Martabak Pecenongan 78

Open Now

Now Closed

Martabak Pecenongan 78的芝士粟米斑蘭月亮餅口感豐富，餅底帶有淡淡斑蘭香氣，質地柔軟且微微濕潤。裏面的粟米粒新鮮甜美，和鹹香的芝士形成完美的平衡，甜鹹交織，令人回味無窮。餅皮外層微脆，熱食時芝士半融，帶來誘人的拉絲效果，增加了口感層次。這款月亮餅甜度適中，不會過於膩口，粟米的自然甜味搭配芝士的鹹香，讓整個味道更加立體。班蘭的清香在背景中若隱若現，為整體增添了一絲清新感。

旺角中心近期有間好多人推介嘅印尼月亮餅！今日路過就試下佢。即叫即整都要啲時間，勝在新鮮出爐。佢地都幾多味道選擇，最後揀左原味同斑斕味嘅月亮餅。月亮餅口感似鬆糕，有啲煙煙韌韌，配埋花生/朱古力醬，味道鹹鹹地甜甜地。雖然斑斕味唔係好出，但斑斕溝榛子朱古力醬(𝙉𝙪𝙩𝙚𝙡𝙡𝙖)配搭幾好食，建議可以試吓！ᜊ 𝙈𝙚𝙣𝙪斑斕+榛子朱古力醬月亮餅(迷你版) $40 👍🏻原味+花生醬月亮餅(迷你版) $35

我完全想像唔到，同一個餅裏面點樣可以又甜、又鹹、又油。但係呢個餅真係完全做到咗。我買嘅係芝士餡月亮餅（大），等嘅時間比較耐，其實已經冇人排隊㗎啦，點解仲要等咁耐？我完全唔明。外面個餅係啱啱煎好熱嘅，中間啲芝士竟然係涼嘅，見到一條條完全冇溶過，佢到底係點樣做到㗎 ？你都知啦，而家啲細菌咁嚴重，見到呢個情況我非常擔心衛生問題，不過冇辦法都俾咗錢囉，焗住食。擺落口之後完全唔知自己食緊乜，甜、鹹、油溝埋個口裏面，可能真係有人欣賞嘅，不過嗰個唔係我。我諗如無意外我應該唔會再幫襯。

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚Sweet Martabak 月亮餅(甜味) 🌕 💚🍫🧀1️⃣斑蘭味月亮餅$5+Nutella $65 +cheese $5餅皮有淡淡班蘭清香🌴 斑斕味餅底鬆軟🤓內餡令人驚喜連連☺️濃郁Nutella巧克力醬好似熔岩般流淌🍫 😋再加上鹹香芝士🧀 芝士唔係用片裝嘅芝士🧀係即場刨芝士碎😊不過略嫌芝士偏鹹😕冚過咗nutella同斑斕味💖Sweet Martabak 月亮餅(薄脆版)2️⃣原味月亮餅酥脆薄款+ skippy花生醬 🥜($35)酥脆餅皮包裹著香濃Skippy 花生醬🥜花生醬有粒粒花生😊勁nutty😜輕輕一咬😝”咔嚓”一聲☺️🎧🥇呢款原味 Skippy 花生醬月亮餅😙絕對係經典中的經典！🕰️ Savory Martabak月亮餅(鹹味)3️⃣REGULER CHICKEN 雞肉 ($85)除咗甜味 Martabak🥰鹹味雞肉 Martabak同樣值得一試！😋 金黃酥脆的外皮🫣包裹著鮮嫩多汁雞肉餡料🍗 仲有豐富嘅韭菜同雞蛋等餡料😜一口咬下去🫢雞肉的香味瞬間爆發🤩鹹香可口🤤爆晒肉汁😊 配搭自家製醬汁☺️更有風味😇⸝⸝‪⸝♡

摸咗門釘三次，太早去，點知未開門最後搵日中午一點去終於成功食到❤️味道不錯，加左$5 要斑斕口味，每個月亮可以自選一款free topping ，額外topping 每款+$5，我選左粟米，覺得鹹甜夾埋個味道balance d。最邪惡喺入邊加咗大量牛油大家經過見到有開門一定要試下👍🏻雖然有啲少貴，不過當試下新野都可以，起碼真係好食🤤我下次經過都會再買其他口味❤️不過大家預左會等得耐少少，因為得四個煎pan 整，即叫即整，啲單多起上嚟都要等一陣

