卷卷壽司 (Closed)

必試小店收工嚟到天后搵食平時都有係附近搵開食，因為多選擇放工行過嚟又近，行到青風街天橋，有間叫卷卷既壽司刺身既外賣店，之前新開張都有留意到，今日終於可以一試，除咗壽司刺身其實仲有啲炸物等等......見到咁多選擇真係花多眼亂，開始出現選擇困難症，樣樣都想試，最後店員就推介刺身SET都好喎，咁我就揀咗個Set B有三文魚，Tuns魚 ，油甘，劍魚腩，珍寶赤蝦，帶子，北寄貝，真鯛,另外男朋友想食啲熱野加咗個炸蠔，手卷係我必食之選，咁就試埋個Tuna海膽手卷。等咗約10分鐘就有野食喇，對正門口出面有張櫈正呀，最鐘意坐outdoor ，咁啱又停咗雨，索性食埋先走嘩嘩嘩，確實係性價比高，刺身唔係好似出面咁得個雪咪，真係魚有魚味蝦有蝦味，好似講緊費話咁，但依家要食到魚有魚味蝦有蝦味真係唔係咁易，另外男朋友讚讚讚個手卷同炸蠔，真係食到佢豎起隻手指公，個笑容真係非常滿足一定會再嚟，支持年青人店員非常有禮貌+靚仔加油

天后外賣壽司，平時會去中村屋，呢晚太夜，中村屋已關，行前幾步原來有間新頂手開左唔係好耐既外賣壽司丼飯，標榜即叫即整諗住價錢平、咁實惠都無乜期望，點知有驚喜！叫左個北海道魚生飯，size正常，賣相唔錯👍材料新鮮，帶子同蝦都鮮甜，海膽鮮～係個飯稍為硬實咗少少，但海膽魚生飯一百蚊有找喎，對得住個價錢同真係買少見少！希望keep到啦～店員態度勁nice，對於我呢d有選擇困難既好幫到手👍@leetaitai_foodie

話說今日去天后清風街修理我嘅愛車，搞咗一個早上，諗住今日10.1紅日，修完車就買D外賣返去同屋企人聚吓，打吓麻雀咁，咁啱整車嘅斜對面有間唔太起眼嘅壽司外賣店（叫卷卷），咁就行埋去睇睇咩情況，初時見鋪頭細細未必好得去邊，但3缺1趕住返去，架車又差唔多整好，個店員又算好禮貌，咁我就決定當比次機會試試啦，就算唔好食都當支持本地小店，我架車仲有45分鐘左右就整好，見個店員話師父即叫即做，咁我就問我買2個派對刺身set B +加10個壽司拼盤（特）+30件散叫，問店員要幾耐，聽到話40分鐘左右就可以做好，時間啱啱好咁我就ok啦～ 買完返到屋企，餓咗成朝咁就緊係食嘢先啦，未食唔知道，一食有驚喜，價錢2千鬆蚊，我哋8大人2細路，食到好飽，味道又好食，平均一人2舊水左右，食物水準完全超出呢個價錢，D刺身好鮮，壽司都好味，壽司有配料，唔係就咁魚鋪飯面嗰種，食完個個屋企人都讚好，以後我同屋企人會經常開車去買黎食！推介：刺身：全部都好 （夠鮮）軍艦壽司：海膽 蟹肉蟹膏 三文魚子（好味）壽司：油甘魚腩 赤蝦 （壽司飯如果再重醋味D仲正）火炙左口魚邊壽司：（又係好味）今次只試咗唔多款式，下次再試其他嘢，之後

天后附近有好多日本店，但係都冇一間係可以又平又正而滿足我哋呢啲唔需要堂食嘅人。E間壽司絕對係驚喜自選，價錢便宜，壽司魚生好食，性價比高。下次一定會嚟再試佢其他刺身，set dinner sushi 平盤好抵，每一舊除返開，都係10幾蚊一舊。又有油甘魚，又有海膽。好食！

話說屋企新居入夥宴請朋友到來，就見到openrice既食評。叫咗壽司套餐到會a同b。朋友個個都話好食又其是個炸蝦卷！壽司同刺身非常新鮮同好味，嚟緊下個星期會再嗌。其實係呢間店前身同再之前都係外賣壽司店，但係呢間真係非常好。非常推介！因為我哋嗰日都有嗌pizza，基本上啲壽司清曬pizza嗰邊仲有一半未食。朋友個個都讚好，店員有禮貌有交帶。如果港島區或者天后區附近嘅朋友想嗌外賣返屋企可以試一試呢一間。

