萬芳冰室 (建德街) (Moved) New Location

萬芳早餐選擇幾多，配菜有紅腸，咖喱魷魚魚蛋係兒時味道沙嗲牛正常發揮有自家製菊花茶幾好飲見到有人食巨形炸脾飯，成隻碟咁大，即叫即炸，非常吸引搬左黎又新街，就腳好多！

**焗豬扒飯 (炒底)：**絕對是**澱粉愛好者恩物**！炒底飯粒分明，乾爽有鑊氣，作為基底已夠吸引。鋪上大塊豬扒，再淋滿濃郁蕃茄醬汁（或芝士？）芝士如爆㳍佈满整個飯，經焗爐洗禮，醬汁微焦滲入飯中。豬扒扎實绝不是千年雪藏肉，與酸甜醬汁（或拉絲芝士）是經典絕配。炒底吸收醬汁精華後，口感更豐富滿足，每一勺都是熱量與美味的雙重暴擊，飽足感滿分！**抵食！****總結：** 焗飯炒底香濃飽足，盡展現茶餐廳功力，值得一試！

yesterday afternoon at around 5.30pm喺朗屏嗰邊見到好多茶餐廳都差唔多閂門抹緊地呀咁啦咁就諗起想食萬芳個大雞髀嘅本身去到呢望下佢個餐牌見到焗豬扒飯有個手指公好似幾吸引咁就試下啦啲刀叉呢幾乾淨，有冇水痕全部都令立立70蚊包湯包熱飲個湯聲稱係冇味精嘅，飲落呢唔係平時普通茶餐廳嗰啲好水奶奶嗰啲，算濃郁兩個字左右個鮮茄焗豬扒飯就嚟到啦個飯焗得好靚，而家啲茶餐廳成日貪快啲芝士都未焗熔就拎出嚟炒飯底就基本嘢啦豬扒唔柴皮㗎，淋嘅 少少肥喺個邊度不過就冇脆邊，豬扒覺得可以再厚返少少同埋鮮茄太少,蕃茄味偏淡，如果可以酸返少少會更好平日就嚟六點左右冇人任坐

去完元朗大樹下天后廟還神，突然好想食西多士又想飲紅豆冰，之後就搵下邊到有。之後經過都無機會入黎食，所以今次咁想食呢啲野就入左黎試。真係勁岩口味，又有下午茶餐。西多士炸得超金黃，又鬆化，個牛油份量岩岩好，同埋個糖漿另外上自己調返好個甜度，望到又想再食。另外呢到炸脾都好好味，好大件，同埋無乜雪藏味，薯條份量都好多。呢到既紅豆冰好好飲，紅豆份量好多，同埋啲冰又跟得岩岩好，鴛鴦調得好好味～黎呢到嘆下午茶都係人生一大樂事。

最後呢間係萬芳冰室個招牌係右至左寫既以前係屯門雅都食過門口有話始於1959元朗國呢間都係扮懷舊既但就幾似下係建德街d車房附近d凳真卡位都係藍綠色平日兩點左右黎到都差唔多滿座既不過咁岩有卡位坐有小食有下午茶set就日頭至夜晚都有供應但其實佢d set係檯面張餐牌都有單點平6-8蚊左右差別就係少左個湯同熱飲中西湯凍飲再加3蚊朋友要既係咖哩牛筋腩唔知點解係配粟米粒份量就唔算多焗豬係圓形兜有芝士面頭都好靚仔關注組成日教人要叫大火我就估唔起勇氣去叫有菠羅但得一粒車厘茄豬扒就原塊舖面都幾大塊同埋算厚身既有炸過咬落係實淨唔鞋口既又係栗米粒不過整體唔錯芝士同茄味都好濃埋單就每人七十二lunch黎講少貴不過午晚同價同埋唔要湯唔要野飲會再平d咁都可以接受係入元朗國就比較遠服務就正常姐姐唔係呼呼喝喝果類型有卡位既話都坐得舒服既

  自助清理：少少垃圾都叫我自己抌出去。這意味著餐廳的清潔標準需要改進，不應該讓客人親自處理垃圾。服務效率：叫人落單，十問九唔應。這意味著服務員在回應客人時需要更迅速和有效。廚房效率：一人多廚房一定冧檔。這可能是廚房人手不足或協調不良的問題，需要改進。等待時間：每一份餐就算公仔麵都要最少等15分鐘。這表明食物準備時間過長，需要縮短等待時間。食物質素：食物質素普通。這是一個關鍵問題，餐廳應該努力提高食物的質量。

很久沒有來這家茶餐廳。開了一段時間，它是從屯門過來的，很喜歡他懷舊的佈置。😍其中一樣我比較喜歡吃的的是它的大炸雞髀沙律。雞髀炸得非常脆口，不過可能炸得太鬆脆，所以肉質相對嚡少少，如果可以保留肉汁和肉質嫩滑就更好了。不過大大份真的很吸引。到茶餐廳，比較喜歡喝茶走，就是用煉奶加茶，這種飲品總覺有多一點香港特色，就好像鴛鴦那樣吧。這間餐廳其他的菜式也很受歡迎，例如沙丹豬扒飯等等。不過我多數是下午茶時段才來這邊，有機會試試看。

