媽咪雞蛋仔 (Closed)

一向都好中意食媽咪雞蛋仔, 而佢既分店亦愈開愈多, 今日經過尖沙咀聞d到香味又忍唔坐停底望下, 見到多左d新口味, 其中仲有紫薯雞蛋仔, $23一底真係唔平~等左10分鐘倒就有了, 雞蛋仔好香噴噴, 見到個邊有d紫色, 但同時都見到d灰色好似霉咁, 相信係因為d紫薯同蛋漿加埋既顏色, 咬開雞蛋仔, 係外脆內軟既質感, 有蛋香, 但紫薯就唔多, 而且無咩紫薯味, 入面仲係灰灰地色, 睇到個顏色有d唔開胃...不過講番雞蛋仔本身係做得唔錯既, 如果食番原味/朱古力就正=v=

上次食過另一間食栗子味覺得好好食，今次經過心癮又起，友人喜歡綠茶，就試試吧！今次無上次咁脆，綠茶味好人造化又唔係咁夾雞蛋仔嘅味，中間有大粒紅荳，但味道亦不算突出，整體黎講我同友人都不太喜歡，無食唒就掉左。

因為我唔太好食雞蛋仔，即使係好出名果幾間都好，我都冇食過😌😌之前，經過媽咪雞蛋仔店門外幾次，都無意圖食，但妹妹大人就講足幾次：呢間既雙重朱古力雞蛋仔好好食架由於我不敵佢既幾番介紹下，我終於鼓起左勇氣食人生第一次媽咪雞蛋仔，咁又由於我係唔太點鍾意食朱古力既關係（75%或以上黑朱古力除外）所以我就買咗當時新出既口味——紅豆抹茶味嘩頂，呢個雞蛋仔簡直係我人生中食過中最難食最難食又最苦到爆既雞蛋仔了！！😡😡😡連好鍾意食呢間既朱古力味嘅妹妹都忍唔住講：原來出咗名就可以咁任意妄為整垃圾比人食架？搞錯少少燶，唔太脆身，紅豆激少，有1/3空心，唔知點解覺得抹茶味勁苦可能我就冇食到最出名嘅朱古力味啦所以就不幸中伏了😭😭但係我覺得既然出得新口味，就代表有有信心有條件下，先會出囉，無理由難食都照賣架？定只係我地唔識欣賞?🌚🌚

雞蛋仔係香港小食之一由細食到大依家多左好多新口味媽咪雞蛋仔係米之蓮推介之前食過cwb分店的朱古力口味今次食抹茶紅豆$25新鮮整，等7分鐘可惜唔脆，可能吹得唔夠時間味道同抹茶味唔夾，有少少苦無食哂就掉左

今日行過媽咪雞蛋仔，突然又好想食今次依然係好多人，不過等左大約10分鐘就有得食今次試左紫薯雞蛋仔個雞蛋仔今次烘得好脆呀！食落外脆內軟味道又唔會太甜，甜度啱啱好呀同埋一咬開雞蛋仔入面，真係有 紫薯蓉o係入面，而唔係得個味紫薯甜甜地，又夠晒林，好好味！

之前一直光顧九龍城紅豆味的雞蛋仔，知道現在此店有售綠茶紅豆味，即刻想試。記得曾經試過此店的紅磡分店的原味不錯，口感脆脆內軟。現在的綠茶紅豆要賣到＄25！當然對此充滿期望！期待接過雞蛋仔後當然要趁熱試，怎料⋯⋯是軟軟的，完全不脆！好像「焗」了很久一樣但明明見個女店員已用風吹了一陣先給我，點解連最基本雞蛋仔的好味元素（外脆內軟）都做唔到？？是否個人的技術問題？我只能讚真的充滿堅的綠茶味！（並不是染得靑色那回事）因能嚐到少少綠茶苦澀味，且紅豆不會太甜，味道很啱我！惟獨是口感出了問題吧，如果是脆囗就成件事變得很完美。我相信（希望）是個別例子，下次再俾多次機會試試看⋯⋯

第一次試媽咪雞蛋仔去到見到好多人排隊，即刻對佢充滿左期待我叫左綠茶紅豆味成底雞蛋仔綠色，香噴噴食落我覺得個口感爭左少少，唔脆既，林林地。不過入面就好足料好多紅豆味道都有幾濃郁綠茶味唔會太甜

平時最鍾意gei街頭小食係雞蛋仔, 最鍾意食呢間, 我諗食過果d朋友都唔需要我多講原因掛。尖少咁呢間我第一次食, 見有新口味就同朋友叫左來試!口味方面, 媽咪雞蛋仔出名多款式~我地叫左有機栗子雞蛋仔, 因見佢寫住「季節限定」, 所以~食左呢個先!其他就下次再來試~!!我地見有唔少遊客來, 好彩唔洗等好耐就有得食~!雞蛋仔外脆內軟, 最重要係非常足料!!!入面落左好多有機栗子茸, 食落勁香~!!!!可能有人覺得 $28好貴, 但食過之後就會覺得值~!聽到有遊客問有無"stick", 以為好似篤魚蛋咁篤來食, 之後staff叫佢可以先洗手再用手直接攞來食, 店舖有提供消毒酒精, wa~我都無留意到呢樣野tim, 真係相當細心~!!!抵讚~!!

