美心西餅

Open Now

Now Closed

美心買賀年食品，見到Sanrio characters 聯乘美心推出賀年產品 Hello Kitty一口原味杏仁酥獨立包裝共12件，三層禮罐設計充滿濃厚節日氣氛，歡賀兔年 。禮罐還可作為收納箱，3層分隔設計便於分類擺放不同飾物，值得珍藏。Hello Kitty禮罐令人感覺喜氣洋洋的，每獨立包裝有可愛別緻的一口原味杏仁酥；知道杏仁條經繁複的摺疊工序做出層鬆脆酥皮，口感鬆脆，食落酥皮上佈滿香脆杏仁片，口感非常豐富。

我鍾意食傳統月餅，覺得傳統冰皮月餅好奇怪，但係年年都有機會食到一兩舊芒果味/芝麻味/朱古力味嘅冰皮月餅。今次公司又有冰皮月餅喇，我揀左芒果冰皮月餅，但食落冇芒果味，成舊都剩係得綠豆蓉味。咬到中間位置，先隱約見到d芒果醬，好似擠得一兩滴咁，慘過制水。成舊芒果味冰皮月餅都橙黃色，相信一定落左好多色素。我個人唔建議食太多冰皮月餅，一來佢屬於生冷野，進食過多容易積濕，二來冰皮一般以粘米粉及糯米粉製造，質地比較黏膩，好難消化㗎。

經過美心西餅是了這款新出的鹹蛋黃蛋糕， 味道驚喜到忍唔住想分享一下。當然要喜歡吃鹹蛋黃的朋友才值得一試， 這個鹹蛋黃蛋糕售價九個半。 包裝已經非常吸引 有一隻好可愛的蛋黃 卡通做封面。 係Sanrio出的， 喜歡Sanrio的朋友可能都會買嚟收藏一下。蛋糕面層和底層也是鬆軟綿密的蛋糕層，中層是鹹蛋黃忌廉等餡料。 一啖咬落去一層鬆軟，一層密密麻麻的，層次感豐富， 令人感到驚喜。 可惜卡路里不少，每100 gram有369cal， 怕肥胖的朋友就要慎重考慮。

今日有事，去咗中環港鐵F出口嘅美心西餅，點知就比呢款朱古力蛋糕吸引左，賣相好靚，好高貴，就諗住試吓，因為當日去到好早，價錢牌都未貼出嚟，買單先至$30一件，心諗估唔到美心西餅都咁貴，不過好想試吓，就買咗。因為放喺膠袋度，所以整污糟左😅蛋糕上面水水的是紅莓醬，配搭又滑又濃的朱古力忌廉，酸酸甜甜好夾。仲附送埋膠匙羹，可以邊行邊食，蛋糕裏面有幾層，首先係朱古力慕絲，中間似係榛子醬脆脆嘅餅乾，最底層係朱古力脆脆粒，口感好豐富，好好食，食完又唔算太滯，就係價錢貴咗啲😅

一直都很喜歡東海堂的紫薯撻和栗子撻，沒想到美心新出的「紫薯栗子撻」質素也不錯，一次過滿足曬「紫薯控」和「栗子控」🥰賣相與東海堂的栗子撻有9成相似，螺旋紋的紫薯蓉和栗子蓉味道濃郁，甜度適中，撻底頗酥脆的，不過略嫌牛油味不足😬內層由忌廉和海綿蛋糕組成，個人則不太喜歡🤔但因外層的紫薯蓉和栗子蓉十分香濃幼滑，令整體加分不少這件是士多啤梨芝士蛋糕🍰不過士多啤梨味極淡，但芝士蛋糕的味道和口感都不錯，可以一試😬

收工由公司坐地鐵去到中環已經有少少肚餓，又等緊朋友 同我地去食飯既時間又仲有一大陣時間~甘岩行入去美心西餅看看有咩包點，便決定買一個黎食 止下口痕先! 可能來時不算早，包點款式也不多反正係想食少少野 所以個空氣感既包就岩岩好啦唔會太多 原來用心良苦整體算是不俗。

I love cherries so got the cherry cake slice and cherry pudding.The cake was really good because there was tart cherry puree in the middle and nice cream.The cherry pudding was too sweet for my liking and the cream for this was a bit artificial.

