Mango Tree

Open Now

Now Closed

今晚同朋友去左elements食飯，對於好日都唔會去elements嘅我嚟講係完全唔知有咩好食，不過朋友話呢間泰菜好好味，就帶我哋嚟咗呢度食。呢個燒牛肉麻麻地，個牛肉有啲乾同埋少少韌，不過唔算好嚴重，食落都可以。生菜包豬肉幾好味，有啲辣但可以接受。呢個蟹羹好好味，好清好甜，都幾多料架。燒雞我都覺得普通，肉質唔會好乾都唔係好嫩滑，味道無乜特別。個菜好味，好新鮮好嫩，個味道幾好，唔係好鹹又帶少少辣味。咖哩軟殼蟹都好好味，個咖哩好香，唔係好辣。個軟殼蟹炸得好香脆。再配埋啲薄餅真係好好味。呢個芒果冰都好好飲，個味好似真係用新鮮芒果整咁，不過凍冰冰飲可能就有啲凍。個人唔鐘意食大菜糕，所以我唔食呢個椰汁糕。同人朋友話好好味。呢個我糯米飯都好好食，雖然得白色冇黑色，不過個人本身鍾意食白色多個黑色所以我覺得好姐。啲芒果唔算加上啲糯米好煙韌。整體嚟講味道同服務都幾好，環境都唔錯，不過價錢偏貴，去開elements唔看食咩都可以揀佢一試。

在曼谷的Mango Tree食過一次飯, 環境、氣氛、味道...整體都滿意, 所以對香港的分店都感興趣, 環境裝潢好舒服, 氣氛不錯, 但味道與菜式同曼谷有分別.軟殼蟹米紙卷 - $138米紙勁薄, 包住炸到脆卜卜的軟殼蟹、生菜、紅蘿蔔, 蘸自家魚露, 好味道, 最重要係軟殼蟹保持脆身, 略嫌份量柚子大蝦沙律 - $148醬汁唔夠, 整體無咩味道, 大蝦無味道...即係蝦無蝦味泰式大蝦炒金邊粉 - $138去食泰國菜點都要食Phad Thai先夠滿足, 呢份Phad Thai有蛋網包著, 不過賣相就認真麻麻, 金邊粉炒得夠乾身, 雞蛋炒至微微的蛋香味, 配料亦齊全 - 豆干、芽菜、大蝦、青檸 & 花生放旁邊方便食客按個人口味來添加可惜大蝦一啲味道都無香芒糯米飯 - $98芒果夠甜....不過味道唔似泰芒, 糯米飯可能係岩岩煮好 - 好熱......椰漿勁甜....甜到一個點

為何上次食燒雞是滑的，今次是一半滑一半勁乾！都說保持水準是最難的！紅咖哩豬頸肉是三樣食物裡最好吃的，素菜春卷也是失望，無味！除了脆之外就完全無味！雖然是素菜啫也不會無味吧

位於element既mangotree環境好 裝修靚 但服務有點慢有d window side 望出去仲有海景添之前食過呢度既豬頸肉都好好食尤其係配甜酸醬 好似係炭燒既推介大家叫呢個同埋食海鮮既咖喱配既印度薄餅Encore左幾次配咖喱好正必叫 印度薄餅之後叫左呢個啦好好食都好足料 連平時細食既女友都清哂成碟蝦都幾足料~~女友係為了芒果糯米飯而來呢度既芒果糯米飯甜度適中配上椰汁都好香 細細個 飯後甜品推介芒果有保證係甜

We ordered a few dishes and I hope I can try all the dishes in the menu some day.We ordered curry chicken. My friend told me that curry was the best curry he tried in all over the world. It was not too spicy, with lots taste of different herbs, and the chicken was soft and smooth, without bones.

前個排同屋企人 一行四人去到呢間餐廳食飯因為訂左位既關係 所以唔洗等好耐就已經有位坐 我地被安排坐係窗邊隔離 望住外面既景色真係十分之迷人今次 屋企人叫左個咖哩羊肉配薄餅 仲有個冬蔭公湯咖哩羊肉；味道唔太辣 咖哩亦唔算太重 羊肉入口即融 薄餅蘸上咖哩汁 真係十分美味冬蔭公：湯夠香 味道夠辣 而且湯料亦十分足 有四隻大蝦

