馬六

Open Now

Now Closed

星期六一家三口嚟食晚飯,佢唔算多人又唔使排隊,希望唔會中伏。我叫咗海南雞喇沙米線,一次過滿足兩個希望,有海南雞又有喇沙。海南雞就一般般,喇沙味就唔夠濃,湯底略嫌稀左d。所以我估到海南雞飯都係一般般,好彩佢跟餐係有個肉骨茶,所以整體覺得呢個套餐好豐富。至於串燒咖哩麵,好有睇頭,兩串串燒好吸引,食落都係一般般,麵都係一般般,不過不失,唔算太辣,鍾意食東南亞辣嘢嘅朋友就覺得唔夠過癮。最後,上埋跟餐嗌咗嘅三杯飲品,拉茶、香茅茶同薄荷桔仔梳打都係一般般,ok囉。所以整體都係嗰句……一般般。

今日落雨唔想去咁遠食嘢，近近地就選擇左去太安樓食。呢到下午茶好抵食，我地叫左幾樣嘢。新加坡大蝦喇沙摻摻 味道濃郁，辣度非常適合我，大蝦鮮甜爽口，摻摻咬落有口感。馬六無骨海南雞飯起哂骨啖啖肉好正，雞肉嫩滑，雞皮爽口滑嘟嘟，油飯香，加左三色醬汁更加惹味。老街雞絲扎肉清雞湯米線叫比小朋友食，味道鮮甜清淡，雞絲嫩滑，非常適合小朋友。咖央多士烘到外脆內軟，好邪惡啊。美祿哥斯拉味道濃郁，唔會好淡，仲有脆脆係上面。

今日去西灣河太安樓馬六吃下午茶。此店的下午茶餐款式多，價錢實惠。馬六海南雞飯($60)好食。馬六採用的三黃雞賣相吸引，雞肉嫩滑有鮮味。由雞油，雞湯和班蘭葉煮的米飯也可口。不要油飯可揀白飯。雖然是下午茶餐，份量足無欺場，還有冬瓜雞湯，正。馬六什錦椰漿飯($62)值得推介。除了好味有咬口的椰漿飯，還有很多惹味的配料。巴東牛肉微辣，香料惹味令人很開胃。雞翼調味佳，大大隻香脆多肉。還有魷魚，花生，江魚仔，半隻糖心蛋和青瓜，充份滿足你的食慾和口感。每份茶餐可追加一份風味小食。因為雞翼($16)太好食，追加了一份打包回家孝敬媽媽。還叫了份南洋班蘭叻吔多士($22)。多士一份4件，香甜惹味，是媽媽和我最愛的comfort food。下午茶配熱飲，凍飲加$3，加$8可升级地道特飲。馬來手工拉茶有特色，香濃有茶味。馬來香茅蜜(+$8)順喉微甜，好飲。茶餐不用加一，抵食好食飽肚，推介。此店的員工服務態度佳，讚👍🏻雖然黃雨，嘆完下午茶，心情靚哂。

咁岩要去西灣河做野，👦🏻和同事就去左西灣河搵食。👦🏻次次去西灣河都係去太安樓入面食海南雞，今次打破常規，決定試下「馬六」。「馬六」主打新加坡菜🇸🇬，係香港都唔少分店，以下即將為大家介紹！🌟馬六無骨海南雞飯拼巴生肉骨茶海南雞飯係👦🏻至愛，今次就點左馬六無骨海南雞飯拼巴生肉骨茶。海南雞肉嫩滑😽，咬落去啖啖肉，無骨就是爽🫶🏻；油飯粒粒分明，香雞油味👍；肉骨茶藥材味唔算好重，較易入口，補下身子係唔錯既選擇😋。

【濃味湯底大蝦雞串咖哩麵+燻鴨喇沙+咖央多士】馬六呢間新加坡馬來西亞餐廳，有好多間分店，主要售賣多種喇沙、咖哩麵、海南雞飯，亦有串燒同班蘭多士等小食。今次試左佢d野食，貫徹星馬菜比較濃味嘅風格，值得再去😚Lunch menu 套餐六七十蚊，包野飲✏✏✏✏✏✏✏👅味道：8.5/10🌌環境：8/10👍🏻推薦：8.5/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作大蝦雞串吉羅咖哩麵 (💝9/10) $75- 大蝦好普通，雞串好入味，唔洗點醬食，有足足兩條，湯底好濃，辣辣地，好滋味！娘惹茶燻鴨喇沙 米線/摻摻 (💝8/10) $72-燻鴨好濃，入口油脂十足，等候需時應該即叫即做，鴨皮切開十字一格格，類似有種煎香或者用火槍燒香嘅感覺，所以外皮有d焦香，鴨油blend入喇沙湯底，更加滋味- 只係略嫌鴨有啲油(但呢個係本身鴨嘅特質唔關餐廳事)總括嚟講兩種麵食

