龍糖坊 (好利時大廈)

Open Now

Now Closed

尖沙嘴新開甜品店，主打多款特色中西式糖水，另有雪花冰、飲品同少量小食供應。小店行健康路線，食完罪惡感冇咁大😂 其一大招牌菜為河粉，有芒果、榴槤同水果口味。河粉用椰汁而成，香氣四溢，搭配醬汁，酸甜開胃，值得試。私心推芋圓香芋紅豆奶凍，仲有好多其他配搭，特別鍾意呢度嘅芋圓同奶凍，全自家製，芋圓大粒，咬落煙靭，地瓜味超出、奶凍係椰子味，滑嘟嘟，令人一試難忘。牛油果甘露雙皮奶較清淡，雙皮奶滑順，帶牛油果香氣，養身OK。

係尖沙咀食完飯又見時間尚早就去咗食糖水，依間糖水新開做緊外賣自取9折😲我同朋友一人叫咗一碗食，佢就食 #陳皮蓮子紅豆沙 （$36 +$15湯圓） - 紅豆沙好濃稠，煮到起哂沙好好食。食落有柑柑地既陳皮味👍🏻👍🏻 另外加咗兩粒湯圓，湯圓係另上咁就唔會少到紅豆沙😝#楊枝甘露雪花冰 （$78） - 天氣熱辣辣就梗係叫個冰降吓溫。單人版完全唔單人😂勁大個足夠我同朋友share 食有好多芒果🥭佢啲芒果肉撈咗益力多既味，食落去甜甜地又有乳酸味😋個沙冰係楊枝甘露味兩者溝埋一齊食好邪架地咁夾😈隨糖水仲會有張咭仔去鼓勵我哋，希望食完糖水可以放低啲負能量👍🏻👍🏻

今日同朋友行過沙咀亞士厘道搵嘢食，見到新開咗一間叫"龍糖坊"， 大大嘅綠色招牌非常搶眼，仲係中西合璧嘅感覺非常吸引!我同朋友叫咗店員推介嘅二款特式甜品🥭芒果河粉$58- 芒果汁非常香濃，椰汁河粉條配鮮芒果肉,口感滑嫩香甜,消暑最正!🥥海鹽芝士生椰水$38- 椰青水清甜,再加入濃郁芝士奶蓋與海鹽調和,清爽解膩,夏日必飲🧆桑寄生蓮子蛋 $48- 傳統滋補糖水,桑寄生茶燉煮蓮子及雞蛋, 養血安神,甘潤溫和,秋冬暖身佳品，女士嘅恩物!除咗糖水之外，呢度仲有健康午餐!喺附近返工嘅朋友又可以多一個選擇啦!最後店員仲話俾我知，原來地庫有多一層座位，可容納十幾二十人book場做私人party🥳，都真係幾特別喎!

近排天氣落完雨就好曬，咁岩係尖沙咀買完野，經過見到有間新開的甜品店龍糖坊，環境唔錯，望落幾舒服，主打養生，甜品款式又多選擇，咁一於入去試下。天熱咁熱，當然要試雪花冰，於是叫左芒多多楊枝甘露雪花冰。配料子豐富，俾芒果、藍莓同奶凍包圍住，無論係質感同味道，濃到好似食緊楊枝甘露雪糕咁 ，另外望到鮮奶現製，仲覺得超值！之後就輪到佢的手工芋圓系列，就叫左滿足晒我所有願望的香芋芋圓奶凍西米露，香芋夠晒滑、芋圓煙靭有口感、奶凍Q彈，最特別的地方整體甜品味道唔太甜，所以推介大家熱食，更加有養生的感覺最後就揀左養生核桃糊，一上枱就聞到好香，係面仲見到有核桃碎，每一啖都好似緊核桃咁，感受到真材實料。

同朋友喺尖沙咀海港城行完街，去咗附近食糖水，天氣太熱我哋嗌咗好多凍既甜品雪花冰系列～芒多多楊枝甘露雪花冰（單人版）楊枝甘露變成雪花冰，軟綿綿質地配上新鮮香甜芒果同埋粒粒奶凍，口感香滑冰涼易入口，極適合熱天時吃，十分解暑透心涼。朋友話芒果雪花冰不像坊間的太多冰，這間比例剛剛好！一盤大滿足（熱）以格仔木盒盛載着，有「十年陳皮蓮子紅豆沙」、「招牌蛋白杏仁茶」、「古法香濃芝麻糊」同埋「養生核桃糊」各一杯。最啱心大心細的朋友，一次過可以試晒4款！4款甜度亦啱啱好，紅豆沙用上十年陳皮好香！紅豆蓮桃芋圓仙草奶凍芋圓有嚼勁、有一球紅豆蓉、多款食材混合一起食出層次感，份量好足，甜度好適中！呢度亦有午市營養套餐，仲有是日糖水/涼茶送，有時想午餐有糖水，就可以食喇，好啱上班一族！下次一定要再來。

係尖沙咀同朋友食完飯後，突然想食甜品🍨。經過亞士厘道，見到有間新開既甜品店🍧。於是，就入去試下，我哋叫左三碗糖水：✨香芋芋圓西米露芋圓帶著粗獷的稜角，咬下時糯中帶韌，芋頭香氣從齒間漫開。椰奶🥥溫潤不搶戲，配合埋啫哩狀既奶凍，非常有口感💖✨芒果河粉🥭顛覆我嘅認知，原來透薄「河粉」可以係甜品，好似椰汁🥥凝成的綢緞❗滑溜裹有著的澎湃芒果肉🥭，金黃芒漿與乳白椰條在口中纏綿。口感清爽🥰✨楊枝甘露🥭柚子肉飽滿爆汁，微酸精準切割芒果🥭甜膩；西米煮得晶瑩，粒粒分明，靈魂所在是手榨沙田柚汁，苦澀尾韻讓層次瞬間立體🤩除咗美食，呢度仲環境舒適🛋️，好適合我哋一班朋友坐低傾計。真心比個Like依間新開嘅甜品店💕