旺中有間舖頭賣印尼嘅傳統甜點月亮餅！🌙之前做research好似話幾受歡迎 可能我係4點去所以就完全冇人龍😳果下我有啲驚🙈心諗：咦?唔係好出名架咩😳不過我上一個客正正就係印尼姐姐 仲買左兩個餅 我諗都係受印尼人認證嘅✨由於即叫即整 所以都需要等待一段時間先有得食我試咗應該係最common嘅味 佢比起熱香餅厚身 多咗啲煙靭口感同埋都幾濕潤 感覺好似俾啲糖漿浸濕咁樣嘅 再加埋會食到唔少牛油味🧈邊位脆脆地幾好食～餅底嘅甜再加埋朱古力碎嘅甜我覺得係over咗 食完都真係幾漏幾滯 飽足感大都係幾好嘅嘗試 試一次感受下個口感都得意嘅🤣如果要試記得share俾朋友～巧克力月亮餅 （甜味迷你版）$35

之前試過甜味嘅，揀左Nutella。口感似冷糕與格餅之間，個底幾脆，外脆內軟，但要快食，好快腍。今次試咸味雞肉，個皮係油炸，食到一半有啲膩。見食評話有醬點，我今次買就冇。入面個餡好家常味，肉加蛋加蔥咁。建議食甜味多啲。

Martabak Pecenongan 78 (旺角)最出名嘅就係佢哋厚厚鬆軟嘅「月亮餅」✨另外仲有薄脆嘅版本！今次我就試咗斑斕味配阿華田醬版本，幾得意😆🌿 斑斕味配阿華田醬月亮餅（$45）口感：即叫即整，餅皮幾厚身，外皮少少脆，入面又鬆軟。味道：內餡塗滿阿華田醬，甜度偏高，本身就係唔想太甜，所以冇嗌到朱古力味😂 至於餅皮嘅斑斕味唔算太出，雖然兩隻味都係我鍾意嘅，但配阿華田好似又唔太夾，試完建議大家可以揀其他嘅配搭😅份量：如果以飯後甜品嚟講，食落都幾飽，適合2-3個人分享，否則食多幾件可能會覺得甜膩。好彩今次就係lunch食品飽先再嚟，食完啱啱好😋

真係好耐冇去過年青人潮人特區「旺角中心」，聽講呢度已經開咗好多間好好味嘅小食店，夠晒特色，今次俾我哋發現呢間印尼美食店好多學生妹妹排隊，即刻吸引咗我哋去試一試😆🍽️ 月亮餅 印尼特色小食月亮餅甜食，我哋可以揀好多配料，第一次食咁當然睇最受歡迎有邊啲款揀啦，我哋就揀咗粟米芝士🧀同埋三角朱古力🍫味嘅月亮餅，即叫即整熱辣辣香噴噴，而且月亮餅好似蛋糕嘅質感夾住唔同嘅topping🤤🌮我哋都好鍾意粟米🌽芝士🧀同埋斑斕月亮餅嘅配合，有少少鹹有少少甜，味蕾感官一流😘而且三個朱古力配原味，甜蜜蜜Perfect match🤤🍽️ 月亮餅（薄脆版）食咗傳統甜蜜蜜蛋糕質感嘅月亮餅之後，當然要試埋佢呢個薄脆版嘅月亮餅係咩料子啦，有啲似法式薄餅脆卜卜，可以自選唔同嘅topping，一如既往嘅話配朱古力味冇得輸！兩位姨姨嚟到年青人嘅潮點覓食🧋🌮始終有啲唔習慣😆 因為啱啱開舖仲未有貨，好可惜食唔到佢哋鹹味嘅月亮餅，下次一定要過嚟再試一試😆

平時喺香港成日都會掃街，但係有時都會想食啲特別啲嘅嘢，今日竟然比我喺旺角發現一間買印尼小食嘅月亮餅Martabak，我記得好多年前喺印尼食過一次，當時已經覺得好好味，今次香港呢間都真係幾好食。呢度主打甜味版本、鹹味版本同埋脆脆版本。始終係新鮮即叫即整，所以都真係有掃街嗰種感覺，外面又鬆軟又煙靭，內餡可以自己揀配料，好香好好味，一班人一齊分享，就唔會太滯。甜味我要左sweet corn 同chocolate，脆脆版我就要左cheese。認真呢度真係勁多人，唔早啲嚟就應該食唔到nutella，三角嘜朱古力嘅filling。

