媽咪雞蛋仔 (Moved) New Location

早前在美食博覽試過媽咪新推的肉鬆雞蛋仔，原來還有香芋、南瓜及圖中的蕃薯味！尤記得曾在鴻記吃過香芋雞蛋仔，看着店員把兩邊的雞蛋仔模都均勻抹上芋泥，雞蛋仔的重量是一般的三、四倍以上！不過就只有脆脆的外殻，裹着滿滿的芋泥。但媽咪這個，用上黃、紫蕃薯泥，雖然不是粒粒均勻，但蕃薯份量剛好，雞蛋仔煙韌的內層仍在，不會只得空殻及薯泥！而且雞蛋仔依舊富蛋香又香脆！

是日有機會一試媽咪雞蛋仔, 由於有點不適, 來一個原味(HK$15)是最穩妥.即叫即整, 故定要等一會兒. 店員很有禮貌, 地方也乾淨.十分鐘後接過雞蛋仔, 熱騰騰的, 試一口, 外層帶點脆, 但始終不夠利強記的脆. 蛋香不錯, 每粒雞蛋仔也有一半滿, 這一點很好, 至少有點飽肚感.旺角終於有較為像樣的雞蛋仔店了.

早前係旺角睇完早場諗住食啲野，但白布街大部分既店鋪都未開，行行下就發現左媽咪雞蛋仔，好采中午唔多人排隊，好快就有得食，我叫左原味(hk$15)，拎上手熱辣辣，一啖咬落去真係外脆內軟嫁 ！！但可能簡左原味既關係，味道就無乜特別，下次都係醒D叫朱古力味！

我又來到廣華街找雞蛋仔了 - 繼上次到過 Eat with Me 吃咖啡味的雞蛋仔，今次我到了對面的媽咪雞蛋仔。遠在它只是紅磡有店舖時我已是捧場客，粒粒朱古力雞蛋仔是必點的。不只是有朱古力味，還有半溶、若隱若現的朱古力粒，想到都覺得很誘惑吧。媽咪雞蛋仔近來開了好幾間分店，上網搜尋過，原來是容許加盟經營的。上附近的band 房練歌前，先來買一底治一治口痕。當時快要8pm，加上平日，大概沒什麼人會像我在晚飯時間買媽咪雞蛋仔頂肚/當晚餐吧，門口沒有人在排隊。面善的 menu 下方，加了張新印的A4紙，印有新口味 - 香芋($22)、番薯($22)、南瓜($25)、芝麻肉鬆($22)。我認為番薯和南瓜比較少見的，不過我鍾情於香芋，任何和芋頭有關的我都愛吃。香芋雞蛋仔不是非常罕見，例如恆發雞蛋仔有芋泥雞蛋仔賣，不過只是冬日限定。基於個人喜好，我選了香芋味 ($22)，雖然有點少貴。小食店來說，廚房都算頗整潔了，尤其是乾淨的電掣，至少模具旁不是掛滿溢出的蛋漿漬。店內有電視，我邊看著電視邊等，如是者等了十多分鐘。店員跟我說，因為芋頭粒水份較多，要等久一點才烘完，最後等了大約12-13分鐘。到手了！咦

再次去食發現，不知不覺加左價… … 1蚊?! 應該每隻味都有專屬既機去整，所以視乎你叫咩味同多唔多人叫同一隻味，而決定你要等幾耐 。因為我要朱古力，所以等左15分鐘… … … … 朱古力好似比以前少左! 唔再係粒粒都有朱古力，不過仍然做到外脆內軟既效果，可惜開始變空心啦! 最憎雞蛋仔係空心，唔夠飽滿。蛋香都好濃，一路等一路聞到好香既蛋味，可能係佢地策略，愈期待就愈好食?!

I have heard about this Egg Puff Shop for a long time, and now finally have chance to have a try.The shop was located near the Kong Wa Hospital where it was not the most popular region in Mong Kok.  There were no places for people to wait and actually it was quite crowded for so many people standing next to the road.I arrived at around 3, but there were still quite a lot of people waiting for this.After 10 minutes of waiting after ordering, I got this Egg Puff (Original Favor).The egg puff was f

作為紅磚大學的畢業生 冇可能未幫襯過媽咪雞蛋仔但畢左業 如果唔係睇演唱會 都唔會去到紅磡如今媽咪雞蛋仔係旺角開分店 緊係要幫襯支持 順便懷念個讀書時的味道一如以往 繼續叫我的粒粒朱古力雞蛋仔原味底＋好多粒粒朱古力 個雞蛋仔先唔會太甜太漏係其他地方食唔到的唔知點解 硬係覺得冇紅磡讀書時食的咁好食但到底是回憶中的味道總是較好較特別 抑或真係冇咁好食我真係想唔透 所以我得閒都會繼續幫襯的！

格仔餅一向都係比我填飽個肚既食物，總係覺得冇咩味覺享受，但食完媽咪出品既格仔餅我就對呢樣野改觀😣首先，個餅底做得好好唔似一般既軟林林，脆脆地好似食緊窩夫咁，啲餡料就偏甜左啲，不過岩曬我，我諗佢放既沙糖較其他既料多，所以重甜啲☺️☺️☺️食完之後除左飽肚仲有味覺既享受😁😁😁

