1
0
1
Good For
Private Party
Opening Hours
Mon.-Fri. 09:00-20:00;Sat. 11:00-16:00; Sun.& public holiday. only for reserve
Payment Methods
Cash
Number of Seats
25
Other Info
Alcoholic Drinks
May Bring Your Own Wine Details
Phone Reservation
Delivery
10% Service Charge
Above information is for reference only. Please check details with the restaurant.
Signature Dishes
wasabi海鮮墨汁意粉 生果乳酪冰 自家制心太軟蛋糕 青蘋果鴨胸扁意粉配蜜糖芥苿醬 麝香咖啡(貓屎咖啡)
Review (2)
(Non-member) 2010-12-19
107 views
星期五放工之後,搵個地方嘆咖啡同食飯~聽朋友講附近有間樓上cafe有貓屎咖啡,於是就相約男友上去試下!入到去,環境都幾舒服。充滿住海洋嘅感覺。聽服務員講係因為上一手個老闆好鐘意潛水所致!之後服務員點起蠟燭,環境變得好浪漫。咖啡機旁邊,有幾個唔同嘅咖啡壼同好多杯~原來服務員(即係咖啡師)都係好愛咖啡嘅人!好啦~叫野食啦!我叫咗個$83青蘋果鴨胸扁意粉;$98男友則柯打西冷扒。先來嘅係餐湯同包~松露蘑菇湯!湯嘅松露味香得黎冇蓋過白菌味~唔錯唔錯!但男位突然發現湯內有啲黑色小點,一問之下先知原來係黑松露醬!餐嘅小多士冇咩特別~之後黎嘅就係我點嘅鴨胸意粉...黎過呢度先知原來honey mustard可以用黎炒意粉!鴨胸襯honey mustard,絕!味道酸酸甜甜~原來就係青蘋果起嘅作用!好特別~之後到男友嘅西冷扒,當夜焗薯沽清,轉咗意粉。有啲失望......不過塊扒都幾大,尚算juicy~配上黑椒汁,都唔錯!跟住就到飲品,由於我要飲貓屎咖啡嘅關係,我柯打咗杯茶:非洲甘露~~茶包裏面係真係茶葉,唔係茶渣....所以一睇就知係靚嘢~而男位柯打咗一杯mocha~咖啡面頭有漂亮Latte art!好香滑!咖啡味濃得黎又帶到朱古力味~而且唔會太甜~甜品方面..係一個叫"afforgato"嘅意大利甜品...中文意思係浸死~少少白蘭地+foam+雪糕~onside有杯espresso,將espresso倒入去就要即刻食~一個好有趣嘅甜品....正!大家下次去都要試下呢個"浸死"!最後都貓屎咖啡~服務員將虹吸壺拎到我地枱前沖煮~一路煮嘅時候一路講解貓屎咖啡嘅故事!哈哈....終於試到啦.... 佢係一隻好柔和嘅咖啡,一啲都唔濃!冇酸味~亦冇苦味,帶點可可嘅味道。飲完之後好relax!原來係咁嘅!=)今餐好滿意!下次要試下黎食lunch~ continue reading
(The above review is the personal opinion of a user which does not represent OpenRice's point of view.)
Level3 2010-12-06
68 views
日前上開飯網頁, 得知Safety Stop 已結業, 香港難得一間有出色 Risotto 的經濟小店頓然不知所失蹤, 心裡感到無比失落。後來發現在同一地方開了一間叫Magical 的小店, 希望重燃, 當然立刻book 檯試試!一進小店, 發現店舖陳設依舊, 但人面全非。12時45分到店, 發現新店只是半滿不到, 亦沒有客人留座, 原來不用book 檯, walk in 便可以。加上是日空調壞了, 人丁更是疏落。新店主理人是一個年輕小伙子廚師及兩位青春少艾侍應。 服務是頗殷勤周到的, 但食物就…我們點選了兩客set lunch, 分別是88元的紐西蘭西冷牛扒配薯菜及73元的芝士白汁煙肉磨菇意大利飯.首先來的是是日餐湯 : 松露忌廉磨菇湯 及 牛油法包松露何來? 數十元的午市套餐, 確實是不能期望能在湯裡會發現可被肉眼identify得到的松露. 湯的味道本身是不差的, 但既然說得是松露忌廉磨菇湯, 也至少在金寶忌廉磨菇湯味的湯裡加兩滴松露油吧? 而那兩小片牛油法包, 則是乾而不脆。由於等待主菜時間頗長, 我們便開始留意隔離檯叫的墨汁意粉及牛柳意粉。由於沒有試過味, 不能評論好吃與否, 但賣相確實有點樣茶餐廳的乾炒牛意。朋友的紐西蘭西冷牛扒配薯菜先到, 要求七成熟, 結果來了一個全熟的。 朋友向其中一位少艾投訴, 少艾立即主動提出再煮過, 這個服務態度是值得嘉許的。再來的牛扒是做到七成熟了, 但肉汁和肉質都欠奉。朋友只吃了七成的扒, 餘下三成的筋。我不否認 risotto 是很難煮得好, 加上試過了友人的扒, 我對我的芝士白汁煙肉磨菇意大利飯並沒有期望, 味道亦在我意料之內, 有白汁味, 有芝士味, 有煙肉味, 有磨菇味, 但並不好味, 飯身頗硬。味道欠奉, presentation 亦欠奉, 意大利飯和隔離檯意粉的賣相一樣不吸引。其實未見官先打三十大板。午市套餐最後以餐茶作結, 不過不失。細問之下, 原來新店的主理人和SafetyStop 的人全無關係。我們大膽假設新店Magical是一班剛出來創業的年青人的結晶, 但無論你們的店有多麼的 Magical, 食物質素如此這般不合格, 相信再多的折扣優惠也無補於是。在結帳的小盤留下了Magical 飯後送的2張午市套餐半價coupon 就是我們對新店的意見書。我知道將新店和已結業的Safety Stop 比較很不公平, 但我相信這是很多舊客的心聲。努力改進吧, 年輕人! 期待有一天可以為你們寫一篇笑臉的食評。 continue reading
(The above review is the personal opinion of a user which does not represent OpenRice's point of view.)