媽咪雞蛋仔 (Moved) New Location

8號波後雖然不用上班，但學仍然要番，次次行經都鬼咁多人，橫掂早左到，決定買黎試食下。即買即做，原味雞蛋仔，盛惠HKD16等待永遠最令人期待的！熱辣辣香噴噴，急不及待要放入口，外層十分香脆，蛋糕質地頗為鬆軟。邊行邊食，就算返到課室，少少涼左都不會硬得離譜，保留脆地，不枉此食。

抹茶紅豆味 / matcha with red bean $26 it worths trying 🙂 抹茶味帶點苦澀，紅豆餡好多，每一粒雞蛋仔都好厚底。即叫即製，熱騰騰，一咬落去紅豆湧出，好有口感。平時咁多人排，旺角呢間有人排成粒鐘⋯襯平日人哋返工時間去完全唔洗排🤗 但聽聞朱古力味好正🤔😋 //matcha flavour with a little bitter, a lot of red bean paste, every grain of eggs is thick taste. the call is made, hot n fresh, flowing out much red bean. usually there is a crowd in mongkok store, heard it takes an hour to queue. no need for lining up if u go during others' working hours in weekdays 🤗 chocolate-flavour is widely praised too🤔😋summe

旺角雞蛋仔，講創新又講質素就係人都知有呢間媽咪雞蛋仔，之前我一直食開朱古力雞蛋仔，自從試了抹茶紅豆後便愛上了。但又不能忘記朱古力的香，網上見到其他分店的餐牌有抹茶朱古力，但旺角店的餐牌卻沒有，我決定去問問店員，結果成功了！抹茶朱古力雞蛋仔！只看外貌已經好評了！一咬落去，脆卜卜，而且抹茶味已在口中流動，慢慢也有粒粒朱古力的味道，正！加埋見到粒粒朱古力真係特別開胃，只可惜朱古力味對比抹茶味真的太濃了，食耐了便不太覺得有抹茶味，如果加多點抹茶味就滿分喇！

曾聽說媽咪雞蛋仔的分店質素參差，只有紅磡總店的水準令人滿意，然而總是不常經過紅磡，倒是頻頻光顧位於旺角廣華街的這間分店。曾經在MCQ乜嘜雞蛋仔吃過抹茶紅豆雞蛋仔，真的非常出色，外脆而內帶煙韌麻糬質地，抹茶香紅豆甜，至今仍然是我吃過最好吃的雞蛋仔。老實說，愈來愈覺得媽咪雞蛋仔的雞蛋仔質素日益下降，但是覺得可以藉機會比較一下它的抹茶紅豆雞蛋仔和乜嘜的出品，還是即管一試，給它最後一次機會。媽咪雞蛋仔近年不斷推出新口味，就連青紅蘋果口味和紫菜粟米口味亦有，確是無奇不有，然而倘若雞蛋仔做得不好，再多口味亦無所用。 抹茶紅豆雞蛋仔 ($26)今次的雞蛋仔做得比過往數次都好，外層十分香脆，吃到最後亦沒有變軟；而中心則為蛋糕質地，頗為鬆軟。雞蛋中混合不少紅豆粒，然而紅豆粒十分乾身，乾得咬開只紅豆粒中間呈白色，更好像化石一樣粉碎，的確是粉碎，絕不誇張 然後，吃第一口，抹茶味完全不知所終；第二口，只有一陣苦味；第三口，抹茶味又再一次消失殆盡；最後，抹茶味再亦沒有出現過。對比乜嘜出品的抹茶紅豆雞蛋仔，媽咪出品的真的徹底輸得一敗塗地，一次又一次的失望已經令我對媽咪雞蛋仔失去任何興趣

本身想食紫薯味，唔知點解今日黎到見餐牌無左？好啦！就試下綠茶朱古力味！等左大約15分鐘，熱辣辣雞蛋仔有得食啦！同綠茶紅豆一樣，成底雞蛋仔都青BB入面係溶化左的朱古力粒粒睇下入面d朱古力，真係好多好足料！綠茶味好濃！苦苦地，好有茶味！配埋入面同樣好濃o既朱古力，成個味都好夾好好味！

