MAMA Bakery (啟鑽購物中心)

Open Now

Now Closed

成日見到MAMA bakery 但係一次都無買過🤔 有日狀態唔太好 朋友為咗幫我加油就買咗個bagel比我做早餐🥹✨牛奶麻糬bagel麵包體係軟熟既 但麻糬分佈唔算平均😗 不過感恩有朋友既愛🥹

Mama Bakery除左有賣各式各樣既麵包蛋撻之餘🍞每次只要有經過呢間麵包店都必定會買呢間, 正如佢既包裝上寫”一試難忘”既”經典花生糯米糍”🤤 花生糯米糍$20/盒, 每盒有兩個, 外層有椰絲包裹住口感煙靭既糯米糍, 而餡料係用橄欖油、黃糖同大小花生碎造成🥜咬落先食到煙靭糯米皮, 再咬落去就食到甜而唔膩既花生餡料, 花生碎有大有細口感豐富非常脆口👏🏻 每日新鮮製造, 有時去到麵包舖想買都未包好🥺一盒兩個, 滿滿既花生餡料, 食完一個會再想食多個。

路經鑽石山，被麵包香味吸引咗，進入店舖看看，最後就忍唔住買咗以下嘅嘢試試。原味牛角酥。$14 🔎牛油味濃，但不夠鬆軟。迷你葡撻（3件）。$14 🔎蛋味香，蛋皮睇落有好多層，正！

一向對麵包都係零抵抗力😂，所以兩日嚟買左$260麵包，堆到屋企嘅麵包量可以食足三日，但都無阻我繼續買嘅心情😅 今次買左芝士控一定中意嘅芝士牛角包🙊，同埋炒蛋包。其實本來只打算買忘憂嘅麵包，點知買完行出嚟，聞到MAMA Bakery傳出嚟嘅麵包香😯，令我忍唔住入去買左兩個🤣。老實講，雖然知道佢係連鎖店，但佢嘅烘焙香味，將忘憂比下去。芝士牛角包 $16雖然食果陣已經凍哂，但焦香芝士味濃郁，真係一解對芝士嘅渴望😏。加上牛角包空氣感十足，一個人食哂都只會覺得係攝牙罅，完全唔需要擔心會好飽好滯。不過如果追求牛角包嘅牛油香、同酥脆，呢個包就一定唔合格。炒蛋包 $13我只記得個名有「炒蛋」二字，本身仲期待會有炒蛋餡，但實際係無乜蛋香嘅玉子狀蛋卷內餡，有點少失望。表層係焦香芝士，整體一般。