今天與男朋友一同到好景附近看鞋子和玩具然後走到一條小巷子就一直聞到雞蛋仔的香味害我們都餓了 也知道附近這間雞蛋仔店開了好久也非常有名  就決定一試本來想要試一下巧克力口味的後來還是覺得要吃最基本的原味啦👍等候的時間都比一般的久  好像是真的現點現做的我去的時候不大多人 所以店中只有兩名員工也不會說太忙拿到手上竟然沒有一般剛出爐就給你的燙手而且味道果然不大一樣外層十分的脆  內面是十分鬆軟 一點也不覺得是攤了好久好久的內面不是空心的雞蛋仔我好久沒有吃過了...有料子的果然不一樣但是我和男友平分一份吃完以後還是有一般想要瘋狂喝飲料的感覺但總結是好的啦以後會再來👍

以往食開黃埔嗰間媽咪，最近先知旺角有，去到係人山人海。不過我覺得冇嗰間咁好食。主要因為蛋漿味唔夠濃，所以冇乜雞蛋仔味，外層亦唔夠脆，甚至有少少硬，同其他舖頭差唔多。不過勝在朱古力夠多。

宜家雞蛋仔既款式越來越多花款，第一次試媽咪雞蛋仔，我點了朱古力味雞蛋仔。雞蛋仔裏面有硬既朱古力粒，又有軟既朱古力醬，好好食！雞蛋仔脆皮同軟心既配合更添口感，過左十幾分鐘，一路行一路食，凍左少少都仍然好食。 一份$17，貴過一般雞蛋仔，但味道同質量都令人滿意。 媽咪雞蛋仔仲有其他口味：曲奇、白芝麻、原味。下次都會再食！～

因為突然間好想食，而又有朋友介紹，特登走黎廣華街買，可能已經夜晚九點幾，排對人唔算好多，大約排左五個人度，一場黎到，見到粒粒朱古力味好似好勁喎，買左一底試下，$18一底雞蛋仔，講真其實有D貴，拎左張飛等叫，等左8分鐘度有喇, 熱辣辣脆卜卜其中，好香， 咬開見到好多朱古力，不過食無聞咁香，可能係朱古力熱食既特別味道，總括黎誁係可以一試

數數手指,好像很久沒有在香港掃街了,不是人高貴了,也不是健康地謝絕小食,而是香港愈來愈少出色的的小食啦!我的 Quota 都留在台灣夜市....今晚放工去做Facial 的途中,忽然興起好想食雞蛋仔,就上網狂找,上次同朋友去紅磡食拉麵,本來打算下場食媽咪雞蛋仔,點知又好唔好彩俾我見到新開的Churros 店....最後....我食左churros 囉!上網望望,原來旺角都開左分店!而且都幾近我落車的地方~小店就在死魚乳酪附近,當晚經過人不太多,可能時間尚早的星期一晚上吧!!揀左粒粒朱古力味的雞蛋仔($18)買左會俾張收據你,等叫number 就可以了!當晚人都唔太多,大概等10張以內吧!即叫即整,大概10分鐘就叫我啦!因為我一個人,影相不方便,我把雞蛋仔放左o係工作枱上面影,店長好nice nice,笑住問我影唔影到!!新鮮出爐,拎上手熱辣辣,聞到濃濃的蛋香味,而且呢度的朱古力味,唔係用粉漿成塊過,係逐少平均地加到粉漿中,食的時候,每粒雞蛋仔都會食到半溶化的朱古力碎粒!我真是很久沒吃過外脆內軟的,忽然有點感動~~媽咪呀!!!不要問我凍了脆唔脆?事關我未行到朗豪坊已經一個人食晒成底...

紅磡人氣雞蛋仔店終於開分店，還要一開開兩家，選址皆在人流（及租金）高企的旅遊旺區，也算大膽進取。得知家樂附近的分店開業後心思思想試，見是日放工後沒什麼事作又不想太早歸家，便由佐敦走過來，獨自享用一底雞蛋仔作晚餐。粒粒朱古力雞蛋仔$18由下單至成品到手等了大約十五至二十分鐘，對喜歡吃新鮮熱辣雞蛋仔的我是可接受的範圍；從店員手上接過滿佈小洞的特製紙袋，見其顏色烘得金黃，而非溫溫吞吞的淺黃色，立刻掰開一粒放入口，質感實在之餘仍能保持外脆內軟，朱古力釘份量下得慷慨，半溶不溶的，吃得滿口朱古力味；惟吃著吃著察覺手指比平日吃其他雞蛋仔時更油，要自己一個完成一底有點膩，若有半半選擇就太好了！其實一直以來都不明白為何旺角沒有一檔像樣一點的雞蛋仔，現在媽咪進駐後，想吃雞蛋仔時便不用勉強吃那些又貴又難吃的出品了。

很久沒有吃過雞蛋仔了, 朋友講最近新開了這間雞蛋仔, 所以帶我去試。這間店有原味、粒粒朱古力味和白芝麻味, 還有夾餅配上醬料。今次點了未試過的朱古力味, 等了大約10分鐘就有得食, 熱辣辣, 而且十分香脆, 還有粒粒溶了的朱古力。P.S. 店員服務態度十分好。