今日就去左旺中掃街，見到呢間賣傳統印尼小食Martabak(曼煎粿), 即刻落order 小店由印尼人主理, 全部都即叫即整,月亮餅分左甜味，鹹味同埋簿脆版, 餅底有原味同埋斑蘭味選擇, 每份仲免費撘配一份配料芝士粟米斑蘭月亮餅店員先將粉漿煎焗成盆狀, 成型後再加上配料對摺成半月形, 仲即場用原塊車打芝士刨絲, 加上粟米, 口感濕潤鬆軟, 帶淡淡清幽平班蘭香朱古力迷你版月亮餅餅底外脆內軟, 中間夾住朱古力粒, 𥚃外都塗左牛油, 蛋味香濃, 超級邪惡Nutella 簿脆版月亮餅中間夾左Nutella 醬, 咬落脆卜卜Chicken Savory Martabak雞肉月亮餅店員首先將麵團打到好簿身, 外層煎到金黃酥脆, 再加入雞蛋, 葱, 雞肉碎等, 咸香惹味

之前喺印尼Jakarta 食過，覺得好好食！最近發現原來香港都可以買到月亮餅😄就即刻過嚟試下😋黎到發現原來係印尼人主理，仲係即叫即整🔥🔥佢嘅口感係有少少似有脆邊嘅鬆軟pancake😆然之後仲夾咗唔同嘅Toppings❤️今次我想食多啲唔同嘅味同埋帶返去比屋企人食，叫咗四個唔同口味嘅迷你Martabak.芝士 - 好足料！好多芝士～鹹甜鹹甜我嘅最愛❤️阿華田 - 阿華田味唔算好出花生 花生呢個特別轉左斑蘭味月亮餅，鐘意佢用左有花生粒嘅醬😁Nutella - 呢個味無得輸😝😝

今天在旺角中心逛街，經過一樓這間印尼特色甜品，感覺很新穎，就去試一下🤪-<月亮餅鹹味>（$45）雞肉味月亮餅裡面有很多蔥碎，有點像扁版鍋貼🤩香脆而飽肚，其實如果是小胃口的女生，吃一份已可當作一個正餐份量😂-<月亮餅甜味迷你版>（$35）迷你版是一個半圓形再切開四塊，我們選了阿華田味($35)和花生醬味($35)，月亮餅外脆內軟，有點像鬆厚版的台式車輪餅，不會過甜，作為飯後甜品一流🥰而玉米味($35)則是有除了玉米粒外還有芝士和斑蘭內餡，配搭新穎而好吃！😋-<月亮餅薄脆版Nutella味>($35)最薄的薄脆版看起來像壓扁了的小可麗餅，香脆可口，內餡味道超濃郁🤩-所有月亮餅即叫即做，很新鮮，大家經過旺角值得一試😛

Martabak Pecenongan 78 地址: 旺角彌敦道688號旺角中心第一座1樓FK1A1號舖學生時代shopping 點，到今時今日都仲係，我間被都會去買打底衫同絲襪！入面都比我當年轉營，多了一層專賣小食架位置。Martabak Pecenongan 78是印尼煎餅，我叫了幾款同屋企人食。Mini version sesame 是原粒炒香了的芝麻，非常香同鬆軟似鬆糕Crispy and thin version甜架薄餅，點了nutella hazelnut chocolate 甜得來人人愛鹹架都有，餡料雞肉外仲有蔥，薄薄餅皮，吃一件很飽肚

💛旺中印尼過江龍餐廳Martabak Pecenongan 78💛今日我又去旺中掃街，無意間發現咗一間印尼過江龍嘅餐廳，聽聞喺印尼超級出名，咁特別一定要試一試！店家主打的月亮餅，分為薄脆、鹹、甜三種款式，口味選擇真係多到選唔停，仲有原味同斑斕口味。我揀咗榛子朱古力味斑斕月亮餅、阿華田薄脆月亮餅同埋雞肉月亮餅。雖然大家都叫做月亮餅，但每一款都各有特色，味道都好好食。鹹款嘅雞肉月亮餅雖然係煎過，不過一啖落肚完全唔油膩，裡面仲有好多配料，口感豐富。值得一提嘅係榛子朱古力醬，食完真係好滿足，甜而不膩，味道超正！📍Martabak Pecenongan 78 (旺角)旺角彌敦道688號旺角中心第一座1樓FK1A1號舖