今日係西灣河辦年貨，買完花係附近食下午茶當晚餐，去左呢間馬六食海南雞飯。下午茶叫左個「海南雞飯拼新加坡喇沙$75」用左三黃雞整既雞飯，雞味香 雞油濃郁 飯好香但唔覺好膩，海南雞好吸引，另外喇沙都幾正宗。跟餐包飲品，轉特飲+8轉桂圓紅棗茶，足料好飲。跟餐可以用優惠價$26叫多碟「馬拉盞通菜」好好味又不減份量，大大碟又炒得惹味。之後再加左個「斑蘭多士$26」多士好脆好食，兩邊都搽左滿滿既斑蘭😆最後加左沙嗲雞肉串(3條)$42 ，不過不失，價錢抵食。

馬六呢間嘢想試咗好耐，難得今日有時間就試吓佢先🤓我地叫左馬六無骨海南雞飯拼巴生肉骨茶 $75加$10仲可以轉雞髀🍗佢呢個拼盤都幾好可以一次過試哂肉骨茶同海南雞飯，唔食肉骨茶的話佢仲有個喇沙嘅都好多選擇🤗我覺得佢個雞油飯都好香，我地仲叫左少飯🤣份量好多性價比好高🤩就咁海南雞都成碗咁濟，又夠嫩又好食，平民之選！唔怪得佢開到咁多開分店😍肉骨茶當湯都飲下都唔錯！補下身😛飲品叫左桔仔話梅水同馬來手工拉茶～都係啲比較特別既飲品🥤我地仲叫左碟馬拉盞通菜$28，份量都唔細架！都幾咸香😍

今日係深水埗都唔覺得凍❄️一到西灣河，啲寒風係咁吹😵‍💫所以決定要食辣野先！😤食物斑蘭冰我真係唔知斑蘭係咩味🤣今日大膽去嘗試..結果係🤣🤣雀巢香芋味雪糕🤣🤣好飲喎！解辣一流😉越南白咖啡好香，好滑！唔加糖都好飲❤️❤️❤️咸蛋黃魚皮超勁多咸蛋沙🎉薰鴨胸喇沙米線好重椰漿味❤️同好辣🤣但呢個抵食！超大舊鴨胸！勁飽啲米線好彈牙🧚🏻‍♀️海南雞喇沙摻摻都有10件雞！勁滑🖖🏻薰鴨胸配雞油飯又係勁大嚿煙鴨胸🤣個飯比較軟身，啱晒我小朋友食😉啲魚干仔脆卜卜！仲有花生🥜服務個個都好好呀❤️超有禮貌😉落單又快，其實都好多人，但唔洗等好耐。大鄉里🤣：跟住我叫左杯水，佢同我講係熱水，但個杯唔熱架喎😧不過啲水真係岀煙其他Update menu

星期日同隻乸行完山有D 肚餓，入咗呢間馬六食D嘢，叫咗海南雞飯， 喇沙魚旦湯摻摻， 椰青同埋桔仔茶，海南雞好滑好嫩，D飯好重香茅味勁正，肉骨茶都好好味但係就用咗一字骨仲係急凍嘅！有啲鞋口，杞子就應該係最後先加落去嘅！喇沙魚旦湯摻摻 一般貨色D魚旦好泡，好麻麻！可以唔使試，椰青應該係泰國貨好正， 桔仔茶得甜味冇茶味冇吉味麻麻， 埋單嗰時有啲驚喜， 嗰位四眼妹妹，用雙手接錢同埋找錢俾我，令我感覺食客非常受到尊重，好有禮貌 ！！值得再去下次有機會一定試埋個巴東牛肉飯

行到西灣河，諗住求其食啲嘢，於是就入咗呢間，食海南雞飯！🤣🤣.馬六無骨海南雞飯 ($68)海南雞飯不過不失！雞肉都幾嫩！不過可惜就係切得太細件🥲🥲.馬六無骨海南雞飯配巴生肉骨茶 ($82)女朋友就叫咗個海南雞飯配肉骨茶😋😋.另外分別加咗8蚊叫兩杯特飲🤩🤩.美祿哥斯拉女朋友一見到有呢一個叫，諗都唔諗就叫左😝😝佢話呢一個係佢童年嘅味道！🥳🥳.薄荷桔仔梳打呢杯都唔錯！🤪🤪.總括嚟講，不過不失啦！🤓🤓