是日夜晚經過此店, 門外應該都有10個人在排隊。知道有此店, 但從來都未試過, 一於今晚試一試!買了大蕃薯(紫+黃蕃薯), 然後等了20分鐘…一咬落去, 香脆度一般, 食幾啖仍覺得有新鮮感。但慢慢…雞蛋仔開始變淋, 口感變得有些少似蛋糕,仲要全部都係蕃薯, 食到一半已經覺得好飽好頂胃喇…媽咪的大蕃薯…我真係唔太識欣賞。

朋友話要食特式雞蛋仔，即刻諗起媽咪雞蛋仔！但我都係第一次食咋！ 同店員講：唔該要紅豆抹茶雞蛋仔！店員：要等三十分鐘！呢刻有D灰左，食雞蛋仔都要30分鐘！好彩我地有時間，我地等！終於等到！！香噴噴！熱辣辣！食落口就差d抹茶味唔夠出呀陰公！被紅豆搶左😫!但好鬆軟同脆口！食左10分鐘食落去都仲可以！但你話值唔值呢個價錢就真係差d!有進步空間架!🤔

早前媽咪雞蛋仔旺角分店一口氣推出左四款新口味雞蛋仔 除左有番薯味、南瓜味同肉鬆味之外 亦有呢款香芋口味 雖然依家不同分店亦已相繼推出番薯雞蛋仔各口味 但香芋口味似乎仍然係旺角分店獨有之前試過剛剛新出既番薯雞蛋仔 後黎再次經過於是決定試埋一樣香芋雞蛋仔恆發既芋泥雞蛋仔真係唔錯 又足料又大底 不過之前係冬季限定 未可以經常食到 而媽咪就造法不同 味道亦都截然不同 但係整體唔差香芋雞蛋仔 ($22)恆發既香芋雞蛋仔 大大底每粒均塞滿海量芋泥 而媽咪既香芋雞蛋仔就係將芋頭粒加入雞蛋仔中 芋頭略帶鹹香 味道亦唔濃郁 但總算比番薯雞蛋仔味道突出不過雞蛋仔毛病相同 起初外脆內軟 內餡實在 食到後半部分就已經變腍 如同蛋糕一樣味道唔差 不過呢個價錢絕對不值 至少恆發既差不多價錢但足料大底得多

當初我食呢款紫薯雞蛋仔既時候 只係旺角分店剛剛推出發售 同期新出既仲有香芋雞蛋仔同南瓜雞蛋仔 後黎多人食其他分店先開始有售 見到其他人依家食既紫薯雞蛋仔 紫薯份量都比我果時食既多 覺得店方幾用心真係有不斷改良番薯雞蛋仔 ($22)望落唔係好似天水圍一間出名既紫薯雞蛋仔咁連蛋漿亦係紫色 蛋漿依然只係原味蛋漿 不過仍可見中間滲雜左少少紫色紫薯粒粒夾係雞蛋仔中間 分佈唔太均勻 一時多一時少一時無 不過質地保持左紫薯天然既粉腍質地 味道雖然好淡但係紫薯本身唔係一種味濃既食材 加入雞蛋仔後味道更微弱絕對無可厚非 唔能夠苛求佢既紫薯味非常突出雞蛋仔保持媽咪雞蛋仔一貫既質素 外脆內軟入面比較實在 但係食左三分二後已經完全腍曬變左食蛋糕當時覺得如果店方增加紫薯份量既話會更好 依家見到其他人買既雞蛋仔紫薯份量多左好多 唔知味道有無更出色呢

熱的媽咪雞蛋仔,連朋友路過也堅持一定要買十分多人排隊,排了差不多20分鐘才買到,真的那麼好吃嗎?紫薯蕃薯味雞蛋仔,十分特別的味道紫薯味道十分香甜,吃起來十分似在吃真實的紫薯,做得相當好蕃薯味道亦十分香滑,一點都不膩而雞蛋仔焗得十分香脆,咬起來超有口感不過價錢有點兒貴,$26一個不是普通老百姓買得起,但偏偏有很多人排隊

旺角呢間長期都好多人排隊 次次都要等 不過都唔算太耐 十分鍾到啦 先買後叫飛 見到入面都好忙冇停過手 熱騰騰好正 一me出黎已經個好脆 不過入面蕃薯味為主 唔覺有紫薯咁 不過都好香 好軟林林 其實都幾好味 口感唔似雞蛋仔 幾特別 食落去都幾飽 全部都係蕃薯 😂😂 不過唔係好甜 都ok😊