琴日叫左三文魚盛合（有炙燒三文魚）辣味三文魚壽司三文魚小卷三文魚壽司 好特別 個面加左小小蒜蓉粒 出面未食過咁既配搭 睇得出好有心思 蒜蓉份量岩岩好！太多會搶左三文魚既味！一定要試我好中意食辣味三文魚壽司 但除左元氣 出面冇一間做到我中意食既味道 卷卷壽司既辣味三文魚 雖然味道同元氣完全唔同 但又係好特別 唔會太辣 好似有啲沙律醬既味道咁 而且啲三文魚粒好大舊同多！下次會試炸蝦卷 花之戀！三文魚同辣味三文魚必點！一定會再幫襯😊

姨甥女生日Party🎂除左到會 走唔甩叫下壽司朋友介紹新開壽司小店》卷卷提早一日落單 講定第二日幾點自取 夠晒方便因為唔係個個食生嘢除左set都有叫咗炸物火炙款試試諗住價錢咁親民質素應該都係一般般 原來超出預期😆綜合大家意見 都係好味 鮮甜連小朋友都爭食炸蝦卷😂😂😂正常發揮🍣三文魚壽司吞拿魚壽司帶子壽司北寄貝壽司個人心水之選❤️甜蝦刺身 油甘魚壽司劍魚腩壽司赤蝦壽司火炙左口魚邊壽司 一定有下次幫襯 支持下小店

今日同男朋友行去天后 諗住買嘢食做晚餐。天氣勁熱 我哋都無主意食乜好 點知行行下見到間壽司店🍣隔離係間花店🌹店舖出面有木櫈 買咗都可以坐喺度食🍙見到menu啲野食有壽司/手卷/軍艦/丼飯🍱 一於就試試😆 因為唔太餓，今次叫左壽司盛 另外再加散叫幾款火炙壽司 （我鍾意食火炙類）同芝麻雞翼🙂店員服務態度好~nice✌🏻食物賣相唔錯 味道也好吃😋食材都新鮮 芝麻雞翼即刻炸 夠香口！再多少少芝麻會更好～整體來講ok 下次會再幫襯😃

近排天氣熱，少咗食生冷野。放工有啲餓，跟同事搵食，見呢間新開嘅手卷屋，見老闆密密做，好多外賣單，幾受歡迎，一於試吓新野。我唔食生野，叫咗個火炙三文魚手卷，同老闆講燒熟啲，佢態度好友善，忙緊都唔會唔耐煩我同事就叫咗個海膽花之戀，好少見呢個配搭。火炙三文魚手卷，老闆真係按要求燒熟啲比我，好足料好滿足食到底都仲有魚，啲壽司飯好香好軟熟，熱辣辣好開胃好抵食，性價比高海膽花之戀，我唔食生野所以無試，我同事話好好食好鮮味，海膽好新鮮手掌咁大份好抵食，見佢食得好滿足呢間新小店性價比高，食材新鮮，老闆員工服務好，以後放工宵夜有著落下次可以試埋啲便當🍱

夜晚9:30仲開 想搵d小食 就試試佢服務親切有禮 細心兩個手卷先36蚊 炸蝦及鰻魚 仲要即炸 不錯 食到底仲有料唯獨炸蝦嘅沙律醬可以突出dD飯可以再實啲 容易散下次試其他以後多一個宵夜選擇 小店要加油

一間唔起眼既小店，令我一個星期內食2次第一次係當飯，其實當時我只係諗住去take your time買野飲😂就係依個時候我發現依間小店有井飯食既一刻我真心覺得驚喜，食材好新鮮，好好味95蚊既飯有好多魚生，魚子好鮮，牡丹蝦好甜真係好好食，所以今晚我又再去，今次食手卷不得了，軟殼蟹手卷既蟹係即叫即炸！好好味真心推介，仲有海膽手卷啦！唔洗講惜才新鮮咩都好食而且店員仲好友善❤️ 希望大家可以幫手支持小店卷卷加油呀