味帝漢堡 (Closed) View

前日（16/02/24）經歷過最嚴寒的星期日，到今天氣溫逐步上升，沒有那麼的冰凍，可是天仍下著雨呢！不過還是跑到大角咀裡去，特別是在埃華街一帶，踏上覓食路上。所選的食店是味帝漢堡，是一間罎漢堡包的小店。話雖如此，但從黑板中卻又發現有意粉食添。初時走到店子門外，所看到的，原來是一間非常細小的店子，室內只有四個座位，門口卻只有三幾張的櫈吧，廚房已佔了差不多全部店舖。牆壁上和店子門外擺滿了餐牌，一目了然便知道有甚麼好吃，不用多說，但依然手執餐牌看看。原味芝士牛肉漢堡中的牛肉，是選用了牛仔骨肉，廚師先把牛肉煎好，再把蔬菜和蕃茄鋪在麵包上，然後就把芝士放在牛肉上再焗，一會兒後，把牛肉與芝士放在蔬菜上，在那半溶的芝士上加上茄汁及芥末醬，再鋪上麵包，一個漢堡包就完整了。麵包當然是鋪滿芝麻，也有烘過的，吃罷漢堡包，那源自牛肉的濃郁味道，加上芝士蔬菜蕃茄的爽脆與酸甜，帶來滿足的滋味，然而夾在漢堡包裡的青瓜，沒有哪種酸瓜的酸味，卻只有淡淡的青瓜味道。從來不會懷疑，薯條與漢堡包之間的角色，也從來不會問為何有此配搭，久而久之，也許默認了薯條與漢堡包是最好的拍檔，只是配搭的，是粗還是幼的薯條，而今晚所吃到的，是

今日年初六, 晨早就去左大角咀拜年, 拜完年之後, 2個人就諗住係附近搵野食, 見到呢間有人排隊, 心諗應該唔差, 就試下啦！雖然鋪面細細, 坐位唔多, 但都坐得舒服, 排隊客有大部份是外賣! 我坐在門口廚房玻璃門前的高枱, 背著大街, 天氣涼涼, 感覺寫意。我被貼在玻璃上宣傳的中式漢堡(rice burger)包吸引, 有海南雞飯漢堡、北菇滑雞飯漢堡及窩蛋芝士肉漢堡。三樣都咁吸引,最後我揀左窩蛋芝士牛肉漢堡! 個burger好大件足料, 最搶鏡係原隻窩蛋係個burger 入面! 塊牛超厚身! 牛肉質地同口感滑, 不會好乾的那種, 混入芝士同飯一齊咬入口,哇! 正wor 窩蛋牛肉飯的新食法😁extra 係套餐的熱茶係我喜愛的Twinings Tea跟餐亦可選擇薯條、沙律或奄列, 由於新年食野唔想咁熱氣, 所以揀左沙律。 個沙律都好足料, 且用料新鮮有誠意有

在街巷中看見這間小小的店，就會有種想要尋寶的動力！門口聳立著小黑板，寫著海南雞飯堡，如此有趣的配搭，與友人決定在這裡進餐~廚師正煎著香噴噴的食材，未點餐已是猛嚥口水中~店內面積狹小，連同外面的吧枱位，約可坐六人左右，亦有不少人外賣自取。 牆身貼著不同的美食照 旁邊放有不同種類的書籍， 書卷味即時upgrade!香草蘑菇西籽豬柳漢堡 $40點上自己最愛的蘑菇豬柳漢堡，即叫即製，被一輪香氣攻擊後，然後乖乖把它帶進肚子。飄出濃郁香氣的蘑菇餡料，連同主角豬柳一口咬下，肉汁峰擁而來，豬柳比平日吃到的很不一樣喔！裡面是鬆軟彈牙的豬肉粒組合而成，豬肉香完全充滿在口腔之中~焗爐烘脆的芝麻麵包，新鮮水分充足的蕃茄與生菜，實在漢堡的最佳夥伴！呷一口Breakfast tea，舒心寧神~ 友人是魚堡愛好者，吃過無數魚堡的她也對此大讚！香濃惹味的調料，令魚味更香濃；煎得香脆的表面，對比出裡面嫩滑多汁的魚肉~ 配上這熱氣四溢的羅宋湯，整個很配！ 臨走時才發現跟餐可轉朱古力，所以說下回再來時要東張西望，發掘一下menu沒有的好東西！