我家的 二女， 今日發薪，她特地買了一個蛋糕回家 ....是 " 美心西餅 " 最新推出的 < Shiny Cherry > 系列的 「瑩夏車厘子蛋糕」~整個蛋糕最吸睛的地方是蛋糕面上粒粒碩大飽滿的美國新鮮車厘子，車厘子吃落多汁，酸甜果味足; 大家遂即把蛋糕切開，發現蛋糕裏面是有分層的 ~ 蛋糕吃落是有一點鬆軟，不乾爭但也不是很濕潤的質地，鮮忌廉沒有放得太多，反而蛋糕中間會有車厘子果蓉的啫喱及車厘子忌廉，啫喱裏的果蓉是呈流心狀兼且吃落是帶酒味 ~ 隨蛋糕會有一本介紹新系列蛋糕的小册子，據它的介紹 .... 這款 6吋 約 1.7磅 的「瑩夏車厘子蛋糕」是採用美國新鮮車厘子，蛋糕內的分層是法國車厘子果蓉蛋糕、法國車厘子果蓉啫喱、朱古力蛋糕、法式 Bavarois 車厘子忌廉 ~ 本篇完 ~

爸爸鍾意食藍莓，又唔鍾意食cream。之前佢生日，我睇咗好多間餅店嘅蛋糕，差不多全部都係用cream做最外層嘅。終於俾我搵到呢個蛋糕：藍莓山😊👍 重點係，外層係蛋糕，而唔係cream! 健康啲。😊👍 另外抵讚嘅係，面頭真係有好多藍莓 (美心話有超過100克)，而且食落係新鮮嘅。😊 入面有藍莓果蓉蛋糕、乳酪慕絲 & 啫喱夾層。😊 個底係消化餅。😊 雖然唔係話超好味，但都正正常常。😊 最重要係符合到爸爸嘅要求。$238，信用卡有折重1.7磅

近排早😝餐食太多法國麵包🥖🥖🥖，就會好想食三文治，所以就走去買三文治🍞🍞🍞。去咗中環站美心買三明治，13$價錢真係🤗🤗好抵。三文治選擇又唔單一，最重要嘅系一份三明治有兩款三明治。😋😋😋吞拿魚三文治同埋白汁番茄蛋粟米三文治吞拿魚三文治吞拿魚三文治就係一般貨色入面有薄薄既青瓜，青瓜脆口👍🏻👍🏻。雖然青瓜份量唔係好多，不過已經足夠。😌😌三文治入面嘅吞拿魚份量多嘅🤗。白汁番茄蛋粟米三文治其實都冇咩特別，番茄蛋三明治，不過入面就多左粟米。其實整體上都唔錯。

阿囡正日生日, 又點少得買返個蛋糕賀賀佢, 但呢排食蛋糕食到有D滯, 所以決定買個細細個返去吹下蠟燭唱下歌仔就算~ 阿囡鐘意粉紅色, 我又勁鐘意cream, 呢個粉紅色天使蛋糕就岩晒我地~加埋不同既生日牌, 聖誕牌, 再加個sophia 公仔, 即時個蛋糕唔同晒, 阿囡見到超開心~不嬲都覺得好食, 今次變左粉紅色CREAM, 味道唔係太大改變, 都OK。裡面亦係好鬆軟, 最正既一樣野係有D焦糖脆脆比你自己灑喺面, 又脆又甜, 大人細路都搶住食~ 

爸爸生日, 加上就黎聖誕節, 買返個CAKE一家人喺屋企慶祝下, 事前無準備, 我就最鍾意訂美心西餅, 因為周圍都有, MTR有, 拎完就上車走人~今次呢個聖誕綠茶士多啤利蛋糕, 綠茶味幾重, 搞到屋企小朋友唔係咁鐘意食, 我地大人就覺得OK. 士多啤利夠新鮮, 又鐘意食CREAM, 正!買蛋糕用HSBC咭有85折呢~  

妹妹正日生日, 一家人喺屋企食飯, 又順便買個蛋糕慶祝下(其實係我地大人自己想食)。 由於事前無準備, 中午打去附近美心西餅問下今日有咩款式既蛋糕, 個姐姐好有心機講我知, 仲好好咁幫我留起左。 放工時, 經過即刻比錢走人搭車回家, 實在方便~我買左呢個彩虹蛋糕, 返到屋企小朋友見到話好靚, 又有棉花糖食 , 食落都好味, 唔會話太甜。個蛋糕好靚,  切開裡面都係一層層彩虹顏色, 如果自己整都要好花心思先得~蛋糕價錢$198, 用HSBC咭有85折呢~  

雜果撻 $20有少少失望，因為生果唔係咁靚，同埋有部份係罐頭生果黎既士多啤梨好細塊，我諗只有1/4粒既份量；罐頭桃有兩舊，罐頭菠蘿有一舊，食落都係糖水浸過既味，唔係咁討好；奇異果我麻麻地，有啲酸澀；堤子同哈蜜瓜都算清甜，幾好。

朋友BB 一歲生日我地借機開party,生日當然要有蛋糕嫁啦，仲要買個Cute D 嘅！佢就話你芒果餡既mousse cake. 但我地成班大人一人一大件分左嚟食，每人都分到白色慕絲般滑的奶凍，與海綿蛋糕一層一層的組合而成。滑就係滑，不過就唔重雲尼拿味， 係近乎無乜味。而説好的芒果呢？份量少到只有一位幸運的朋友仔先可以食到。。。。。。兩磅蛋糕只得“丁屎”咁啲啲芒果，真係情可而堪呢。。。。。