午餐鮮茄焗豬扒飯 $70配湯&熱飲好味指數 4/5 🍭🍭🍭🍭{整個飯份量好多 豬扒好大件 芝士亦好多好香口 飯係炒過之後再焗 令整體味道更加豐富 午餐還配有湯和飲品 非常好味又飽肚}常餐大豬扒出前一丁 $55配紅腸 煎蛋 多士 熱飲好味指數 4/5 🍭🍭🍭🍭{出前一丁需要加$5 如果食通粉 米粉 意粉都唔洗加 麵煮既時間剛好 不太腍或硬 豬扒大件 肉質軟身 配上既紅腸亦不錯 有三塊 煎得不會太乾 多士烘過香口 牛油不多}

突然發現，居然住在元朗但未食過呢間老字號，經過又有時間就去食個tea。裝修嚟講，由門口大閘，到室內的綠色色調，都充滿懷舊嘅感覺，想影相嘅朋友應該會幾鐘意。加上牆上的亂世佳人壁畫，氛圍滿滿。食物就食咗2個下午茶：生炸大豬扒配沙律 +凍檸茶 $46生炸大雞髀 配薯條 +紅豆冰 $56+$12味道上就係經典茶餐味道，說不上有驚喜，但亦算正常發揮。生炸大雞髀真係好大隻，但亦真係好乾🙈，無想像中的juicy。茶餐嚟講就不過不失，其他食物又唔知點呢～

下午茶，去左朋友介紹的萬芳茶記，聽講塊雞扒好大塊，所以去到都叫左雞扒沙律。份量係好大塊，成隻手甘大，不過味道我覺得一般，可能炸耐左，攪到‘乾爭爭’，食落好重油味。試過就算🤣

今日食早餐,叫咗2份奶茶走甜同埋牛扒蛋跟住黎到,奶茶冇走甜😤牛扒变左雞扒😤同個伙吃阿姐講,立即黑面（重點係佢錯,佢唔會同你講對唔住兼夾好似係你錯🙄）跟住有個黑色衫好似係高級啲嘅阿姐用冇尾音嘅語氣同我講“咁我換一個畀你啦”（我叫咗兩個餐兩個都錯！我唔明明明係佢錯但係只係換1個畀我🙄跟住我問佢點解兩個錯係換一個？佢繼續用冇尾音好唔耐煩嘅語氣同我講：咁你食唔食呀！？喺嗰一刻我以為我呢餐係免費唔使畀錢😡所以奉勸如果有睇呢篇食評嘅人,如果自問受唔到氣就唔好幫襯呢間餐廳同埋坦白講佢啲食物非常普通多士好明顯係隔離麵包好硬嘅嗰塊雞扒,煎到乾爭爭冇曬水分成日都話啲內地人投訴香港服務態度差呢個真係真事,尤其是我呢啲呢間餐廳嗰啲唔知服務咗幾多年嘅阿姐長期對啲客口黑面黑如果想受氣,就多啲嚟幫襯啦

萬芳係元朗比較偏僻地方, 出左元朗地鐵站都需要行一陣, 店面裝修比較懷舊望望價錢, 以冰室 /茶座黎計算係中上價叫左個蕃茄焗豬,同薯條雞脾蕃茄焗豬食得出材料新鮮不過略嫌少蕃茄用茄醬而唔係茄膏有加分, 芝士味濃薯條雞脾就比較一般, 無太大驚喜, 雞脾有少少乾不過整體食物質素算不錯

放假就約咗元朗搵個朋友諗住傾下計探一探佢個小朋友,夜晚之後呢就行過呢間比較有舊式香港茶餐廳裝修嘅冰室,我就叫咗個招牌焗豬扒飯,啲燒汁都唔錯幾惹味,豬扒份量都充足,下次可以再試下其他！

所在的地方屬不顯眼的位置，不是街坊的話，需時尋找⋯舊式冰室環境，舊式電影海報、舊款吊扇、厚玻璃枱面、抬頭有舊式鐵欄⋯是次點了👉🏻星洲炒米；有應有的顏色，叉燒、火腿絲、洋蔥韮黃，較幾年前食細了很多的「蝦仁」（留尾殼：是萬芳的特色），味道屬中上，有微咖喱和辣味，食完碟底亦不會油淋淋；👉🏻鮮茄焗豬扒飯👉🏻其實唔多見到有蕃茄，但鮮焗的飯上枱時就被瓦碟燙到，真係即叫即焗，茄汁舖滿碟面，豬扒帶骨，size不少，目測有1cm厚，焗飯是蛋炒飯底，將茄汁連飯一齊食，有兒時味道同感覺；生炸雞髀拼薯條👉🏻生炸雞髀斷咗骨，影響買相📸不影響味道，雞皮炸到脆卜卜，怕肥都要食埋佢，上台時雞髀肉汁漏晒肉汁出嚟，令到咁係太脆嘅薯片有少少淋，對薯條有少少失望，下次改試沙律紅豆冰、凍檸茶👉🏻紅豆冰個樣好得，味道正常，不過紅豆有少少硬；凍檸茶茶底不錯食物即制有溫度，味道屬中上

係角落位一間充滿年代特色既冰室，係快速發展嘅香港社會已經買少見少，呢間冰室除左保留復古風味，入面d食物質素亦都唔馬虎，而係真係見到師傅既真功夫！西多士新鮮好味，迷你乾炒牛河鑊氣十足，細細份，份量啱啱好～一杯嘢飲+一份輕食，就已經係香港人心目中最完美最麻甩嘅茶餐廳下午茶☕️😌