西灣河太安樓多選擇就係人都知？除咗掃街如果想坐定定食飯都有唔少選擇✔️馬六有唔少分店，主打新加坡東南亞美食，晚餐除散叫，我覺得套餐幾抵食，有主食外，有小食及飲品，加$8仲有特飲，性價比唔錯🆙 ◽️檳城蝦麵 $92喇沙湯底香濃，麵混合米粉同油麵，帶出唔同口感，配料亦好豐富：流心蛋、蝦、魚蛋魚片、同豆腐，味道都唔錯😋◽️流心蛋凍椰子班蘭冰 +$8滿滿嘅班蘭椰香，好清新嘅口味🌴◽️巴東牛肉椰漿飯 $92綠色嘅椰漿飯好吸引😍巴東牛肉炆得好香滑，好好用嚟餸飯💯咸蛋黃魚皮香脆魚皮包裹住咸蛋黃醬，好食到停唔到口😈凍美祿哥斯拉 +$8成日好想飲呢個，鍾意佢唔會勁甜，仲有粒粒嘅美祿波波👍🏻榴槤咖央多 $28呢個係必點之選‼️有蛋黃、榴槤及班蘭三款口味，作為榴槤愛好者當然二話不說揀定喇，榴槤味唔算勁出，熱烘多士夾著一塊鮮牛油🧈估唔到味道幾夾👍🏻每咬一口就散出淡淡榴槤同牛油香，好邪惡好正 😈🤤

今日和妹妹去太安樓馬六吃下午茶。下午茶餐抵食好食選擇多。海南雞喇沙米線深得我心。喇沙湯開胃少辣微甜合我口味，米線滑，海南雞雞肉美味，份量不少。巴東牛肉椰漿飯美味有特色。飯又香又有咬口。牛肉微辣開胃惹味。餐的熱手工拉茶有茶味甜味適中，好飲。鮮椰青又多汁又青甜又健康，正!各款小食也不錯。豆卜蝦一口一粒好味道不油腻。班蘭咖央多士多士香脆，厚厚的牛油和香甜的班蘭咖央醬是我至愛的comfort food。蘿蔔餅一份兩件好味道，適合素食者。吃得又飽又滿意，2個人只需$200，不用加一，好抵。

西灣河太安樓食肆林立，今次就揀咗一間星馬菜來試試。一入到餐廳，內裏環境乾淨清潔。侍應很有禮貌。餐廳的裝修有點南洋的懷舊風味。大蝦雞串吉羅咖喱麵食馬來西亞嘢，當然唔少得喇沙。叫咗一碗大蝦雞串吉羅咖喱麵試試，有驚喜。湯底濃厚，有油麵和粉絲兩種，增加口感的層次。配菜也豐富多樣化，有豆卜，蝦，流心蛋，雞肉串燒。雞肉嫩滑，豆卜吸收晒啲湯汁，非常惹味。馬六無骨海南雞飯呢間餐廳的海南雞飯沒有骨，食起上嚟啖啖肉。雞肉好嫩滑，雞皮也不會很肥膩，口感很好。配有三種醬料，有薑汁醬，辣醬和黑醬油。油飯很香很入味，軟硬度適中，令人停唔到口，忍唔住就食晒成碗飯。馬拉盞通菜最後仲叫咗一碟馬拉盞通菜。每餐都要食啲蔬菜。通菜有蝦米的味道，啲菜都好新鮮唔老。成餐飯兩個人唔使$200 ，性價比唔錯。下次會再嚟試其他嘅食物。另外，餐廳亦有提供口罩袋和濕紙巾，服務貼心。

太安樓出名多地道美食。雖然大家定義的美食未必一樣。但大家很容易在這裡找到自己喜歡的美食。太安樓的馬六，雖然是一所連鎖店。，但是長年累月是很有人氣。試過幾次午膳時間不夠，等不下去，幸好皇天不負有心人，終於等到再嚐此店的機會。肉骨茶，喇沙摻摻，海南鷄飯，無論那一款都是水準之作，足夠支持馬六的人氣。大家如果有時間，不妨早些去細味品嚐一下，在店中找一款自己喜愛的食物，分享給身邊的朋友。在冬天，站在外頭等位。是一種感受。

今晚偷懶唔煮飯，阿媽話想食馬來西亞菜，我地就揀左屋企附近嘅馬六，之前食過都唔錯。馬六無骨海南雞飯 $72份量唔少，無哂骨啖啖肉，雞肉肉質嫩滑，雞皮爽口，唔會好油膩，飯味香濃。馬六無骨海南雞飯拼巴生肉骨茶 $88覺得海南雞飯好食，我地叫多左個，媽媽話想飲肉骨茶，藥材味唔會太濃味，較易入口，味道幾好味。温泉蛋配斑斕多士 $36温泉蛋蛋味濃郁，好滑，斑斕多士烤得香脆，斑斕醬香甜。我拌勻温泉蛋，將多士沾滿蛋汁，原來好夾。