這間尖沙咀新開糖水店的甜品超棒，而且還能特出食物的本質的優點。中午來到原本打算點杯甜飲料，見到鄰桌點了份午餐套餐，見着香，於是點了泰式香茅豬頸肉套餐，青提雪花冰和海鹽芝士生椰水。首先泰式香茅豬頸肉套餐包括一飯兩餸一甜品，份量對office lady來說相當充足，雜糧飯健康有益，淮揚紅燒冬瓜爽而非常入味，泰式香茅豬頸肉即是超級有彈性的微微辣脆豬頸肉，香口好食。甜品即是是日糖水，嫩滑蛋白與甜度恰到好處的滋潤雙皮奶。飲完之後意猶未盡，又食了青提雪花冰，這是款賣相超級漂亮的日式甜品，忌廉配上大大粒香印青提子，花青提汁味花冰口感脆脆地在口中響起，夏天也涼快！最後是海鹽芝士生椰水，沉底粒粒彈性生椰肉質感波波加上海鹽芝士的微微鹹香配搭，是一款超好飲的椰水甜品，下次也要點！

真係好好味喎樣樣嘢雖然睇落簡單 但係融合埋一齊好食好耐冇食過咁好食嘅糖水喔，廚房有三個廚師，睇得出佢哋好用心想做好啲糖水，人地食得開心將Menu都整得好靚，啲圖畫好靚。價錢好合理吧，仲要咁好食，好有層次。 新出咗牛油果同榴槤，甘露雙皮奶，下次一定會再去食。其他普通甜品都係三十幾40幾蚊有交易 讚芒果多楊枝甘露雪花冰好足料囉，隻碗又靚。有勁多粒大芒果又甜，幾粒藍莓一塊奇異果，啲水果全部都好新鮮。 椰子啫喱大大粒加埋啲cream超好食仲有少少類似杏仁味嘅脆片貓山王榴槤勁大嚿，隔離嗰啲溝咗cream都係榴槤蓉，配埋個鮮椰汁做嘅河粉，河粉皮好薄好好食🤤每一款甜品都有一句人生道理😆而家like IG仲有布丁送好正

走入尖沙咀亞士厘道新開咗一間糖水舖「龍糖坊」門口散發住淡淡甜香同文藝氣息最令人驚喜係地庫設有聚會空間可容納十多人，非常適合閨蜜聚會或小型慶祝活動芒果河粉🥭絕對係視覺同味覺嘅雙重享受搭配新鮮芒果粒同少許芒果醬，清爽不膩！河粉口感順滑，帶著淡淡椰香同芒果嘅酸甜完美融合，係夏日消暑首選🌞香芋芋圓奶凍西米露呢碗西米露堪稱料多實在嘅代表作香濃椰奶、Q彈芋圓、綿密香芋、爽滑西米，再加上入口即化的奶凍每一口都是層次豐富嘅驚喜🤤特別喜歡芋圓，嚼勁十足且芋香濃郁真材實料手工製作🙌🏻焦糖娟姍雙皮奶採用娟姍牛奶製作嘅雙皮奶，質地細膩奶香濃郁得令人陶醉表面一層薄脆的焦糖，為柔滑雙皮奶增添一絲焦香脆感甜度恰到好處😌

老best👯‍♀️係龍糖坊忠實粉絲，佢話尖沙咀開咗分店新開嘅糖水舖，梗係要陪佢嚟朝聖吓啦🥭芒果河粉 $58河粉滑溜，新鮮芒果香甜，微微椰奶香😋成件事夏日感十足，清新又開胃👍🏻🫘芋圓香芋紅豆奶凍 $50 +$10仙草 (必食)層次分明，芋圓彈牙煙韌，香芋細膩綿密，紅豆煮得啱啱好，奶凍好幼滑👍🏻加埋仙草嘅涼浸浸，全部一齊入口，口感勁有層次，食到停唔到口🤣🥛焦糖娟姍雙皮奶 $40雙皮奶本身已經係港式糖水嘅經典，加入娟姍牛奶令奶味更香濃，上面一層薄薄焦糖，真係好有特色，入口勁滑，養顏啱晒👍🏻下次再去食🤤

🥭 楊枝甘露雪花冰（單人版）HK$78・味道：芒果夠多夠大粒，而且都幾甜冇渣，入邊個冰底好綿密🍧，一啲冰粒都冇～仲有啲椰子凍好refreshing甘甜～・口感：好大杯，可以兩個人share😙🥑 （凍）牛油果甘露雙皮奶 HK$52・味道：雙皮奶好滑好重牛奶香🍼，可能因為凍食所以唔會好漏，正！牛油果蓉食得出係新鮮冇加額外糖漿，個甜味好自然～配奇亞籽有啲嘢咬下咁，掂。整體係幾清爽，唔漏易入口！・口感：滑溜順喉舒服～🍍 羽衣甘藍菠蘿混果汁 HK$38・味道：菠蘿汁超級香甜，唔酸唔會辣口。羽衣甘藍0草青味🥬，加埋有啲鮮果粒，比我想像中好飲好多！・口感：幾smooth冇乜渣！・・・・・・・・・・・・・・・・・・・・🤰性價比：高～🤰9衝度：9衝～🤰結論：木系環境幾舒服，整體嘢食都係水準之上。甜品偏向健康，好食同時冇咁重罪惡感，good㗎！