回顧這一年吃得最多的食物,漢堡包係我吃得最多的食物,無他既,一個包,一份手打牛肉漢堡,夾埋一起吃已經對我嚟講已經係極品。年初五,收工去了大角咀做完運動,經開埃華街,這條有很多經營食店的街道,發現一個海南雞飯堡既招牌,引發我好奇心一試。相信好多人應該被招牌所吸引,已有數名食客在等侯。我等了約十分鐘終於可以有得坐啦,哈哈店子環境雖少,裝修以綠色簡約為主,牆身也貼着店內提供的漢堡照片。除了看漢堡照片外,餐單當然不能少,設計簡單。本來想叫海南雞飯堡,但由於太好賣,海南雞已售罄,店員推介我一款雙層牛肉煙肉漢堡加25蚊套餐配窩蛋芝士薯條,飲品係一罐COKE ZERO。雙層牛肉煙肉芝士漢堡,店員果然冇介紹錯,漢堡扒一塊已好厚身,兩塊更加不在話下,漢堡扒肉汁相當豐富,煙煙肉煎得脆口；漢堡包必備的沙律醬汁份量都頗多,配生菜蕃茄一起吃倍感滋味。窩蛋芝士薯條加25蚊可轉套餐,味道確實不錯,芝士量頗多,配窩蛋其實幾特別,粗薯條薯味比較濃郁，假若再脆口一點就完美。吃過這美味的一餐又要繼續努力KEEP FIT 了,哈哈。

今日朋友帶我黎呢間位於大角咀嘅小店食漢堡和薯條。面積大約一百呎左右，頂盡坐得七個客。點了一個香草牛油煎魚堡，同一碟窩蛋芝士焗薯條。飲品方面除左汽水，我更欣賞佢地仲有中國茶提供，好似普洱咁。間舖雖然細，但係佢地都放左好多書俾客睇，真係周到。而且仲將菜式嘅相片同資料填滿牆上每個空間，既能令到環境更有特色，亦方便D客揀野食。個飽黎到，睇到裏面就有生菜，蕃茄，魚柳同D醬咁，就係一個普通漢堡。但一食落去，嘩!! 塊魚柳醃得同煎得真係非常出色，入口每一啖都惹味到好似嘴嚼緊一枚華麗奪目嘅煙花，一吓又一吓咁響味蕾中綻放艷光四射嘅繽紛色彩，實在令我驚嘆。好快碟薯條都上埋黎。煙靭纏綿散發著濃郁芳香嘅芝士溶晒響一條又一條粗獷得黎食落香脆可口嘅波浪紋薯條，熱氣騰騰同時又閃出金黃色的耀眼光芒，簡直係震古鑠今嘅黃金組合。好食到唔駛一分鐘，我同個朋友已經清晒。能夠嚐到美食固然高興，但令我更加高興嘅係睇到呢兩個廚師努力用心製作菜式後交俾客人果刻嘅成功感同滿足感。凝聚了希望，理想，恰似在石屎縫中掙扎求存嘅盛開小花，不屈不撓，散發著人情味。

平常經過大角咀的我，今晚朋友介紹我到一間"用心經營"的食店。"May Day Burger"雖然地方不大，但很多人外賣及有情侶前來進食可見它的吸引力。喜歡綠色簡約的設計，而且利用粉筆寫上食品又有相片或圖畫很特別。我們等候期間，拿取外賣紙看一看吧！分別有單層或雙層Burger的選擇！而且可選擇牛扒/豬柳/蘑菇奄列等，Burger內有蘑菇奄列第一次見!!客人更可以自由加料，任你選擇。小小店鋪，多元化選擇有Set A-C套餐優惠！碎蛋煙肉豬柳漢堡包$50 + $15 薯條 & 雀巢檸檬茶 =$65首先到來，碎蛋煙肉豬柳漢堡包超級巨型，碎蛋三文治平時食得多，配上漢堡包都是第一次呀!店主說:芝麻麵包由附近一家麵包店供應，每個麵包都經過烘焙過，脆口又鬆軟。豬柳淋身，而且不太油膩；肉質滋潤柔軟，煎後就會好 juicy！雙層芝士碎蛋煙肉牛扒漢堡包$70 +$15 薯條 & 薄荷茶 =$ 85牛扒漢堡再配搭芝士、煙肉、碎蛋；以蛋為配料的早晨 feel~自家製的免治牛肉經過醃過夜入味，讓牛肉吸收油份!而且並非用甚麼名貴牛肉，家常牛肉弄出美味的食物~木系匙叉作餐具，薄荷茶利用歐洲風塘瓷杯碟來襯漢堡，滲透了店