d人食親泰國野9成都會話去九龍城，因為係泰菜集中點，不過我今次就同d朋友去左尖沙咀圓方食，仲可以嘆埋佢個靚景。入到去環境舒適，而d燈係dim左，所以顯得出面個景更光更靚。我地三個人嗌左幾樣黎share。先講下個炸蝦餅，賣相同其他泰國菜一樣，但係佢出面炸得好香口又唔厚粉喎，入面就好彈牙，彈到好似可以用黎打乒乓波咁，好正呀😋😋😋😋再黎個個春卷，呢個春卷出面係趣卜卜既，而入面我地係食唔出佢有鴨肉，所以覺得冇咩特別，係普通春卷黎。跟住就係個馬拉𥵃椰菜苗，因為我地唔想食通菜，就嗌佢地轉炒個椰菜苗，原來馬拉𥵃椰菜苗仲好味過通菜，食落去仲好入味又fresh，誠意推介👍🏻👍🏻👍🏻👍🏻之後黎個咖喱羊膝配薄餅，其實個味道唔錯，不過個咖喱略嫌太甜，而佢d香料又唔夠真實，係得d香味但食落口就感受唔到。最後個甜品炸香蕉朱古力brownie，我覺得都好味道，冇諗過個brownie係凍食架，好濃既朱古力香，配個arm arm炸起既香蕉好match👍🏻👍🏻👍🏻👍🏻正呀

今晚相約了好幾個多年沒見的舊同事飯局，由於大家來自五湖四海，就選九龍站啦方便大家回家。九龍站其實真的沒有什麽好吃，要嘛又貴又不好吃，好吃的又超貴，Mango Tree在這裡來說算是不錯的選擇。 店內裝修很有格調，這棵大型的金屬樹和店名互相呼應，而店面積很大，我們一行五人被安排窗口位置，感覺開揚。 小妹不好酒，點了杯Mango Tango($70)，鮮打芒果加菠蘿汁，一定好味啦～ 木瓜沙律($118)，採用青木瓜，口感爽口，酸汁加上腰果，為清新醒胃的一道菜。 炭燒豬頸肉($118)，肉質爽口彈牙，配以特色酸辣汁，非常惹味！ 炸軟殼蟹沙律($148)，軟殼蟹炸得熟度剛好，外脆內軟，份量亦足。 炸蝦餅($138)，賣相得，味道未見突出。 串燒沙嗲($118)，炭味香濃，肉質味美。 馬拉盞炒通菜($98)，菜夠新鮮，馬拉盞夠惹味。 炒貴刁($138)，賣相得，以蛋網包著貴刁，炒得夠乾身，唯蝦的鮮味欠奉。 芒果炒飯($138)，芒果夠足料，但味道卻沒有什麽驚喜。 椰汁糕($68)，味道偏甜，質感不夠軟，有點硬。 芒果椰汁糯米飯($98)，賣相得之餘，芒果還有三大塊那麽多，中間的椰汁糯米飯，有

本來諗住同老公囡囡囝囝聖誕前夕食個滿足的tea, 但周圍都full咗。但打去mango tree都仲有位，咁諗住佢咁大品牌開過黎都唔會太差啦，點知真係好令人失望。去到餐廳，只有小貓兩三枱。咁我地帶住兩個手抱小朋友，要2張bb 櫈，等咗一陣無人理我地，咁又叫多次啦，跟住畀咗一張，又再無理我地.....又要再催多次先畀齊2張bb櫈。印象分已經大打折扣。之後成餐飯直至埋單先再feel到有service。Tea set有分1或2人，老公想試mango tango，所以就要咗2個1人餐再加錢轉，另外再加錢轉多個芒果糯米刨冰。由於老公未食lunch，點咗炸蝦餅同金邊粉填填肚。mango tango好快上枱，但唔夠凍，而且個味都無乜特別，只係芒果加梳打.....Tea set有5款，有甜有鹹，但以甜佔多數。青木瓜沙律正常，但上面的炸物，又硬又無味。個米紙卷包住啲無味的texture，食咗一啖已經放棄。芒果啫喱同芒果芝士蛋糕正常，但唔算突出。加錢換的芒果糯米刨冰個賣相唔錯，但食落就好唔惦，中間的糯米痴埋一舊，唔知想點。金邊粉比較黏身，味道偏淡。最好食係個炸蝦餅。5百幾蚊食啲咁嘢，咁嘅service真係

約了朋友到圓方聚會，想找個安靜的地方好好的談天，所以選了位置有點＂偏僻＂的Mango Tree. 約會前一天才訂位，獲安排靠窗的二人枱，環境十分不錯。朋友遲來，我先點了飲品邊喝邊等。荔枝沙冰很好喝，很香荔枝味，不太甜帶微酸。杯上那一顆荔枝肉則稍嫌淡了一些馬拉盞炒泰國通菜。馬拉盞醬夠香，可惜完全沒有辣味，和期望有些不同通菜很爽脆，也十分入味。整體來說是好吃的黃咖哩蟹肉農夫包。典型的傳統泰國菜式叫人驚喜咖哩十分香滑，蟹肉的份量不算少，味道亦鮮美。農夫包做得很好，外脆內軟，蘸上咖哩汁極其美味，我們二人很輕鬆便把全個包包幹掉了這間 Mango Tree 人流不多，環境淸靜，侍應也不會催結賬，食物質素亦佳，是三五知己談天聚會的好地方