晚上9時許，從人來人往的旺角大街轉入恬靜的內街，為的只是尋找一直大獲好評的「媽咪雞蛋仔」！轉入內街後，離遠已經看到一群人在街上等待，朝著人群方向走，就來到了「媽咪雞蛋仔」！原來這些人，都是在等食，等食 雞 蛋 仔！ 鍾情於抹茶口味的我們，二話不說就點了抹茶紅豆雞蛋仔($26/1底)！即使即叫即整，加上等候的人不少，但不消一會兒，熱辣辣既雞蛋仔就出世啦！好有效率的說！LIKE!拎到雞蛋仔後，當然係指定動作：「手機食先！」就咁睇，抹茶雞蛋仔同普通原味雞蛋仔個樣無差；認真再睇，綠色隱隱約約的；meet開黎睇，登登登登～我最期待的綠色終於 出 現 了！ OH這是外脆內軟的雞蛋仔啊！雞蛋仔皮被烤至乾身，因而十分脆。但略帶微苦，這是因為抹茶獨有的甘苦味也偷偷的走到外面來了haha！雞蛋仔不但外表得，內𥚃仲好''IN IN UN UN"添，好有咬口啊！而紅豆亦煮至軟身，岩哂我口味！但若能再軟身d，就真係perfect池啦！好讓紅豆的香味和蛋漿的煙韌進一步地融合yeah！(P.S.我曾經係其他鋪頭食過硬倔倔既紅豆，完全感受唔到紅豆既香味，並為此而抓狂！)不過$26一底對我呢d窮書生而言，的確頗

一日之內幫襯媽咪 & 叔叔，忽然覺得自己好尊重長輩啊自從後到車軚人推介後，第候時間不斷增加，由當初10分鐘內，變為宜家嘅30分鐘以上，食好西總要付出代價吧！ 有小朋友關係，基本上朱古力粒粒雞蛋仔($19)已經成為膽了，今次膽拖了想試好耐嘅紫番薯雞蛋仔($22)，單據上寫的是大番薯，是想取笑我嗎？ 店員同我講要等大概30分鐘，實際係等咗足足40分鐘，好彩可以周圍行下返嚟再拎，想食嘅就早啲order定再去行街，計好時間去拎咁等候時間就好容易過了。朱古力味可以隱約見到啡色嘅朱古力粒，而紫薯外觀上反而睇唔到紫色嘅踪影...... 原來內藏乾坤，一搣開就見到好多紫薯粒粒了，全部係真•紫薯，並唔係用食用食素去扮嘢，雞蛋仔外脆內軟，可能入面有紫薯關係食落質感好似蛋糕仔，唔太甜仲好香，味道洽到好處，比起朱古力我更愛大番薯朱古力呢底比起紫薯更脆，外面口感似足蛋卷一樣，朱古力粒已經溶晒了，每粒雞蛋仔都有唔少分佈平均，對我來說口感頗甜，但絕對係小朋友或者愛朱古力人士恩物阿女係魚蛋狂熱份子，見到媽咪有大魚蛋賣已經雙眼發光，$10有兩粒，有bb拳頭咁大粒，個汁唔錯好香，魚蛋都好爽口彈牙，魚味就唔太突出，

有食過媽咪雞蛋仔嘅都知，佢地整嘅雞蛋仔係外脆內軟，脹卜卜，唔會好淋。琴日經過見到出左個有紫薯味，就二話不說排隊買返個黎試下。味道係食到紫薯味嘅，仲要粒粒都有，唔會話好淡食唔出紫薯味。雖然紫薯係好味，但我都係鍾情於朱古力粒粒味多d 🙈🍫

講到咁好食，見咁多人係到排隊，Ss唯有排埋一份。當日舖頭得兩個人，一個收銀同一個負責查嘢食，所以差不多等咗半個鍾先食到。肉鬆雞蛋仔坊間少有，所以決定揀啲個試吓。如圖所見，雞蛋仔入面唔多肉鬆，所以Ss覺得唔夠味，唔咸唔淡咁。但男友食咗幾粒，都話肉鬆味ok,睇返，原來佢好手勢都揀到啲多肉鬆嘅。肉鬆分配唔平均，食得唔盡興，所以Ss覺得要等半個鐘唔化算。夾餅都鬆軟好食,不過等咁耐真係要諗下先~