之前和朋友在大角咀食飯，回去時看到一間位於埃華街117號地下B舖的Burger小店，門口玻璃窗用粉筆寫著海南雞飯堡，很吸引的名字，Step決定要和娘子weekend去試一次!!由奧運地鐵站行過去都要差不多15分鐘，MayDay的舖面不大，廚房已經佔了店舖的2/3面租，堂食的話就只有大約7個座位；如果天氣好的話，出面街的欄杆位MayDay也裝設了餐桌和座位，可供顧客享用，幸好這條埃華街在星期六時間不算很多車，顧客仍可安靜地享用美食。不過，如果可以的話，外賣會是一個好選擇(要自己親身自取)。味帝除了有一張print好的Menu外，還有其他不同的額外Menu可供顧客選擇。他們還會用粉筆在廚窗上寫上最新的seasonal burger，好像海南雞飯堡就只有廚窗上面有，Menu是沒有的；如果想試新東西的話，最好先問問店員，可能有意外驚喜。海南雞飯堡(套餐$80) (4.5♥/5♥)店員極力推介Step試，這個是他們最近新推出的最新飯堡系列。店員介招時指出海南雞並不是用新加坡上湯浸熟的煮法，而是用獨門西式方法慢煮而成，食入口的感覺，會比出面的海南雞肉更滑更嫩又可以保持肉汁鮮味。等了15分鐘，終於完

年二十八放假第一日 去大角咀揾好野食。之前朋友介紹過有間漢堡好特別，咁就一於去試下啦！店鋪小小，位置不多，一眼睇晒，感覺有點似cafe, 裝修別緻,可以揀座出面或者入面座。亦有外賣服務提供架。餐牌選擇好多，有傳統芝士漢堡，碎蛋牛肉漢堡，仲有好特別既海南雞飯堡，窩蛋牛肉飯堡，北菇雞飯堡，小食，甜品等等我地揀左海南雞飯堡同雙層芝士碑蛋煙肉漢堡加$15有薯條及汽水 可配中國茶，唔要薯條既話有沙律，奄列揀！海南雞飯堡-好好味！飯外面煎到金黃色，脆脆的，食落唔會散，代替傳統麵包配上嫩滑的雞肉，加上泰式醬汁及青瓜絲，用料新鮮，味道比海南雞飯更美味(如果唔食皮既，可以叫走皮架  ) 雙層芝士碎蛋煙肉漢堡- 這個漢堡的確美味，一到香味已經令我流口水喇 漢堡的包外脆內軟，雙層牛肉芝士配上煙肉，碎蛋，生菜，蕃茄，加上BBQ醬汁。咬一啖都要小心啲，因為整個漢堡有一罐汽水咁高，大食既你一定會好滿足。牛肉滿滿的黑椒味,熟度岩岩好, 咬落去十分juicy, 肉汁加上芝士，十分美味，煙肉香口又脆，配上碎蛋沙律，味道絕配呢 整體感覺食完唔會太膩，加埋可樂 正呀 ，食物即叫即做, 用料又新鮮,味道一流,會再

Lunch 時間只是想同相公吃簡單一點, 相公想食漢堡之餘我又想食薯條, 哈哈, 就找間漢堡小小店食先. 這間味帝漢堡只有幾個座位, 因為我們差不多兩點先吃Lunch, 所以剛好有位子menu有不同的的漢堡選擇, 而且有些新出的連menu 都未有, 所以最好都係先問問店員吧我就叫了個套餐, 野飲就叫了杯Twinings Earl Grey Tea (套餐加5蚊), 果有咁凍當然要飲杯熱飲暖下個胃先啦~不過如果只叫汽水的話就不用再加錢的說~我的雙層芝士漢堡來了 (HKD60 + HKD 15 set B 蘑菇奄列+飲品), 好巨型, 好厚的說, 一手不能掌握的漢堡, 我都係分開逐層吃吧~濃厚的芝士, 加上蕃茄醬, 酸瓜等, 再配上厚肉多汁的牛肉漢堡及特製的漢堡醬汁, 酸酸甜甜, 層次豐富, 非常滋味加上煙肉等, 我食了一層已經要大叫投降的說, 相公, 你加油幫我吃吧~不過說真的就算牛肉漢堡加上煙肉芝士等, 也不會覺得太鹹, 不錯!薯條, 是我最喜歡吃的厚切薯條, 加上灑上辣粉, 好野味啊~至於蘑菇奄列, 熱辣辣的, 但略微淡味, 但蘑菇加蛋, 再加上千島醬, 也算不錯.至於我相公叫的特別

