美心MX (Closed)

看到美心這麼快就推出火鍋了，又忍不住來試一下。這次新推出的湯底主打的牛乳，我們就選了辣牛乳湯底配牛肉+豚肉，另配了草莓乳酸。辣牛乳湯底的牛乳味不算濃，反而辣味突出一點，如果就這樣喝會覺得有點辣，如果用來打邊爐就剛剛好。牛肉、豚肉各四片，牛肉切得很薄，口感不錯；豚肉就普通。另外就是墨魚滑、菜、烏冬等，份量都不多，兩個人吃一個就不夠飽了。草莓乳酸味道過甜，有點像瑞士糖的味道，哈哈。這次吃火鍋有點失望，也許下次不來這間了。

1/7/2008很久沒有來這分店。附近沒有適合的選擇，所以就在這裏外賣午餐。炸蝦雞塊扁烏冬。炸蝦兩件，很小型的，味道普通。而雞塊只有一件，一般水準。扁烏冬沒有甚麼口感，很滑，有點像河粉。湯底沒有甚麼味道，整體而言，失望得很。可能是不合我口味吧……

6/4/2008還有兩張coupon，而家附近的另一間快餐店仍在裝修，就試試這裏吧。要了個早餐D(定係4?)，望落好似好豐富咁，點知番到屋企一打開，又再一次ge失望了。除了雞蛋和飲品以外，其他東西ge份量都是另一家快餐店的一半，但係價錢跟人家的卻差不多。比人家少一半的蘿蔔糕，細了一半的雞扒，還有只有半碗的米粉。其實食物味道ok，但係份量不夠，心情也大打節扣……不禁問自己，我真的「好大食」嗎？

兩點幾，諗住食下午茶當做lunch。好耐無食過美心ge燒味，就試下啦。要了個燒鴨瀨粉，份量少得很。燒鴨少，瀨粉也少。對於我來說，實在唔夠食。味道還可以。但份量太少，感覺不值。還是到其他快餐店吃下午茶好。

15/3/2008午餐實在想不到吃甚麼，拿著五張美心MX現金券，就試試這裏的午餐吧。$29.5點了一個海鮮喇沙湯米，帶回家吃。收銀員提醒會有點辣，很細心啊！試試一試，真的有點辣，但是椰汁味不夠香。配料方面，魚有幾塊，好像曾經「走油」，沒有腥味，很不錯。蝦只有一隻，但很鮮甜！^^ 另外配了兩隻香芽雞翼，覺得太乾了，感覺只像炸雞翼。這喇沙味道很不錯，但對我而言，份量實在不夠。$29.5，沒有飲品，份量也不夠吃，應該不會再試了。(不過會試試其他東西^^)

今晚嚟試個韓日兩食,人參雞湯套餐.人參雞湯有一大隻雞肶,四條參,三粒紅棗,大蔥,薏米.好入味,好濃,好好飲.配菜有大豆芽同泡菜.我要滑蛋雞扒,輝要咖哩豬扒.滑蛋雞扒好少蛋,雞扒唔.咖哩豬扒即吉烈,好脆口.

臨去車公廟前嚟醫肚先,冇咗個餐,唯有要碗仔翅拼咖哩魚蛋.咖哩魚蛋四粒,蘿蔔四舊,豬皮兩片.碗仔翅份量少,四羹就冇了,而且好水.

因為親戚突然約我家吃晚飯，難得阿媽准許我可以不去，於是吃過晚飯才回家﹗但飽和狀態仍達九成九，今餐只是”陪吃”。朋友點了迷你火鴨盤菜，有幾件多肉火鴨﹑2大件豬手﹑腐竹﹑白蘿蔔﹑邵菜等，配白飯及中國茶，加多個菜也只是$39，確實抵吃啊﹗吃過丁點兒瓜菜，雖然汁的顏色超深色，不過味道沒預期的濃味(未至於沒味…)，整體上也不錯的。