記得第一次吃媽咪雞蛋仔，那時只有紅磡的店，口味亦只有三款。現在已經多了很多味，有時吃完午餐想吃小食，也會想買雞蛋仔，現在有一間分店在尖沙咀真的方便很多。*雙重芝士雞蛋仔（$30）即叫即做的，就算沒有人排隊都要等上大概十分鐘。三十蚊一底的雞蛋仔其實都幾貴。這個芝士味不像以前吃過的芝麻味和朱古力味那麼脆口，比較淋身，而且芝士本身很油，有點膩；製作時應該是隨意放上芝士，分佈尚算平均；不過芝士沒有拉絲效果，有點失望。 不知是否因為上了米芝連，多了很多客，有時看到要排隊都不想等了，今天還要很不幸，前一位一口氣買了五份，等了十五分鐘先有，唉！

經過呢度見到好多人排隊，聽講要等18分鐘，咁岩又要去拎野，所以買完拎埋野再番黎拎就岩岩好。 好食嘅野係多人排隊嘅，可能期待太高，事實上又好似一般般。外脆內軟佢有，咬開一半都仲有涵佢都有，可能我食既係原味，只係覺得無咩特別。

第一次食媽咪雞蛋仔係友人極力推介，當時係響紅磡店食，望到門口多人到呢，心諗係咪咁誇呀？ 點知一試就發現：係掂喎！今日係響尖沙咀店食，門面細細，但門外企滿十幾廿人。排隊買既時候，店員嗌我地唔好排過隔離舖，話隔離舖會出黎鬧人。落完order俾完錢，大概等五至十分鐘。朱古力雞蛋仔到手！脆身得黎，入面又唔會空心，仲有濃濃古力味，正呀！然後綠茶紅豆雞蛋仔都有得拎啦！可惜可能係吹風吹得唔夠時間，拎上手太熱，水氣焗腍左少少。一食落口，好明顯係無古力果底咁脆口。不過綠茶味濃郁，加埋紅豆係絕配！

次次經過都見到勁多人排隊，有幾次都想食，不過見到太多人排隊都怕怕。今次咁啱見少左啲人龍，即刻排隊買翻個雞蛋仔試下！香港的特色美食除左魚蛋燒賣之外，一定係雞蛋仔，口痕時meet下，一粒一粒咁食好過癮！我見佢有幾隻味，我就唔貪心既，試住一隻味先！ 最後揀左朱古力味。一定要熱辣辣食！個涵好綿，啲蛋醬同朱古力醬份量剛好，好味！難怪無時無刻都甘多人排隊！下次一定要試埋抹茶同紅豆好為食！

有時候都會不覺意經過呢度，不過從來都無食過，啱好有機會就試試咯，地址係出咗尖沙咀地鐵D2無几選就係喇。交錢拿號之後等咗大概十幾二十分鐘吧，忘了。我買咗原味嘅，我乜都係鐘意原味嘅，原味嘅16，奶味，蛋味都几濃，應該都几真材實料，外麵果層有DD焦，不過几香，裡邊比較勁道。friend要做紫薯同抹茶紅豆嘅，企比較鐘意食雞蛋仔，紫薯嘅雞蛋仔中間有几粒成粒嘅紫薯，有點薯味，都非常香，不過外面果層有D硬，可能係整嘅時間長咗。抹茶紅豆嘅，唔知點形容，有D抹茶味，裡面都係有一粒粒嘅紅豆，我friend話有D苦，不過可能係企唔鐘意抹茶味吧，我覺得仲好喇，不過總體來講覺得有D貴！

食完晚飯口痕嫌未好飽所以想食野醒起尖沙咀有媽咪雞蛋仔 但估唔到新年要加五蚊🙈🙈有d貴添 等左十分鐘左右就新鮮整起啦！ 甜度屬於低糖 所以完全冇覆蓋蕃薯既味道☺️除左紫薯之外亦都有普通蕃薯熱辣辣既雞蛋仔真係零舍不同中間好軟熟，附近薄d既就好脆口食完一底就好飽lu😂😂

尖沙咀加拿芬道新開的 媽咪雞蛋仔 Mammy Pancake ，每次路過總見人山人海，堵塞著路面，讓鄰近店舖吃著葡萄，聞說店中皇牌 #粟子味雞蛋仔 是《Michelin 米芝蓮指南香港澳門2016》 推介，每底定價HK$28，農歷新年年初一至三還加收HK$5，即總數每底HK$33，極度之貴！還要等待15-20分鐘，是否值得？吃過後老實說是真材實料的，之不過又唔覺得特別好味，跟平時食開十蚊多D既雞蛋仔跟本就無分別，至於粟子，其實可以以一口原味 #雞蛋仔，再放一口「零食物語」或超市買到既原粒粟子肉效果和口感一樣，總括來說，這間「媽咪雞蛋仔」雖然口味創新，但客戶對象群比較適合遊客一次性質。