走到大角咀覓食，看到這間令人感到新潮又放鬆的小店，以木為主的裝修，開放式的廚房，給人一種沒架子的感覺。 最可惜的是，店舖面積實在太細小，即使算室外位置在內，亦頂多容納六人，我們用餐時，看到不少人留步探個究竟，可是又因滿坐而離去，實在太可惜了。而且當時店舖只有一人在煮食，看他一腳踢忙得六神無主的神情，平日急燥的我們都耐心等起來。 門外的玻璃張貼着海南雞飯漢堡的圖片，吸引了我一試。將飯整成漢堡並不是新鮮事，但將海南雞變成漢堡的餡料，實在新奇！ 很欣賞那雞肉的份量夠多，而且很嫩滑，配以青瓜及泰式辣醬，富有風味。 而那煎過的飯身吃下亦覺有油香，不知是否故作油飯還是煎的時候隨意加的油呢？其實說穿了，改頭換面後，它還是海南雞飯罷了！不過是有水準的海南雞飯！流心蛋+芝士+薯條！ 薯條不經油炸，口感較乾，而且不會脆，但就是感覺會較健康不油膩吧。薯條用氣炸鍋焗過後，再加入大量Mozzarella芝士、芝士粉及窩蛋再焗一會成流心蛋，這配搭很不錯，不過有蛋液的部位無可避免會變得濕潤軟腍。 這裡的漢堡選擇實在有很多，如果只看點餐紙，會以為只有幾款，但當你仔細看看

大角咀愈來愈多本士小餐廳 經過當然要試一試 呢間漢堡包店雖然近地鐵站 但唔熟路都可能有啲難搵 佢主要做外賣 店內得兩張二人枱裝修得幾靚 今次同朋友試左兩個包同埋一份小食 日式雜菜燒餅漢堡 $50一個素食漢堡 雜菜燒餅系幾香口 成個包都幾fresh 但系要有心理準備 漢堡無肉總系爭緊啲野😕 同埋要$50一個 加$15先有套餐 唔抵食 芝士豬柳漢堡 $35呢個包做得唔錯 裡面嘅酸瓜系切碎嘅 mix埋佢個醬汁 同埋有層薄嘅脆脆 整體來講好味！$35都叫接受👏🏽薯條味道無咩特別 不過佢系用氣炸 唔系油炸 相對地健康啲 但就要等耐少少 碎蛋沙律 $15系名副其實嘅碎蛋沙律 真系得蛋同沙律醬 毫無特別 如果用來做漢堡包嘅料嘅話 都叫正常 但系去做小食 就會非常失望😟

港式漢堡這裡有大角咀埃華街117號地下B舖好耐無過大角咀亇，見到雜誌介紹創意新奇漢堡，咪專登過來試。窩蛋芝士雜菜薯條, 先把隻半熟太陽蛋弄破等蛋液同芝左融合, 絲牽引住不過雜菜比較水, 更有濃郁架蛋黃香, 食入更黏更濕更香口 住半溶又令蛋液開始凝固有D似JELLY狀。日式雜菜燒餅漢堡, 個醬係日木大阪燒個醬, 酸酸地咁, 因為蔬菜本身淡味, 靠曬個醬來提味架啦。炸雜菜有椰菜蕃茄同蘑菇。成個都好厚身，壓一壓成個咬。蘑菇奄列仲有蛋汁7成熟，灑了幾多迷迭香好濃郁，仲有千島沙津醬。漢堡加羅宋湯，牛肉芝士係最classic,牛似一片片薄片炒好再夾入飽到，個包會烘一烘所以脆脆地。羅宋湯都加了牛肉片，可以沾一沾個漢堡一齊食，不過會發水影響質地，試下貪新鮮就好了。食物是即叫即做, 充滿了港人的創新精神, 行開大角咀不妨來試下。