很少來這店，因為過往在此有點不愉快的經歷。今次專程來試試這裏的公司三文治。饀料的確很多很豐富，有青瓜、蕃茄、生菜絲、雞絲、雞蛋。味道很清，但不太惹味。雞絲似是用熱水白汋的雞肉，完全沒有味道。如果加一點點醬料，稍稍煎香，我相信這份公司治，必定十分美味。配了不少薯條，份量足夠。很滿足的一餐。如果份公司治香一點，更好。^^

因對美心有好感,今日又再食tea,要翻(三魚)餐,即生菜魚肉,咖哩魚蛋及魚蓉燒賣加$6雪菜肉絲米.另一個煎釀四寶加$6雪菜肉絲麵.兩熱奶茶.(三魚)餐不用再講,講講煎釀四寶,一舊紅椒,一舊青椒,一舊矮瓜及一粒魚蛋.好香,但覺煎過龍,燶燶地.都係(三魚)抵食又好食.

好耐冇食美心tea,今日買咗公司三文治加$6要雪菜肉絲米.再要多個(三魚),即生菜魚肉配咖哩魚蛋及魚蓉燒賣又加$6要雪菜肉絲麵,兩杯奶茶都只係$52,超抵.公司三文治正過大家樂多多聲,有生菜,雞肉,蕃茄,青瓜,雞蛋,火腿,另有薯條,好味.雪菜肉絲米,麵,超大碗,好好味.生菜魚肉配咖哩魚蛋及魚蓉燒賣,生菜魚肉一大碗,咖哩魚蛋及魚蓉燒賣每樣有六粒,好好好味.奶茶唔洗講,總之$52抵食又好食,正!!!

今日唔開心,唔知想食乜.求其買個义燒拼切雞返屋企食.一打開個盒,好開心,因為係切雞脾.仲覺得好好食.但經一輪過後,諗唔翻啲义燒雞係乜味,因為啲唔開心既情緒又返嚟!

見美心繼sabu sabu後有大厨煲仔系列出,一於去試吓,一個黑草羊腩煲,一個蘿蔔牛腩煲.見個煲暖暖地夾舊食,一咬開,嘩!凍既,攞住個煲走去問經理,叫佢加熱,點知佢攞翻個煲嚟我枱,再叫個員工攞多個爐嚟,哦!原來要有個爐煲住既,真係唔講唔知喎!最後:個牛腩好淋,蘿蔔好甜,羊腩都唔錯!貴咗少少!

等左成個星期，終於有時間０黎美心食沙ＢＵ沙ＢＵ火鍋＾３＾６點５就到美心，已經有十多人在沙ＢＵ沙ＢＵ中～等朋友等左１５分鐘度，人越黎越多，我個心好驚，好驚冇哂沙ＢＵ沙ＢＵ啊＞＜（聽聞個火鍋好受歡迎，會有售罄的情況！）響６點９，朋友打電話０黎叫我買左自己０個份先，我立即飛去收銀買／／／嘻（而朋友都係遲５分鐘後來到）我要配豚肉＋蕃茄湯底，２分鐘就有餐，不過個湯要等１０分鐘先滾起。墨魚滑中應該加入了蝦肉（好重蝦味），食落去熟透蟹子卜卜聲﹑墨魚滑超級彈牙，好好食同埋好好玩；牛肉不錯（因為唔係肥牛）；豚肉很滑很好食；湯底好好飲，好重鮮茄味。呢個餐係３：２：１（生菜＆邵菜：牛肉＆豚肉：烏冬等配料）哈！朋友要配醉雞＋麵豉湯底。我試左雞，是出奇的彈牙同滑；個湯底被醉雞滾到好有酒香味，哈哈～似乎朋友幾鐘意呢！我咁大食都食到飽一飽，不過朋友就唔飽，所以男仔去食要加返其他０野食先得了＾＾“

豬手麵＋汽水（朋友說很難吃，我冇食到豬手覺得都唔錯丫ｄ麵）碗仔翅＋咖哩豬皮蘿蔔＋汽水（好好食，咖哩汁很惹味）公司三文治＋汽水（一般喇，材料好多不過三文治同薯條都凍左。唔夠上次去康怡分店食咁正！）兩個人食哂三個下午茶餐（哈）結論:得人驚！...XD