍯🍯🍯蜜糖味好夾，之前都好似出過。—3）Lemon Aloli Sauce:香草檸檬味評分： 🍋🍋🍋🍋新品都唔錯，食落有fresh既感覺，好清新🤭而且檸檬味唔太濃，怕酸既你都可以一試🤓—4）Red bean Curd Roast :南乳燒雞？評分： 🍄超難食，完全試唔到咩味🤨淨係見到個色同賣相都驚，一食落口想嘔🤯—5) 原味 甜酸醬評分：🤤🤤🤤🤤+0.5🤤始終都係最好—見到我食完既醬淨幾多就知好唔好食🤫🤫🤫🤭一個人食18件係會死人🙄🙄🙄好飽、好飽同好飽（重要既事講3次！！）-

早餐唔想係屋企煮又唔想太早起身又想方便D又想食飽D緊係黎M記食個醒神全套餐喇仔加買卑咖啡真係可以頂足成日㗎大家都知M記價錢夠親民而且配餐有效率材料新鮮不再講之餘而且份量又大份就算日日食都唔係問題而且屋企肯定有一間在左近大家搵唔到聚餐地方可以考慮食M記而且坐得舒服又有廁所可以慢慢嘆下卑咖啡心情都好舒服又唔洗行咁遠車錢都省了所以食M記快餐真係又方便又快而且定期都會出新嘢每次行開經過都會買雪糕食而且我仲次次都有買為食卡好抵食

見到麥當勞又出呢個薯餅牛堡緊係要食啦! 仲有至愛既扭扭薯條，當然唔少得加埋個龍蝦湯，等到頸都長先出，龍蝦湯夠濃郁～雖然都係味精湯，間唔中飲下無問題既😆 最緊要好食!

之前食過一個美味安格斯牛肉漢堡包，職員送我一張雪糕換領卷，因為6月尾會到期，我今日lunch 又不係好夠飽，所以去消滅罪惡嘅雪糕🍨滿心歡喜換到我最愛焦糖味芭菲加Oreo,誰不知佢無左住見佢同booklet 都一樣大杯，實物同相是非常相似，Oreo 下太甜，mini 剛剛好，但條朱古力棒有d 過甜又無朱古力味迫。個醬同士多脾梨雪糕一樣，有果肉混在醬入面。可能我之前食得大飽，再加上佢好大杯，一個人食係不能完成。我只食到佢4/5，最後曬咗5分一。

食老麥其實都可以食好D,出面食個靚仔些沙律都要五十幾。但老麥食個凱撒沙律餐都不過是34元。有日green Monday 我都會諗起佢，獨自一個幫襯附近麥當勞。凱撒沙律入面有芝士片，麵包粒，羅馬生菜一d不馬虎，清甜新鮮，加埋個熱辣辣薯條就sure win.今日仲試埋新產品蘋果梳打茶，不知係果茶不甜定佢多冰，真係無咩味，相信怕甜女仕們可try try,只係跟歺加三元。我仲見到coming soon 個包，下次我食完再分享🖐

說真的，我唔想墮落到連M記都寫，不過我N咁多年無食過M記早餐，而是次老妹返夜，晨早流流買左M記早餐俾我食，好滾動~~買左熱香餅餐，熱香餅抹上牛油再沾上楓糖醬好香甜，成個人都清醒哂。熱朱古力只有微香的朱古力味，非常甜，個人覺得太甜了。薯餅紙係minion，好可愛，薯餅炸得香脆，略嫌有點油。食完阿妹買返黎呢個早餐，更加精神，返工努力搵錢！

麥當勞比起其他大企業黎講都算有良心，價錢雖然有偷偷咁加上去，但份量同品質都差唔多，好過佢對手雞大叔，加價又縮水其實次次幫襯都覺得食物水平唔錯，每次啲野食到手都熱啦啦，新鮮整起，而推出既新食物都唔會話太騎呢，抵佢開完一間又一間但呢間係我男友屋企樓下既麥當勞就真係不知所謂！我唔係講佢既食物品質唔好，而係講佢地啲員工，朝早落去嗌餐就要重覆好幾次，大大聲聲啲阿姐先聽到；中午落去買就三次有一次總有啲甩留，例如比錯餐、錯單等等；夜晚去呢就一班後生仔係到嘻嘻哈哈，等好耐先有餐…總之就新奇有趣，攪作多多！宜家每次買完外賣都一定要拎哂成份出黎睇，確保無甩留先敢攞走。唉…雖然我明你地收廿八蚊個鐘好慘，但都有返啲工作精神好無？有啲阿姐聽我男友講仲由開鋪做到宜家！不過話哂呢篇係食評，當然要寫多啲關於食物既野。佢新出個個抹茶紅豆新地真係好正！整個配搭唔會話太流，啲雪糕食落又夠滑，而且都係七蚊杯，好抵食如果唔係成日受氣我一定成日幫襯（宜家好多時都係葵芳葵興買上去算！