龍苑美食快餐店 (Closed)

今日下午叫左外賣，下午茶三串一，見佢選擇就好多，緊係要D大件夾抵食架啦，15分鐘就到，真係好快...$20我選左呢幾樣腸仔米線-腸仔有煎過，都幾香，米線外賣唔會林，飽~可樂雞比-$20個餐包咁多野仲有咁大隻雞比，抵爆，味道一般不過啖啖肉。魚肉燒賣-好過七仔個D，至少覺得有魚肉味唔會淨係得肥豬肉。飲野-豆漿，應該係自己整既，慳皮費掛，都幾有豆味，唔覺有溝水，冇紙包個D咁甜，OK既。 continue reading

下午茶加左兩蚊價...依家要$20當lunch食啦~叫外賣,叫左沙嗲牛肉公仔麵,火腿奄列,蛋沙律三文治,熱華田可惜沙嗲牛肉公仔麵:超少沙嗲,又竟然用洋蔥....未食過沙嗲牛肉公仔麵有,仲要係咁多洋蔥...成個公仔麵只有洋蒽味.......oh my god........超難食....牛肉...無食到,....睇落去好硬火腿奄列: 一般啦....蛋煎太耐啦....搞到好乾蛋沙律三文治:臭ge.....食左兩啖....酸ge....唔知蛋定沙律問題........總之又係唔食得.....今日龍苑做乜........搞成咁.......定還時日日都係咁.....唔知啦!!!! continue reading

早前叫這間餐廳外賣下午茶, 發現極之難食, 惡劣情況如下:1. 蛋治的麵包"益益地";2. 全部炸類小食也有"益味"(包括薯條, 司華力腸, 炸丸等); 小食也炸到變了質; 例如薯條超硬, 懷疑炸食物的油出問題;3. 紅豆冰的紅豆全硬, 可能未煮熟那些紅豆;4. 利賓納唔知點解有黑色一點點的"渣";嚇死人! 原本想享受一頓美好的下午茶, 剎那間變成惡夢! 可惡!!!!! continue reading

part time 返灣仔298, 下晝肚餓, 於是食下龍苑.附近有兩間食肆都做緊$18 外賣下午茶3樣野食+1 樣野飲既優惠, 分別係新和味龍同好煮意.其他食肆冇做呢個優惠的, 恐怕真的很難生存.揀左叉燒米線+ 油脾+ 雞蛋沙律治+ 熱奶茶.叉燒米線: 叉燒鞋左d, 米線都尚算彈牙.油脾: 好似冇豉油, 淡.雞蛋沙律治: 掂熱奶茶: 一般等八個字先送到黎, 慢左d.之前食過新和味龍, 油脾好好多的, 不妨一試. continue reading

果日有人派單張黎公司，睇睇下果ｄ餸菜幾吸引喎，所以前日就外賣試下喇！日日都有幾款經濟客飯連例湯或熱飲HK$23．我叫左個粟米肉粒飯送吉列魚柳＆雜菜湯．ｄ飯有少少硬，撈汁食，炸魚柳一塊．個雜菜湯有南瓜，紅籮白，椰菜，薯仔，牛肉，蕃茄，好濃好入味，有ｄ似無加辣既羅宋湯． continue reading