Afternoon tea食唔少，但泰式afternoon tea仲有三層既就真係第一次食Mango tree既afternoon tea價錢實惠，味道一直都是保持中上位置又有咸點又有甜點，仲有特製泰式海底椰茶飲，感覺不會太"溜"之餘亦都好夠飽！相比起只有甜點既afternoon tea，mango tree真係不二之選

做緊優惠，四人同行，每人只係＄100都唔使所以來試試，afternoon tea set賣相ok，但口味麻麻，大家都覺唔多岩食，同晚餐好唔同，所以以後都係晚餐先好嚟。

已經好久沒朋友來圓方找我吃飯了，是日朋友趁著放假過來，讓我找地方一起吃下午茶，就記起有食友提過Mango Tree圓方店近日特別推出了於此分店限定的「全部都係芒」的Mango Fever Afternoon Tea，選用的就是來自泰國的新鮮水仙芒，來慶祝圓分店開業四週年。吃過好幾次Mango Tree的下午茶，最喜歡這裡的下午茶以鹹、甜點款式平均，不會側重任何一方。這次Mango Fever Afternoon Tea包括了青芒果沙律伴香脆鯰魚、芒果大蝦米紙卷，青芒果沙律爽脆酸香，伴以炸得香脆的鯰魚，開胃惹味，清新的芒果大蝦米紙卷也不錯。甜點有香芒糯米飯、芒果奶凍和芒果芝士蛋糕，米飯控最愛的我當然是香芒糯米飯，另外兩款甜品也不錯，朋友則偏愛芒果芝士蛋糕，不會太甜。飲品方面會有4款芒果特飲，分別是用杧果汁、橙汁及泰國梳打水調混的Mango Tango、以龍舌蘭酒及橙酒調配的Cocktail Mango Margarita、冰涼透心的Mango Smoothie及鮮榨芒果汁。我選了Mango Tango，味道清新，芒果與橙汁原來也挺夾呢。愛吃甜的朋友更可另加$18品嘗自家製芒果雪糕或香芒糯

Mango Tree這個品牌, 很熟悉了, 而在Elements的分店, 在最近就推出四週年優惠下午茶. 或者先講講價錢吧. 每位$128, 沒錯, 您沒有看錯, 是每位$128, 就能夠在Elements的高級餐廳吃下午茶. 計租都不止吧.Mango Fever Afternoon Tea $128 先介紹陣容, 包括有兩款鹹點, 三款甜點, 以及一杯芒果特飲.芒果特飲四選一, 我還原基本步, 來一杯Fresh Mango Juice, 如此天然, 無添加的味道, 很新鮮.CEO的Mango Tango, 是結合了芒果汁, 橙汁, 以及泰國蘇打水.兩款鹹點, 青芒果沙律伴香脆鯰魚堅辣, 很醒胃, 吃泰菜, 也是要如此. 跟著吃芒果大蝦米紙卷吧, 清新, 爽口, 讓味蕾休息一下.三款甜點, 香芒糯米飯是我的all time favorite, 而Mango Tree的版本, 一向高水準, 不用懷疑. 芒果芝士蛋糕, 芝士味輕宜, 讓芒果的甜味能夠保持. 芒果奶凍, 很香滑, 很甜美.芒果雪糕 +$18 另加$18就有芒果雪糕. Mango Tree的雪糕, 當然不會令人失望. 入口啖啖

轉眼間, Mango Tree的Elements店已經開業四年了, 由即日至12月31日, 店方就特別推出四週年優惠下午茶, 只要每位$128的價位, 就能夠享用Mango Fever Afternoon Tea, 這價位, 實在令人難以抗拒.剛過去的星期天, 不用練歌, 就趁午後來到Mango Tree, 吃吃甜, 休息一下, 畢竟前一天大家也拚搏得太辛苦了. 在如斯舒適的環境吃下午茶, 真心享受.Mango Fever Afternoon Tea $128: 8.5分, 這客Mango Fever Afternoon Tea, 包括兩款鹹點, 三款甜點, 以及一杯芒果特飲, 每位只收$128, 以Elements這地段來說, 堅便宜.四款芒果特飲四選一, 分別是Mango Tango, Mango Margarita, Mango Smoothie, 以及Fresh Mango Juice. 我選來的是Mango Tango, 芒果探戈是也, 混合了芒果汁, 橙汁, 以及泰國蘇打水, 味道比想像中輕宜, 不會太甜, 是幾醒胃的.文迪選來的是Fresh Mango Juice, 就是