大角咀這地方，看似偏遠，但其實與奧運站很接近。這次與朋友來到這隱世地方覓食。從店面可以看到有很多不同種類的漢堡，其中海南雞漢堡我想真的是史無前例xd夠創新!因為看到牆壁上寫著店長推薦是雙層芝士煙肉牛扒漢堡，所以便選了這個漢堡試試。加$15 有薯條和可樂，當然要加了。因為今晚的場太旺了，單接不暇給，所以也等待了一段時間才有。收到漢堡是嚇了一跳的，沒有想過這麽大，非常非常的足料。牛扒有2層，有蔬菜、蕃茄、芝士，如果不是像我這麽大胃的女士，建議可以與人分一半吃或吃單層漢堡@@一口吃下去，吃到外微硬內軟的漢堡麵包，爽脆的蔬菜，清爽的蕃茄和溶化的芝士。我覺得等待是值得和價錢是合理的。薯條方面，可能因為用了真空炸鍋，沒有用到任何油來炸，所以薯條脆得來又沒有油膩感，很好。飲品方面有C＋，ZERO，忌廉，雪碧等，能自行選擇。

又到了happy Friday，就和朋友到了奧海城逛街，打算年前買買新衣服。友人提醒了我們奧運和大角嘴相連，步行也是需數分鐘，就一起到大角嘴覓食。到了埃華道轉角就被人群吸引過來，決定一嘗就小店。店內位置很少，老闆也在忙碌幹活。 看到這是店長推薦，當然要一試。我選擇的是牛肉，牛肉無論是肉質，調味也很好。不像m記的機製肉餅，這仍能吃出肉粒，肉汁也飽滿。而芝士並不是普通的一塊芝士，而是將芝士碎放在肉餅上焗，所以有拉絲的質感。漢堡也非用普通生菜而是用沙律菜，加上調味的醬味，為整個漢堡錦上添花。而且漢堡的包也烤的很美味。 粗薯條比起幼的吸引得多，不但香脆，還可以吃到裏面的薯蓉👍本身已有調味，但我還是喜歡加一點點茄汁。店內也有沙律醬可以加，隨客人喜歡。總括而言，從食材用料，調味，還是從十分忙碌中仍能保持水準，都能看到店家的誠意。原本我想一嘗飯堡，但因時間偏晚的關係，飯堡，蛋沙律都沒有了，有點可惜。但以這個質素，絕對對得起這個價錢。順路一提，若想試的話，下午的時候或是選擇外賣比較好，不用等這麼久。

聽人講大⻆咀多左好多好既食店，今日專程過來行下睇下，果然有發現。見到店內呢個黑板風格既餐牌真係幾有feel，食物種類亦都好豐富，另外廚房係開放式，都幾乾淨，而食物係即叫即整，夠新鮮。睇完餐牌後叫左碎蛋芝士漢堡、碎蛋芝士煙肉漢堡、蘑菇奄列、羅宋湯同熱朱古力，2個人都夠食。今日天氣幾凍，飲熱既羅宋湯就岩哂，湯唔算太酸，而且夠濃郁，入面既配料入味得來都keep都少少口感，唔會話太軟綿綿。至於熱朱古力濃得來唔會過甜，而且有加入棉花糖，多一重口感。蘑菇奄列外層既蛋好嫩滑，再配上帶有微微甜味既醬汁和香草，內裡既菇鮮味濃郁，口感彈牙，整體配搭得很好，推薦。碎蛋芝士牛扒漢堡：牛肉熟度岩岩好，夠新鮮亦好有牛味，食落亦好多肉汁，加上碎蛋芝士和沙律醬，消除左漢堡本身油膩感，推薦。雙層碎蛋芝士煙肉牛扒漢堡：同普通牛排漢堡比起來份量更多，而內裡煙肉都保持到微脆口感，不過體積較大，口細既人要慢慢食。其實整體食物質素都高，價錢亦唔貴，同樣食物質素某些地區可以貴一倍，間唔中來大角咀搵下好野食都唔錯。